إقتباس الرسالة الأصلية كتبت بواسطة (((9الهلال15))) تغير الامر عن السابق 180 درجه.. ربما نلاحظ سابقا قطع الاشارات جريمه.. لكن الان ترى انه شيء عادي.. والامور تزداد سوءا بالتنظيم.. ويجب زيادة عقوبة قطع الاشاره..

ياخوي تراه واصله معي بسببة النوعيه هذي

بجد والله انقهر ..

الله يعيين ويصلح الحال ..

الامر ماهو واقف على العقوبه الامر على تفكير الشخص

يعني مافكر لعقوبته .. المفروض يتم يتم توعية المجتمع ويتم زيادة المطويات اللي تحث على الانتظام وغيره !

اما زيادة العقوبه فصدقني اعتقد انه مو حل !!

شرفتني وياهلابك

إقتباس الرسالة الأصلية كتبت بواسطة رائدة الزعيم سئل فضيلة الشيخ محمد بن عثيمين رحمه الله عن حكم قطع الإشارة فأجاب بقوله : ((بالنسبة لقطع الإشارة ، فأرى أنه لا يجوز قطع الإشارة لأن الله تعالى قال : ( يا أيها الذين آمنوا أطيعوا الله وأطيعوا الرسول وأولي الأمر منكم ) [النساء :59] وولاة الأمر إذا وضعوا علامات تقول للإنسان قف،وعلامات تقول للإنسان سر ، فهذه الإشارات بمنزلة القول ، يعني كأن ولي الأمر يقول لك : قف أو يقول : سر ، وولي الأمر واجب الطاعة ، ولا فرق بين أن تكون الخطوط الأخرى خالية أو فيها من يحتاج إلى أن يفتح لـه الخط ، لأنني أنا سألت المدير العام للمرور هنا بالمملكة العربية السعودية وقال : إن هذه الإشارات ليست للتنظيم ولكنها للإيقاف والحجز ، وإذا كان كذلك فهذا لا ينطبق عليه ما أشار إليه السائل في قوله : الحكم يدور مع علة وجوده أو عدمه ، لأن هذا أمر بالإيقاف وليس المعنى قف إن كانت الأخرى مشغولة ، بل المعنى قف نهائياً ، وعلى هذا فلا يجوز للإنسان أن يتجاوز . ثم إنه قد يرى الإنسان أن الخطوط الأخرى غير مشغولة ، فإذا بإنسان أتى مسرعاً ليتدارك الإشارة التي ترخص لـه بالسير ، فيحصل الحادث كما وقع هذا بالفعل ، لذلك نرى أن الواجب الوقوف ، والمسألة والحمد لله لا تعدو ثلاث دقائق ثم ينفتح الخط. أ . هـ )) بالنسبة لي لن أزيد على كلام الشيخ رحمه الله حرف فما قاله كافيا بالحب والإشراق

هلا رائده

جزاك الله خير والله يرحم ابن عثيمين

شرفتيني ولا عدمت هالطله

إقتباس الرسالة الأصلية كتبت بواسطة فجر الرياض هلا بريماكس افا اجل مندس ان شاء الله ترجعون والهلال فايز ولايروح مجهودكم بالنسبه لقطع الاشاره اللي انت نصحته اتمنى انه ينسجن لو يوم عشان يتأدب انا بفهم ليه الإستعجال كل شي مكتوب وماراح يجيك الا نصيبك ليه باستعجالك تعدم ناس مالهم ذنب انا الحمدلله اخواني مايقطعون بس مره السواق قطع واول ماقطعها وانا ادعي اقول يارب يمسكونه وينسجن عشان يتأدب وطبعاً اخوي درى وهو جاه تهزيء بعدها تأدب عمومأ بريماكس اهنيك على روح رجل الامن اللي فيك عوافي ورده ..

هلا وغلا فجـر الرياض

ايه مندس وافتخر ---->

انا هلالي ريداوي يعني يوم مباراة اللي راحت كنت جالس الشوط الاول مع الرائد والثاني رحت للهلاللين لزوم العدل

والله ياختي يوم واحد مو كافي للاشكال هذي !!

اه بس ===============> امنيه اني اكون ضابط بالمرور

والله انك صادقه .. ليس الاستعجال وكل شئ مقدر !!

