|
الهلال ماراح يوقع مع موبايلي ولا الاتصالات تدرون وقع مع .... السلام عليكم ورحمة الله وبركاته الهلال ماراح يوقع مع موبايلي و الاتصالات لانه موقع عقده معكم ياجمهور الزعيم بدون مساومات من اول ما تأسس هذا الكيان لان يحز بالنفس ناس من الجمهور تتكلم نبي موبايلي نبي الاتصالات ما احد تكلم بصراحه وقال اهم شي مصلحة الهلال انتم المفروض ماتخلون مجال للعالم تساوم الاداره فيكم اتمنى الاطلاع على الموضوع بالكامل وبتعرفون محبة موبايلي لكم وليه تبيكم والاتصالات بعد انتم راس المال الحقيقي للهلال والله انتم ياجمهور كنز الهلال . الهلال يقدر يحصل على اللي يبيه اذا وحدتوا كلمتكم انتم وبس. هذي المقدمه اللي فوق بس علشان ما احد يزعل من العنوان :clapping: بدخل في الموضوع في تصريح قد يحسب على المسئول الاعلامي في شركة موبايلي باخذ منه كلمه بس( العاطفه) اعجبتني الكلمه هذي كثير من شخصيه يجب عليها انت تكون ذات احترافيه بكل كلمه تنطقها بحكم منصبه .هذا الشخص يجب ان يدرك ان الشعب السعودي وبالذات الجمهور الهلالي لا عاطفه تؤثر فيهم لان علاقة جمهور الهلال مع ناديهم ليست علاقة عاطفه!!! انما هي علاقة عشق . جمهورنا انا لا انكر ان موبايلي قدمت للهلال!!!! عقد مميز في السابق وامور مميزه للنادي لكن مهما قدمت فهي بحاجة الزعيم والزعيم ليسى بحاجتها لانها هي المستفيده من نادي الهلال. هل تعلمون يا اخوان ان موبايلي شركه ربحيه وتهمها مصلحتها الشخصيه فوق كل اعتبار؟ هل تعلمون ان موبايلي خلال سنه واحده من عقد الهلال استخرجت من جهمور الهلال مايفوق عقدها مع الهلال لخمس سنوات. بتقولن كيف اقول لكم شلون بحسبه بسيطه جدا وامور قد تخفى على الجميع رغم ان هذا الكلام اللي بقوله مو من وحي خيال ولا من كلام فالهوا اللي بتكلم فيه من مجال دراستي الجامعيه. حسب كلام موبايلي ان عدد مشتركين الموج الازرق هم 100000 عميل يعني حسبه تقريبيه هذي وهذا كلامهم موثق في تصريحاتهم لنفرض من بيشترك في الموج الازرق اكيد جمهور الهلال طيب جمهور الهلال وش يهمه يهمه اخبار الهلال طيب اخبار الهلال وين يحصلها في موبايلي عن طري موبايلي الهلال طيب موبايلي الهلال الاشتراك الشهري لو فرضنا انه 12 ريال للقناه الواحده يعني 144ريال في السنه يعني لكل 100000 عميل موبايلي تطلع من ظهره بس لخدمه وحده غير المكالمات ورسوم الخدمات الاخرى 14400000 طبعا الرقم هذا للقناه الواحده واغلب الجمهور مشترك في اكثر من قناه. والمصيبه ان اغلب المشتركين في اكثر من قناه حسبت عليهم تكلفت الخدمه وماتوصلهم رسائل بشكل دوري فالاسبوع يمكن رساله :) او مايوصله شي وهذي خدمه وحده بس لجمهور الهلال تطلع منها المبالغ هذي فما بالك بالخدمات الاخرى. موبايلي سبب تفوقها على الاتصالات السعوديه مو فلوس ولا خدمات ولا جودة خدمه انا ما امدح موبايلي بقدر مااوضح لكم بعض النقاط سبب نجاح موبايلي (الدعايه والتسويق) ماقال مسئول الاعلام في موبايلي كلمته هذي (العاطفه) من عبث هو يعرف ان بعض الشعب السعودي دائما ماينساق خلف الدعايه دون ان يتمعن في محتواها. لان التسويق علم غزير وهو من اهم الامور اللي تخفى علينا في الوقت الحالي في المملكه مجال التسويق لازم الجميع يدركه. لان لما تقول لواحد انا اعمل في مجال التسويق يقول يعني بياع :) مايدري ان المبيعات تخصص صغير من علم التسويق هذي الشطحه بس علشان ما احد يلومني يوم حبيت اوضح النقطه هذي. نعود لمحور حديثنا لو كل شخص اذا اطلقت موبايلي دعايه يتمعن في هذي الدعايه يجد ان مصلحة موبايلي فيها اكبر من مصلحة العميل والعميل اقصد فيه جمهور الهلال :) كيف بقول لكم كيف موبايلي تقولون قدمت لكم كجمهور خدمات .