إقتباس الرسالة الأصلية كتبت بواسطة الهنوووف وعليكم السلام ورحمه الله وبركاته هلا بك اخوي سكاي (اتعب احول اسمك باالانجلش ) بخصوص سعر الفلاش اشياء ترخص واشيا تغلى حيل اصلا لو تعود بالذاكره للجوال والكمبيوتر كانوا بـ 10 الاف والحين صارو بالف وبـ 100 وش عقب هالرخص وتجولك بالشاليهات احسك مغامرين شوي>>>خوافه مدري ليه اخاف من هالاشياء لو دخلتوا بشاليه شباب مش ولابد وخطفوكم >>> مشكلتي ماتابع افلام كثيره بس مدري ليه اخاف وهالبنت ماقول الله يستر علينا وع بنات المسلمين كان بلغت الهيئه \ / يعطيك العافيه اخوي احمد ع هاليوميات وتشرفنا بك سؤال وش معنى يوزرك اذا مافيه خصوصيه ..؟؟ بانتظار سيمو بيك الهنوووف كانت هنا ورحلت

هلا بالهنوف صاحبه الحس التهديفي العالي .. بصراحه العنوان خطير حسستيني اني مجرم
وبالنسبه للشباب اللي مش ولا بد وش يبون فينا يخطفونا ( حصاه وقشعه لا وطفارى )
وبالنسبه للبنت مابغينا نظلمهم يمكن هالبنت اختهم الوحيده وكسرت خاطرهم جالسه لحالها في البيت < ياعمري ياصافي النيه
الشي الثاني أستغربت من جرأتهم وكيف دخلونا وعندهم بنت عشان كذا قلت يمكن انها محرم لهم مابي أسبب لهم مشاكل

SKY < معقول ماعرفتي وش معنى هاليوزر
معناه (السماء)
أخترت هذا اليوزر لأنه من صفاته السمو + الزرقه وهو اللون اللي أعشقه + خفيف ورسمي

ألف شكر لك الهنووف على مرورك الجميل والتنسيق الرائع ليومي

إقتباس الرسالة الأصلية كتبت بواسطة متآبعه بصمت <جاري النسخ والقراءة في وقت لاحق *_^ يالله يا شباب لا تفوتكم صلاة المسجد محد نافعكم غير صلاتكم وأنتوا يا بنات كل وحدة تفرش سجادتها وتدعي ربها إنه يصلحها ويسعدها سلاااام ‏<‏ صلاة وبعدها النوم

هلا بالعصبيه اللي بغت تجلدنا في آخر موضوع لها
في إنتظار تحرير ردك .. وتعليقي راح يكون هنا إن شاء الله

إقتباس الرسالة الأصلية كتبت بواسطة السمسار الهلالــي هلا SKA ,بصراحة ماني حولكم لافالمسابقة ولا اللقاء هذا : ( مع ان شبكة الزعيم اليوم مدهرة في مبارة الهلال ولقاءك والمسابقات الله يديمها لاني شاري لي كم فلم وقلت ابترك النت اليوم لكن لاجدوى صراحه يوميات حلوة كعادتك والله يديم السعادة عليك ســوـآـآل / الاستضافات محصورة على اعضاء المجلس , او الشكبة عامة ؟

اهلين السمسار حياك الله ياصديقي العزيز
اجل ماقدرت تترك النت شكلك مسحور مثلي
تصدق بعض الأحيان وانا اتاابع فلم على الجهااز أوقف الفلم وادخل الشبكه آخذ لفه سريعه وأرجع أكمل الفلم

أسعدني مرورك العطر ودمت بخير .. ورده

ماشاء الله يوووووم روووعه

يعطيييييييييك العافية ... والله يهدي شباب وبنات المسلمين

إقتباس الرسالة الأصلية كتبت بواسطة بريماكس اهلين احمد اهلين باللي يدخل بظهور من غير اتصال يومك منوع ومميييييز كثير مابين جلسه على النت وبين طلعه ومابين شاليه بس اكتشفنا فيك اشيااااااء واااااااااااااايد مثل الشرااافه اللحين عرفنا انك شرووف احمد امزح معاك يا غالي بلاشك استمتعت بالقراءه الله يعطيك العافيه يابوحميد احمد .. الوعد المسن ولابيننا شئ انا واياك مبطي عن السوالف اللي ايييييييه اسمحولي ابعقب على هالرد ماشفته الا بعد مارديت انا بس ابي اعرف وش دخل الواسطه !! ياخي مع احترامي لك الا انك غير متابع للمجلس العام واعضائه سكاي والله مانب اجامله ويشهد الله على كلامي من افضل واجمل الاعضاء على مستوى الشبكه عامه المجلس العام خاصه !! تابع ردوده وتابع مواضيعه وتعرف منهو سكاي !! ياليت ماتقول واسطه وما واسطه !! مدري يعني الواسطه له دخل بالاستضافااااات بعد ؟ صدقني لو الواسطه له دخل بالاستضاافات كان اول واحد يستضاف انا وسلامتكم .. وشكراً على جهودكم جميعاً .

