السلام عليكم ورحمة الله وبركاته..
كيفكم ياهلاليين..وايش اخباركم..
كل عام وانتم بخير..
ابغى اسألكم سؤالين ..كيف نظام نومكم؟معدل ولا خربان..؟؟!>>اكيد خربان 1% معدل و الباقي..الله يهدينا بس..
وكيف تحسون رمضان هذي السنه.؟.يعني من حيث النظام >>احس "حيث" داخله عرض..
ايش رايكم بالنسبة للطلاب واللي يشتغلون في السلك التعليمي .. الاجازة حلوه بدون نظام الدراسة.؟؟!.
طبعا اكيد حيكون في اختلاف في الآراء..
انا من رأيي .. انو الدراسة نظااام واتمنى انو ترجع الدراسة والله الدراسه نظام خليني اوريكم ليش نظام ..
بكره رمضان >>فرضاً نتسحر..نصلي الفجر.. ننام ..نقوم الساعة 9 ص..دوااااام ..الساعه 3.. الظهر مصلينه في الدوام..جا وقت العصر نصليه في بيوتنا..نقرا لنا كم ايه..البنات(يساعدون امهاتهم ) الشباب يا يقرون او يريحون شوي..المغرب ..فطور+صلاة المغرب..البعض يشوف دروسه والبعض يريح ..صلاة العشا والتراويح .. نجلس شوي ونناااام ..الاجازة هذي لها ايجابيات وكمان لها سلبيات..

من ايجابياتها ..

*انو بعض المعلمين والمعلمات اللي يشتغلون في مناطق غير مناطقهم قضو رمضان مع اهاليهم.

*بعض الناس اللي ساكنين في المدن قدروا يقضون رمضان في ديارهم..

*وبعض الناس قدروا ياخذون عمرة هذي السنة ..

*بالنسبة المعلمات (للامهات)..كل وحدة فيهم قدرت تقضي اشياء العيد في شعبان..

^^^^^^^^^^^^^^^^^^^
نجي للسلبيات..

*السهر..>>>رئيسهم خخخخخ

*النوووووووم الكثيييير اللي يبدأ من الساعه 12 او 11 الظهر وينتهي على سفرة الفطور>>صح ولا لأ>>الا صوح بما انو في سهر اكيد بيكون في نوم..

* التلفزيووون..في ناس صارت تتابع المسلسلات ورا بعض واذا فاتها شي تشوفه في الاعادة..>>لازم مايفوتها

*القرآن .. في ايام الدراسة.. الواحد فينا كان يقراء له كم صفحة كم اية بين الحصص او المحاضرات او في السيارة (اتكلم عن اللي مايسوقون احم احم) واحنا راحين لمدارسنا او جامعاتنا..
^^^^^^^^^^^^^
معليش الموضوع جا متأخر بس كل مااسأل احد ..رايه يكون من رأيي ..وانتو ايش رايكم..

اتمنى من الكل يتفاعل مع موضوعي ويقول عن رأيه ..