:: اسـأل والمجلس يُـجيب :: - صفحة رقم 20 - نادي الهلال السعودي - شبكة الزعيم

وليد القحطاني · #286 20/10/2008, 02:14 AM

^

طلال

من جدك انت تبغى تسمن !

والله احسبك تمزح معي خخخخخ !!

لكن شكلك صامل يالدب

بريماكس · #287 20/10/2008, 07:39 AM

إقتباس

الرسالة الأصلية كتبت بواسطة الغدير الازرق


	إلا على طاري السمنة ماتخبرون شي يسمن ؟؟ << يلف ويدور على هالسالفة مافي شي ماجربته إن زدت زدت كيلو وإن نقصت نقصت 3 كيلو دفعه وحده حرااام والله وزني بالصيفيه 62 الحين 55 والله قهر اخوي الصغير اسمن مني بالله هالشي يرضيكم

ههههههههههههههههههههههههههههههههههههه

شف اذا لقيت حل بالله خبرني لاني لحد الان مالقيت حل

لكن من وجهة نظري اعتقد ان كمال الاجسام تضبط الجسم والاكل الكثير يعني باليوم كل خمس وجبات الفطور والغداء والعصر مرلك مطعم والعشاء تعش وقبل لاتنام كلك شئ

احس لو تسوي كذا بكرى راح تجي وتسال سؤال .. كيف اتخلص من السمنه

امس ابدخل صاله رياضيه كمال اجسام عاد والله يانا احس ابصير مهايطي من جد

بس المشكله لابزعت وهايطت على ناس اكبر منك وخلطوووك

بليز سؤال .. تاريخ تسجيلي كل وقت يتغير وش السالفه ؟

اليوم 18 - بكرى 19 ثمن يرجع 18 وهكذا

S K Y · #288 20/10/2008, 08:33 AM

إقتباس

الرسالة الأصلية كتبت بواسطة بريماكس


	ههههههههههههههههههههههههههههههههههههه شف اذا لقيت حل بالله خبرني لاني لحد الان مالقيت حل لكن من وجهة نظري اعتقد ان كمال الاجسام تضبط الجسم والاكل الكثير يعني باليوم كل خمس وجبات الفطور والغداء والعصر مرلك مطعم والعشاء تعش وقبل لاتنام كلك شئ

بالله اذا لقيتوا حل لا تنسوني

..
الا على طاري كمال الأجسام قبل سنتين سجلت في مثل هالفتره قبل يدخل الشتاء .. شبكت المدرب وماصرت اداوم < ياسمجك

لا الجد اني سجلت اربع شهور داومت اسبوعين وسحبت على الباقي والسبب دخول فصل الشتاء الدنيا برد والمسبح مايصلح والنوم زاد وبالقوه أطلع من البيت
عشان كذا اذا منت مستعجل على النادي أجلها لين يخلص الشتاء

وعلى فكره ترى مو لازم تكثر من الأكل الدسم .. ترى المكسرات والشوكولاته وشغلات الصغاار البسيطه تسوي شغل يعني اذا طلعت مر على بقاله خذ لك جلكسي واذا كنت على النت أفرش جنبك كيس مكسرات .. انا لي فتره طحت في (أنوش) واحس وزني بدا يزيد لكن مو بالشكل اللي ابيه