العذر والسموحه من الجميع لأني دايم ظهور دون إتصاال .. انا مشكلتي مزاجي مره تلقاني مفرفش ومره مطرطع وما أحب اعطي أحد حظر حتى لو كان أكبر بثر في الدنيا
على شان كذا اذا صرت مشغول بشي أو مالي خلق اسولف مع احد احط ظهور دون إتصال واللي مثلك يابريماكس يمون أدخل بعيني حتى لو اني حاط مشغوول لأن السوالف معك تروق البال .. عزيز وغالي والله

ليه ماتجينا للشاليه أحكي لك وش اللي صار بدل المسن

ألف شكر حبيب قلبي على المرور العطر والأطراء
كلامك شرف أعتز فيه .. تسلم لي يالغالي

إقتباس الرسالة الأصلية كتبت بواسطة جرح يشكي هلا بالغالي احمد << قريت رد ثامر واهو كاتب اسمك يوم جميل بس موب كانكم تطلعون متأخرين لـ الشاليه <<< خلك مثله 9.30 وانا بـ الاستراحه خصوصاً بعد ما فتحوا كوبري جديد عندنا . والبنت اللي في الشاليه .. الله لا يبلانا في رمضان ..!!!! تقبل تحياتي جرح يشكي

هلا بالغالي جرح .. أهلين حبيب قلبي نورت الصفحه بمرورك الجميل ..
انا طالع الشاليه الساعه 10 فرقت نص ساعه يعني
انا دايم اتأخر علشان اذا وصلت أحصل الشباب مصلحين كل شي ماعلي الا أجلس وأنبسط < اكيد فاهمني

ألف شكر حبيب قلبي على تشريفك لسطوري .. ورده

إقتباس الرسالة الأصلية كتبت بواسطة ابو ياسرالهلالي وعليكم السلااام ورحمة الله وبركاته الله يوفقنا ويوفق جميع المسلمين والمسلمات ياارب الله يوفق خويك ان شاء الله وييسر امور بحثه ياارب حبيت اقتبس وارد عليك لكن اخوي انت لك من يوزرك نصيب فالسماء مليئة بالاثارة والغموض والمتعة كما يومياتك فمن خبز جدتك الى فلاشك الى الشاليه ربي يسعدك وييسر امورك ويكفيك شر حب الاستطلاع اتمنى اني اجبت على سؤال اختي الهنوووف فلو ركزت على الرد راح تستنتج اجابة سؤالها الف شكر للاستشاريين على هالمجهود وللمصممين ولصاحب الفكرة تحيااتي

هلا بالغالي ابو ياسر الله يجزاك خير على هالدعوات .. ورده
أكيد وضحت للهنوف معنى أسمي ردك كافي ووافي والله يبيض وجهك ماقصرت لكن انا حبيت أوضح لها المعنى والسبب في أختياري له

الله يعطيك العافيه على تواجدك العطر والله لا يحرمنا هالتواصل العذب .. دمت بخير

إقتباس الرسالة الأصلية كتبت بواسطة abusaud الف شكرر sky على اليوم الممتع والجميل جداً اللي يعجبني فيه ان سويت شئ تخدم فيه مجتمعك وتنفع فيه صديقك .. الدنيا تغيرت وانا اخوك ماتدري بعدين تروح تشتري فلالاش يعطيك جهاز مجاناً .. الف شكر يالغالي وبأنتظــار سيمو غداً

ياهلا والله بصديق صديقي .. نورت الصفحه يابوسعود والله
شي جميل ان الواحد يجرب أشياء جديده في حياته
وبالنسبه لتغير الدنياا .. يالله عساها تتغير كذا دائما

ألف شكر حبيب قلبي ابوسعود ومرورك شرف أعتز فيه والله

هلا والله احمد


يوم ممتع صراحه وبالذات من وقت روحتك الشاليه
والله مدري شلون خويك تحمل مصاله اللي تقابلونهم
احس انها بتقفل عندي على طول وبيقوم البقس ..!!


اما سالفه البنت .. ياكثر اشكالها ويزيدون برمضان
الشيطان تتصفد الا شياطين اللي مثلها .. والله ياكثر ماسمعنا
وشفنا من فتن برمضان ..!!



الله يعطيك العااافيه سكااااااااي يوم ممتع صراحه ..!!
واللي يبيض وجه القائمين ع الموضوع ..!!

إقتباس الرسالة الأصلية كتبت بواسطة h_s y t_2008 أهلا عزيزي S K Y شوف أنا مابيني وبينك شئ لكن يعلم الله إني أحترمك كذا من ردودك أحس إنك شخص واعي وفاهم الدنيا ومخك نظيف الله يوفقك دنيا وآخرة يارب والله أبوك خطيير البنت هذي بايعتها بزنوبة هندي محرول يوميات مميزة من عضو من خيرة أعضاء الشبكة تحياتي.....ورده H_S Y T_2008

حياك الله يالغالي وألف شكر على الأطراء تسلم لي والله احرجتني بصراحه
ألف ألف شكر على مرورك العذب وتواجدك اللي أسعدني كثيرااا ..
الله يوفقك ودمت بصحه ..

