المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 21/09/2008, 09:06 AM
موقوف
تاريخ التسجيل: 16/07/2005
المكان: الرياض ..
مشاركات: 3,989
مخطط إغتيال الأمير عبد الله بن مساعد ..!!!

بسم الله الرحمن الرحيم


السلام عليكم .. و كل عشر أواخر و صيامكم و قيامكم و دعواتكم مقبولة بإذن الله ..

طبعاً كثير منكم ما يعرفني ، و يمكن لهذا السبب كثير حتى ما يركز بكلامي لأني أعرف نظام المنتديات و كيف تجاهل صاحب المشاركات الأقل ..

عموماً ، أنا متابع أكثر من إني مشارك ، و السبب إن الموجودين فيهم الخير و البركة ، و السبب الأهم إني أتابع المواضيع و الاب توب على بطني و أنا منسدح قبل أنام علشان كذا أكون عجزان أكتب lol

السبب إني كتبت الكلام اللي فوق علشان يكون البعض بالصورة ليش سويت موضوع ، و يمكن هذي أول مره أسوي فيها موضوع ..

و موضوعي يا سادة هو عن الأمير عبد الله بن مساعد ، رئيس ملف الإستثمار بنادي الهلال ، و كيف إننا الآن أمام خياران لا ثالث لما:

الأول / نترك الرجال في حاله ، يدبر شؤون الإستثمار في النادي كما يرى .
الثاني / نذبحه ، لأننا بإختصار ما نقدر نعفيه من منصبه بعد ما صفقنا كثير بعد ما إستلمه ، يعني عيب ، نذبحه أهون من إننا نعفيه..
و لا من شاف و لا من دري
.


لكن ..
عزيز العضو - أكيد الحين طايره عيونك - قبل ما تختار و تصوت على الخيار الأول أو الثاني ، يجب عليك المرور على النقاط التالية:

1) الأمير عبد الله بن مساعد كان رئيساً للهلال في يوم ما ، و حقق نتائج رائعة .
2) الأمير عبد الله بن مساعد رئيس مجلس إدارة شركة عملاقة بالإضافة إلى إستثماراته في عدة شركات .
3) الأمير عبد الله بن مساعد مع أخيه الأمير عبد الرحمن بن مساعد سبق له التكفل بحفل إعتزال النجمين يوسف الثنيان و سامي الجابر ، و كان الحفلان على أعلى مستوى .
4) الأمير عبد الله بن مساعد كان له مواقف مشهودة على الصعيد الشخصي و العملي ، لا أحبذ ذكرها و ذلك لأنها خيرية أكثر من أن تكون إستثمارية . لذلك فهي من العبد لربه .. عسى ربي أن يقبلها .


طيب ، الحين يا أخي القارئ ، و بعد أن اطلعت على هذه النقاط ، أتمنى منك الإجابه على الأسئلة التالية:

سـ1: هل ترى أن هناك شخص ما هو أجدر من الأمير عبد الله بن مساعد ليقود دفة الإستثمار ؟
سـ2: هل ترى أن الأعضاء ( أبو 3000 مشاركة كلها " تسلم على موضوعك " .. و " يا روحي يا سلاحف النينجا " ) له الأحقيه أن يوجه الأمير عبد الله بن مساعد كيف يدير دفة الإستثمار ؟
سـ3: هل أنت تقرأ هذا الموضوع بأحد الفترات التالية ( قبل السحور بقليل - بعد السحور بقليل - قبل الفطور بقليل - بعد الفطور بقليل ) ؟
إذا كانت إجابتك بنعم على السؤال الأخير ، سكر الموضوع من الحين ، و بعدين إرجع إقراه ..