مو مشكله هذي ممكن الواحد تمر عليه ظروف ويستعجل بس على الاقل خل عندك اهتمام مو على عمى تقطع اشارات وتموت الخلق

ماشاء الله اخوانك مايقطعون شكلك كلام بس ولا لجينا للصدز انواع المخالفات ههههه

ماشاء الله ياكثر سواقينكم يالرياض !! ماقد مريت واحد بالرياض الا القى عندهم فان حق السواق

اجل تدعين عليه السواق افا هذي خاتمتك له يخدمكم وكل شئ وبالاخير تدعين عليه

الله يعطيك العافيه يالغاليه وشرفتين والله

لاعدمت هالطله الجميله !!

سلامي وتقديري لك .

ياحيف عالرجال

والله شي يرفع الضغط بالذات الجيل التالي

هلا وغلا ابو ياسر ورده

ما اقول الا الله يهدي الجميع ..
والله قبل كم يوم قطعت اشارة وانا مدري
بصراحة في بعض الاشارات ما تدري وش تبي تصير حمراء للي يلف يسار وخضرا للي يروح سيدا
وانا كنت بروح سيدا بس كنت اشوف اشارة اللي يلفون يسار واقول وشفيهم واقفين يامال الل..
وما ادي الا اني محاط بانواع السيارات واسمع انواع البواري ههههههـ

قسم بالله عشت موقف صعب جدا

عاد قبل عشر سنوات قطعت اشارة كانت برتقاليه
والى يومك كل ما قطعت اشارة اقول خلني احلل ذيك المخالفة
بس اللحين ما اقطع الا اذا كان الشارع فاضي ..

عاد يقولون ان الثنيان اول ما استلم سيارة كان اذا جاء عند تقاطع ينزل يشوف يمين ويسار
واذا مالقى سيارات مشى ههههههههههههههههههههJ

شكرا بريمكاس ورده

وعليكم السلام ورحمه الله وبركاته

اهلين اخوي بريماكس

مخالفة الانظمه شي يقهر>>احلفي

لاجاني شي تراه من سواقنا الخبل
ياهو يسرع سرعه تقول ملاهي والله لاشعوري اقول شووووووووووووي شووووووووووووووووووووووي واضرب بالحياء عرض الحائط اهم شي حياتي
مشكله مدري وش له الاستعجال لاوراه عيال يحترونه ولازوجه ماوراه الا مقابل جدرات بغرفته
ليه العجله
بس يحترم الاشارات


والله ودك ان الشرطه بكل اشارهـ علشان هالهمجين العجولين
صحيح اني احيانا ودي اقول للي يسوق بس اقطع الاشارهـ
بس حالات نادره
لاصارت الاشاره زحمه وطفشت من الجلسه ولاصارت برتقاليه وحنا بالصف الاول ماتسوى ننتظر

والله الشعب حالته حاله سوا هو او المقيمين صارو يقلدونا
ماغير مطامر على الرصيف سواقنا ياكثر ماسمع صوت احتكاك الظاهر الكفر بالرصيف
عجل وده يطامر بس


ياليت تطبق العقوباات و المخالفات
كل قطع اشاره يسجنونه يوم كودنا نصير نظامين


الله يكفينا شر الحوادث والله يحفظ اهلنا لنا ويحفظكم لنا ولاهلكم

صادق والله اخوي بريماكس..

والله العظيم فيه ناس مادري وشلون طلعوا الرخصة؟؟؟

انواع الغشامة.. ولا بعض الاحيان يطلع غلطان واذا كلمته نفخ عليك؟؟؟؟؟


اما السالفة الي في موضوعك ... وش اقول بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إقتباس الرسالة الأصلية كتبت بواسطة ابو طـــــلال هذا ماعمره مات قبل .. لو يموت مره كان ماقطع إشارة اسعد الله صباحك بريماكس ...

لا يا شيخ تقولي ما عمره مات انت كم مره مت طيب

ما اقول الله يهديهم بس


شكرا اخوي موضوع رائع

هلا وغلا اخوي

ههههههههههههههه اتصدق اني توني جاي من التوقيف وطالع بواسطه

والله اني قاطع الاشاره وماسكيني وطلعوني بواسطه وبرضوا وانا طالع قطعت الاشاراه

يارب انك تهديني والله الاشاراه عندي ماعبر لها اي اعتبار لاكن الله يستر