إنها الريِّش يا سيدي!! - صفحة رقم 3 - نادي الهلال السعودي - شبكة الزعيم

اليزابيث هيرلي · #31 30/08/2008, 01:12 AM

هلا بالعومده وينك ماتنشاف

..

تخت ختات وتخمر من عوقبه <<<< بآخذ راحتي حيث أنك تفهم علي

وش حرك هاللحين من البوليس مان يحق له يتنركز بسيارته ويتأمر

أبدن مايضركم لا تحلحلتوا ونزلتوا طلبتوا وبعدين هالقرار لزوم القسايم

<<<< وش عرفك أنت

آه يا سنوات الضياع

,

مهب صيدك المسلسل إلا نغرن من هالطخمه الأبضاي يحيى

<<< اعترف

وبعدين خل الناس تستناس أن شاء الله يحطون بزفتهم بشير شنان وحجاب حق الدباب

ولا بدر الغريب <<< سامعته ما امداي بفلاش ما أدري وشهو من لحية ما امتسنته ماوعيت عليه

والريش ما أقول إلا مطرح ما يسري يهري <<<< استغفر الله

موضوع داج فرفوشي كعادة مواضيعك <<<ما عود شعيب أبو مروه يسيل

دمت لنا عمدتنا ورده

صدى الامس · #32 30/08/2008, 07:39 AM

هلا والله abu_riman ..

إقتباس


	طيب و المسئول اللي ما ينفع مع لا ترييش و لا غيره ؟! عندك خطة بديلة ؟!

انت مافهمت السالفة زين

.. ما يحتاج ترييش ولا شي ..
كل السالفة صحن ريش وقضينا ..
انت راح بالك للترييش وش جاب لجاب

؟؟!

بس ولو واضح انك تحب الترييش عشان كذا فهمتها تسذا هههههههههههههههههههههههه

إقتباس


	و المسئول اللي إذا حاكيته فتح درجه ؟! عندك له حل ؟

سهل الموضوع احلت بوسط الدرج اسم المطعم اللي انت تبي تعزمه على عشاء ولا غداء العمل وقضينا

حياك ربي abu_riman ..

هلا والله الهنوووف ..

إقتباس


	لاابشرك نفقدك بس انت تستهبل تغيب كثير مسوي يعني تحتك بالقمر

ماتفقدين غالي و لا عزيز ولا الدوخي

..
قالت القمر قالت ؟؟!
الله يهديتس بس .. وش جاب لجاب ؟؟!! اصلاً القمر وشو عندي

؟؟

إقتباس


	كان ودي اعلق واقرا الموضوع ولكن نظرا لضيق الوقت فـ توني جايه الثلاثاء من السفر وبسافر اليوم بعد >>>>> قصه حياتها ان شاء الله يكون لي عوده

الحمد لله ما طاح من النجوووووم خف(ن) للسماء هههههههههههههههههههههههههه

الحمدلله على السلامة على وصولتس من السفر
وتروحين وترجعين بالسلامة عشان سفرتس ..
والحمدلله على السلامة عشان وصولتس من السفره الثانية

إقتباس


	اتمنى ان تطول مده بقاءك هالمره

تسان المشرفين يبون يخصمون لي من قيمة الاجار ما عندي مانع

لي اكثر من سبع سنين وانا مستأجر عندهم

حياتس الله الهنوووف ..

هلا والله راشــد

إقتباس


	من هذا المبدأ على قول أبو طلال ,, أحضر هنا للسلام على صاحب الموضوع ,,والترحيب به فهو من يستحق الترييش المحمود ,,

شاكر لك يابعدي ربي لا يخلينا منك .. وانت اللي تستاهل الترييش المحمود والغير محمود بعد

بس خل نشوووفك وابشر من يريش بك 24 ساعة مهوب بالقطارة كل ست شهور مره .. لأنك تستاهل يابعدي .. << شف من يتكلم بس

حياك ربي راشــد

..

هلا والله الكلاسيكي

إقتباس


	وان السعودين اكسل ناس ,, وانت اولهم تقولي لي ليش اقول لك في بداية موضوعك كاتب السلام عليكم , وراك ماكملتها وكتبت ورحمة الله وبركاته , وكملتها ورديت عنا السلام .. <نفس نوعيتك ..