إقتباس الرسالة الأصلية كتبت بواسطة فجر الرياض هلا سكاي التجربه حلوه وشي جديد راح تكتشفه من معاملة الناس بمختلف اشكالها انا تعجبني التجارب اللي مثل كذا بالجامعه ودي اشارك او اسوي بس الحياء احسه بيمنعني عكس المدرسه كنت اشارك بنشاطات كثير عموما قاتل الله الخجل على قولة هنو الله يهديها لاوالله سكاي بالعكس يومك حلو وفيه اكشن واستمتعنا فيه يعطيك العافيه ورده بإنتظار استشارينا ورده

ياهلا وغلا فجر الرياض نورتي صفحتي بمرورك العذب ورده
الحياء من الإيمان ويزين الأنسان .. لكن في بعض المواضع يكون عائق لتحقيق مصلحه أو فائده
بأختصار تجرأي وماجاك عندي

ألف ألف شكر فجر على تواصلك الرائع ووجودك يزيد الموضوع روعه ..
دمتِ بخير

إقتباس الرسالة الأصلية كتبت بواسطة && هلااااااليه && وعليكم السلاام هلاا وغلااا سكاي ورده آآآآآآآآآآآآآآآآآآآآآآآآآآآآآآآآآمين يارب ليت الاسعااار تنزل مهيب ترتفع اول احسبه انا لحالي اكتشفت ان اغلبية الاعضاء كذااا وضعها غريب ياعيني ياعيني ههههههههههههههههههههه الحرمه طلعت تدخن يمال العافيه ياسكاي على اليوميات ورده يومك مرتب احس كل الشكر للاستشارين ع الجهد المبذول ورده

ياهلا ياهلا هلاليه حياكِ الله نورتي الصفحه
بس الألكترونيات هي اللي تنزل أسعارها بشكل قوي لأنها تتطور بسرعه وتنزل موديلات أزين

بالنسبه للـ (حرمه) زين انها تستخدم دخان وبس .. ياما سمعنا عن (حريم) يقرقعون الكيسان

الله يعطيك العافيه هلاليه على مرورك اللي أسعدني .. دمتِ بخير

إقتباس الرسالة الأصلية كتبت بواسطة الحلا مبتليها مراااحب sky وااااااااو صراحه العنوان متعوب عليه.. يومك ماشاء الله سريع وممتع في نفس الوقت والله انت وصديقك صرااحه فيكم روقاان مو طبيعي << احترني ادور ع خلق الله << خاشه جو شويه سحر عليهااا لا بعد ابشرك حتى واحد من اخواني نصراوي صميم المهم دايم اذا ددخلت المجلس ع طول يجي يقرا معي وهالايام كني اسمعه يلمح انه مسجل يقول والله ان منتدى الرياضه العالميه رهيب قلت له لايكثر بس اصلا كل شي ف الهلال رهيب من شفته قال هالكلام وانا خابرته انه مسجل << الله يكفينا شركل نصراوي كل الشكرلك ع هاليوم الجوناان

الحلا مبتليها هلا بك اختي .. تشرفت بمرورك العذب
بالنسبه لأخوك النصراوي خليه يسجل يمكن الله يهديه ويصير هلالي
ألف شكر لك على التواصل العذب .. دمتِ بخير

إقتباس الرسالة الأصلية كتبت بواسطة القناصة الهلاليه وعليكم السلام ورحمة الله وبركآته أهلاً ومرحباً بـ المتميز سكااي ..ورده من اليوميات المميزة التي قرأتها .. الله يعطيك العافيه مآقصرت .. إستمتعنا كثير , يوم هادئ ومرتب الله يهديها ويستر على بنات وشباب المسلمين يارب العالمين أشكر جهودك المبذوله في هذه الشبكة .. بارك الله فيك دمٌت كماَ أنتَ طال عمرك بإنتظار سيمو أجمل التحايا وأعذبها

حياكِ الله القناصه الهلاليه ورده .. تواجدك زاد صفحتي جمال وروعه
الحمد لله ان يومي حاز على رضاكم وشهادتك شرف لي .. ورده

كل الشكر لك ودمتِ بخير

إقتباس الرسالة الأصلية كتبت بواسطة هلاليه كووول22 وعليكم السلام ورحمة الله وبركاته هلا skyورده اللهم آمــــــــــــــــــــــــــــــين الله يهديها ويستر ع شباب وبنات المسلين توزيع الاستبيانات هذا شي مره احبه تذكرت الجامعه يعطيك العافيه يوم حلو وكل الشكر للهنوف ورده وطارق ورده

الله يعطيك العافيه هلاليه كول على تواجدك العذب
مرورك شرفني وإن شاء الله يتحقق اللي تحبينه مره ثانيه
ألف شكر ودمتِ بخير