الآن .. نرجع للخيارين اللي بديت بهم الموضوع ، نقتل الأمير ، و إلا نتركه يشوف شغله ؟
إذا كانت إجاباتك على الأسئلة بـ"نعم" ، كذا نقتل الأمير .
و إذا كانت إجاباتك بـ"لا" ، أحب أقول لك ليه أجل ما تتركون سوالف ( أنا أحرص واحد بالعالم على النادي ) و تتركون الأمير يشوف شغله ؟


خلاصه:

طقت كبودنا من كثر ما نشوف مواضيع فارغه من ناس ما عندهم ما عند جدتي تتكلم عن عقد الهلال و موبايلي !
يا إخوان ، محد منكم يعرف كيف يدير إستثمار النادي و دفة الحوار مع الشركات الإستثمارية ، لذلك و الله عيب ، و أكبر عيب نجي نقول مثل ذا العبارة اللي و الله لو أعرف صاحبها كان دعسته بالسيارة ( عبد الله بن مساعد ، إختار ، إما الفلوس و إما جماهير الهلال ) .. و الا اللي يقول أصلا موبايلي أحسن شي و إلا الإتصالات مدري وش فيها ..

مثل ما تبون الإدارة ما تتدخل في شغل المدرب ، إنتم لا تتدخلون في شغل الإدارة ! .. مو أنا و إلا إنت يجي يعلم عبد الله بن مساعد و إلا غيره وش شغله .. اللي قاهرني إني اللي مسوين ضجه هم أكثر الناس جهلاً و حتى تشوف مليون خطأ إملائي في مواضيعهم ، و بالنسبة لي أضحك من باب " شر البلية ما يضحك " .. و أتمنى من المشرفين إنهم يكونون أكثر حزم مع المواضيع اللي أحيانا تكون فيها تصغير لشخصيات هلالية بقصد أو بغير قصد .

كلمة أخيرة:
أنا ما عمري قابلت عبد الله بن مساعد ، بالنسبه لي هو رجل له معزه من معزة ال سعود أولاً ، و من معزة الهلال ثانياً .. و هذا مو دفاع عنه ، هذا أدب ، لا أكثر و لا أقل ..

و لكم مني أصدق الدعوات .

اخر تعديل كان بواسطة » مرور الكرام في يوم » 21/09/2008 عند الساعة » 06:52 PM
اضافة رد مع اقتباس
  #2  
قديم 21/09/2008, 09:17 AM
زعيــم فعــال
تاريخ التسجيل: 20/08/2008
المكان: تبووك الورد
مشاركات: 439
صدقت ياخوي

وأتمنى منك تترك التسدح والمشاهده

وتتحفنا بمواضيعك الهادفه يالغالي
اضافة رد مع اقتباس
  #3  
قديم 21/09/2008, 09:18 AM
الصورة الرمزية الخاصة بـ Kenzo
زعيــم نشيــط
تاريخ التسجيل: 29/01/2004
المكان: دبي
مشاركات: 575
لا يوجد منهو أجدر من الأمير عبد الله بن مساعد ليقود دفة الإستثمار في نادي الهلال

مشاركة رائعه ويعطيك العافيــــــة
اضافة رد مع اقتباس
  #4  
قديم 21/09/2008, 09:25 AM
الصورة الرمزية الخاصة بـ &الزعيـــ1000ــــم&
زعيــم نشيــط
تاريخ التسجيل: 23/04/2006
المكان: الرياض فديتها
مشاركات: 716
صدقت ياخوك وبالمناسبه انا كاتب موضوع اسمه ][ دع الخبز للخباز ][ تقريبا نفس فكرة الطرح ..

وانت الصادق يجيك عضو الله العالم كم عمره 16 ولا 17 ويقول لك موبايلي احسن << افتى سماحة الشيخ هع


ولا يجيك الثاني ينزل موضوع رد عليه لا الاتصالات احسن ...


يااخوان الرجال منشغل عن اعماله الخاصه ومهتم بالموضوع هذا وفي الاخير انتوا بتوجهونه .؟؟؟؟؟


حاجه غريييييييييبه

اقول اخوي اذا عرفت احد من اللي كاتبين هالمواضيع وتبي تدعسه بالسياره نادني لاهنت بدعسه معك هع


الله يعطيك العافيه ع الموضوع ولاتتحمس مره ثانيه للقتل

تقبل مروري
اضافة رد مع اقتباس
  #5  
قديم 21/09/2008, 09:29 AM
الصورة الرمزية الخاصة بـ زعيم المستديرة
زعيــم مميــز
تاريخ التسجيل: 04/05/2008
المكان: كل شي عوائل ( الرياض )
مشاركات: 3,260
لا يوجد منهو أجدر من الأمير عبد الله بن مساعد ليقود دفة الإستثمار في نادي الهلال

مشاركة رائعه ويعطيك العافيــــــة

و يــــاليـــــت تكــثــر من مواضيــــــعـكـ الهـــادفـــهـ
اضافة رد مع اقتباس
  #6  
قديم 21/09/2008, 09:36 AM
الصورة الرمزية الخاصة بـ ملفي المالكي
زعيــم متألــق
تاريخ التسجيل: 26/06/2008
المكان: k.k.m.c
مشاركات: 1,040
الله يكتب الي فيه الخير للهلال
اضافة رد مع اقتباس
  #7  
قديم 21/09/2008, 09:39 AM
الصورة الرمزية الخاصة بـ عاشـــ الملوك ـــق
زعيــم نشيــط
تاريخ التسجيل: 09/09/2008
مشاركات: 686
إقتباس
الرسالة الأصلية كتبت بواسطة $كاكاتبوك$
صدقت ياخوي

وأتمنى منك تترك التسدح والمشاهده

وتتحفنا بمواضيعك الهادفه يالغالي




عليك نور


اي والله أخوي صادق نبي مواضيعك أكثر من مشاهداتك للمواضيع
اضافة رد مع اقتباس
  #8  
قديم 21/09/2008, 09:40 AM
زعيــم متواصــل
تاريخ التسجيل: 01/04/2007
مشاركات: 63
لا يوجد منهو أجدر من الأمير عبد الله بن مساعد ليقود دفة الإستثمار في نادي الهلال

مشاركة رائعه ويعطيك العافيــــــة
اضافة رد مع اقتباس
  #9  
قديم 21/09/2008, 09:48 AM
زعيــم نشيــط
تاريخ التسجيل: 04/11/2007
مشاركات: 989
شكرا لحرصك على النادي


لكن راح أخالفك شوي في بعض الأمور

هل تعتقد أن الأتصالات ترعى الهلال كي تميزه عن باقي الأنديه

أو كي تقهر موبايلي وتعيد مشتركيها

من جمهور الهلال لشركه بعد ذهابهم لموبايلي وأولهم أنا

بالنسبه لعبدالله بن مساعد فهو رجل لاخلاف عليه

لكن نحن جمهور هلالي مانفكر فقط في 4 السنوات القادمه

بل نحن نتكلم عن عمر الهلال كامل

شركة الأتصالات صحيح راح يمكن تعطينا

مبلغ كبير

لكنها لن تميزنا عن الأنديه الأخرى

وراح نكون في صف الأتحاد والنصر والأهلي

مع أحترامي لهم ولن نتميز عنهم بشئ


أخوي أنت تقول أدعسه نقتله نغتاله

هذي كلامات ليست جيده أبدا


ونحن في نادي الهلال الــحــر نوصل رأينا وأقتراحاتنا

عن طريق هذي الشبكه الكبيره


وعبدالله بن مساعد شخص فاهم وواعي ويعرف

أن الأختلاف في الرأي لا يفسد للود قضيه

وقد يخطاء كل شخص فالكل يخطأ

ياعزيزي

أتمنى أن تقبل كلامي بصدر رحب
اضافة رد مع اقتباس
  #10  
قديم 21/09/2008, 10:00 AM
زعيــم فعــال
تاريخ التسجيل: 16/03/2008
المكان: مع الشباب في الإستراحة
مشاركات: 227
ملاخص حديثي ,,, بان لا نتناقش في أمور لم تحدث بعد لإنها هي سبب الإشعات الفارغة و لاصحة لها وسبب الجدل

وجهة نظري في الأمير عبد الله بن مساعد رئيس كفو وذو أخلاق رفيعة بمستوى عالي وتعليمي ولا تنسون ماشاء الله عليه أنه شاعر ومثقف وهو من كبار الداعمين في نادي الهلال ويرجى عدم ذكر اسم شخصيه كبيره مثل الامير عبد الرحمن بن مساعد في هذه التفاهات و الإشاعات ولا صحة لها و تكرر الحدث عنها ولم يحدث شئ يغير مجرى التعاقد بين النادي و موبايلي

و أشكرك اخي العزيز على طرحك و آسف جداً على ما قلته من كلمات و الله إنها غيره فقط على إدارة النادي
وجزاك الله خير و لايحرمنا من مواضيعك القيمة
اضافة رد مع اقتباس
  #11  
قديم 21/09/2008, 10:11 AM
زعيــم نشيــط
تاريخ التسجيل: 01/09/2007
المكان: الخبر - الرياض
مشاركات: 795
ما عليش لا تبرر له
انا اشوف اكبر خطاء يسويه بن مساعد انه يسلم رقبة الهلال للاتصالات
ياخي روح وشوف وش سوو في شوف جوال الهلال ورى ما توقف ... بتقولون شركة ماخذتها من الهلال للاسف الاتصالات لها يد بالموضوع انه ما توقف


وين فلوس الهلال يوم الهلال معهم ورى ما عطوا الهلال الفلوس

يا رجال اتصالات نصب واحتيال

واقسم بربي انها اكبر غلطه يسويها بن مساعد

والله شي يقهر

يا رجال ما عرفنا شي الى ما جتنا موبايلي الله يخليها لنا ذخر قسم بالله

اما اذا بن مساعد من الاول ناوي اصلا انه يوقع مع الاتصالات

اجل مالنا الا نتحسب ونسكت
اضافة رد مع اقتباس
  #12  
قديم 21/09/2008, 10:28 AM
زعيــم متألــق
تاريخ التسجيل: 28/09/2006
المكان: فوق هام السحب
مشاركات: 1,003
السلام عليكم ,,


أخوي "مرور الكرام " العبرة في كيفية المشاركات لا في كمية المشاركات ..



إقتباس
خلاصه:

طقت كبودنا من كثر ما نشوف مواضيع فارغه من ناس ما عندهم ما عند جدتي تتكلم عن عقد الهلال و موبايلي !
يا إخوان ، محد منكم يعرف كيف يدير إستثمار النادي و دفة الحوار مع الشركات الإستثمارية ، لذلك و الله
عيب ، و أكبر عيب نجي نقول مثل ذا العبارة اللي و الله لو أعرف صاحبها كان دعسته بالسيارة ( عبد الله بن مساعد ، إختار ، إما الفلوس و إما جماهير الهلال
) .. و الا اللي يقول أصلا موبايلي مدري وش فيها ..

مثل ما تبون الإدارة ما تتدخل في شغل المدرب ، إنتم لا تتدخلون في شغل الإدارة ! .. مو أنا و إلا إنت يجي يعلم
عبد الله بن مساعد و إلا غيره وش شغله .. اللي قاهرني إني اللي مسوين ضجه هم أكثر الناس جهلاً و حتى تشوف مليون خطأ إملائي ، و بالنسبة لي أضحك من باب " شر البلية ما يضحك " .. و أتمنى من المشرفين إنهم يكونون أكثر حزم مع المواضيع اللي أحيانا تكون فيها تصغير لشخصيات هلالية بقصد أو بغير قصد .




كلام سليم ,, يعطيك العافية عليه ..

, و هالكلام الي انت تقوله من زمان ودي احد يقوله .. أو (أحد يسمعه .. ) إن صح التعبير


لك الف شكر,,
اضافة رد مع اقتباس
  #13  
قديم 21/09/2008, 10:48 AM
موقوف
تاريخ التسجيل: 16/07/2005
المكان: الرياض ..
مشاركات: 3,989
يسلموووو على ردودكم ..