طيب ناخذ وحده من الخدمات هذي اللي قام بأنزالها في منتدى الزعيم سنترال موبايلي وكان عنوانها فقط لجمهور الهلال http://vb.alhilal.com/t559358.html العرض هذا مطروح في موبايلي قبل ماتوقع الشراكه مع الهلال وهو عرض (ياسلام) ارقام مميزه برسوم شهريه على الرقم المميز ودقائق مجانيه طيب طالما انه فقط لجمهور الهلال ليه تم انزال فكرة هذا العرض سابقا وش جابت موبايلي جديد لكم ياجمهور الزعيم اللي تحبكم موبايلي مكالمات فيديو مجانا :) انا اجزم ان صلاحية المكالمات تنتهي وما استهلكها العميل لان مكالمات الفيديو اقل استخدام من الصوتيه ليه ماحطت لكم مكالمات صوتيه طالما انها تحبكم وتبحث عن مصلحتكم!!! وموبايلي اطلقت هذي الخدمه لكم الدقايق المجانيه وهي ماقامت بتغطيه المملكه كامله بالجيل الثالث . و20 هلله لدقيقه مطروح في باقات خطي بلس :) ومثال اخر على مجال التسويق والدعايه (العربي) لموبايلي وحطوا تحت العربي خطين لان فالغرب ماراح يحصل مثل كذا. وهذا العرض ماكان خاص لكم كجمهور الزعيم هو كان لجميع عملاء موبايلي ركزو معي كيف تم عمل الدعايه كان العرض أطلقت شركة موبايلي يوم أمس السبت 21 ربيع الأول 1429ه الموافق 29 مارس 2008م عرضاً خاصاً على الرسائل النصية ( Sms ) تمكن المشتركين من ارسال كمية غير محددة من الرسائل من بسعر ثابت دون النظر إلى عدد الرسائل المرسلة، ويشمل هذه العرض الباقات المفوترة والمسبقة الدفع و(موبايلي أعمال). ويوضح الجدول التالي سعر وطريقة الاشتراك في هذا العرض: السعر المدة طريقة الاشتراك الباقة ريال 5 يوم أرسل س1 إلى1100 باقة الرسائل اللامحدودة 1 ريال 9 يومين أرسل س2 إلى1100 باقة الرسائل اللامحدودة 2 ريال 22 خمس أيام أرسل س5 إلى1100 باقة الرسائل اللامحدودة 5 وللاستفادة من هذا العرض يجب تفعيل باقات الرسائل المختارة بعد الساعة 12 صباحاً، ويستمر هذا العرض المميز حتى يوم السبت 12 أبريل 2008م. والعرض وصل للعملاء عن طريق رسائل من موبايلي على موبايلات العملات اشترك رسائل بلا حدود وطريقة الباقات فقط والبروشورات في الجرايد والشوارع. يالله وش ذا العرض وربي عرض يهبل ويقوم الشعب ويفتح الجوال بعد تفعيل العرض ويرسل للقائمه اللي عنده كامله فيها من ارقام موبايلي وفيها من الاتصالات ويوم تجي الفاتوره او ينخفض الرصيد عنده الا محسوب عليه رسائل يتصل على 1100 يقول له الموظف اخوي انت ماقريت البروشور زين يقول الا قاريه يقول العرض هذا من موبايلي لموبايلي اقرى البروشور زين كيف طيب ليش ماوضحتوا قال الموظف ارجع للاعلان وتعرف يرجع المواطن للاعلان يلقى مكتوب بالخط الصغير مرررره اللي ماتشوفه بالمجهر (داخل شبكة موبايلي) طيب وباقي الاعلان بالبنط العريض :) ياسبحان الله الحبر يخلص لو وضحوا النقطه هذي!!!!!!! وعرض اخر لموبايلي يوضح لكم كيف موبايلي او اي شركه ربحيه تحط مصلحة العميل فوق مصلحتها تقول للعميل موبايلي عندنا باقات من احد هذي الباقات نعطيك 500 دقيقه مجانيه فالشهر يالله يازينكم ياموبايلي وش ذا الخدمه بس رسوم العرض هذا شهريا 190 ريال ورسوم استخراج الشريحه 45 ريال طيب مو مشكله انتم طيبين بتعطوني 500 دقيقه يالله ابي العرض هذا طيب عزيزي العميل الدفع مقدم اوكي ياحلوكم انتم بتعطوني 500 دقيقه شهريا تستاهلون اكيد عزيزي العميل حنا تهمنا مصلحتك فوق مصلحتنا . العميل يرد الله يعطيكم العافيه ياخي موبايلي دائما تبحث عن مصلحة عملائها مثل مايقول بعض الجمهور لاحظوا كيف موبايلي قدمت مصلحتكم على مصلحتها في فكرة العرض هذا علشان تعرفون انتم كيف مستغفلين. انت تدفع 190 ريال مقدم وانت مابعد شغلت الشريحه لنفرض انك شغلتها في 1\1\2008 تشغل وتتصل تحصل فعلا في حسابك 500 دقيقه مجانا تقول ياخي موبايلي هذي رهيبه تجي الفاتوره الشهريه اللي تصدر في 1\2\2008 يقولون فالفاتوره الشهريه مثلا عليك قيمة مكالماتك 700 ريال والخصومات 190 ريال لاحظوا هذي 190 اللي دفعتها مقدما خصموها لك وبعدين يقولون حنا متفقين ان رسوم الباقه