لا أوصيكم بالمكسراات

مَاهِينُورْ · #289 20/10/2008, 10:12 AM

^
^

الغدير و بريماكس و سكاي و زيادة عليكم واحد من اخواني ورده

دابلن تسبدي دايم يدور عندي شي يسمن

أتوقع لو تشوفونه قلتوا الحمد لله خلونا على وزننا أبرك

الله يرحم حالكم ويرزقكم شحم ولحم يربربكم

إلى الآن ماسمنتم ؟

احمدوا ربكم الخف نعمه

~> أمي تقوله

تبون أعشاب وخلطات؟

تراي دائماً أسمع الدكتور عبد الباسط المتخصص بالطب النبوي اللي يجي على بداية

في وصفة قالها تفتح الشهية وتسمن

اللي هي

عشبة الـ أَمْلَج

> بتعجب أبو ناصر هالعشبة

عشرة جرام من الاملج مطحون يذاب في كيلو عسل نحل

ثم بعد ذلك ناخذ ملعقة صغيرة منه ونذيبها في كوب ماء وتشرب قبل الاكل بربع ساعة

> أتخيلكم تسوون الخلطة

بس ترى الأملج صعب ماينطحن إلا بالنجر

وأكيد إنكم تقدرون عليه معطيكم ربي قوة ما شاء الله

دار راس أمي جلست يوم كامل وهي تدقه وعيّا ينطحن

..
وفي عشبة مجربة من الدكتور جابر القحطاني

زينتها قريبة لي وما شاء الله تحسنت

هي ماهي عشبة فاكهة مجففة

اللي هي التين المجفف

تلقونة بالبقالات

وطريقته تقطعونة مكعبات وتطبخونة مع حليب بس بدون سكر

لأنه بيخرب طعم التين وماتقدرون تاكلونه

بعد مايطبخ طلعوا التين وكولوه و اشربو الحليب بعد ماتضيفون السكر إذا تبون

> عاد جاكم الشتاء بتشربون حليب كثير عشان يدفيكم مع زنجبيل

والطعم ترى مو بالحيل لأني سويته لأخوي المعصقل وما أعجبه

.
عاد مادري إن شاء الله يعجبكم

..

وبالهنا والعافية ورده

إذا صار لكم شي لا قدر الله ترى ما أعرفكم

..

بريماكس ورده

إقتباس

إقتباس


	ابومساعد لك وحششه والله . تكفى تكفى تكفى ارجع

أول ماقريت التوقيع جيت برووح للجمهور بشوف رئيسنا عبد الله بن مساعد لا يكون استقال

لكن فكرت وتذكرت إنك تقصد أبومساعد ولدنا اللي غايب

الله يسامحه ولا في عضو مميز مثله ويترك بيته

.
تكفى تكفى ارجع

> يقولك بريماكس

كان هنا · #290 20/10/2008, 02:43 PM

طيب والي عنده شحم حتى في الكوع والركبة وش يسوي

<< يسلف طلال وابراهيم

.
/
الحل يا شباب أنكم تزورون اخصائي تغذية .. لان كما ان السمنة مرض .. فالنحافة مرض ايضاً .
زيارة طبيب متخصص أفضل من الدسم الي ما يزيدك الا دهون وكوليسترول ومدري وش بعد ^^.

F I N A L · #291 20/10/2008, 07:03 PM

شباب
بما إنكم تتكلمون عن النحافه والسمن

عندي واحد من العائله
عمره 19 سنه ووزنه ما يتعدى 45

نبغى نروح لأخصائي تغذيهـ,

سؤالي
وين يلتقي أخصائي التغذيهـ,

أبغى مستشفى ينفع أروح لهـ, ^_^

تقديري

Hilali88 · #292 20/10/2008, 07:36 PM

صالات كمال الأجسام جيدة للي يعاني من النحافة
كلها سنة وتصير مايك تايسون

بس لا تهايطون

والأكل خمس وجبات في اليوم
فطور وغدا وعشا ووجبة قبل التمرين ووجبة بعد التمرين

أنا تمرنت لمدة أربع شهور واستفدت

^ العنود ^ · #293 20/10/2008, 07:46 PM

جد جد ماعندكم سالفه

الناس تتدور النحف وانتم تتدورن السمنه ,,

وربي ابلعوا العافيه ,,, واحمدو ربكم

الا مين يتبرع ارسله له جدولي ويفهمني اياه

dal3_uae · #294 20/10/2008, 07:50 PM

انا اللي اعرفه ...

انه السعوديين ما يحبون المتن ....>>>>>>>>>> ؟؟؟؟

هاي مشكلة الكل ...اقصد مشكلتين ...

