صحيح بعض الشباب عليه مزح "دفاشة".

إقتباس الرسالة الأصلية كتبت بواسطة fhd-alawfy صحيح بعض الشباب عليه مزح "دفاشة".

إقتباس الرسالة الأصلية كتبت بواسطة الفهد هلا وليد .. ورده ورده والله ياوليد المزح خاصة منك ما اتقبله نهائيا بس لو جينا للصدز انا اتقبل المزح على حسب المزاج .. وعلى حسب الشخص اللي يمزح هل انا ما ادانيه؟ هل انا حاقد عليه؟ هل انا اشوفه انسان طيوب وحبوب امشيها له فيه بعض الناس لو يمزح اخف المزح انفخ في وجهه لأني ببساطة ما ادانيه لكم تحياتي ورده

ما اتوقع في احد يتقبل المزح الثقيل وصدقني صاحب هالمزح لو تمزح معاه بهالطريقه بيتضايق

في ناس لازم نعاملها بالمثل حتى ماتغلط او تنتبه لتصرفاتها


بالنسبه للمواقف صار معاي موقف مشابه لك
وغير اللي ما جا ببالي الحين


تطرقت لموضوع مهم يستهونه البعض
يعطيك الف عافيه يارب ورده

والله المزح الثقيل اليي زايد عن حده ما احبه والمشكله اذا واحد بدا عليك بمزح ثقيل وسويتله مزحه اثقل منهايزعل يقول انا ماسويتلك كذا طيب انت جيتني وانا في امان الله ماجيت احد

هذا انا وولد خالي كنا في الاستراحه المهم في ولد ولد عمي صغير عمره يمكن 9سنين المهم اشغلنا كل شوي جاي يرمي المراكي علينا وكنا فارشين عند المسبح وبدون مقدمات انا وولد عمي مسكناه وبملابسه رميناه في المسبح

بس يا عصب ابوه تعصييييييييييييب موب طبيعي
بس انا اقول في نفسي ولدك اشغلنا يستاهل<<<<<<<<<<<<طيب قله وش دراه انك تقوله في نفسك

هلا وليد

بالنسبه للمزح المزح العادي ماعندي مشكله اتقبله

بس المزح الثقيل ماله داعي خصوصا في بحر والامسبح والا اي شي يؤدي للخطر

مره كنا في مخيم ولد اخوي بدبابه انا امشي في امان الله مالي ولاعلي

ويجي هو مسرع من جهتي بيصدمني يوم قرب مره لف مع الجهه الثانيه

انا اثناء هالحظات وانا اشوفه متنحه ماقدرت امشي اقول من جده بيصكني

بس مره روعني وفي الاخير امزح وش قالولك اصدمك ماعرف اسوق

يالله بزر ويتفلسف انا عصبت عليه مره لااشوفك عايدها لو جايني شي ماراح تنفعني

عموما مزح الشباب ثقيل مره ياليت يخففون منه لأن مو الكل يتقبل

عوافي وليد ورده

افا ياوليد طلعت ماتسبح هذه انا اسميها ام الفشيلة

اما موضوعك عن المزح الثقيل


فانا من الاشخاص الي يحب يلعب على الثقيل وبس في المزاح

بس لازم تستقبل من خوياك مزح ولا تزعل منهم ولا شي والعكس صحيح

وقبل كذا تكونوا متفاهمين

لان الصداقة من وجهة نظري الي يبقى محفور بينكم المواقف والذكريات التي من ضمنها المزح الثقيل


يارجال انا مرة كنا مخيمين بالبحر والشباب نايمين واجيك انا ابغى عند واحد لانه سوى فيني مقلب محترم وبالتصوير :

واطلع الباكت واولع البلف ( الدخان ) واحط السيجارة بين اصابع رجوله ام النذالة بدون مايحس والمصورين جاهزين ومافي اقل من الدقيقة الا واخونا قلب جت لي من الفجعة الي جته وعلى طول قام يدور عليا