هذي 190 وتحسب عليك 190 جديده هذي اول فاتوره تصدر لك وعندك 500 دقيقه لشهر 2 القادم وباقي المبلغ 510 ريال اجور مكالمات بعد الخصم يعني ياعزيزي العميل لازم تسدد 510 اجور مكالمات بالاضافه الى 190 الرسوم الشهريه يعني المطلوب عليك 700 ريال يازينهم والله معطيني خصم . بالعامي السعودي صبه احقنه لبن يعني بأختصار 190 ريال اللي تدفها رسوم شهريه هي قيمة 500 دقيقه مجانيه ماخذنيها ماخذينها بس شف كيف سوقوا لكم العرض يعني مافيه دقايق مجانيه ولا شي :) تدري كيف بعمليه حسابيه رياضيه هي تكلفة الدقيقه في هذي الباقه 34 هلله من موبايلي لموبايلي و39 هلله من موبايلي للجوال لو فرضنا انهم حسبوا كل دقيقه مجانيه مانبي نظلمهم ناخذ متوسط التكلفتين ب 36هلله لدقيقه وهم اتوقع كذا حاسبينها تطلع 0.36هلله*500 دقيقه=180 ريال :) ولو فرضنا انهم حسبوا الدقيقه بأعلى تكلفه فالباقه 0.39هلله*500 دقيقه=195 ريال وهذي الفرضيه مستحيل لان ماراح يخصمون كلها على مكالمات الجوال. من اتصالك لموبايلي بيخصمون ومن الجوال يعني الشغله متوسط حسابي. عرفتوا هالحين وين مصلحتكم ياعملاء ويامشتركين فوق مصلحة الشركات الربحيه :) واعلان اخر لموبايلي انتشر يوضح ان العاملين في موبايلي كلهم كوادر وطنيه :) طيب ياوطنيه انتم الناس تقرا اعلانكم وتشوف معارضكم بس ماتشوف مكاتبكم واللي فيها قال وش قال وطنيه وامثله كثيره لكن هذي اخترتها علشان اوضح للجمهور المنجرف انه يصحى ويفكر بعقل ومنطق كل ماسبق من فلسفه وتحليل لشئ واحد حنا ماهمنا موبايلي ولا الاتصالات كثر الجدل والنقاش بين مؤيد ومعارض وناس تطالب وناس ترفض طيب انتم الان يا جمهور لازم يكون هدفكم واحد وهو الهلال والهلال موكل الامر بعد الله لرجل والله العظيم انه كفو وانا من الناس اللي معجب بمنطقه وفكره واسلوبه انسان راقي في طرحه وتعامله وبحثه لمصلحة الزعيم هذا الرجل لن يبدي مصالح شخصيه فوق مصلحة الزعيم هذا الرجل هو الامير عبدالله بن مساعد والله يوفقه وكلنا معه باللي يختاره ويسويه همنا الوحيد الهلال ولا يتم استخدامنا كجهمور على قولتهم بالعاطفه حنا نعشق الهلال ومع الهلال وين ماراح ومع مصلحة الزعيم ولا يظن الغبيني او من هم على شاكلته ان جمهور الهلال صيد سهل او من الناس اللي تنطوي عليهم حيلهم واسلوبهم اللي حنا نمشيه بمزاجنا كجمهور لكن طالما ان الامور وصلت لمصلحة الزعيم لازم ننطق ونوضح كل شي ندفع كجمهور حنا ماندفع حب في موبايلي ولا الاتصالات ندفع للهلال امام موبايلي خيار واحد اما تقدموا العرض اللي يستحقه الزعيم وجهموره او تفكونا من بياناتكم وتصريحاتكم اللي مالها داعي لا تنسون انكم تتعاملون مع ارقى عقليه استثماريه في المملكه وهو الامير عبدالله بن مساعد رجل لن تخفى عليه هذي الاطروحات والخزعبلات اللي شككتوا في مصداقية نادي الهلال وسموه عندما صرحتوا ان العرض المقدم من الاتصالات وهمي!!!!! ان غدا لناظره لقريب واسف على الاطاله |
مشكور على الموضوع الاكثر من رائع ويشرفني اكون من اول من يرد على موضوعك يالغالي |
الشرف لي انك اول من قراه |
صراااااااحه موضوع اكثر من رااااااائع واكيد اخوي ان مصلحة الهلال اهم بس تعرف نبحث عن التميز كعادتنا والله يعطيك العاااافية وماااقصرت |
مشكور للتوضيح و الله قلت اللي في خاطريs60s اهممممممممممممم شي مصلحه الزعيم احتياااااااااااال تسويقي ,, والجمهور يا غافلين لكم الله ,,, قالوا ايش قالوا موبايلي تحبنا و اللي حاط قلوب بين اسم موبايلي , بصراحه تفكير محدود |
الزعيم 10 التميز في اعطاء العرض اللي يكون بحجم الهلال يعني لما تأخذ اكبر مبلغ من بين هذي الانديه وبشروط موضوعه من ادارة الهلال تكون تميزت واكبرتميز هو ان الشركتين تتنافس عليك |