مابقى الا تقول اكتب الردود عني وعدل واحذف بدالي بعد

إقتباس


	وعن الطلبات والله اني اقول القرار صائب , اما الحكومه هم اخبر لو طلبوا بسياراتهم لاتحط راسك براسهم , يعني يمكن حالة طاريه ولازم سريع سريع , وماله داعي ينزل العسكري والقايش نازل تحت الكرشه , وتطلع الفضايح .. خلها مستوره يابو مستور اخو مشهور ..

القرار انا معك انه صحيح بس سؤالي ليش ما يطبقوووونه هم ؟؟! بس هذا اللي انا ابيه ..!
وتسانهم ما ينزلون عشان الكرشة .. فالكرشة مهيب شي جديد عليهم

.
ثلاثة ارباع عساكرنا الكرشة طالعه والقايش نازل

..!
الله يعطيهم الصحة ان شاء الله << عشان ما تقولون ابو امس حسدهم

إقتباس


	اما الاخطاء الاملائيه خلهم يخطئون < ماتحس انه داخل يعارض , لاجد خلهم يخطئون من منّا لا يخطئ , وانا ادافع عنهم لاني منهم وفيهم ياحبي لهم يبغون يلفتون الانظار ويمكن ماعندهم وقت مثلي للتعديل ,

كلنا نخطي بس خطأ عن خطأ يفرق

..!!
اجل جهاذ ودي اشوف اللي معلق اللوحة انا بالله وش يحس به يوم يعلق اللوحة ويمشي

؟!؟

إقتباس


	اما سالفة دهن السير انا اقول كانه موظف بالدائره يبطي لانها رشوه , بس كان معقب او شريطي يستاهل نعشيه في صب واي ..

سواء كان موظف والا معقب والا شريطي والا رئيس قسم والا وش ما كان ..
غداء والا عشاء عمل وتنتهي كل السالفة

..
ومافيه فرق بين الموظف والمعقب والشريطي

..

إقتباس


	ابو مستور << راحت فيك ..

هلا بك اخوي مشهور

حياك الله الكلاسيكي ..

هلا والله الفيروسه الزرقاء ..

إقتباس


	يـ إلهي ماهذا إن العميد يختار الأيام المميزة ! أجل 18/08/2008 ماشاء الله تاريخ بيانك حلو ولو انك منزله 20/08/2008 تطلع روووعه تدري ليه روعه ! خلك ذهين وفصلها مو تقول لا مو مميزه ! لما نشيل الفواصل وطبعا بيكون التاريخ من اليسار ! بتتلاقى 20 مع 08 وتطلع 2008 ---> صه بس جد فاضيه !

( خشة رافعه يدينها وتقول الحمدلله والشكر ) ههههههههههههههههههههههههههههه

متميز من خلقني ربي

وما احتاج تواريخ والا ارقام والا سوالف بايخه عشان اثبت تميزي

إقتباس


	لا داعي لا داعي لـ الشكر ، فـ أنت عميدنا وسيدنا يجب علينا مراسلتك وتفقد أوضاعك ! إذا ما أرسلت لـ العميد ياناس لمنو راح أرسل ! إذا مافقدت المدقق من راح أفقد ! صدق أن فراقك صعب علينا لكن الحمدلله الحمدلله ان ربي صبرني ع بعدك وقدرت أنساك اقصد أعيش من دونك ..يـ عميدنا بليز لا تغيب عنا ! يعني أنت تعرف أن الفراق صعب ليه تخلينا وتروح . أما ارسلك لا و أفقدك كثر منها عسى مـ أقول فراقك عيد .

مشكلة الانفصام بالشخصية

.. انه بالبداية يقول اللي في قلبه وبعدها يدعي عكسه

..
اللي بالاول ادري انه هو اللي بقلبتس

.. خخخخخخخخخخخخخخخخخخخخخخخخخخخخخ

إقتباس


	لا وشوله يروح بـ السياره ! خل يركب سير كهربائي دار مدار ع بيته ياي وناسه تركبه ماتدري الا دن وأنت بـ غرفتك .

ما اقولكم ان العقل نعمه

..!
اجل سير كهربائي ولو مشكلة اللي يتحمس بالحيل هههههههههههههههههههه .!!

إقتباس


	يـ أخي أفرض أن اللي بـ السياراة عوائل شلون يطلبون ! ---> هذا همها خصوصاً لما يكون المحل مافيه عوائل مثل صب واي .. لازم نتعب سواقنا وينزل --> معودينه ع الخمول .

المشكلة انتس ما تدرين عن صب واي .. عادي صب واي اذا شافوا عوائل ينزل السواق وينادي لهم عامل ويجي العامل ويأخذ الطلبات منهن .. بس قولي من الكسل والعجز اللي فيني اني البس واطلع ارسل السواف ومعه الطلبات ههههههههههههههههههههههههه .!!

إقتباس


	لا لازم يتراجعون عن هـ القرار الخاطىء وإلا يخلونا كلاً بـ الهواء سواء ، موظفين الدوريات يصيرون مثلنا .. وإلا بس يخلون القرار شامل فقط لـ العزابيه يستثنون منه العوائل تدري مو شينه ! بعدين مدري هم مستثنينا وإلا لا شرايك أجرب ..

القرار صحيح بس التنفيذ مش حالك ..!
وبعدين يا حووول يالعزابيه كل شوي طابين بهم وكل قرار ما يطلع الا عليهم هم بس ..!!
ماعندكم بهالبلد الا هالعزابية فكونا يرحم امكم ..!

إقتباس


	أنت شف وش جنسية هـ الخطاطين ثم أحتس ، لما يكون الخطاط سعودي ! لك الحق تعتب .. أما لو أن الخطاط مو سعودي بيقولك أيش مشكله صديق ! .. هنُا يـ عميدنا لازم حتى نحافظ ع شكل اللوحات و قبل مانحافظ ع اللوحة نحافظ ع لغتنا ، لا بد من تعيين خطاطين سعوديين .. يعني يجب ع وزارة العمل توصي البلدية أنها ماتسمح بفتح أي محل خطاط إلا لما تتأكد من جنسيته ومنها بعد يستفيدون من مواهب هـ الشباب المبدعين اللي ماخلوا جدار إلا ويكتبون عليه لو يوظفونهم مو أحسن من هـ اللي يشوه ----> همها توظيف ! لا بد من مساندتي لـ هذه الفئه

اوكي نتفق ان اللي يكتبون اللوحات مهوب سعوديين لكن سؤالي وين المراقبة من نفس المحل ؟؟
يعني مافيه ولا عامل عربي ؟؟ مافيه ولا واحد من اهل المحلات يجي يشيك ويشوف اللوحة وش فيها من اخطاء وبلاوي ؟؟!
والا بس استلم هالقريشات والشغل مشي حالك ؟؟!!
وتكفين فكينا من الشباب ويشتغلون خطاطين ؟؟ تسان باتسر تلقين على لوحة المحل تحت وبخط صغير ابو فلان والا ذكريات فلان وعلان ناقصين سخافات .!!

إقتباس


	يب ياكثر البنات اللي تزوجوا بهالصيف وحطوها قسماً بـ الله حوموا كبدي

ويقولون لي تزوج وهذي عقليات بناتنا .!! يا عمي طيييييييييييييييييييييييير بس .!!

إقتباس


	اقول أها بس من زين لميس عاد مدري وش عاجبكم فيها عندي رفيف أزين .

اقل شي ان ركبها مهيب سوووود هههههههههههههههههههههههههههههههههههههههههههه

إقتباس


	200 سعودية غيّرن أسماءهن إلى "لميس" و500 مولود باسم "يحيى"

نفس الخشة اللي حطيتها بأول ردي عليتس مشوار اجيبها

إقتباس


	تزوج ماعليك منهم ، أنت أعقل منهم مو راح تتزوج حتى تتباهى بـ نفسك وتبز بـ عمرك ويافلان تراني سويت مثل ذاك المسلسل ! انت بتتزوج حتى تستر نفسك . يـ الله أهجد بس وأتزوج ، جعل إن شاء الله مايجي الصيف الجاي إلا وزوجتك معك جد نبي نفرح فيك أنت وقائدك وأفراد العصابه أقصد العزابيه .

يبلغ ان شاء الله

.!!
قالت تزوج قالت ؟؟!!
بلا وجع راس بلا هم ..! وش زينها العزوبيه ربي لا تخلينا بس

ولا تغير علينا

.!

إقتباس


	آخ بس ياكرهي لـ الحريم وغيرتهم حتى هم مختلفين عنك جنسيه يغارون ، والله يـ صدى فلبينيه بس وش فلبينيه داهيه راعية شبكات و خبصات بـ الكمبيوتر المهم أول ماشافتني كشرت مدري وراه يمكن لان فيسي أزين من فيسها .. صارت تكلمني من طرف خشم وكل ماسالتني سؤال جاوبت عليها إجابه منمقه ، قومي يابنت اللذين أرفضيني ----> أنتِ متأكده هذا سبب الرفض مافي شي ثاني .

انتي قلتيها فلبينيه .. نفس الطخه ونفس الشكل تحسبتس جايه تأخذين مكانها

ههههههههههههههههههههههههههههههههههههههههههههههههههههههههههههههههههه

إقتباس


	ما أنت عاقل يـ الذهين ، من يومه صغير وهو مـ ـ ـصـ لـ ـحـ ـجـي

الدنيا مصالح وانا اخوتس .. ومحد يبي ينفعني باتسر

..

إقتباس


	اها كذا السالفه ! اجل مصطلح غداء عمل ماخذين من اليابانيين دائما يعزمون ع الغدوات والعشيات .. بس يـ أخي هم فلته يسكبون بعض من اللي خبري خبرك فـ كويسات "تبي تصغرها" ! عندهم تقدير إنك تصب له ، مالت علينا لا قال لنا أحد صب لي عصير تفاح عطيته القاروره يصب لـ عمره ---> ماتعرف تخدم أحد

وش جاها ذي ههههههههههههههههههه ؟؟
وش اللي خبري خبرك ؟؟ يابنت بلاش تشويه سمعه تكفين هههههههههههههههههههههههههههه !!
بعدين اثرتس مدهره بعصير التفاح تحسبينه مثل اللي يشربووووونه

؟؟ ههههههههههههههههه !!
اشوفها قامت تقط خيط وخيط اثرها عندها روحها وقت كتابة الرد رايحه فيها منعميه هههههههههههههههههه !!

الله يشفيتس بس

وتبطلين تشربين هالمأخوذ

قصدي عصير التفاح طبعاً

إقتباس


	صن كيو يـ عميدنا ع هـ الموضوع ، وماوصيك كثر لنا منها تعرف أخذ كورسات عندك في فن التعامل مع المسؤولين

اهم شي لاتشربين من عصير التفاح قبل لا تروحين تقابلين هالمسؤولين

حياتس الله الفيروسه الزرقاء ..

هلا والله سوليدره ..

إقتباس


	المطاعم حنا مجتمع يحب الراحة - ما يحب الكسل- فيه فرق فـ يعني الواحد يجلس بالسيارة - الموتر - العربييية - و يطلب شاورما ولا سندوش فلافل يا شييييخ اقطع اوووووووم الراحة ثم يعبي بطنه بما لذ وطاب ثم ينااااااام لوووووووول

اها اثرنا نحب الراحه بس ؟؟! الا شعب يحب التبطح والتسدح والتكسح

<< لزوم السجع

إقتباس


	الخطااااااااط اكيد عمالة مستقدمين من برى ولا انه واحد سعودي بطنه يطلع اصوات من الجوووووع

حتى لو كان عمالة اجنبية .. يعني بالله مافيه احد يدقق وراهم ولا شي ؟!؟
سواليف الدعوه ؟؟

إقتباس


	زفة سنوات الضياع مصخرة ناس فاضيييييين انا ع الأقل زفتي بتصير ارقى شوي موسيقى تايتنيك

هذي اللي تبي تكحلها عمتها هههههههههههههههههههههههه !!
اجل تايتنك ؟؟ هههههههههههههههههههههههههه انتبهي بس لا تغرقون وقت الزفة بس

!!

حياتس الله سوليدره ..

هلا والله الحلا مبتليها ..

إقتباس


	من جد تخيلت شكلك بس موب سياره صدقيه كذبيه يعني لعبه..

شفتي الخشة اللي حطيتها بأول ردي على الفيروسه ؟؟ تخيلي اني حطيتها هنا بعد

إقتباس


	اتذكر مره طالعه مع اخوي الموهم يبي يشتري دبات مويه عشان عندنا استراحه ومن وصلنا للبقاله وهو يضرب بواري بس احسن شي ان راعي البقاله حاقره ع قولتهم الحقران يقطع المصران انا استانست احسن خله يترك عنه الزوله وينزل بنفسه بس اخوي اهم شي عنده عزه نفسه راح ولاشرى من عنده شي قلت له اللهم لك الحمد وانت متى بتعقل قال تبيني انمصع وانا اشيل الدبات قلت بسم الله عليك ماقلت تنمصع قلت انزل اشتر وخله هو يشيلها وبديت اسايسه وراح لبقاله ثانيه ونزل بنفسه

لا اخوتس تعدى مرحلة الكسل الله يشفيه

..!
ومن قاله انه هو يبي يشيلهن ؟؟ يخلي العامل يشيلهن بس هو ينزل ويقوله ابي تسذا وتسذا ويعطيه القريشات وعقبها هو بنفسه يبي يجي يركبهن .! اجل سافهه العامل وقفلت معه وراح لبقالة ثانية هههههههههههه ؟!
ابووووووووووووك يالكسل من جد هههههههههههههههههههههه !!

إقتباس


	لا اجل خل الشيخوخه تجيك عشان المجتمع تزوج وحط لك شروط اما انك بتعنس عشان صيحات مجتمعنا المصرقع

اجل اعنس

؟؟!! لا حرام

!!
ويبي يفوووتني القطار

!!
ليش تسذا بس ليش

!!

<< يعطيها جوها

إقتباس


	ياخوي ماني مؤيده لك بتاتا اليته ماعمر الدنيا كانت اخذ وعطاء غير هالمفهوم اللي عندك وانا داريه انك معلم لست ممن يعلم لانك اهل لذلك ماقلت دايم خذ ولاتعطي بس حاول انك تتغاضى وجهه نظر ارجو ان تتقبلها بسعه صدر

اول شي لا تؤيديني ولا شي وهذا ابسط حقوقتس ..
بس تكفين واللي يرحم والديتس قبل لا تعارضين علميني وش اليته ذي

؟؟

بالنسبة لكلامتس بالعكس انا اشوف الدنيا تسذا .. شد لي واقطع لك .. عطني واعطيك .. ا
ما بس تكون مجرد انسان يؤخذ منه ولا يعطى شي ذي صبعه ؟؟
وبعدين بتله تبي تقطع للعالم وتنسى نفسك ؟؟! الا اول من تبدأ فيه ابدأ بنفسك ؟؟
باتسر الناس مهوب نافعينك بشي ابد

.!!!

حياتس الله الحلا مبتليها ..

هلا والله أبوشلاخ الهلالي ..

إقتباس


	وش أخبار جوال صدى عساهـ تمام الله يزود المشتركين قل آمين .. على فكرة تراني ألغيت اشتراكي في كل . القنوات مابقى الا صدى fm ويمكن ألغيها لغياب الصوت الناعم اللي كنت تتمتع فيه قبل أن تدخل عقدكـ السادس عشر

بالنسبة لجوال صدى الحمدلله ابشرك العدد في تزايد .. وصل عدد المشتركين فيه اكثر من 15 مليون شخص

<< قال وش دراك قال من كبرها هههههههههههههه ..!
بالنسبة للصوت الناعم ياطويل العمر تخبر رمضان على الابواب فقررنا اننا نخلي العالم تصوم

..!
ماودنا نكسب ذنب احد .. لكن عقب رمضان ابشر بسعدك خخخخخخخخخخخخخخخخخخخخخخخ !! << مثل هالقنوات برمضان قرآن وبرامج دينية ومن يقولون باتسر عيد رزحوا ام الاغاني .!!

إقتباس


	أما المسلسلات التركيه من كثر مايتكلم عنها الناس صرت اذا شفت أي كلام عنها يجيني شيء في بطني ( ) وأحس بغثيان الله يجيركـ .. والمشكلة العظمى انكـ في كل مكان في النت تلقى بنر اعلاني ( الحق صور لميس ونور ) ( سنوات الضياع ) ووو الخ .. المهم انه يباغلك بوركسي عشان تدخل

بسم الله عليك والف سلامة عليك وما تشوف شر بس اشرب "هالول" وكل شي ببطنك يبي يطيب

..
بالنسبة للبروكسي صدقني ما يحتاج كل هالكلام تسذب × تسذب << واضح انه مدرعم مثلك صح

إقتباس


	بالنسبة للريش وغداء وعشاء العمل فهذي ما أتعامل معها لاني أولاً ما أشتغل وثانياً اني اذ تعاملت معها تلقان أبي من الشخص هذا شيء وفي الغالب يكون الضيف واحد من عماني أو أبوي طبعاً فيه ناس يسوونها معي بس خويكـ ذيب تدري وش أسوي ! أبداً حركه بسيطه وينقلب السحر على الساحر أحاسب أنا وانتهت المصلحه وأصير انا راعي العشاء داري انها دلاخه بس أتقي شره من أولها ..

ولو اثرك حبيب ههههههههههههههههههههههههههههههههههههه !!
اجل ضاعت فلوووسك يابو شلاخ (( فيس جمهور الاهلي وهو يغنيها في البلوي

)) !!

إقتباس


	المهم جتني فكرة تخليك ترد على المواضيع كلها ليه ماتخلي عسيريه تسويلك توقيع عشان تروح كل المواضيع وترد عليها يعني زي اللي يوقول شوفوا توقيعي

اي توقيع واي سواليف الله يخليك ؟؟
انت ما قريت ردها ؟؟

إقتباس


	أما جهاذ << .. تحفه صراحه بس والله ماينلامون يمكن من كثر الطلبات أذكر بموضوعي السابق سويت تصميم المفروض اكتب تراث ينبغي المحافظه عليه كتبت ينبغي المحاظه عليه <~

وتقولي خلها تصلح لك تصميم ؟؟!!
شفت شلون اللي يحل من تحت اكه ؟!!

حياك الله أبوشلاخ الهلالي ..

هلا والله اليزابيث هيرلي ..

إقتباس


	تخت ختات وتخمر من عوقبه <<<< بآخذ راحتي حيث أنك تفهم علي

خوذي راحتس بس مهوب الاصح انها من عقبه

؟؟
بس تكفين انتبهي اخاف يفهمونها غلط خبرتس وتخمر عندنا غير عنهم

هههههههههههه !!

إقتباس


	وش حرك هاللحين من البوليس مان يحق له يتنركز بسيارته ويتأمر أبدن مايضركم لا تحلحلتوا ونزلتوا طلبتوا وبعدين هالقرار لزوم القسايم <<<< وش عرفك أنت

ما احتريت منهم ولا شي .. بس شابت(ن) تسبدي وراهم يطلعون قرار وهم مايطبقووونه ؟؟
من الاساس مفروض هم اول من يطبق هالقرار .. لكن تعودنا بهالبلد اللي يطلع القرار هو آخر من يطبقه .!!

إقتباس


	مهب صيدك المسلسل إلا نغرن من هالطخمه الأبضاي يحيى <<< اعترف

ولو شكلتس تردين وانتي تاكلين ؟؟

؟؟
من قالي ان صيدي المسلسل ؟؟ انا صيدي ومقصدي اللي يطفون بالشي مثل اللي حاطتن زفته سنوات الضياع وش دعوه كل ذا طفة(ن) بالمسلسل ؟؟ ولو ماتوصل للدرجة هذي تابعي المسلسل ما نقول شي بس انتس تحطينها زفة لزواجتس ؟؟ الشرهه مهيب عليه على اهله اللي مطاوعينه

.!!

إقتباس


	وبعدين خل الناس تستناس أن شاء الله يحطون بزفتهم بشير شنان وحجاب حق الدبابولا بدر الغريب <<< سامعته ما امداي بفلاش ما أدري وشهو من لحية ما امتسنته ماوعيت عليه

والله من زين الذووووق بعد

؟؟!!
ما علي منهم خلهم يستانسون والله يسعدهم << معه انه ماظنتي ورى الزواج سعاده بس نقول لعل وعسى

إقتباس


	والريش ما أقول إلا مطرح ما يسري يهري <<<< استغفر الله

هذي صدز اللي تبين اطب ببطنه

يابنت لا تخربين شغلنا

ترانا على الله ثم على هالريش

حياتس الله اليزابيث هيرلي ..

ابوندى الهلالي · #33 31/08/2008, 09:42 AM

إقتباس

الرسالة الأصلية كتبت بواسطة صدى الامس


	وش ترجي من وراي ؟؟ لا عندي اوراق ولا مشاريع اعتمدها ولا معاملات ولا شي ..! ولا تهمك الرتبة تراهي ديكوووووووووووووور .. حياك الله ابوندى الهلالي ..

ابيك ترقين
ابي اصير عريف توسط لي ياعميد

مابي الا عريف بس

ههههههههههههههههه