هلا أبو رامي

الله يرد لك ضناك


موضوع اكثر من رائع وقصة مشوقة خصوصاً قصة الشغالة

تقبل مروري

صدى الامس

أهلين وسهلين عميدنا صدى الدجة شرّفت ونوّرت

إقتباس ياخي تركي وش يحسب به يوم يترك هالورقة ؟؟!

والله وأنا أخوك هذا من بلا مسلسلات لميس وطقتها لعبت بعقول عيالنا والله المستعان

إقتباس وبعدين بسألك الحين تركي اهله مسافرين شرم الشيخ .. ماعندهم شغاله يخلونها بالبيت ؟؟! يعني لازم يحرجون انفسهم ويتسلفون شغاله ههههههههههههههههههههههههه ؟!! ماش واضح من بداية الرواية انها اي كلااااااااااااااااام

والله أنت اللي نقدك أي كلام .. عميد الدجة ما عندك سالفة
أكيد أخذوا شغالتهم معهم عادي .. أجل تبيهم يخلونها مع تركي تتحرش فيه كل أبو دايم؟

إقتباس مفروض تكتب ان المقطع الجاي +18 والا تحط مثلث احمر يمين الشاشة << حركات سوبر موفز منول

ههههههههههههه
بيني وبينك هالأيام , الـ -18 يعرفون أكثر من الـ +18 عشان كذا ما حددت عمر معين لهالمشهد

إقتباس ايه اشوى انه مهوب بنت هههههههههههههههههههههههههههههههههههههههههه !! بس عاد ما تدري وين يبي يخربها معك ؟؟ الشغالة وفي المجلس هالمره وين ؟؟

ـهههههههههههههههههههههههـ
الحمد لله أجل .. والا كان تكسرت السيارة من جوا

إقتباس طيب ما قلت لي يالمشاغب الضمان كم سنة ؟؟ ولا تقولي تكفى 60 ألف ؟!!! وبعدين هالسيارة تبي تشتريها بعد إيجار منتهي بالتمليك والا وشلون ؟؟ وهل اذا شفت فيها عيوب والا صار للسيارة عطوب ( خشة تغمز ) والا شي من يتحمل التكاليف ؟؟!؟ اهم شي العيوب لا تكون مصنعيه بس خخخخخخخخخخخخخخخخخخخخخخخخخخ !!

ـهههههههههههـ الله يرجكـ ـههههههههههههـ
ـهههههههههههههههههههههههـ
بهالمقطع بالذات كنت بأجيب العيد بس خفت من الإيقاف
لكنك ما قصرت بردك بتتوقف مكاني

إقتباس خل عنا بس يالمشاغب انت ما فكرت برامي ولا شي ..! انت كل تفكيرك بأم رامي ..!!

ما ألومك لأنك ما بعد جربت الأبوّة
أنا رامي عندي يسوى الدنيا وما فيها .. وأم رامي خلاص انتهت من حياتي
<< ما زال داخل جو القصة

إقتباس تسلم وما قصرت .. ولو ان الرواية << ابد تقل ما جازت له السالفة انها تكون رواية فيها من الواقع الكثير خصوصاً سالفة ام رامي واشكالها .. لكن مالي مزاج بهالحزه اكون جدي .. عشان كذا تحمل ..

الله يسلمك ويحفظك يا عميدنا .. أسعدني كثيراً مرورك وحضورك
لا عدمناك ورده
---------------------------------

إقتباس الرسالة الأصلية كتبت بواسطة ارسن فينقر بصراحه روايه منتهيه يامنتهي أمزح أنبسطت كتير ولا حسيت بطوول الروايه تحيااتي أيها الوسيم ..

أهلاً وسهلاً أبو فينقر ورده
شرفني مرورك الكريم .. ميرسيه باكو ورده
تقبل تحياتي
---------------------------------

حتى ظلالي هلالي

إقتباس ياخي أرحم خلق الله وش خليت لهم اسطورة البلياردو واسطورة الرواية و......... و........ الخ

هلا وغلا حتحت ولكمووو ورده
أنا بكل تواضع ( أسطورة شاملة ) وهذا من نعم ربي علي .. وش تبيني اسوي؟
وين ما ربي حطني فيه أكون أسطورة .. يا حبني لنفسي والله

إقتباس نجي لمشاهدكـ الي مدري وش تبي مشكلتي تحمست من البدايهـ ونسيت انط أول مشهد

ترى رحمتكم من أول مشهد وقصيت منه بعض اللقطات الخادشة للحياء
المفروض تشكروني على هذه البادرة

إقتباس لا والله اشوى يرجى منكم خير بينكم كلام مؤدب ورومانسي على خبري يالعيال ماتقولون إلا انقلع يا........ , طيب يا ......... , أوكي يا .......... وكل الاشياء وعهـ لازم تسبون بعضكم

الله أكبر يا البنات المؤدبات
أجل أنتوا اللي كلامكم كله حلو ومؤدب وما فيه وعـات؟
خلي الطابق مستور وما يحتاج نجيب بعض مصطلحاتكم

إقتباس سؤال جدي وش شعوركم يالعيال اذا ردتكم البنت ..!! وش يجي ببالكم سبب رفضها ..!!

