هلا والله اخوي وليد

الحمد لله على سلامتكـ خيو...

باجاوب ع السؤال سريع سريع

إقتباس الرسالة الأصلية كتبت بواسطة وليد القحطاني سؤال أتمنى الاجابة عليه :- هل تتقبل المزح الثقيل حتى لو كان جارح و من أقرب الناس؟

شوف المزح الثقيل انوااااااع واقرب الناس لي يختلفون يعني كلهم لهم معزه بس تختلف شخص عن شخص

شوف على حسب الشخص ومحبتي له لو هالشخص سطرني تسطير

وقااااااااااال امزح راح اقول خذ راحتك >>طبعاً هذا من شخص احبه

اما مثلاً تجي وحده من صاحباتي وتجر شعري >>عقدتها شعرها
وتقول امزح راح اتقبل بس راح اشيل بخاطري شويات

وليد الله يعطيك على هالموضوع

تقبل مروري بنت فهد

بالنسبة لي طالع برا حرب المقالب والمزح بين أخوياي لأني شاركت مرة فيها وبغيت اروح ملح

عشان كذا أصير متفرج أحسن لي

ويفضل إن الواحد يتجنب المزح مع اللي يعرف إنهم ما يتقبلونه

و عليكم السلام و رحمة الله و بركاته

حياك الله وليد


المزح و ما أدراك ما المزح
إذا كنت مروق اتقبل المزح الثقيل لكن من القريب يعني الي يمون
لكن يجيك واحد دمه ثقيل و يمزح معك مزح ثقيل دور لها حل هذي

أذكر مره كنت في مسبح نادي الرياض عاد يالله اسبح بـ اللستك
و يجي ولد عمي و يدفني الله لا يوريك لحظتها صرخت الي في المسبح كلهم يناضروني
و من ذاك اليوم حلفت اني اردها له , و للحين ما سويت معه شي <---- نيته شينه

هل تتقبل المزح الثقيل حتى لو كان جارح و من أقرب الناس؟

مثل ما قلت لك (( إذا كنت مروق اتقبل المزح الثقيل لكن من القريب يعني الي يمون , إذا كان قريب
بالمره يعني انواع الميانه ممكن نتقبل لو ما كنت مروق ))



وليد لا عمرك تتوقف


ورده
أخوك

× ×

إقتباس كما للصبر حدود .. أيضـاٌ للمـزح حدود ..!!

× ×

..........................

انا والله ماعرفت لي .. مره اكون وسيع صدر اتقبل أثقل مزح في العالم
ومره ياويل اللي يقول لي ألتفت وراك

انا اشوف ان المزح لازم يكون بحدود حتى لو ان الطرف المقابل يتقبل المزح لأن كثره المزح تخلي الواحد بجيح وتصير المزح عاده فيه ويمكن يطيح في واحد أقشر

وليد .. عوافي على الموضوع الجميل والحمد لله على سلامه اليوزر والا انت كل يوم مرتز في المسن

صحيح بعض الشباب عليه مزح "دفاشة".

ما اتوقع في احد يتقبل المزح الثقيل وصدقني صاحب هالمزح لو تمزح معاه بهالطريقه بيتضايق

في ناس لازم نعاملها بالمثل حتى ماتغلط او تنتبه لتصرفاتها


بالنسبه للمواقف صار معاي موقف مشابه لك
وغير اللي ما جا ببالي الحين


تطرقت لموضوع مهم يستهونه البعض
يعطيك الف عافيه يارب ورده

هلا وليد ..