الضعيف يبى يمتن

والمتين يبى يضعف ...

>>>>>>>>>>>> اما انا الحمدلله ... وسط ...

>>>>> اتغايضكم

حل الضعيف ... الحلبة ...
واللي يبى يضعف ... بعد الساعه 5 العصر ما ياكل شي ... غير المشروبات ... عصاير وماي وجذي ... بدون غازات طبعااااا ..

>>>>>>>>> مجرب من كذا شخص ... وهالكلام من اخصائي تغذية ...

يعني مب من عندي ...

والله زمان ما دخلت هالموضوع ....

ما باركتولي ...

شرينا الارض اللي في الرياض

>>>>>>>> هالموضوعين اللي انا ارمس عنهم ...
كانت لي اسأله بخصوصهم ... يعني مب خارج الموضوع ...
7
7
7

أبو راس · #295 20/10/2008, 07:59 PM

هذا الموضوووع للاستفسارات والاجابات
مو الشتشتة
نرجو الالتزااااااام لتعم الفايدة ويستطيع اصحاب الاسئلة الحصول على اجاباتهم بسهولة..
مو يقلب عشرطعش صفحه يدور مين جاوب عليه وسط بعض الردود اللي مو هذا مكاانها

وليد القحطاني · #296 20/10/2008, 09:47 PM

^^^

قسم ان كلامك صحيح ورده
...................................

S K Y · #297 20/10/2008, 09:49 PM

إقتباس

الرسالة الأصلية كتبت بواسطة ^ العنود ^


	الا مين يتبرع ارسله له جدولي ويفهمني اياه

حطي جدولك في هالموضوع وإن شاء الله يفيدونك الأعضاء

إقتباس

الرسالة الأصلية كتبت بواسطة أبو راس


	هذا الموضوووع للاستفسارات والاجابات مو الشتشتة نرجو الالتزااااااام لتعم الفايدة ويستطيع اصحاب الاسئلة الحصول على اجاباتهم بسهولة.. مو يقلب عشرطعش صفحه يدور مين جاوب عليه وسط بعض الردود اللي مو هذا مكاانها

شدعوى يا ابوراس لا تصير من اللي يتصيدون في الماء العكر

بالعكس الردود كلها تحمل فائده و اجابه على أستفسار السمنه والفائده ما أنقطعت إن شاء الله انها عمت

اللي يشتشت امثال المدعوا وليد كما في الردود أعلااه

وليد يرحم والديك أرحم اليوزر

الـسـلـطـان · #298 20/10/2008, 10:02 PM

مرحبا بالجميع

عندي سؤالين متناقظين ونبي جواب

س 1 / إذا دقيت من جوالي ع 902 وابي اكلم الخدمه , يعني اضغط رقم " صفر " يرجع يقول لي القائمة الرئيسية ؟؟؟؟؟؟ هو البلا من جوالي ولا منهم

س 2 / إذا ابي أفتح النت من شريحة " زين " كل ما افتح شيء يجي " الموقع محجوب "

حتى لما أفتح الزعيم يقول محجوب

وش الدبرة ؟؟

وأنا سمعت إن الأرقام اللي تبدأ بـ 0598 يكون عليها عرض

صح ولا فقش ؟؟

الهلالي دائماً · #299 20/10/2008, 10:44 PM

الموضوع مراقب بالرادار

الوزن المسموح به 55كيلو

دمتم بخير وعافية

MaRoUaNe · #300 20/10/2008, 10:57 PM

إقتباس

الرسالة الأصلية كتبت بواسطة الـسـلـطـان


	س 1 / إذا دقيت من جوالي ع 902 وابي اكلم الخدمه , يعني اضغط رقم " صفر " يرجع يقول لي القائمة الرئيسية ؟؟؟؟؟؟ هو البلا من جوالي ولا منهم

لا تضغط صفر على طول .. اصبر لين يتكلم شوي

ثم اضغط واحد تبع الفواتير ثم صفر ..