اللي أشوفه إنك متحامل كثير على موبايلي أخوي الإتصالات سوت أكبر عملية سرقة في العالم : وقفت الأبراج عن منطقة القصيم كاملة في أول الإجازة لمدة 6-7 ساعات بدون تعويض ولما رجعت الشبكة واتصلوا عليهم قالوا البلى من جوالاتكم ( كل القصيم جوالاتهم خربانة !! ) أعطتني أنا شخصيا فاتورة 180 ريال أسبوعيا وإذا مر يومين ولا سددت إنقطعت الخدمة وتقول خدمة عملاء !! أخرت على الهلال مستحقات و قالت ما نعطيك لين توقع عقد جديد وتقول مصداقية !! وقفت الدي سي إل أسبوع كامل وفي الأخير يحسب علينا إشتراك شهر كامل بدون أي تعويض وتقول أمانة !! مع إحترامي لك ولجميع موظفي الإتصالات فلوسكم حرااام لأنكم خذتوها من جيب المواطن دون حق . أنا الآن وغدا باقي مع موبايلي حتى لو تحول جميع الفرق في العالم للإختلاسات ومالنا إلا الله ثم موبايلي وزين أما الإختلاسات فالله على الظالم . |
تحاملك واضح على موبايلي ومعلوماتك دقيقه وماخليت شي ماجبته . مو بعيده تكون تبع شركة الاتصالات :naughty: صحيح الهلال يستحق الافضل ولكننا نحن كجماهير تعاملنا مع الشركتين وشفنا انه الافضل هي موبايلي . سواء من ناحية التعامل الراقي , او الخدمه المميزه , وغير كذا موبايلي وجهها خير على الهلال عكس الاتصالات اللي يوم تعاقدنا معها طلعنا ذاك الموسم من غير أي بطوله :surprised: وتقدر تشوف الموضوع اللي حاطين فيه تصويت شوف اغلب الجماهير وبنسبه ساحقه تبي موبايلي . عشان كذا لو كان فيه قصور من موبايلي نقدر نرسل لها الاقتراحات وهي تعدل الخدمات حسب رغبة الجماهير واللي يناسبهم ومااشوف اننا لازم نترك موبايلي عشان اشياء ممكن تلافيها بالمستقبل وغير كذا لاتنسى ان موبايلي شركه من حقها تربح وتشوف مكاسبها وايضا مااشوف ان الاتصالات فيها ذيك المميزات اللي تخلينا نترك موبايلي ونروح لها اكبر شركه نصابه بالتاريخ يكفيكم خدمه زيرو وزيرو بلس والفضيحه اللي طلعت من وراها وماننسى باقة جود والخ الخ الخ موبايلي :smilie47: |
انا سعودي هههههههههههه متحمس انا ماهمني لا اتصالات ولا موبايلي بس انا حببيت ابين للعالم اللي تقول موبايلي تهمها مصلحتنا فوق مصلحتها وللمعلوميه انا مو موظف على قولتك انا مازلت طالب :) |
اخوي افتخر بالهلال شرفني مرورك وتعليقك |
يعطيك العافيه وماقصرت على الموضوع طيب بالنسبه للإتصالات لو تعاقدنا معهم ب80 مليون الهلال لازم يدفع لموبايلي 300 مليون كيف خسرانين الهلال والاتصالات ماراح تدفعها ولو دفعتها طيب كم يبقى من عقد الهلال والله ماودنا تصير سمعت الهلال مو طيبه عند الجميع كل سنه او سنتين يفسخ العقد وماراح نغير من موبايلي,,, |
إقتباس:
ثانيا من مبدا اعطا كل ذي حق حقه ,,, ارى انكم تفخمون الامور انا من عملاء الاتصالات 2 جوال 2 هاتف dsl بصراحه وربي يشهد اني ما شفت اي مشكله معهم انتظام في السداد مره كانت فيه حفريات لشركه الكهرب و تم قطع كيبل الاتصالات طبعا الاتصالات مالها ذنب مع ذلك تم التعويض و تم الاصلاح في وقت قياسي جدا لا تفخمو الامور و اعلموا ان الله يرى ما تكتبون |
صراااااااحه موضوع اكثر من رااااااائع واكيد اخوي ان مصلحة الهلال اهم بس تعرف نبحث عن التميز كعادتنا والله يعطيك العاااافية وماااقصرت |
صراااااااحه موضوع اكثر من رااااااائع واكيد اخوي ان مصلحة الهلال اهم ويعطيك العافيه.... |
والله موضوع في الصميم افهموها ياللي تبون موبايلي كلهم احتيالات واختلاسات |
لا الشرط الجزائي 50 مليون بس اخوي الفريق المميز وسبب موضوعي مايهم الهلال يوقع مع من الاهم اننا كجمهور نفكر في مصلحة الهلال لان الناس ماتفكر الا بمصالحها وحنا مانبي الا مصلحة الهلال |
موضووع مميز وفكر راقي وطرح انسياابي يااسلاام عليك.. صرااحه من افضل المواضيع الي كتبت اهنيك عليه وافقك الراااااي تمااماا |
اهنيك على توضيحك .. للقوة التي جذبت بها موبايلي جماهير الهلال فنحن لسنا مع موبايلي ولآ الإتصالات فكلها شركات تبحث عن مصلحتها [ قبل مصلحة الهلال ] ..,,!! شخصياً أثق بابن مساعد ..,, وسأنتضر توضيحه بعد توقيع العقد وأنا متأكد ان موجة الإنتقاد الحادة والمعارضة الحالية ستخف وبشكل كبير ..,,!!سواء كانت الاتصالات هلالية او العكس ..,,!! :smilie47: وإنصافاً للحق تسويق موبايلي لخدماتها التي وسمت باسم الهلال اعطى الجماهير شعوراً غير مسبوق بتسليط الضوء أكثر على الهلال وبوسائل جذب مختلفة عن نظيرتها الاتصالات ,, وهذا يفسر لنا حب الجمهور لعمل (موبايلي) مع الهلال . :) كل ماأريده أن يعطى الهلال نسبته من الخدمات [ رسائل الهلال ] ,, [ الموج الأزرق ] لان مشتركي الاتصالات يفوقون موبايلي بـ " مراحل " .. ونسبة الاتصالات في (جوال الهلال) ..,, ستفوق نسبة موبايلي بـ " مراحل " :stoned: فلابد من التنازل .. من أحد الشركتين إذا ماأرادت ان تحضى بـ " شرف " الرعاية ومن ثم الإستفادة من أعظم جماهير المملكة وأكثرهم عدداً :smilie47: |
ماشاء الله كلام رائع من موظف نجيب أقصد طالب نجيب .. !!!! الحين تبغى تقنعني بالقوة إن شركة الاحتيالات هي الام الحنون للهلال وجمهوره ... ؟!!! يحق لكم تنسون لأن المثل يقول ( ينسى الصافع ولاينسى المصفوع ) ... !!! صراحة ماشاء الله عليك تصلح تكتب نص درامي لديك ملكة في الكتابة لايعلا عليها .. !! ومامن كاتبٍ إلا سيفنى .. ويبقي الدهر ماكتب يداه فلاتكتب بكفك غير شيء .. يسرك في القيامة أن تراه لاتظلم ناس على حساب ناس ولاتحاول تظليل الجمهور لأن الجمهور واعي هذاك أول يوم ان سوق هاكلام يمشي الحين ولابريال . نصيحة إذا كتبت فأنصف وإذا أردت أن تحكم فاحكم بالعدل . تحيتي لك . |
زعيم حر يعجبني فكرك ولكن لم تفهم مقصد كتابتي ولن تفهما طالما هذا فكرك انا لم انطق بكلمه واحده في كتابتي بأن يجب على الهلال ان يوقع مع الاتصالات ولكن طلبت من الجمهور وضع مصلحة الهلال فوق اي مصلحه والامر موجود عند الامير عبدالله وهو ادرى بمصلحة الهلال وسبب ضرب الامثله لكي ابين للجمهور اين مصلحتهم من هذي العروض وان الشركات الربحيه ماهما الا مصلحتها ولازم علينا كجمهور نفكر بمصلحتنا اي ان مصلحتنا في اقوى عرض يعني الشركه اللي بتدفع اكثر من الثانيه هي اللي نبغاها طالما ان الفلوس بتدخل خزينة الهلال وانا ما اظلل جمهور انا اتكلم بحقائق واثباتات وتقول الجمهور واعي صح ياواعي انت احد امثلة الجمهور الواعي انت والدليل انك مافهمت كتابتي بالشكل الصحيح وين وعيك ياواعي ماكنت مجبر اني اعيد كلامي اللي في الموضوع في رد ثانيا واوضح اللي اقصده لاني كتبت الموضوع واللي يببي يفهم يفهم واللي مايبي يفهم او مو قادر يفهم فهذي مشكلته بس قلت برد عليك علشان باين انك واعي جدا جدا جدا وبخصوص البيت اللي حطيته هذا ينقال للي يكتب غير واقع وانا ماذكرت في كتابتي غير حقائق لا انت ولا غيرك يقدر ينكرها بس شكلك موظف موبايلي واخذتك العزه بالاثم :) |
غريبه موبايلي تضحك علينا لا لا ما اصدق هههههههههههههههه أخوي والله ان موبايلي افضل من الاتصالات بكثير وبمراحل من جميع النواحي الاعلاميه و...... |
أخي العزيز من يريد الحق وقول الحق يكون منصفاً لم تذكر في موضوعك ولانقطه عن شركة الاتصالات بل صبيت جام غضبك على موبايلي فقط ( بالعربي حاط على جهة واحدة فقط ) من يقراء موضوعك يدرك ومن الوهلة الأولى أنك ضد موبايلي حتى ولو انكرت وذكرت انك لست ضدها ولو أنك منصف لذكرت عيوب الشركة الأخرى وأنا هنا لا أنزه موبايلي ولا أدعي لها ولا لغيرها بالكمال . ثم أخي العزيز ( يالفاهم ) حينما تريد أن تقول للجمهور دعوا الأمر لأصحابه ومن وكل به فليس من الضرورة بمكان أن ( تشذب ) موبايلي حتى جعلت من الشركة الأخرى وكأنها أفضل شركة على الإطلاق ولم تتحدث عن عيوبها ونصبها واحتيالها بأي كلمه . كان بإمكانك أيها ( المتويعي ) أن تطلب منهم أن يدعموا المفاوض الهلالي وتبين أن مصلحة النادي هي الأهم دون المساس بأي جهة كانت ... !!! ولغريب العجيب ( أيها الطالب النجيب ) أنك تنهى الجمهور عن شيء وتأتي مثله تنهاهم عن المطالبة بموبايلي وأن يقفوا مع الأمير عبدالله وأنت تسرد عيوب موبايلي وكأنك تقول يا أيها الأمير احذر من موبايلي وتعاقد مع الاتصالات .. !! لاتنهى عن خلق وتأتي مثله ... عار عليك إذا فعلت عظيم همسة : ورب السماوات السبع ومن فيهن أنه ليس لي في موبايلي أي علاقه لامن قريب ولامن بعيد وأنا موظف حكومي ولا أملك فيها سهماً واحداً . |
