يقطع اشاره على سرعه .. تساله ليش ؟ يقول مستعجل !!! - نادي الهلال السعودي - شبكة الزعيم

بريماكس · #1 15/12/2008, 03:10 AM

السلام عليكم ورحمة الله وبركاته ..

اليوم الساع 9 تقريباً كنت مع ثلاثه من الشباب واقفين عند اشاره .. الشوارع رئيسيه ومزدحمه .. الاشاره فاتحه للي مقابلينا .. من شان اكثر توضيح الاشارات كالتالي /

1
4 + 2
3

احنا واقفين عند 3 والمفتوحه عند 1 المقابله لنا .. اخينا في الله جاي من عند 4 متجه لـ 2 على سرعه عاليه .. وبنفس الوقت ناس تجي من 1 بحكم الاشاره خضراء عندهم .. والله عوائل واللي معه زوجته ووولده

احنا على طول يوم ولعت طلعناا يسار نبي نلحق الورع

.. لقيناه موقف عند الاشاره الاخرى احس والله العالم انه يبي يقطعه بعد بس قدامه عالم وقفناه وانا واصله قلت خير وش الاستهتار ؟ قال والله معاي ورع وابوديه ؟ وش الورع ومن وين و و الله اعلم

قلت طيب اذا معاك .. تقطع اشاره على عمى ؟ المهم كان الطريق مزدحم ومولعه الاشاره واللي معي مستعجل رحنا لمحل شوي الا يجي لمحل مجاور للي احنا فيه قال خويي شف هذا اللي تو عندنا !

انزلوا اثنين معه وهو يدور ملبق للسياره .. لبق .. قلت لخويي خل نروح نكلمه ؟

رحنا يمه وسلمنا وتبسمنا بوجه

قلت سلامات انت اللي قاطع اشاره تو ؟

خاف قال مدري

قلناله احنا اللي وقفناك قبل شوي .. قال ايه انا .. قلنا عارفين انه انت بس ليش تقطع الاشاره .. قال مستعجل :@

قلت عذر انك تقطع الاشاره ؟؟؟؟

طبعا قبل لاننزل يمه .. قلت لخويي خلنا باسلوب معه لعل الله يهديه ويركد

مع اني احس ان هاالاشكال هذي مايأدبه الا انك تبرمه بسطرتين وبعده حتى لو الاشاره خضراء تلقاه اخذ حذره

==> كفو

قلت يعني مستعجل تقطعه .. وهو يتكلم يضحك

====> والله ماهمه شئ ولا حسب لاي حساب

قلت انت يوم تقطع الاشاره شفت اللي يمين ويسار .. قال مدري بس مافيه احد

قلت وين اللي مافيه احد والله ربك ستر ولا بغيت تطير لك عائله

وفعلاً والله جايه ناس ثواني الا يرقعهم ..

وش ذنب الاطفال تيتمهم من الصغر ؟؟؟؟؟؟؟؟؟؟

قال : انا غلطان .. المهم عطيناه من النصائح اللي تبرد التسبد

قال ان شاء الله ماراح اقطعه ..

قاله خويي كم اشاره قطعته قبل هذي ؟

قال ماقطعت بس هذي اللي قطعته

اللي ابوصله يا اخوان .. الجميع هنا ان شاء منتظم بانظمة المرور وذكري للقصه لاخذ الحذر من المتهاونين والمستهترين بارواح الامنييين

.

اعذروني عالاسلوب بس توني راد وحبيت انزل الموضوع لانه صراحه مهم جداًَ .

دمتم في حفظ الله .

الســفيرة · #2 15/12/2008, 03:24 AM

وعليكم السلام ورحمة الله وبركاته

صباح الخير ..

مع الأسف عندنا فئة من الشباب ماعندهم احساس بالمسؤولية وناااادر يلتزمون بانظمة المرور

يقطعون اشارات ،، يمشون سرعه

وبعدين وش مستعجل عليه ؟؟ لاعنده واحد ينزف ولا مرة بتولد

انا اقترح على كل مرة يقطع فيها الاشارة ينحبس يوم بالسجن

مابيتأدبون الا كذا

الله يصلحهم ويهديهم بس ...

برايفت

انت عسكري ؟؟

ابو طـــــلال · #3 15/12/2008, 03:29 AM

هذا ماعمره مات قبل .. لو يموت مره كان ماقطع إشارة

اسعد الله صباحك بريماكس ...

عـز الهلال · #4 15/12/2008, 03:31 AM

[ .. و عليكم السلام ورحمه الله ..]

..!!..

أجـل [ مفسر ] الأحلام حقي الظاهر أعجبك

و ترآآ عندي مفسرين كثير ,, بس انت حلّم بشي قبل .. وانا اعطيك

.

..

بـــ خصوص [ قطع ] الإشآره فــ والله أكثر شي آخآف منه
هــو قطع هــ الإشآره ..

.

مرآآت تكون موقف عند الإشاره .. ويجيك وآآحد طاير من ورا
يبغى يقطعهـآآ .. وانت هــ الحآله وش تسوي

يا تقطع أو تخليه يصدمك

.

و بــ خصوص هـــ " الفآغر " خويكم

فــ مدري والله وش يحسبه .. معآه عائله ونآآس ويقطع

لا ومن زين التصريف بعد .. ييقول معاي ورع

إقتباس


	قال انا غلطان .. المهم عطيناه من النصائح اللي تبرد التسبد قال ان شاء الله ماراح اقطعه ..

و الله شكل الرجآل .. يقول في بآله
(( ياليل ابو النشبات الي جوني .. خلني افتك منهم بس

))

..

يعطيك الـــ ع ـآآفيه بريمآآكس

ع الموضوع المفيد فـ الحيآه اليوميه

.

وكثر الله من أحلامكـ

.

سلاميشو ...

LBa your heart · #5 15/12/2008, 04:08 AM

وعليكم السلام

هلا والله بريماكس

وش عندك مسوي رجل مرور

ياخي انا بنفسي اقطع اشارات لا شفت الاشاره اللي مفتوحه فاضيه .. أقطع الاشاره

وخاصه بالفجر ومافيه احد

اذكر مره قطعت الاشاره على اللون الاصفر وعلى طول لتوقيف الناصريه وغرامه

والحين اقطع الاشارات عشان احلل قيمة المخالفه

لكن ان شاء الله يهديني ومااقطع ابد

الغدير الازرق · #6 15/12/2008, 05:10 AM

وعليكم السلاااااااام

هلا بريمووو

من جد وهم صادزين وش عندك يالدورية

صدقني ماراح يعرف حجم الخطأ اللي سواه بقطعه الأشارة إلا إذا

طاح الفاس بالرأس .. المهم بشر عساااك صكيته قسيمة بس

دمت يابطل

وليد القحطاني · #7 15/12/2008, 05:15 AM

..

هلا بريماكس

يارجال قطع الاشارة صار عادي عندنا
الرجال اكيد مستعجل على شئ له

وفي نفس الوقت رجال المرور اكثرهم ماصاروا اوفياء
يارجال اليوم في الحي في دورية كبسولة من السيارات الجديدة
تقحص !

والسواق معاه واحد من اخوياه قدام , يعني مو لابس لبس الشرطة
والله حالة

شكراً بريماكس

..

الكلاسيكي · #8 15/12/2008, 09:11 AM

وعليكم السلام ورحمة الله وبركاته ..

هلا وغلا فيك اخوي بريماكس .. اسعد الله صباحك بكل خير ..

والله للأسف , صار قطع الاشاره هالايام مثل شرب الماء , بدون تفكير قبل مايقطع الاشاره ..
والله انك الحين ان ولعت لك الاشاره حذر ويالله تتلفت فيه ناس ماتفكر ولا لها قلب . .

الف شكر لك ع التنبيه ,, والله يكفينا شر الحوادث ..
تقبل احترامي وتقديري ..

دمت بخير

هلالي من ارض اليمن · #9 15/12/2008, 10:20 AM

ابو ياسر

كل عام وانت بخير يا غالي

موضوعك ذكرني بدعابة قديمة مفادها :

شخص امريكي ذهب لمصر للسياحة وبعد خروجه من مطار القاهرة اشار الى تاكسي وصعد معه متجه الى احد الفنادق ..

واثناء سيرهم بالسيارة وصلوا الى اشارة مرورية وكانت حمراء وقطعها سائق التاكسي المصري

هنا جن جنون السائح الامريكي واخذ يصرخ : ما هذا الجنون .. ما هذه الفوضى !!!

قال السائق المصري : ما تخفش يا سعة البيه انا واد " بروفيشينال "

ساروا سوية مسافة اخرى ثم ظهرت اشارة حمراء ثانية فقام السائق المصري وقطعها ايضا

صرخ السائح الامريكي : يا مجنون .. انا لا اريد ان اموت .. انزلني من السيارة ،،،

قال السائق المصري : يا سعة البيه بئولك ما تخفش ... والله العظيم انا واد " بروفيشينال " ،،،

اكملوا المشوار سوية الى ان وصلوا الى اشارة ثالثة وكانت خضراء وهنا توقف سائق التاكسي المصري عند الاشارة ولم يكمل السير ...

طبعا السائح الامريكي اصيب بالجنون والمنخوليا

وقال : انتم حقا مجانين .. كيف اشارة حمراء وتقطعوها واشارة خضراء وتتوقفوا عندها ؟

قال السائق المصري : آه يا سعاة البيه لازم نوئف .. يمكن يعدي واد " بروفيشينال " من هنا ولا من هنا

طبعا الحوار بينهما كان باللغة المنغولية

يعطيك العافيه يا ابو ياسر

وبارك الله كريم نصحك وحرصك على الآخرين

وفي امان الله ،،،

سينمائي الزعيم · #10 15/12/2008, 10:36 AM

بريموووو

عندي سؤال اذا والدتك معاك وشافت العالم تقطع الاشارة

وقالت اقطع تقطعها عشان الوالدة ولا توقف؟

بريماكس · #11 15/12/2008, 03:08 PM

هلا بالاحباب ..

نورتوا الله يسعدكم ..

احلاهم

اي نعم انا زابط

برتبة جندي

امزح مجرد مواطن

ولا تكبيرينن تراي لسى بعمر الزهور

ومو مهم اني اكون عسكري .. الامير نايف الله يطول بعمره يقول المواطن هو رجل الامن الاول

==> يارب انه صح

انا كلامي له والله من القهر .. يعني وش ذنب عائله تروح بسبب بزر متهور ؟؟

ياما سمعنا عن حوادث ووفيات والسبب قطع اشاره !!!!!!

الترنيدو 25

مرحبا اخوي وحياك ..

ما اقطعه ..

يعني لا اخطوا الناس تبي نخطي ؟ اقطعوه نقطعه ؟

امي قالتلي اقطعه ؟ احب راسه واقول لا

للتوضيح فقط .. اخوي .. ترى فيه فرق بين قطع اشاره وقطع اشاره .. يعني تلقاك باخر الليل مثل سالم المتهور

واقف عند اشاره ولا فيه احد ممكن تقطعه طبعاً بعد ماتتأكد ان مافيه احد وطبعا خطأ بس اهون من انك تقطعه وهي حمراء بوقت مثل الساع 9 بالليل يعني زحمه وانت تقطعه على سرعه بدون ماتناظر .. لو كنت مستعجل على الاقل هدئ وشوف الطريق مو على عمى سرعه تقطعه !!

لي عوده تراي راد عليكم وانا علي شال الرائد وشال الهلال ابروح للمعلب

بتحبووووووووووووووووووو مين راااااااااااااااااااااااااااااااااااااائد

==> مندس

بررررررب

abdogAg · #12 15/12/2008, 03:28 PM

المشكلة يحسبنوها شطارة ,,,,,,,,,,

لاحول ولا قوة إلا بالله ....

قاضي الغرام · #13 15/12/2008, 03:53 PM

شف حبيبي إذا المسألة مسألة تقطيع الإشارات

فإحنا قد قطعنا إشارات الى الليل

وما عندك أحد (( عز الله هذا اللي بينقفط ))

ووليد القحطاني أكثر شخص يقطع إشارات في العالم

ما فيه إشارة عندنا في الصيف إذا جاء يم الديرة إلا ويشتريها يا حليلي من وليد بيترصع فيني حرررررام

عالعموم الله يهدينا
شكل الواحد ما يتعض إلا لما يجيه حادث يسنعه

Z ! Z OO · #14 15/12/2008, 03:59 PM

هلا والله بريماكس

قطع الأشارة صار شى طبيعي وأعتيادي
وخاصة في رمضان [ قبل الفطور ]

قطع الأشارة = الذهاب للموت

الله يكفينا شر الحوادث
ويصلح كل متهور

المغيري 1412 · #15 15/12/2008, 04:03 PM

موضوع مهــم والله انا من وجهــت نظري العالم ماراح تعقل إلا إذا صفقوه بغرامه 500ريال عرف ان الله حق وعقــل ومشكوور يالغالي ولاهنت