لكن وين يلقاني ههههههههه

والحمدالله انتهت رحلتنا ورجعنا سوى وعااااااااادي قمنا نتمسخر على بعض وهذا من اصدقائي الي يمونوا علي كثير


اخوك


وهم الاماكن

هلا وغلا وليد لك شو هالنور وليد سؤال يدور بنفووخي كم مره توقفت انت ياخي

سبع طعش مره طبعاً لا تخاف هذا يدل انك مميز والمميز دايم محارب

بعدين صاير تكتب باللغة العربية الفصحى وش عنده وليد وش صاير بالدنيا بعد التكسير هذاك ايه والله يا بريزن بريك خربت عقول شبابنا حتى وليد صار يكتب باللغة العربية الفصحى <== بدأ يشطح

بعدين وليد سمعت معلومة حبيت اتأكد منها يقولون شبكة الزعيم وصلو لـ 350 الف عضو اكتشفو ان 50 الف يوزر تابعه لك والحين هم يبون يكتشفونها لانهم خايفين تسوي انقلاب

والله ياني شطحت بعد شطحات

نجي للموضوع وليد اي شي يزيد عن حده ينقلب ضده مثل جلستنا ع النت الكثيره ياكثر ماسببت لنا مشاكل دينيه ودنيويه

على العموم جيت اسلم عليك ينطيك العافيه وليد ع الموضوع

كل شيء له حدود وانا عني ماحب المزح الثقيل نهائيا .. ولا امزح مع غيري مزح ثقيل

صحيح انه حلو الواحد يفرفش يمزح يضحك يبسط ينبسط بس بحدود ..

رغم اني عايش بمنطقة ساحلية على البحر الا انني ماعرف اسبح ولاعمري فكرت ادخل البحر لاني بخاف منه كثير مع اني اطلع للبحر بشكل مستمر ... واحب اجلس على الشاطيء


مره بالشقه وانا ادرس بالجامعه جا واحد من اخوياي وانا نائم وحط ورقة ملويه باذني يبي يشوف ردة فعلي .. قمت من نومتي مفزوع وهو كان يضحك

واستلمه كفوف لين استأثمت فيه لاني اعتبر ذا مو مزح ذا قلة حيا ادمي تعبان وجاي من دوام مسائي قفلانه بقعه ووراه دوام صباحي ونائم وانت تستهبل بمزحه مع نائم

هذا من المواقف التي تتعلق بالمزح ورغم ان الحق ركب علي وتصالحت معه الا انني اعتبره غلطان من راسه لساسه


لهذا وانا اخوك الله يكفينا شر المزح الثقيل واصحابة

واحد من اخوياي شال جوال واحد اسبوع كامل سافربه معاه الجمعه ورجعه له يوم الأربعاء وقال مقلب خخخخخخخخخخخخخخخخ

مقلب ايش ذا اللي تعطلني وتعطل اشغالي اسبوع كامل واوادم تبيني ضروري وانت مسوي فيها صاحب دم خفيف


الف شكر على الموضوع الرائع


اخوك : ابو عبدالله

هلا وغلا عوداً حميداً والحمد لله على السلامة يعيطك العافية على الموضوع

عقبال طارق التايب <<<

المزح شيء حلو ومميز ويكسر الحواجز والرسميات الي مااحبها

يعني المزح يكون بحدود لكن المزح الثقيل على حسب غلاته او غلاتها

يعني المزح شيء خلو ومميز عندي لكن في شيء ماتحبه وعندي موقفين بسدحهم

الاول :

تعرفون بالثانوي اول مافي الا 7 او 8 بالكثير والله حد الوناسه

الله يذكرها من ايام وبتحديد احلى مرحلة درست فيها اول ثانوي الله والله لو ودي اني ابقى فيها الين اخر العمر من كثر الوناسه بصراحه مااسميها دراسه (لعب + مزح اثقل من اي مزح )

نبدأ بسم الله

كنت بالاول ثانوي وتعرفون مافي الا 7 يعني اذا مافي درس الحصة السابعه والسادسه برا المدرسة

تقريباً كل مرة نطلع واحد من الشباب يعزم الشباب

في مطعم ونروح نتغدا ونفلها

مرة جاء احدهم <<

واحد بسيارة (ددسن) والثاني كورلا

كنت راكب مع الددسن

ومع الكورلا مافي الا واحد معه وكان بالشارع العام كان ملك لنا

يعني في تقول بايع السيارة مجاناً قرب

كانو يتقاومون .. يتسابقون << للبنات

وبصراحه روعه تعرف الشارع العام في اكثر من 5 خطوط يعني صعب تسبقة ولايجيك

يعني يروح من الخطوط الباقي وراعي الكورلا سبقنا

ويجيك يضيق المساحه علينا

مرة يمين ومرة يسار

وراعي الددسن داعس ويجيك الاخ ويروح يسار يحسبه بيخفف والكل اعتمد على الثاني

واسمع الا طاااااااااااااااااااااااااااااااااااااااااااااااااااااخ

راعي الكورلا يمزح يقول جب الشرطه

بس بصراحه كان الموقف اعتبره من المزح الثقيل < مع انه ماله دخل بالمزح

________

الموقف الثاني

ولد عمتي هذا اكره المزح معه ورب البيت يدي قريب الكسر ووهو يضحك ولافها ومابقى شيء وابكي

بس مرة كسرت يده

بدون مدري والله

بضبط ماادري كيف بس

كان الوقت العصريه ويوم الاربعاء

كنت اصغر من الثانوي يعني بالمتوسط او الابتدائي ممكن

ماادري وش رايحين له

بس جاء شيء خلنا نرجع باسرع وقت ممكن للبيت ماتذكر بضبط وشو

حطينا رجولنا ويالله دوووووووس

وكان في محل للمستلزمات الرجاليه ... كان فيه تعديلات قدام المحل يعني مكان الممشى

وانا كنت فوق على اليمن يعني يساري الحفرة بضبط

ولد عمتي توه شاف الحفرة جاء عندي على اليمين ومن ثقل مزحي دفيته دفه بسيطه

وطاح على يده وبضبط (الكوع) وسبب له كسر عنيف

هو طاح وانا ادوس اطالع يساري مااشوف احد وقفت واناظر وراي

اشوفه يبكي

على الاقل يستاهل كان مايبغى الا يكسر يدي

وجيته وهو متقططع من البكي

ورجعنا البيت نفس ماكان نمشي عليه وهو الركض

بس بركض الكسر

وصلنا البيت اشوف الباب ترفس منه

من كثر الالم والحمدلله تم تجبيرها

وانا برى السالفه

الحمدلله المزح حلو بس يكون بعقل

والف شكر اخوي الوليد

وان شاء الله مايصير لك مثل التايب


ترى اذا مافهمتم شيء ولله من التعب

ياشين المزح الثقيل حتى لو
كان اقرب الناس اليك
بس أشين شي الي يمزح معك في
المسبح أكره شي هذه

إقتباس الرسالة الأصلية كتبت بواسطة وليد القحطاني سؤال أتمنى الاجابة عليه :- هل تتقبل المزح الثقيل حتى لو كان جارح و من أقرب الناس؟

بأجاوب ولا يكون خاطرك ألا طيٍب


تبي الجد أتقبًل مو لعيون الشخص لأ
والله اللي مريٍحني الحسنات اللي بأكسبها من ورى تقبُلي للكارثة



طبعا هذا لا يمنع الحمد والشكر لله على نعمة الدم الخفيف <




سلاااام قبل لا أنجلد






قبل لا أطٍس > عوااااااااافي على الموضوع اللي طالع من قلب