بتعب معك لانك مو راضي تفهم بعيدها لك للمره الثالثه يا اخوي يا حبيبي يابابا 1+1=2 فهمت العمليه هذي انا اوضح للجمهور اللي قاعد يطلب الامير بالتوقيع مع موبايلي والجمهور اللي يطالب مع الاتصالات انا اقول كتابتي للجمهور هذا ان مايهمنا اسم الشركه بقدر ماهمنا المبلغ اللي بياخذه الهلال وانا ماصبيت جام غضبي ولا شي انت اللي متنرفز وش فيك زعلان لا يكون انت خالد الكاف وانا ما ادري انا ماقلت الا شي واقع مو عيوب ولا مدحت في الاتصالات وقلت هي احس شركه يا اخي واذا انت ماتشوفه واقع اللي ذكرته. ابحث وتشوف وانا ماقلت للامير انتبه للامور هذي ووقع مع الاتصالات لان الامير عبدالله استاذ ويحمل من العلم مايدرسني ويفيدني به ولكن ماظنيت انك انت بتستفيد من علمه شي لان اللي بيقوله الامير عبدالله ممكن ماراح تفهمه مثل عدم فهمك لمقصدي انا ماراح ارد عليك بعد هالمره لان باين انك متسحر فول لكن انا بقولها والعقلاء اللي تفهم الكتابات بشكل عام فاهمينا من اول قراه للموضوع مو ياخذون جزء ويتركون جزء ويفهمونها بالشكل اللي يبونه انا اطالب الجمهور انه يخلي مصلحة الهلال فوق اي مصلحه لان كل شخص يبحث عن مصلحته هذا باختصار ما حبيت اوصله من كتابتي لكن يبي لك اعادة نظر في معايير الفهم عندك |
المعذرة أخي يبدو أنك تعدل على كتاباتك كثيراً فلم أرى تعديلك الأخير على تعقيبك على ردي إلا الآن .. اخي البيت الذي ذكرت ليس لأنك قلت كلام غير واقع أو واقع لا قلته لأنك كتبت بإجحاف بطرف من الطرفين فقط أردت أن تكتب بإنصاف لكل الأطراف أنا لم أكذب كلامك عن موبايلي لكن طلبت منك أن تكون منصف بين الشركتين فقط . قبل أن ترد إفهم ماكتب لك ثم رد ولاتدعي الفهم وأنت أبعد مايكون عنه . تحيتي لأبو الفهامه . |
:clapping: انت احسن واحد فالعالم والانسان الواعي ابد وانا احد طلابك مبسوط خلاص رح شف لك موضوع ثاني رد عليه :naughty: |
كلامك سليم ويعطيك العافيه فعلا جمهور الزعيم هو من يجعل الشركات تلهث وراءه ومصلحة الزعيم اهم من الاتصالات او موبايلي |
الله يعطيكم العافية انتم مصدقين انهم مهتمين ( موبايلي /الاتصالات ) بالهلال هذي شركات ربحية فقط المهم عندي الزعيم فقط مع اني مع موبايلي للتميز فقط |
يزيد 9 شاكر لك مرورك |
انا اشوف انك اخذ دائمن في حسابك الحد الاوسط ومهمل الحد الاعلى مع ان هذي شركه مو احصائيه ورق راجع معلوماتك وحساباتك بالحد الاعلى دائما والحد المتوسط والحد الاصغر وتشوف الفرق |
راجع الموضوع مره ثانيه وتاكد قبل ماترد :) صباح القشطه |
يا رجال سعيد اخو مبارك |
مشكوور على الموضوع الجميل جدا |
الله يكتب الخير للهلال ودمت بود |
موضوعك جدا جدا جدا رائع وصحيح كثيير من الهلالين ماخذتهم العاطفه في موضوع لو دخلت العاطفه فيه المفروض يقولون الهلال !! والله غريب امر هذا الجمهور بصراحه وبعيد عن موضوعك انا كا شخص مليت من كثر ما اسمع عن موبايلي والهلال خلاص حسيت اني تشبعت من هذا الموضوع بس انا اشوف ان مصلحت الهلال فوق الكل ولو الهلال مصلحته انه مايوقع مع احد انا راضي لو مصلحت الهلال يوقف كوره انا راضي اي شي بس مع الهلال يعني في بعض الجماهير تقولك لا انا ما ابي اوقع مع الاتصالات لا هذا اكبر غلط اذا الاتصالات بتدفع اكثر انا اروح مع الاتصلات وبدون ما افكر لان العرض اقوى وخاصتنا انه فيه مزايا كثييره على العموم الله يوفق الهلال وقع مع اي شركه مافيه مشكله اهم شي الهلال يصير عنده فلوس تغطيه وتغطي لاعبينه وتجعل من الهلال نادي نموذجي ويتحقق الحلم في بناء استاد للنادي كل شكر اخوي على التوضيح |
صراااااااحه موضوع اكثر من رااااااائع |
عزيزي للأسف معلوماتك اللي انت كاتبها كلها مغلوطة سواء عن العروض أو الباقات أو الاعلانات... وبعدين ترى كل شركات العالم اذا مسويين بروشورات وفيه شروط يكتبون لك اياها بخط صغير وبعضهم يحط علامة النجمة.. ( هذا وانت تتكلم وانت متخصص):razz: أجل لو منت متخصص وش بتسوي... ياعزيزي ... تحاملك واضح على موبايلي:smilie47: وهي أصلا ماهي محتاجه ان احد يدافع عنها ولو انهم نصابين زي ماتقول رح اسأل أي واحد حول من الاتصالات الى موبايلي وقول له كم نسبة التخفيض في فاتورتك من بعد ماانتقلت وشف وش يقول لك مو شركة ( سدد بعدين نتفاهم)... :nono::nono::nono::nono::nono: |
مدام خلف هذا الملف الأمير عبدالله بن مساعد بأذن الله الأمور ستذهب لمصلحة الزعيم سواء مع الأتصالات او موبايلي وفق الله الأمير عبدالله بن مساعد |
بآك .. :d رجعت لأني إستغربت من وجهة نظر بعض الإخوان ,, في تفسير كلام الأخ كاتب الموضوعْ بانه تحامل ضد شركة معينة..!! قرأت الموضوع مرة و 2 و 3 فلم أجد سوى رغبة من كاتب الموضوع في أن يستخدم الجمهور نفسه ورأيه كـ ورقة ضغط لـ مصلحة الهلال و الهلال [ فقط ] ...!! بغض النظر عم المستفيد الآخر متى ماتركنا [ العاطفة ] جانباًْ .. سنعلم ان كل هذه الشركات تبحث عن مصلحتها أولاً وأخيراً .. ومتى ماتركنا [ العاطفة ] سنبحث عن مصلحة نادينا سواء من النواحي المادية او من ناحية سمعته في أمور التعاقد وما إلى ذلك .. انا محب لموبايلي وعميل لها ولكن أرفض أن اكون ورقة ضغط على الإدارة الهلالية .. بل سأكون العكس وأقول .. من أراد ان يحضى بـي كـ " عميل " عليه ان يقدرني كشخص في الكيان الهلالي الذي يستحق أكثر من المبالغ المطروحة سواء من الاتصالات او موبايلي والملاحظ ان الجمهُور , اصبح ورقة ضغط لصالح موبايلي ضد الإدارة الهلالية علما ان من حق الإدارة ان تبحث عن مصلحة النادي في فترة الرئاسة الخاصة فيها وفق منضورها الشخصي وفي النهاية كلنا نتفق على ان قيمة الهلال [ اكبر من الحالية ] ,, ويجب علينا ان نترك الكلام في جودة خدمة شركة والانتقاص من خدمة شركة أخرى فهذا لايهمنا بقدر مايهمنا المبلغ الذي سيفيد نادينا وصياغة عقد جديد ببنود جديده تكفل لنادينا حقه ولاتهضمه |
موضوع رائع ومشكور على التوضيح مـــوبــــايــــلــــي |
vip كل معلوماتي مغلوطه طبعا معلوماتي مغلوطه طالما انك انت جبت المعلومات اللي تفني معلوماتي!!! :) قال نجمه قال :) وتخصص بعد والله مدري وش تبغى توصل طيب ولا يهمك مو شرط تقتنع في كلامي ولاهو شرط اثبت لك معلوماتي لان موضوعي لهدف واحد ومشكلتك ان مافهمته . وياليت ترجع تقرا الموضوع مره و2 و3 و4 علشان تستوعب زين . انا ما اتكلم عن موبايلي واقول ياهلال وقع مع الاتصالات انا اقول ياجمهور الهلال بما ان الشركات تبحث عن مصالحها حتى الاتصالات او موبايلي او شركة مواشي المكيرش لو قدمت عرض يفوق عرض الاتصالات وموبايلي طالبنا بالتوقيع معها اهم شي وش العرض المقدم بس واضح انك موظف موبايلي :) واخذتك العزه بالاثم |
إقتباس:
شاكر لك مرورك على الموضوع مره وثلاث وياليت بعض العالم تفهم ومو عيب ان الانسان يقرا الموضوع اكثر من مره بس لا يرد وهو مو فاهم وش يتكلم عنه او اخذ جزء من الموضوع وقال بكتب رد :) وانت اخوي هوس المدرجات ممكن وصلت لهم اللي ابيه بردك ويتقبلون منك وماراح يحسبونك ضد موبايلي مثل ما اتهموني لانك حاط شعار موبايلي في توقيعك :) شرفني تعليقك |
الفارس 2009 شاكر لك مرورك |
الله يسعد صباحك,,, اولا اشكر لك حرصك وغيرتك على الزعيم,,, ثانيا,, الهلال مصلحته اهم وفوق كل شيء والموضوع موكل الى ناس نحسبهم كفؤ لهذ المهمة ان شاءالله لكن في حال تقاربت العقود فالجمهور يفضل موبايلي لا لشيء لان الشركة تحترم عملائها اما شركة الاتصالات بصراحة ماضيها اسود بداية باستخراج الجوال ب 10000 وحتى الخدمات الرديئة الى ان اتت الشركات المنافسة وبعد ذلك غيرت من نهجها هذا من وجهة نظري وتبقى "مصلحة الزعيم هي من تحسم الامور" |
ميدو شاكر لك مرورك يالغالي |
صراااااااحه موضوع اكثر من رااااااائع واكيد اخوي ان مصلحة الهلال اهم |
اكيد اخوي ان مصلحة الهلال اهم لكن نبحث عن التميز كعادتنا الله يعطيك العاااافية تقبل مروري |
موبايلي مافيه إلا القناة الشامله هي احسن شيء اما قناة الاوروبيه فاشله ولا تجيب شيء ولاتشترك وتزرف حسبك ولاترسل لك شيء الي يدفع اكثر تروح له إداره الهلال الأخلاق مطلوبه لكن موب على حسابه مصلحه الكيان |
الاتصالات وقفت الدي سي إل أسبوع كامل وفي الأخير يحسب علينا إشتراك شهر كامل بدون أي تعويض وتقول أمانة !! |
اول مره اقراى موضوع طويل في منتدى الزعيم لان اغلب المواضيع يا تعصب يا سواليف بس موضوعك منطقي جدا جدا وعقلاني وواضح عليك رجل فاهم الله يعطيك العافيه انت برفكتو(100%) موبايلي الاتصلات ما يهم اهم شي مصلح الهلال |
الهلال مع موبايلي احلا مـــوبـــايـــلـــي عـــالـــم مـــن اخـــتـــيـــاري |
وايضا مااشوف ان الاتصالات فيها ذيك المميزات اللي تخلينا نترك موبايلي ونروح لها اكبر شركه نصابه بالتاريخ يكفيكم خدمه زيرو وزيرو بلس والفضيحه اللي طلعت من وراها وماننسى باقة جود والخ الخ الخ باقة زيرو تستهدف العملاء التي تصل فواتيرهم بين 350-700 ريال في الشهرين بحيث تلغى عنك رسوم الاشتراك وتحسب سعر الدقيقة ب 00.30 داخل الشبكة و 00.35 خارج الشبكة وتحصل على اشتراك مجاني في موجود اكسترا وخدمة صدى واشتراك في 3 قنوات تلفزيونية مجانا اما باقة زيرو بلس تستهدف العملاء التي تصل فواتيرهم بين 700 ريال فما فوق خلال الشهرين وتحسب الدقيقة ب 00.25 داخل الشبكة وخارجها 00.30 وايضا تحصل على اشتراك مجاني في موجود اكسترا وخدمة صدى واشتراك في 3 قنوات تلفزيونية مجانا اذا استهلاكك اقل من ذلك بامكانك الاشتراك في احدى الباقات 25 35 45 او جوال اسرتي للايضاح فقط وانا لست مع الاتصالات او موبايلي انا مع مصلحة نادي الهلال :smilie47: هل تعلم كم وصل عدد المشتركين في جوال الهلال عندما كانت الاتصالات ترعى النادي اكثر من 200.000 الف مشترك والان في موبايلي كم عدد المشتركين ؟ اغلب الجماهير الهلالية لم تقم بالتحويل الى موبايلي لأن اغلب المجتمع السعودي يستخدم شرائح الاتصالات فلذلك لم تقوم شريحة كبيرة من الجمهور بالتحويل واشكرك Alzaeem wolf على الموضوع الاكثر من رائع واشكر هوس المدرجات على الكلام الرائع في الردود |
..leader.. شاكر لك تشريفك ومرورك وتعليقك |
خليلو شاكر لك مرورك |
s60ss60ss60ss60ss60ss60ss60ss60ss60ss60ss60ss60s صددددددددقت وباذن الله ما يكون الا كل خيرررررررر ان شاء الله |
موضوع حلو بصراحه بس احلى شي سالفة 190 ريال و500 دقيقه مجانيه |
موضوع اكثر من رائع مصلحة الزعيم فوق كل الاعتبارات |
هلالي جده شاكر لك مرورك يالغالي |
صراااااااحه موضوع اكثر من رااااااائع ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, واكيد اخوي ان مصلحة الهلال اهم بس تعرف نبحث عن التميز كعادتنا والله يعطيك العاااافية وماااقصرت |
إقتباس:
ماعليك منهم يا كبتن :smilie47: وربي انك كذا s60s وربي انك كذا s60s بس وين الناس اللي تفهم ..,,!! :yes::yes: |
الصقري 2008 شرفني مرورك وتعليقك |
| الوقت المعتمد في المنتدى بتوقيت جرينتش +3.
الوقت الان » 12:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd