إقتباس موضوعك يحمل الكثير من الغلط وجانبت الصواب كليا عن الجمهور وحاولت تتكلم بمثالية زائدة .. ترا ماهو من زين الملعب او الجو او الحرس او التنظيم او حتى اللعب علشان تبغى الاصوات تنبحّ بسبب وبدونه .. راجع الجمهور الانجليزي وتشجيعه وتعرف ان التشجيع موب مزاعق كل دقيقة .. وفر صوتك وجهدك للوقت المناسب للتشجيع لاننا مو مكينات شغلها المصارخ طول المباراة ..

هالرد يكفيني

لاهنت يالغالي ..,,,,

إقتباس الرسالة الأصلية كتبت بواسطة الزعيم بقلبي هالرد يكفيني لاهنت يالغالي ..,,,,

شكلك شايف المباراة عالاي ار تي

الجمهور كان رائع ومن دخل التايب والجمهور يصفق له وطول بالتصفيق وحتى لما انذكر اسمه قبل المباراة ولما وصل يلعب الركني ولما استلمها اول مرة ..

والتصفيق للاعبين كان موجود خاصة لهوساوي بالشوط الاول ومع الكور الحلوة والتخليصات وحتى التسديدات "الطائشة" تم التصفيق لها

الجمهور كان 10 على 10 ولولا القارورة عالحكم الظالم كان قلت جمهورنا كان "كامل"


موضوعك يحمل الكثير من الغلط وجانبت الصواب كليا عن الجمهور وحاولت تتكلم بمثالية زائدة .. ترا ماهو من زين الملعب او الجو او الحرس او التنظيم او حتى اللعب علشان تبغى الاصوات تنبحّ بسبب وبدونه ..

راجع الجمهور الانجليزي وتشجيعه وتعرف ان التشجيع موب مزاعق كل دقيقة .. وفر صوتك وجهدك للوقت المناسب للتشجيع لاننا مو مكينات شغلها المصارخ طول المباراة ..


وبعدين تتمنى تكون لاعب مع الخصم؟ ليه جايز لك السب والشتم للاعبين واهلهم بالمنتديات؟ او مع كل هدف الجمهور يصايح حارثي حارثي لو انه احتياط؟ بلاش تطبيل للجار لمآرب أخرى بحجة حب الزعيم

إقتباس لا والله ونا اخوك ردك اللي جانب الصواب انا حاضر المباراة بالملعب والجمهور كأنه اطرم تصفيق للهدف ولدخول التايب ولو يتحمس واحد ويشجع كلن ناضره بعين الأستحقار ((يعني ناقدين عليه )) مغير سوالف وتقشم حب كنهم بلابل

والتصفيق لرونالد لما طب؟ والتصفيق لويلي لما راح عند الجماهير عند الرابطة؟ والتصفيق لسامي؟ والتصفيق ياخي لكل هجمة مقطوعة من دفاعنا ؟

اللي يطالعك بنص عين اصلخه كف وش علي منه كمشجع سواء عطاك نظرة احتقار ولا لا؟ اكسر عينه قل عسى ماشر موب جايزين لك ياخوي؟

انا كلامي عالاغلبية من اللي جايين يصفقون ويشجعون اما حقين الترسيمات تعممهم عالجمهور كله لا والله ياحبيبي ماهو عدل ..

والفصفص متعة المدرج وراك بتحرم العالم منه ؟ وهالبلابل لازمة غذاء علشان تغرد بالمدرج ولا لا؟

الرابطة اصلا ماقالت اهازيج جماعية مغير اغاني طويلة 70% من الجمهور مايعرف وش يقول فيها وش تبيهم يسوون يدندنون؟

خله يقول ياهلال عزك عزنا بشكل مضبوط من ايام قبل الروابط بالملعب وتشوف المرسمين يصايحون ياهلااااااااال مو بس باقي الجمهور !


انا فاهم ان اغلب الجمهور بالرياض مايردد الاهازيج لكن مايشجع بالتصفيق؟ معليش الظلم حرام ترانا برمضان

الجمهور بس في جده الا تعال مبارات الاتفاق والهلال في الدمام والله حماس

الان موجود محمد غندر ؟.

والله يوفق الازرق

كلااااااااااااااااااااااااااااااااااااااااااااااااااااااااااااااااااااااااااام سلييييييييييييييييييييييم

إقتباس طيب جب رابطه وخلوها بالمدرجات بس لا تطالب الجمهور كله بالتشجيع مثل الجماهير الاوروبيه .. انتم تطالبون الجمهور كله بالتشجيع طول 90 دقيقه .. صعبه .. وواللي يقول جمهور الخصم حماس وتشجيع ... قد شفت جمهور الخصم اللي جالس بالواجهه يشجع ..؟؟ اتحداك .. كلهم من الرابطه .. وجمهور الرياض الاغلب يحب الجلوس بالواجهه ( يعني يحب يشاهد وهذا من حقه ) واللي يبي يشجع يروح للرابطه محد مسكه ..

انا ماطالبت بالجمهور كله يشجع تسعين دقيقة ,, انا كلامي كان للمسئولين عن الرابطة او مجلس الجمهور انه يقتدون بالروابط العالمية ,, في التنظيم وتجميع الجماهير وتشكيل منهم صوت واحد يحمس كل المدرج انه يجي ويجلس جنبهم ويشجع ويصفق لو بغيت مية وثمانين دقيقة !!

لو بغينا تشجيع تسعين دقيقة هالشيء مايجي بالساهل هالشيء يبي له تنظيم على اعلى مستوى ,, مثل الروابط العالمية وارجع واقولك انا عنيت بـ " كلامي " الرابطة فقط وقلت لك ان الواجهة ماراح تشجع او تردد اهازيج ماتسمعها زين او ماتحفضها ,,


يعني زي ماتقول لازم نعدل اوضاع الرابطة بما يتوائم مع ذوق الجمهور في الواجهة علشان نجذبهم للتشجيع اما بالاهازيج الطويلة ,, اما التنظيم الفوضوي الي حاصل ,, مستحيل يتعدل الوضع ,, فانت اتفقت مع كلامي وما إختلفت يابعدي


ونرجع ونقول اننا راح نوقف مع الرابطة بس لازم يتعدل وضعها ,, لجل ترجع هيبة المدرج ,, فالمباراة السابقة لم يكن فيها أي اهزوجة جماعيـة قديمة يحفضها الجمهـور ,, وهذا أكبر خطأ ومع ذلك الجمهور شجع وصفق وآزر مانهضمه حقه ,, لكن الاخ كاتب الموضوع كان يقول ان الجمهور الهلالي هو أقل الجماهير تأثيراً واعتقد هالكلام حقيقة إلا في المباريات الحماسيـّة والديربيـات ,,


وأعتقد انه قال بالحرف الواحد ان كتابته للموضوع كانت قبل بدء السنة يعني قبل مايلعب الهلال أي مبـاراة ,, ماتكلم عن مباراة امس فقط ,, ( ورده )



تشكر يابعدهم

إقتباس هوس المدرجات - H50 يعطيك العافيه عالتوضيح لاهنت

الله يعافيك يابعدي ,, وترى والله المشكلة سهلة وحلها سهل , لكن اهمالها من المسئولين يخلينا نحس انها مشكلة الشرق الاوسط ومالها حل ,, اكرر شكري لك ولكاتب الموضوع

المسألة اننا نلتفت للجمهور ونشوف وش الي يحمسهم ( ونسويه ) ويادار مادخلك شـر ( ورده )

الف شكر لكـ اخوي ابو فيصل والله انا معك بكل حرف قلته::..:: كفيت ووفيت::..::

إقتباس الرسالة الأصلية كتبت بواسطة أمير الأساطير الف شكر لكـ اخوي ابو فيصل والله انا معك بكل حرف قلته::..:: كفيت ووفيت::..::

خلني اقولك شي دائما اللي يقلد ما ينجح ابدا

موضوعك جميل ونابع من غيرتك لكن لازم تتقبل انه ممكن يكون صح وممكن يكون لا "غلط" يعني الموضوع نسبي

انت روح شوف طيب مباراة الاتحاد قدام الرائد شوف جمهورهم نايم ماعدا الرابطة نفس الاهازيج ونفس الازعاج

يعني بقولك شي ملعب جده "وبحكم اني عايش فيها" يعتبر اقرب ملعب بالنسبة لقرب المدرج من ارضية الملعب اما استاد الملك بصراحة لو تجيب 4 طائرات توقف بينك وبينهم "مررة بعيد" وهذا ترى له اثر كبير ثانيا الامن في الرياض مشدد مررة يعني تحس ان المشجع مو ماخذ حريته

اما حكاية تشجيع الدقائق التسعين بقولك شيء لكل بلد ثقافته في التشجيع

انا حضرت مرتين في ملعب الامارات واخرها اول مباراة في الدوري لهذا الموسم اما وست برومتش وانتهت لاراسنال 1-0

مافيه شي اسمه رابطة الا ان الجمهور اللي خلف الباب هو اللي يبدأ بالاهازيج بس من غير طبول مثل اغنيته الشهيره
" with arsenal stand up"
وشوي تشوف كل الجمهور واقف وانوع الحماس

يعني بصراحة التشجيع الاوربي صعب تطبيقه هنا حاليا لان نظرتهم الى الكرة اصلا تختلف وملاعبهم تختلف عننا

اتمنى انه مايكون في شي اسمه رابطة وشي اسمه جمهور اتمنى انها تدمج في بعضولا وش الفايدة حتى اللاعبين بيدرون ان الرابطة بس طق وطقيق
وعلى غير سنع

انا عندي كلام طويل اقوله
بس قرب وقت الفطور اتمنى انك تتقبل وجهة النظر
ولي عودة ان شالله مستقبلا

والله انك صادق يالغالي ،، انا انساااان حماااسي جداً .. وانطرب مع الطرب خصوصاً اذا كانت الاصوات تهز الملعب .. فداااكم صوتي لآخر المباراة ماعندي مشـآكل .. بس اهم شي كلنا نطرب مع الرابطـة والله نهز الملعب هز


ليت الكل يفهمنـا ويطرب معنـا ويترك الرسميات والفخشره ( السخيفـة )