المزح الثقيل أنا ما أحبه بتاتاً البته {

بس ما أخبي عليكـ أنا مزحي ثقيل وفي أغلب الأحيان ينتج عنه شيء ..
إما يروح فيها اللي مزحت معه أو آكل علقه يحبها قلبكـ .. }

مرة مزحت مع أخوي الصغير ( عبدالله ) طبعاُ لقبه المعروف عنه في كل مكان
هو ( اليابس )
أنا مسكته مع رقبته في الشارع والعيال متجمعين وقلت شفتوا يابس وهو يموت
وهم يضحكون طبعاً مسكته الين تقلبت عيونه }
أنا أحسبه يمزح فكيته بسرعه على طول شفته ساجد على الزفلت أغمى عليه

طبعاً خفت وجلسنا ثواني يوم قام جبهته متورمه من الطيحه .. أنا تسدحت ضحكـ
هو قام وجاب ( عجرهـ ) وأنا حطيت رجلي .. } ..
{ ومن يومكـ وأنا ما أمزح مع أحد ومحد يمزح معي }
:: تحياتي ::

والله المزح الثقيل اليي زايد عن حده ما احبه والمشكله اذا واحد بدا عليك بمزح ثقيل وسويتله مزحه اثقل منهايزعل يقول انا ماسويتلك كذا طيب انت جيتني وانا في امان الله ماجيت احد

هذا انا وولد خالي كنا في الاستراحه المهم في ولد ولد عمي صغير عمره يمكن 9سنين المهم اشغلنا كل شوي جاي يرمي المراكي علينا وكنا فارشين عند المسبح وبدون مقدمات انا وولد عمي مسكناه وبملابسه رميناه في المسبح

بس يا عصب ابوه تعصييييييييييييب موب طبيعي
بس انا اقول في نفسي ولدك اشغلنا يستاهل<<<<<<<<<<<<طيب قله وش دراه انك تقوله في نفسك

هلا وليد

بالنسبه للمزح المزح العادي ماعندي مشكله اتقبله

بس المزح الثقيل ماله داعي خصوصا في بحر والامسبح والا اي شي يؤدي للخطر

مره كنا في مخيم ولد اخوي بدبابه انا امشي في امان الله مالي ولاعلي

ويجي هو مسرع من جهتي بيصدمني يوم قرب مره لف مع الجهه الثانيه

انا اثناء هالحظات وانا اشوفه متنحه ماقدرت امشي اقول من جده بيصكني

بس مره روعني وفي الاخير امزح وش قالولك اصدمك ماعرف اسوق

يالله بزر ويتفلسف انا عصبت عليه مره لااشوفك عايدها لو جايني شي ماراح تنفعني

عموما مزح الشباب ثقيل مره ياليت يخففون منه لأن مو الكل يتقبل

عوافي وليد ورده

افا ياوليد طلعت ماتسبح هذه انا اسميها ام الفشيلة

اما موضوعك عن المزح الثقيل


فانا من الاشخاص الي يحب يلعب على الثقيل وبس في المزاح

بس لازم تستقبل من خوياك مزح ولا تزعل منهم ولا شي والعكس صحيح

وقبل كذا تكونوا متفاهمين

لان الصداقة من وجهة نظري الي يبقى محفور بينكم المواقف والذكريات التي من ضمنها المزح الثقيل


يارجال انا مرة كنا مخيمين بالبحر والشباب نايمين واجيك انا ابغى عند واحد لانه سوى فيني مقلب محترم وبالتصوير :

واطلع الباكت واولع البلف ( الدخان ) واحط السيجارة بين اصابع رجوله ام النذالة بدون مايحس والمصورين جاهزين ومافي اقل من الدقيقة الا واخونا قلب جت لي من الفجعة الي جته وعلى طول قام يدور عليا

لكن وين يلقاني ههههههههه

والحمدالله انتهت رحلتنا ورجعنا سوى وعااااااااادي قمنا نتمسخر على بعض وهذا من اصدقائي الي يمونوا علي كثير


اخوك


وهم الاماكن

إقتباس الرسالة الأصلية كتبت بواسطة فديته عمري الهلال ههههههههههههههههههههههههههههه المهم يعطيك الف عافيه على المؤقف الحلو وانا برضوا ما احب المزح حتى لو كان من اقرب الناس تحياتي وتقديري لك