يعطيـك العافية .. يالغالي على جهدك وصدقني الخلل في نادينا وفي مجلسنا وبعض جماهيرنا لكن الصراحة تزعل بعض الأخوان ,, عن نفسي والله ماني بقايل إلا الحق لان مايهمني هو المدرج والمدرج فقط وهذي وضيفتي أولى كـ مشجع ,, نعم المجلس لم يقصر والعجلان لم يقصر لكن ماتحس ان المجلس قاعد يبذل كل شيء علشان يحمس الجمهور ,, او حتى يزيد ثقافته ,,
إقتباس
الرسالة الأصلية كتبت بواسطة هوس المدرجات - H50
أنا من نجد ,, وعتبي إن مجلس جمهورنا بما أنه اتى بقائد رابطة واقتنع باللون الحجازي في التشجيع ,, ليش مايفتح قسم خاص بالرابطة لأن مشجعين الرياض ,, يختلفون ومو كلهم من نفس الطينة ,, فتح قسم للرابطة ضروري جداً اذا ارادو كثافة حضور وتشجيع اما لو ضل الوضع على ماهو عليه فراح نجلس على هالحال إلى ماشاء الله ,,
بالنسبة للإخوان الي يقولون إنهم مو مكاين ويستشهدون بالدوريات الأوروبية ,, ياعزيزي في الدوريات الأوروبية هناك روابط تشجع على مدار التسعين الدقيقة وبدون توقف ,, واستشهادك في غير محله والله أبد أبد !!
انا الي ابي اذكره بالنسبة لك لانك تطرقت للجماهير .. حاجتين وبترك المجلس وآرائ ه في هالخصوص ع جنب !!
الجمهور صعبه انه يردد ع التسعين دقيقة ,, كلها إلا في حالتين ,, أنه يحصل رابطة تخليه يتحمس ,, او أن اللعب يكون مجنون لدرجة انك ماتقدر تجلس ساكت ,, او انه يتغير حبه حبه الين يوصل لهالشيء مع مرور الوقت ,,
لكن حنا نقول كل شخص مجنون للمدرج في الرياض ,, وحاب يقوم بواجبه كـ مشجع ومؤازر ع التسعين دقيقة ,, المفروض انه يتواجد مع الاستاذ محمد غندر وجنبه ,, وانه يعطينا مثل هالمواضيع لان طريقة التشجيع هي وضيفتنا وهي واجبنا الأول تجاه النادي ,,
ونتمنى من مجلس الجمهور أنه يعرف أن هالطريقة مستحيل تطور من مجلس الجمهور ,, لابد انه يفتح قسم خاص للشباب المتعاونين مع الرابطة ولابد ان الاعضاء الرسميين يزيدون ,,
نقطة أخيرة احب اعلق عليها ,, بما انك ذكرت طاري الرسميات ومالرسميات ,, اقولك انسى هالشيء يصير لاننا بصراحة في مجلس الجمهور ماحترفنا التشجيع للحين !!
ياعزيزي اذا كان رئيس الرابطة الاخ محمد غندر ,, مايلبس طقم الهلال !!
واذا كان نائبه جايني بثوب وعقال كنـه رايح لعرس !!
واذا كان اكثر من شخص متعاون في كل مباراة مع الرابطة ع نفس المود في طريقة اللبس !!
شلون تبي بعض الجماهير تجي باللبس الهلالي !!
اللبس مو كل شيء .. بس فيه اساسيات في رئيس الرابطة في كل دول العالم !!
واول اساسيات الاعضاء انهم يكونون بـ لبس الهلال ,, هل معقولة يجيني رئيس الرابطة ونائبة مرسمين ؟!
ا الحق يقال ,, والله اننا ينقصنا الكثير في هالخصوووص لكن راح نوقف مع محمد غندر في هالسنة عل وعسى تنصلح الأحوال ,, ونشوف للمدرج الهلالي هيبة مثل أول ,,
أخر نقطة احب اعلق عليها !!
الي يشوف اجوبة العضو المطرفي في موضوع اقلام زرقاء .. يعرف زين ان مجلس جمهورنا عاجبه الوضع ولا هو مقتنع ان المدرج الهلالي مسلوبة هيبته ,, من سنوات ,,
هل تعلم ياعزيزي انك في المقاهي تجد تفاعل مع المباراة أكثر من تفاعل الجمهور في الملعب !! وهالمعلومة والله اقولها وابصم عليها ,, والسبب اننا نلزم الجمهور لون معين ومانسمع لرأيه واقتراحه او مانطبقه ,, وهذا عائد لان اي شيء يخص الرابطة متروك لمجلس الجمهور وهذا اكبر غلط
نتمنى من الاخ سامي ابو خضير انه يورينا شغل احترافي في هالخصووص ويحمس الجماهير الي متسدحه في المقاهي وجالسه تصايح وتشجع للحضور للملعب ,, فالخلل واضح ولكن يبي له عين بصيرة واعتراف بمكامن الخلل حنا كنا نرعب الخصوم وبدون مايك وبدون طق ,, ولازم تعود للمدرج هيبته ,,
اسف على الإطاله وادري ان كل كلمه لي بوادي لكن حبيت اسدح الي فـ بطني لك
والله يوفق هلالنا ورابطتنافي هالسنه وتقدم شغل غييير لاني ماودي استبق الاحكام ,,
كـلامـك كله بـ عين الأعتبـار أخوي وأشكرك على الـرد الشافي؟
بس تعتقد زملائنا المراقبين والمشرفين يثبتون الموضوع أو ينقلونه للأاهمية
ياناس نبي حل والله ان المشكلة في هالجمهور غريبة عجيبة ويعطيك الف عافيه
على الـرد الشافي وبيض الله وجهك فعلآ حسيت ان في أحد يـرد الروح على كلامك
وفعلآ انا أأأييد فكرة فتح قسم لرابطة وكل مايخص الرابطة ياجماعة ؟؟
شكرأ من القلب على ردك الشافي وشكرآ من القلب على الزملاء الي طروني بالخير
وأيضآ الزملاء الي ذموني اقول لكم شكرآ بس ماقدر اجامل على حساب الزعييم واقول انا من اهل الرياض وتشجيعنا غير اسف ماقدر والله...!!!!
شكلك شايف المباراة عالاي ار تي الجمهور كان رائع ومن دخل التايب والجمهور يصفق له وطول بالتصفيق وحتى لما انذكر اسمه قبل المباراة ولما وصل يلعب الركني ولما استلمها اول مرة ..
والتصفيق للاعبين كان موجود خاصة لهوساوي بالشوط الاول ومع الكور الحلوة والتخليصات وحتى التسديدات "الطائشة" تم التصفيق لها
الجمهور كان 10 على 10 ولولا القارورة عالحكم الظالم كان قلت جمهورنا كان "كامل"
موضوعك يحمل الكثير من الغلط وجانبت الصواب كليا عن الجمهور وحاولت تتكلم بمثالية زائدة .. ترا ماهو من زين الملعب او الجو او الحرس او التنظيم او حتى اللعب علشان تبغى الاصوات تنبحّ بسبب وبدونه ..
راجع الجمهور الانجليزي وتشجيعه وتعرف ان التشجيع موب مزاعق كل دقيقة .. وفر صوتك وجهدك للوقت المناسب للتشجيع لاننا مو مكينات شغلها المصارخ طول المباراة ..
وبعدين تتمنى تكون لاعب مع الخصم؟ ليه جايز لك السب والشتم للاعبين واهلهم بالمنتديات؟ او مع كل هدف الجمهور يصايح حارثي حارثي لو انه احتياط؟ بلاش تطبيل للجار لمآرب أخرى بحجة حب الزعيم
موضوعك جميل ونابع من غيرتك لكن لازم تتقبل انه ممكن يكون صح وممكن يكون لا "غلط" يعني الموضوع نسبي
انت روح شوف طيب مباراة الاتحاد قدام الرائد شوف جمهورهم نايم ماعدا الرابطة نفس الاهازيج ونفس الازعاج
يعني بقولك شي ملعب جده "وبحكم اني عايش فيها" يعتبر اقرب ملعب بالنسبة لقرب المدرج من ارضية الملعب اما استاد الملك بصراحة لو تجيب 4 طائرات توقف بينك وبينهم "مررة بعيد" وهذا ترى له اثر كبير ثانيا الامن في الرياض مشدد مررة يعني تحس ان المشجع مو ماخذ حريته
اما حكاية تشجيع الدقائق التسعين بقولك شيء لكل بلد ثقافته في التشجيع
انا حضرت مرتين في ملعب الامارات واخرها اول مباراة في الدوري لهذا الموسم اما وست برومتش وانتهت لاراسنال 1-0
مافيه شي اسمه رابطة الا ان الجمهور اللي خلف الباب هو اللي يبدأ بالاهازيج بس من غير طبول مثل اغنيته الشهيره " with arsenal stand up" وشوي تشوف كل الجمهور واقف وانوع الحماس
يعني بصراحة التشجيع الاوربي صعب تطبيقه هنا حاليا لان نظرتهم الى الكرة اصلا تختلف وملاعبهم تختلف عننا
اتمنى انه مايكون في شي اسمه رابطة وشي اسمه جمهور اتمنى انها تدمج في بعضولا وش الفايدة حتى اللاعبين بيدرون ان الرابطة بس طق وطقيق وعلى غير سنع
انا عندي كلام طويل اقوله بس قرب وقت الفطور اتمنى انك تتقبل وجهة النظر ولي عودة ان شالله مستقبلا
والله انك صادق يالغالي ،، انا انساااان حماااسي جداً .. وانطرب مع الطرب خصوصاً اذا كانت الاصوات تهز الملعب .. فداااكم صوتي لآخر المباراة ماعندي مشـآكل .. بس اهم شي كلنا نطرب مع الرابطـة والله نهز الملعب هز
مشكووووووووور اخوي وكلامك فيه الكثير من الصحه
بس اخوي لو سالتك جمهور الخصم الاخر لو انهزم بعشرة ما تفرق معه
يعني جمهور ما عنده اي اخلاص جمهور بلا روح
بعدين الحمد لله الهلال حقق اغلب البطولات بدون رابطه مشجعين اجل لو كان عندنا رابطه
وصراحتك في محلها ولا أحد يقدر يخالفك هالرأي ومن خالفك واحد ماتهمه مصلحه الهلال
وبالعكس نبي مواضيعنا تكون فيها جرأه وشفافيه
وبعدين بقولك شي الهلال الحسنه الوحيده فيه انه يملي الملعب بالمليان لكنه هادي جدا جدا ولا تسمع منه الا وقت الهجمه فقط والصفقه المعروفه من يوم ماعرفنا حضور المباريات
لكن فعلا نحتاج اهازيج وتصفير وحركات بالشالات والاعلام ونبي رئيس رابطه يكون في مستوى الزعيم الهلالي مو زي طيب الذكر اللي راح للنادي الجار بمبلغ وقدره !!!!!