بصراحة ما قد جربت الحمد لله
بس لو لا قدر الله صار لي كذا .. فأكيد راح يجي في بالي انها انسانة غبية أو مريضة نفسياً

إقتباس يعني راي خويكـ تركي نروح ندور لنا حنا ابو البجامه والذوق أحسن من ابو سروال السنهـ

اذا كانوا السوريات يتزوجون الخليجيين عشان فلوسهم على قولتكم .. وش بالله عليك بياخذونكم السوريين عليه؟
لا فلوس ولا ركب بيضاء ولا شقار ولا جمال
احمدي ربك اذا لقيتي سعودي يرضى فيك وبوسي يدك وجه وقفى

إقتباس نجي للكلام الي ماضنتي انت كاتبهـ لأنهـ وعلى بلاطهـ كلام كبير الي يشوف موضوعكـ مايقول هذا ردكـ

الكبير ما يجي منه إلا كلام كبير ( فيس لابس نظارات بكل شموخ )

إقتباس المشاغب ورده أهنيكـ على هالنقاط لا عدمنا هالــ (العقل) أما الهبال مانبيهـ

ليه تحطين عند اسمي وردة بس وأبوقلق بموضوعه حطيتي قلب؟
يالله ما علينا بس لا تتعوديها

ألف شكر لكـ حتحوتة ورده ولا عدمناك على هالرد الحلو والظريف ورده
---------------------------------

إقتباس الرسالة الأصلية كتبت بواسطة الـسـلـطـان حركات يا خمس بنات يعني تعلمنا إنك وسيم ترى كلنا وسيمين مو انت ولا عمرنا في بنات لحقونا وعقبال ما تصير المنافس لأبو ريمان ولمهند س / فيه جزء ثاني ؟؟؟

هلا وغلا السلطان ورده
وسيم عن وسيم يفرق وأنا أخوك ( فيس أطخم حاط روج ويناظر بكل غرور )
مشكور يا بعدي على هالمرور الخفيف .. وفيه جزء ثاني أبشرك بس ممنوع من العرض ويمكن تلقاه بالسوق السوداء
تقبل تحياتي
---------------------------------

abo_nasser

إقتباس ليه ما تقول انك بتنزل الموضوع الحين ..وانا جلست اطلبك فيه..

هلا وغلا حبيب القلب فوفو
صدقني من ذاك اليوم وأنا أفكر أنزل الموضوع بس أتكسل
وفجأة جاني نشاط مفاجئ وكتبت الموضوع على طول وما صدقت أني خلصته وحطيت ارسال .. يعني حتى أنا ما كنت أدري اني بأنزله إلا بنفس الساعة اللي بديت فيها كتابة الموضوع .. العذر والسموحة يالغالي

إقتباس الحمدلله انك عجلت على الموضوع قبل رمضان بس..

ـهههههههههههههههههههههههـ
ولو؟ ما نسيت نصيحتك واستعجلت فيه قبل رمضان

إقتباس اسطورة البلياردو..واسطورة كرة الخشم اقصد القدم..واسطورة الروايه ..واسطورة الخرفنه..الخ الخ.. وش خليت لنا يا ظالم.؟؟

فيه باقي أسطورة القدور حلال عليك

إقتباس هههههههههههههههههههههههههههههههههههههههههـ ابو شكلك يالخروف ..تبي تقنعني لو يصير لك نفس الموقف بالصدقي بتترجاها..؟ قسم ان تصير علوم..

ـهههههههههههههههههههههههـ
أكيد راح يتغير الوضع 180 درجة
لو كان الموقف صدقي .. كان مسكت هالخدامة ومحطتها بحزام الجينز الجديد ما بقى إلا هي خدامة وتغتصبني

إقتباس وهـ بس... اخر كلمتين تضيع الواحد..

هذا بلا ابوك يا عقاب

إقتباس سلتان.. دمت خروفا حقيرا مبدعاً..

آمين
شكرن كثيرن فلووحتي على هالرد التحيف
لا عدمتك يا بعد نخرة الشيخ مدحت
---------------------------------

إقتباس الرسالة الأصلية كتبت بواسطة ازرق+ابيض=عشق الهلال خخخخخ موضوع تحيف ياابو رامي وازين مابالموضوع انك قلت الكلمه الي يترجمونها بالافلام ياحقيره خخخخ <<<مايقصد شي خخخخخ رامي مثل خشت ابوه بريعان الطفوله لي باك بعد مااصحى

أهلين وسهلين أزرق وابيض .. إلخ ورده
وش تقصد بكلمة حقيرة؟
مشكور على مرورك وحجزك الملغي يا بعدهم
ورامي الشبل أكيد من هذا الأسد اللي قاعد يرد عليك
تقبل تحياتي ورده[/COLOR]

إقتباس الرسالة الأصلية كتبت بواسطة الـمـشـاغـب هلا وغلا السلطان ورده وسيم عن وسيم يفرق وأنا أخوك ( فيس أطخم حاط روج ويناظر بكل غرور ) مشكور يا بعدي على هالمرور الخفيف .. وفيه جزء ثاني أبشرك بس ممنوع من العرض ويمكن تلقاه بالسوق السوداء تقبل تحياتي

هلا أبو رامي من جد انت أبو رامي ولا عشان القصة بس ؟؟ ( فيس يبتسم إبتسامه ساخره وحاط أصبعه السبابه بخشمه ) <<< نعنبو اللي علمك التشبيه

بس قصتك ذي إذا نزلتها فلم 15 دقيقة بتلاقي ربح خيالي وخصوصا إذا تولى وليد القحطاني نشرها بالمنتديات <<< القلب لرامي مو لك انت ووياه

أنا ودي أنزل روايه وفيه قصه براسي لكن داري إذا نزلتها أنواع التزيبد والتحطيم فخلنا بكرامتنا أحسن

ع العموم شد حيلك واترك الكسل ونزل جزء ثاني وعقبال ما نشوف سامي أخو رامي

سلطان ابشرك قريت الموضع



شـــــــــــاو

روايه جميله بل ممتعه
عاووااااااااافي
ـــــــــــــــــــــــــــــــــــ

[COLOR="DimGray"][COLOR="DimGray"]
ريري هكتور

إقتباس الا حقيقيه والا من بنات افكارك ..؟

أهلييين ريما شين الحريما ورده
حلو سؤالك .. مرة حلو .. لأن الظاهر بعضهم صدقها ويالله لا تبلانا

إقتباس أسطوره أسطوره ..درينا تراك ابلشتنا كل دقيقه والثانيه اسطوره ساطوره انت وتخب عليك ..بس عساك تسن الساطوره صح

مهما قلتي ومهما فعلتي .. ما راح تهزين فيني شعرة من صدري
ياما وياما واجه الأسطورة سامي من هجوم أكبر من هالهجوم اللي قاعد أواجهه وما ضره شي .. اخسئي واندحري يا فتاة فلن تبلغي مرادك

إقتباس طيب كيف بالله تجاهلتها ؟ جد أشرح لنا تجاهلتها >> بس نلعب لعبة الكراسي وتصير أتجهت لها بس كيف أتجهت صوتي والا ليك الواوا .. بس عشان يفرق ابو 15 فما فوق

تجاهلتها يعني سويت نفسي غشيم وما عطيتها وجه
بالله عليك تبيني أصوم وأصوم ثم أفطر على شغالة؟

إقتباس بعدين والله درينا انك فاهم ومعك لغه وتتابع افلام حنا تبع أنيس عبيد والقناة الثانيه .. لكن اذا الساطوره له ترجمه خاصه موب ذنبنا .. << الله الهادي

ـهههههههههههههههههههههـ
هالترجمة خاصة بأفلام إم بي سي تو .. أما أنتوا يا أصحاب سبيس تون وام بي سي ثري ما راح تعرفونها

إقتباس اللي كتبه الدكتور .. ميسره .. الله يهديك بس شكلك تقوم وانت تشوفه وتنام عليه

الله يرجك يالفاهر
بصراحة أنا من أشد المعجبين بالدكتور ميسرة خصوصاً حين يشرح بالتفصيل الممل أدق التفاصيل

إقتباس فيه من الخقه ماللله بهِ عليم ..على قولة وحده فاهر اسمها ( بلو ستار ) وراهن كن بهن .................. بس أنت خذ يمين وركز على الورديه

هههههههههههههههههههههه
يا هالمقطع مدري وشلون سمح له بالعرض في منتدى الزعيم المفروض تنصكين بإيقاف حتى تكونين عبرة لغيرك
من جد كن بهن دود على قولة الفاهر بلو ستار

إقتباس خلكـ حمش وصميدع لا تصير رخمه عطها العين الحمراء ..وان حاصل وانت

لا توصين حريص .. في الثقل أنا أبوه وجده

إقتباس والله عرفت تضبطك السوريه أجل 6 سنوات وولد واحد

حنا ناس راقين نسمع بالرقي وتحديد النسل أستغفر الله
الجد .. هذا رزق الله وهذا نصيبنا واللي كتبه الله لنا رضينا فيه << لاحظي أني أتكلم بجدية

إقتباس خلاص عاد أكتفي بهذا الرد ياالساطوره بارك الله بمن زار وخفف ... ( سبحانك اللهم وبحمدك اشهد ان لا اله الا انت استغفرك واتوب اليك ) ...

كل هالفهارة وآخرتها كفارة المجلس؟ الحمد لله والشكر

ريري بنت هكتور ورده .. شكراً لك على هذا الرد الظريف .. أسعدني جداً مرورك وردهورده

----------------------------

nor alshams

السلام عليكم ورحمة الله ,.
>> ليش ماتسلم بمواضيعك ؟

وعليكم السلام ورحمة الله وبركاته
هلا وغلا أستاذة حنين ورده
ما شاء الله عليك ملاحظاتك دايم في محلها .. أنا في آخر كم موضوع لي ما صرت أسلم .. يمكن عشان اللي ما يردون السلام ما يتحملون ذنب << عذر أقبح من ذنب لأن لو واحد بس رد السلام يكفي عن الجميع
خلاص يا أستاذة نور الشمس بالموضوع الجاي ان شاء الله أسلم

إقتباس هلآ ومرحبآ بالسلطان المشاغب ورده .. حياك الله من جديد >> لنا كم يوم ما شفناك

إقتباس شكل الرواية آخذه وقتك .. ..

ايه بالحييييل ماخذة وقتي
لا والله بس مشاغل الدنيا الله يعين عليها يا رب .. والا القصة بسيطة ومستواها متدني وما تستاهل وقت ..!

إقتباس الرواية تهبل

إقتباس لكنّهْ لا تخلو من التميلح .. بعلق على بعض النقاط بما إني مسستعجلة ..

تهبل؟ ـههههههههههههههههههههههههـ
حلووووووووووة طالعة منك خطيرة هالكلمة
من تالي صايرة كيوت
بالنسبة للتميلح .. فهو تميلح عفوي طبعاً

إقتباس أبششششششششرك هذا الولد شفت صورته قبل سنة لا وبعد هنا بالمجلس لا تروح بعييد تدور عليه كان هذا الولد حاط صورته بموضوع لـ أبو طلال باسم سمو المجد وبعدها نسب نفسه لأبوه قال أنا المشاغب

ـهههههههههههههههههههههههههههههههههههههههـ
الله يبشرك بالخير
ان شاء الله أتأكد من هالمعلومات ويرجع الضنا لأحضاني

إقتباس >>

إقتباس حاط لنا هالصورة بتعلمنا إنك فيك شَبَه من الشوام يعني جيران الأتراك >> .. ..

وإذا؟
مو من حقي أتميلح وأنا الأسطورة؟
الجد .. فكرة الصورة ما جات إلا بعد ما وصلت لفقرة السورية فجيت أدور عن الصورة في موضوع أبوطلال والحمد لله حصلتها

إقتباس ،؛, الله يعطيك العافية سلطان ورده.. و إعذرنا ع الرد البسيط والرديء >> لا تقول مو برديء أنا أبخص ..

الله يعافيك يا حنين على ردودك الرائعة دائماً .. واللي دايم تظلمينها بوصفك لها بالرديئة
أحياناً أقول الله يرج هاللي علمك هالكلمة وعجزتي تفكينها ورده
شكراً لك يا نور الشمس على تواصلك .. ولا تحرمينا من حضورك ( الدائم ) في المجلس .. فوجودك يفرحنا ورده


أتوقف إجبارياً هنا .. وأستكمل الردود لاحقاً بإذن الله

بايات يا حلوين

ههههههههههههههههههههههههههههههههههههههههههههه
واللله انها اطلق روايه سمعتها في حياااتي مشكووووووووووووووووووووووووووووور

بقية ردود الصفحة الأولى .. والله يعين ع الصفحات الثانية

هلالي من ارض اليمن

إقتباس والله الساعه المباركة يا سلطان قرأت العنوان وقلت ماذا لدى " الزير سالم " هذه مقدمة ترحيبية لقلم أحبه

أهلين وسهلين بنور العين وكامل الزين
الساعة المباركة وجودك في موضوعي وهـ والله أني استحيت

إقتباس لديك ميزة رائعة يا سلطان ... تقديم قصة او حادثة بطريقتك الرائعه في السرد التي تجعل كل من يتناول موضوعك يكون على هذه الوتيرة : خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ ولكن تختمها دائما بفائدة عظيمة وان كانت الفائدة واضحة ضمن سياق القصة

يا جعل عمرك يطول في طاعة الرحمن وربي أنك تعرف تمدح زين وتخلي الواحد يحمّرن خديداته مثل الطماط
ان شاء الله دوووم هالابتسامة على شفاهك يا طارق

إقتباس في القصة الأولى كان بامكانك الاستعانة بالحبيب " ابو ناصر " لكي يضع حد امام اعتداء النساء الشريرات على الشباب الضعفاء ..

ـههههههههههههههههههههههههههههـ
أبوناصر وش سلمه هو من اعتدائهن؟ هذاك اليوم قعدوا يستهبلون عليه وسكت الرخمة ما كسر عيونهم بمقطع بلوتوث على قولة الشيخ مناحي

إقتباس في القصة الثانية انت وضعت يدك على مأساة الزواج ولكن تريد الصدق احتار المجتمع بين أمرين : اذا رخصت المهور تخوف المجتمع ان ترخص المرأة في عين رجل لا يخاف الله .. واذا غليت المهور قلنا للمجتمع " اتقوا الله يا عباد الله " فالزواج ليس تجارة نسعى من ورائها للأكتساب ،،،

هناك أمر ثالث .. وهو الوسطية ..!! لا نرخص المهور ولا نغليها ..!
اذا اخترنا الرجل المناسب فلا يهم المهر ان كان ريالاً أو مليون ريال ..!

إقتباس في القصة الثالثة .. من قال ان " الثقل صنعه " الشاب " يثقل " والبنت " تثقل " والحب يرحل بسبب تراكم الدهون والكربوهيدرات ،،، ما اجمل الحياه بين زوجين عندما تكون بسيطة وتلقائية ولكن دون فقدان لأحترام احدهما للآخر ،،،

صدقت وربي .. ما دمر العلاقات إلا الثقل وعزة النفس ..!!
ما أجمل أن تكون العلاقات كشعرة معاوية .. إن شد الطرف الأول أرخى الآخر والعكس ..!

إقتباس في القصة الخامسة .. فقد افتقدت رامي حيالله ام الركب السود التي تحافظ على بيتها وزوجها وتخاف الله فيهما ،،، ولكن اجمالا الناس جميعهم خير وبركة .. وفي الزواج لا يدري الأنسان اين يكون نصيبه فذلك في علم الله ،،،

أشوفكم ظلمتوا أم رامي
ترى يمكن لها عذر في غيبتها .. ما فيه دليل انها هربت .. ترى الظلم شين

إقتباس الله يحفظك يا اسطورة الرواية السعودية والله يعطيك العافية

وياك يا بعدهم
الا على فكرة : تشوف قناة ( السعيدة ) ؟ فيها مسلسل فصيح لا تصيح .. اسمه قريب من كذا
تابعت منه حلقتين بعد ما أخبروني أن محمد الأضرعي هو من يقوم بدور البطولة فيه
عموماً .. ما تبي تشوفه بكيفك منب غاصبك << سلامات؟
شكراً طارق على تواصلك الجميل .. لا عدمتك

---------------------------

بريماكس

إقتباس هلا بابو الحريم خمس حريم يالظالم نبي تتبرع لنا بنص وحده ياخي من زمان قايلهم انك اسطوره بس ماصدقوني ياعيني يا اسطوره

أهلين وسهلين بريموووو
تبي نص وحدة؟ .. يا شيخ خذ الشغالة ومعاها أم راكان هدية مجانية

إقتباس بس رديت استجابه لأوامر من فوق وماتصدق لو اقولك ان هالشخص قالي اذا مارديت ماراح اكلمك مدري هو من حبه لك رغم اني ابصم انه مايعرفك

يا حبي لك ويا حبي لها << طبعاً أقصد الأوامر اللي من فوق

إقتباس قد لاتصدق لو ذكرته باسمه ؟ وبعده حجزت بموضوعك وطبعا قبل هذا احبك ياحبي

يا أخي تراك أبلشتني بخويك ذا سلم لي عليه وعلى الأوامر العليا بس

إقتباس بايخ مثل وجهك بصراحه مافهمت شئ مدري تبي تتميلح ولا شسالفتك ؟ ياخي عدته تريليون نوبه ولا فهمت شئ بس الوكاد والله العالم انك تبي تقول ان هالشغاله خقت علي ؟ لاني حلو ؟

اييييييييييوه يا أخوي أخيراً فهمتها أنت؟ يا شين السرج في البقر
ايه أبي أقول أنها خقت علي من جمالي اليوسفي بس مشكلتك فهمك بطيء وزين من يوديك التأهيل الشامل يفرمتونك ويعيدون تأهيلك

إقتباس بالاول انا كنت مخطط عليك ابسوي عملية خطف فيك بس للاسف بعد ماشفت جبهك غسلت ايدي منك ياشين

ـههههههههههههههههههههههـ
وشلون كنت مخطط علي؟
تصدق أني أحياناً أقول : ليتني زين؟ .. بس بعدين لما أتذكر السلاتيح شباب السعودية أقول الحمد لله على خلقتي وليتني بعد أشين وأشين وأسلم منهم

إقتباس ياخي قل انا يمكن بس انت مالت عليك اقول

لا أنت شي ثاني .. ما تخقق البنوتات
أنت تخقق غير البنوتات

إقتباس ياخي تصدق بالاول كنت لا امانع من الزواج من مطلقه بس اللحين خليتن احسب للموضوع الف حساب

لا الموضوع ماله علاقة بمطلقة أو غير مطلقة .. فهمت هالفقرة غلط يالشين ..!
انا قصدي بأي بنت تسوي كذا .. وذكرت انها مطلقة كناية عن انها ما تتعلم من أخطاءها رغم تجربتها السابقة ..!
بس وش أسوي باللي ما يفهمون؟ يا زين السرج على البقر بس

إقتباس بس بيني وبينك ياسلطان اهم شئ بتالي الليل ماتقول ودني ولا شئ تكون ملبيه لطلباتك ولا تمانع

ـهههههههههههههههههههـ
هذي أنا اللي ألبي لها طلباتها موب هي

إقتباس بعدين انت اللحين تخلينا مانفكر بالزواج ببنات بلدنا الله يهديك يعني تبينا ناخذ سوريات انت وخشك

كانك تبي الجد؟ يا زين بنات الشام زيناه وش زينهن وش زين كلامهن
بس وش نسوي؟ مالنا إلا أمهات الركب السود يا حبي لهن

إقتباس سلطان قد لاتصدق ان قلت لك انني اهواك حتى الثماله

طيب وش تبيني أسوي لك؟
بعد كل هالحش والتقطيع وتجي تسكتني بكلمتين؟

إقتباس بس الصدق تستاهل ياعمري باي حياتي

جعلك تسلم يا بعدي
لا هنت على مرورك الأنيق يا أنيق
لا عدمناك يا بعدهم .. ولا تحرمنا شوفتك بعد الألفية

----------------------------------

مـن نـظـرة حـبـيـتـك

إقتباس هلا بأسطوره التسذب والهياط

هلا وغلا يا الحبّيب

إقتباس احييك على العفه المحترمةخصوصا انك بخلوه مع شغاله

الحمد لله اللي عطاني العزيمة والقوة في رد هالشغالة .. أجل على آخر عمري أفطر على شغالة؟

إقتباس روايه محترمه بوجهة نظري تفوقت على روايات آغاثا كريستي مجتمعه < لاتاخذ جوك

يا لبى قلبك .. يعجبني فيك حياديتك وانصافك ما تاخذك في الله لومة لائم

إقتباس 1- شكلك شين مرره وأكبر دليل اللي صرفتك قالت بكمل الدراسه

ـههههههههههههههههههههههههههههـ
شين صح .. لكن شين مرة لا ياخي ارحمنا

إقتباس 2- باين انك عفيف وتدور الحلال

ومثلي بهالزمن قليل

شكراً لك يالغالي على مرورك الكريم .. لا خلا ولا عدم

---------------------------------

فتاه هلاليه

إقتباس المشااغب ...(عفوا كنت اقصد ابو راامي ..)الله يرجعه لك .. ارحم الناس ياولد ...

هلا وغلا بالمدريدية الهلالية مرحبمبك ورده

إقتباس الروايه ابد ضاامنه لك نجاحها ومبيعاتها رح تكوون كبيره بعد ...

الله يبشرك بالخير .. بس تضمنين ما تسوي ضجة مثل ما سوت رواية بنات الرياض؟

إقتباس والله اسطوورة يا ابو راامي ..انت تتحدى بس مستحيل احد يجي ربع رواياتك اللي صارت تنافس روايات شكسبير بعد..

ويلوموني في الناس اللي تقدّر الأساطير
ارفعي صوتك خلي أبوريمان ومهند يسمعون

إقتباس أحلى ياحركاات ..أجل صار عندكم اسلوب يالعيال ..يعني فيه رجا منكم ..

أثرنا طايحين من عيونكم بس لعنبوا من لامكم

إقتباس ياثقل أنت ...شكلك مخقق لك ميتين بنت قبلها

لاااااا وش مخقق ميتين بنت؟؟ لا تبالغين..!
كل البنات اللي مخققهم .. بالمووت وصلوا 120 بنت

إقتباس هههههههههههههههههههههههههههههههههههههههههههههههههههههههههههههههههههههههههههههه على فكره مو بس المطلقاات اللي يقولون ودنييييييييييي بيت أهلييييييييييييييي ودنييييييييييييي يالللللللللللللللللله ..كل بنات هالايام ..كل ماطق عود في حصاة قالت ودني ..:D

والله أنك بطلة .. أستانس والله لما أشوف بنت تنتقد بنات جيلها

إقتباس الله يرجعه .....ما ادري بس خشيشته قد شفتها قبل ..بس ويين ما ادري ..

يمكن في جريدة تشرين السورية بصفحة المفقودين

إقتباس مشاغبينهووو ..<<--كنت بحط القلب لولدك بس تدري تقاسمه انت وياه ..

وبعدين معك يا فتفت؟ ترى قلبي رهيف ما أقدر أنا على هالقلوب
لا ما عليك تنازلت بالقلب لولدي رامي الرمة

إقتباس برايفت لكـ... {..الحين انت اسمك في البلياردو "المشاغب: "ولا مشاغب" اقصد يعني بـ (ال ) التعريف ولا بدوون ..

اسمي بالبلياردو نفس النك هنا : الـمـشـاغـب
بس للأسف فيه كم واحد الله لا يسامحهم يقلدون نكي ويقولون انهم أنا
بس عاد بتفرقين بين المشاغب الأصلي وبين المزوّرين بالخمس نجمات
عند اسمي خمس نجمات .. وهذي عادة الأساطير

مشكووورة فتفت على المرور الجميل .. لا خلا ولا عدم ورده << القلب تراه لريال مدريد لا تاخذينه

بصراحة أسلوبك روعة و فيسات أروع عدا هذاك السبيكة اللي منزل عيونه

بانتظار باقي النساء

طوّل قصصك الجاية بالله

دمت سلطان

السلام عليكم ..

كأني حاس في بعضكم يقول في نفسه .. هذا حالته صعبة لازم يتزوج
بس يالله ما علينا .. الأسطورة تتمشى والحشاشين يحشون

ما زلت أنتظر رد أحد الأخوان اللي جاني بالمسن وذكر لي هدفي غير المعلن من الموضوع
ودي انه يرد هنا .. لأنه أعجبني بصراحته في المسن .. ويا ليت يكملها هنا عشان أرد هنا وأوضح لجميع من فهمني غلط

-----------------------------------------

أبو راس

إقتباس كان ممكن انك تتزوج الشغالة من اولها ما دام انها هايمة فيك وما راح تقولك لا.. ولا الشغالة مو حرمة؟؟ انت بس اقنعها تمسك اعصابها شوي وقولها اللي تبينه بيصير بس بعد ما يجي المأذون.. وبكذا تقفل السااالفة

أهلين وسهلين بكبير الراسين
إلا يا بعدي الشغالة حرمة ولو موب حرمة ما تهجمت علي وبغت تطيّر شرفي
لكن بالله عليك .. ترضى تكون زوجة الأسطورة شغالة؟ إذا رضيت فما فيك خير واقطع العلاقة

إقتباس البنت اللي غيرت رايها بعد الرؤية ما تنلام اجل تعطيها الخامس وتكمل سوالف مع ابوها..تستاهل.. يا شبيبة..التعامل والكلمة الحلوة واللطف ينفعون اكثر من كونك شبيه مهند....

أكيد ما تنلام .. والزواج تعامل .. واذا كانت العلاقة من بدايتها كذا .. وشلون أجل بعدين ..!
الرؤية مو بس لرؤية المنظر .. الرؤية الشرعية مثل اختبار المقابلة الشخصية ومحاولة اكتشاف طبيعة الطرف الآخر ..!

إقتباس اما السورية ... اول شي اصابع يدك ماهم سوا بس بما ان اختيارك لها ما كان على اساس اظفر بذات الدين تربت يداك فاللي صار شي متوقع....

وأنت وش دراك بالمتوقع؟ أنا ترى ما قلت انها هربت
يمكن صار لها شي أخرها .. أنا تركت مصيرها مجهول بس أنتوا اللي ما تحسنون الظن آآخ منكم آآخ

إقتباس اخيرا..بالنسبة لفلذة كبدك رامي فما شاء الله تبارك الله .... طالع على خواله.... خله يعيش معهم تجيبه هنا وش يسوي هناك يطلع دكتور ولا مهندس ولا حتى مزارع هنا بيطلع على ابوه وبيقعد يمتر في شارع التحلية رايح جاي وبعدين ما عندنا وظايف وكل شي عندنا غالي بكرة يحقد عليك ويقول كله منك..لو قعدتني بالشام اصرف لي

ـخخخخخخخخخخخخخخخخخخخخخخخخخـ
من جد خله هناك . . على الأقل يضمن له سورية تدلعه وتعيشه أحلى عيشة بدون ما تهرب عليه

إقتباس ختاااااما مرسييييييه ع الموضوع الظريف بس انتبه تهوجس ع الزواج واجد خصوصا بعد زواج اخوك الاصغر قبلك كل شي قسمة ونصيب ....والمكتوب ع الجبين حتشوفه العين

والله يا أبو راس يا كثرهم اللي يقولون لي كذا .. مدري هو صدق أنا أفكر بالزواج كثير؟ والا هم لأن أخوي تزوج يحسبوني خلاص أبي الزواج
على العموم .. أسعدني مرورك كثيراً يا أبا رأس
تقبل تحياتي ولا عدمنا هالطلّة ورده

-----------------------------------------

الزعيمااااااااااات

إقتباس [هلا والله الرواية بطلة ماعليها خلاااف ابد

هلا وغلا بالزعيمااااااااااااااااات ولاكم ولاكم ورده
كح كح ذكرتيني بيوزر قديييييييييم قريب من يوزرك الزعيمات .. ومتقاط فيه كم صبية .. كل يوم وحدة تكتب لها رد
عاد الله يحللهن ويبيحهن مدري وين طسّن فيه؟

إقتباس اشوف انتكست الايه والله..

أشوفك مصدقة أنت ووجهك .. هيييييه تراها قصة يعني تأليف مو صدق

إقتباس قلنا ثقل بس مو بذا الوقت شفت خرب عليك وضيع عليك هذيك القطعة ومطنشها وتسولف مع ابوها اجل؟!!

احمدي ربك ما جربتي ثقلي
اذا قعدت من أخوياي كم شهر ما أتصل عليهم أو ما أشوفهم يسألوني يقولون وش فيك متغير علينا؟ أقول لهم : لا بس هذا برستيج الثقل عندي
مشكلتي أسمع بالثفل الله يهديني

إقتباس من اسمها تحس الشر يمشي بدمها

شكلك من بنات الإنووو أجل اسمها يخوّف؟ خخخخخخخخخـ

إقتباس هذا لونهم ذا الشاميااات ان ماسحبوا عليك والا خلوك على بساط الفقر.. وماكلها الا هالولد المسيكين

قولي عنهم ما تقولين .. صوبهن كم صعب الوصول

إقتباس واهم شي الفوائد يعطيك العافية والله وسعت صدورنا نلتقي بك في رواية اخرى

حياك ربي .. شكرن كثيرن لمرورك الجميل يالزعيمااااااااات ورده
وترى اذا ودك تغيرين يوزرك إلى زعيمة ( وحدة بس ) عندك ماجد مقبل ما يقصر

-----------------------------------------

Mr.Marwan

إقتباس تصدق خقيت معك وانا ماشفتك <<

وعليكم السلام .. أهلاً وسهلاً مستر مروان ورده
ما ألومك يا مروان .. كم أنت في غيرك قد خق وراح ملح معاي؟

إقتباس ماشاء الله عليك تنصح الناس بذكاء ودرايه بعيدة المدى

بيني وبينك؟ بس قصر حسّك .. ترى لا بأنصح ولا هم يحزنون .. بكيفهم لا عمرهم انتصحوا
أنا كتبت القصة وخفت من مقص الرقيب فقلت مالي إلا أن أحط من هالفوائد والنصائح كودها تبرر الغاية

إقتباس الله يخلي لنا بنات بلادي (((( بلاد (((( الشمم <<

لا يكثر .. محاولة فاشلة للتميلح سبقك بها الكثير .. بس إذا جينا للجد والله ما مثل السعوديات بعيني

إقتباس سلمت يداك يا ( أسطورة الرواية السعودية ) بل الأسطورة تلقب بـ سلطان !!

صح عليك كذا صح
امدح يا صاحبي امدح فلك الشرف بمدحي
ميرسية كتير لا إلك يا مروان على مرورك الحلو .. لا خلا ولا عدم

-----------------------------------------

ماجد مقبل

إقتباس انا بالتزم الصمت ولن اتكلم الا في حضرة محامي الله يخرب بيت ابليسك يا سلطان ...

هلا وغلا بالمشرف الديكوري ماجد مقبل
وش تلتزم صمته ووش محاميه أنت الثاني؟ وش السالفة؟

إقتباس حقيقة رواية جميلة وهادفة استمتعت بها يا اسطورة الروايات الشرقية .. والله يعطيك العافية على الفوائد الجميلة المستنبطة من القصة ,,, بالفعل هذا واقع مؤلم لكثير من الشباب ... الله يصلح الحال ويحفظ شباب وفتيات المسلمين ,,, دمت بخير وعافية ,,, وكل عام وانت بخير ,,,,[

الله يسعدك ويحفظك يا مشرفنا
يسعدني اعجابك بالموضوع .. واشكرك على عدم تفلسفك واستخدامك لمقص الرقيب ورده
ماجد .. يفرحني دائماً حضورك .. ولكن صدقني أنا عاذرك إذا ما رديت
لا ترد إلا إذا كان صدرك منشرح للرد .. حتى ما نفقد روح ردود ماجد مقبل
أنت صديق عزيز وأخ غالي وأنا بآخر مواضيعي لاحظت انك ترد مجاملة بس ترى وربي عادي عندي اذا ما رديت منب من النوع اللي يشره ,, والدليل شف هالزلايب سالم وفيصل ما أخبرهم يردون على أي موضوع لي إلا اذا حسوا بريحة خرفنة على بعد عشرين كيلو
شكراً ماجد على مرورك .. ولا تنسى تفعل المسكينة فجر!

-----------------------------------------

وليد القحطاني

إقتباس هلا بالقاطع

هلا وغلا بأسير المجلس العام
الله يفرج كربتك ويفك حبسك
بالنسبة لكلمة قاطع فأنا بريء منها .. لكنه الثقل وما يسوي يا وليد

إقتباس المرأة الاولى كانت افضل لك وهي كانت تبغاك , لكن الباقيات جعلهم مايرجعون

لأنك عزيز وغالي يا وليد بأتنازل عنها لكـ راجعني على الخاص وأدز لك رقمها << على الخاص إذا تقدر يالأسير المظلوم

إقتباس سلطان ما اقدر اكمل لظروف وفاة واحد من العائلة

عظم الله أجرك .. ورحم الله ميتكم أخوي وليد ..!
مشكور يا بعدي على مرورك .. وبإذن الله تلقى واحد سنافي يرجع لك يوزرك

-----------------------------------------

جرح يشكي

إقتباس وش تهوجس به الله يحييك

هلا وغلا بالطش والرش والبيض المفقش
يا أخي أحبك .. ليه ؟ مدري؟
أدري أدري انك بتقول قاطع ,, ولا يكثر عارف وش بتقول بس انثبر خلني أكمل غزل

إقتباس شكل اهلك شابين عليك يا ... من بعد ما تزوج اخوك وهم يقولونها لك

لا والله يا أخوي تصدق بالله انهم ما عاد جابوا طاري للزواج؟ ودي أفتح معهم الموضوع بس مستحي
الصدق .. لا والله كذا أريح ,, أنا من النوع اللي ما يصلح لي الزواج والارتباط أبد .. الحين لو بأتزوج صدقني ما راح أجي البيت إلا سييييييدة لغرفة النوم ساعة ساعتين ثم أطلع برا
قايل لك ,, للحين ما أنا بمؤهل للزواج

إقتباس بعدين الله يصلحك لا تتحدى ترا موضوعي باقي له التصاميم بس

وين هالموضوع اللي له سنة توعدنا به ما شفناه؟
يالله بانتظار موضوعك ولا تنسى تحجز لي تاسع رد << تاسع رد عشان الأساطير يعشقون رقم 9

إقتباس سلطان (( تباً لك )) ههههههههههههههههههههههههههههههههههههههههههههههههههه ورده

ـهههههههههههههههههههههههههههههههههههههـ
( حقير )
لا عدمناك يا محمد .. خلنا كل أبودايم نشوفك بالمجلس
إلا على فكرة .. ترى مسخوها الإدارة .. للحين وسام أفضل تغطية معلقينه بيوزرك؟ متى يشيلونه بس؟
-----------------------------------------

تعبت

وش هالبلشة ؟؟ وراي لازم أرد باقتباسات؟ ليه ما أختصر؟ ( تباً لي )

أكمل الردود بعدين .. بس ادعوا لي بالتروايح ان ربي ييسرها لي وأخلص من هالردود بسرعة

مساء الخير

والله موضوعك يعني ما عليه >>>ترا امزح

على طاري هالشغاله انا قريت روايه عن الشغالات بس والله يا اني انقهرت من افكارهم الوسخه وانهم ما يقدرون يعيشون من دون رجال بس والله درس لي عشان اول ما اعرس ما اجيب شغاله

على فكره ترا صاحبك تركي يمزح بعد ما قال انك تخقق واكبر دليل انو البنت ما بغتك مرتاعه من وجههك

اجل شاميه هع هع

إقتباس الرسالة الأصلية كتبت بواسطة الـمـشـاغـب وآآآآآآآآآآآآآهـ يا رامي ولدي ... آآآآآآآآآآآآآهـ يا فلذة كبدي

تستااهل ما يجييييييك اجل تترك السعوديات وتروع للبالعين الفلوس

وياكثر بنات الناس اللي مهورهم موكثيره

وادري كل اللي قلته روايه

مشكور ياسلطان على الموضوع ومبارك عليك الشهر ادري اني متاخره بس الاب توب توه يزين

تقبل تحياتي بنت فهد

لله درك تصدق شكسبير مايصف جنبك.


كثر منها وانا خيك.
مشكور يالحبيب.

والله انك راوي فللللللللللللـــــــــه وزاحف



مشكوووووور وبدال رامي الف رامي <<<<<<ليـــه اهو سياره خخخخخخخ



ان شاء الله يرجعوون بالسلامه تقبل مرووووووري مدمي الشباكـ

مبدع يا أبو رامي

بس أوم جب لي وحده سوريه معك << يسمع بالسوريين

أشكرك على الأبداع