$كاكاتبوك$ + Kenzo + زعيم المستديرة +عاشـــ الملوك ـــق + اخترت الزعيم + Dr.Sara

يسلمووووووو على ردودكم ، و كلكم ذوق


----------------------

أخوي / &الزعيـــ1000ــــم& .. مهو هذا اللي باط(ن) تسبدي ..
فئات تعلم رجل أعمال - بغض النظر عن مركزه الاجتماعي - كيف يفكر !
يسلموووووو على مرورك


----------------------

أخوي / لا يهم من اكوون .. سؤال بالله عليك ، هل إنت تعتقد إن موبايلي من كثر حبها للهلال حطت اللوقو حقها سماوي ؟
كلهم شركات يدورون مصلحتهم أولا و أخيرا .. و اكرر على أولا و أخيرا
ثانيا يعني هل تعتقد إن جمهور الهلال (((( بإستثناء عبد الله بن مساعد )))) هم اللي بس يقكرون بعمر الهلال ؟
يعني الفكره حاضره عندي و عندك لكن غايبه عن عبد الله بن مساعد ؟ .. تقبل كلامي بصدر رحب ، أن لو يرعى الهلال مطعم ماما نوره ما تفرق معي ، النظره الاستثماريه و انا اخوك ما لها دخل بالمبررات اللي انت قلتها ..
و بعدين لو تبي وجهة نظري ، انا ما ودي تزود الرعاية عن سنتين .. و هذا موضوع لحاله .. لكن ما راح اتطرق له ..
على العموم .. شاكر و مقدر مرورك .. و تسلم ..

----------------------

أخوي / Mr SAW .. مهو هذا القهر .. صرنا حنا اردى من الصحف الصفراء .. نحاول نقتل مجهودات المسئولين قبل ما ندري وش وراها .. تسلم على مرورك ..


----------------------

أخوي / ba7ral3sheq .. انا ما اعرفك ، لكن تأكد إني أعزك لانك هلالي ، و تقبل مني هذا الرد :
يعني انت الحين تبي تصير أفهم من الرجال ؟
و الله لا انا و لا انت بنصير أكثر إطلاع .. و بعدين شيلوا سالفة رقبه و مدري ايش ..
ترى الهلال نادي له حقوق محفوظه من ناس محد يقدر يحط عينه بعينهم .. و لك بالبلوي شاهد ..
ارقد و آمن ، ما تضيع حقوق الهلال و عيال مساعد وراها .. و كلك ذوق على تعليقك على موضوعي المتواضع



و حياكم
اضافة رد مع اقتباس
  #14  
قديم 21/09/2008, 11:05 AM
زعيــم نشيــط
تاريخ التسجيل: 04/11/2007
مشاركات: 989
أخوي

مرور الكرام

أنا أثق في رجال الزعيم كثير

وأعرف أن شركة موبايلي تقدر جماهيرية الزعيم

ولو فسخ الهلال عقده

مين من الشركات من راح توقع عقد معه

حتى مطعم ماما نوره ماراح يوثق في الهلال


وهم عارفين أنه قد يفسخ عقده معهم

بعد حصوله على عرض مبلغ أكبر

المهم السمعه

والله حاله كل سنه الهلال في شركه

وبعدين موبايلي

خسرة 250 مليون على الدعايات والمشاريع التي تعتزم أفتتاحها

وبعدين الله سبحانه وتعالى وصانا بأن نوفي للعقود

أتمنى ماأزعجتك

ويا أخوي لازم تعرف أن شركة الأتصالات

حاقده على الهلال
اضافة رد مع اقتباس
  #15  
قديم 21/09/2008, 11:28 AM
موقوف
تاريخ التسجيل: 16/07/2005
المكان: الرياض ..
مشاركات: 3,989
اخوي / لا يهم من أكون ..

كلامك كله على عيني وراسي .. و موضوعي أساساً يتكلم عن اللغط اللي قاعد يصير في الشبكة ..
و كلامك سليم بالنسبة للإيفاء للعقود .. و عدم هضم حقوق الآخرين .. و لكن نلتمس في الأمير عبد الله الإلتزام الديني ..
و صدقني الموضوع محلول و منتهي من أيام .. لكن باقي لمساته الأخيره ..
و إن شاء الله تشوف اللي يسرك ..


على فكرة .. ترى شركة الإتصالات مهي جسد و روح علشان تحقد ، لها مساهمين و مجلس إدارة همهم زيادة دراهمهم .. ما فكروا بالهلال و لا غيره .. و نفس الشي .. اكرر نفس الشي .. ينطبق على موبايلي ..

عموماً .. عشت إن شاء الله شايف من تعز بأحسن حال ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:44 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube