-----------------------------------//---------------------------------------------------------//-------------------------

والله صار لي حادث .. شنيع

كان الغلط علي 100% .. مع ان المفروض 50 - 50 ..

لكن وش نقول .. !

كلفت سيارتي 7الاف .. وسيارته 14الف ..

بس طلب 10الاف .. !؟


ع الــ ع ـــموم الحمد لله ع السلامهـ

في إحدى الليالي الماطرة حين غرقت شوارع الرياض انطلقت لقضاء الحوائج .
لم أدرك مدى تأثير الماء على مكابح السيارة وعندما اتجهت شمالاً مسرعاً حدث مالم يكن بالحسبان ..!
المسار الأيسر يوجد به سيارة تمشي بسرعة منخفضة .. انحرفت إلى المسار الأوسط لكن يوجد به سيارة تمشي بسرعة أكثر انخفاضاً من الأولى ... ماكان إلا أن قبلت سيارتي سيارته بقبلة حارة جعلت سيارته تتراقص طرباً في الطريق بل إنها أبت إلا أن تنظر بعينيها إلي ..!! ولكن شاءت الأقدار أن لا تستطيع أن تنظر فقد أضافت السيارة التي كانت في المسار الأيسر قبلة أخرى على شفاه تلك السيارة ...!
قام التأمين بضيافتهم نيابة عني وأظنه من أهل الكرم ..! نحسبه كذلك والله حسيبه ...!

لدي قصة أخرى ولكنها ستحتاج لموضوع كامل لأنها حزينة جداً فاعذرني ..
تحياتي لك ....

انا بقووول حادث صار لولد عمي <<< بزر توه

المهم هو مو حادث شنيع بس يضحكـ

الزبده ===

عمي كان توه شاري دينالي 2007 وكاله << والد بطل القصه

المهم يووم شراه اتصل ع الوالد وقال ايش رايكم نطلع مخطط

المهم طلعنا ولا العيال قعدو طفشانين ماعندهم كوووره

وجاني بطل القصه وقال عطني سيارتك بجيب كووره وراجع

وكرشته قبل لا يجيب العيد وعمي رغما عن انفي خلاني اعطيه

هيه ترى كل هذي مقدمه <<< خخخخخخ

المهم اخذ سيارتي وسواالي فيها بوبو ع غفله وماشي الحبيب وقدامه اليوكن

والطاره بدال ما يمسك بريك دعس بالبانزين زياده والله لا يوريكم يووم

الطاره يقبع باليوكن ولا هو معدم ابو سيارتي والباب الخلفي ليووكن ابوووه خخخخ

ولا عمي اغمى عليه من القهررر وانا بغية افطس من الضحك يووم طلع بطل القصه

ونزل نعاله وفقع مع الصحاري والحبيب كان ضامن ان اجله قرب

والحمد لله قدر الله وما شاء فعل ...,,,

تحياتي ...,,,

مرحبا والله ياالغالي


المشكله ان امك الله يحفظها شاهده على حوادثك الا الاخير الله استجاب دعاها ولا ركبت معك وقت الحادث




أما بالنسبة لي


وحده زلقت في مطر >> كنت ابلحق على مباراة وماردني الا صدام واحد مصري كبير في العمر ومارده الا الاشارة الثانية بس الحمدلله واحد من الشباب كان معه تأمين



والثانية بزر في حارة ربط فرامل عشان يسولف مع واحد من اخوياه على سيكل ونا كنت ملتفت يمين احاتسي اللي جمبي ومادريت الا راعي السيكل ماتشوف الا دخنت كفراته وشلون مدري الظاهر من الروعه


بس لو تلاحظ في بعض رجال المرور يعد من واحد لين عشره ولا حقرا بقرا لين يطيح على رقم 12 ويعطيه الخطأ



أذكر مره كان فيه باكستاني قدامي في سيارة صغيره صدموا لهم واحد شباب يوم نزلوا منه
تقول نازلين من قطار مدري وشلون دخلوا في السيارة الصغيره
وتجمعوا على ذا الولد
ويوم قاموا يخبطون السيارة ويهايطون الا ونزل عليهم ومعه مسدس والظاهر انه لعبه
ويوم طلق طلقه ماتشوف الا الباكستانيه منطلقين تقول في مسابقة جري
ولوهم زايدين سرعتهم شوي بتشوفهم يطيرون بنسافاتهم من السرعه
حتى سيارتهم خلوها


............

وبالنسبة لسؤالك الاخير

ولله لو قالولي اركب معك وتأمين كامل علي وشركة التأمين تطردنا في الشارع ماركبت معك


والله يبعدنا عن الحوادث انشالله ويكفينا شرها

ويعطيك العافية يالغلا على الموضوع الممتع

هلا والله اخوي

هذي قصتي



قبل يمكن 3شهور كنت طالع انا وواحد من اخوياي من بيت خالي شفنا مباراة ودق الوالد الله يحفظه

يقول تعالى وانا توني طالع في الخدمة الا ويوقف الجمس اللي قدامي فجاة وما امداني خليت الصدمة على جنب

المهم وقفت ولا الجمس مهدي عشان يمنيين موقفين في نص الشارع يسولفون مع خويهم اللي واقف في وسط الشارع المهم

هم انحاشوا الجمس لحقهم وجابهم وادق على المرور ودقيت على الوالد واول ما جاء مسكني يسفل فيني قدام خويي شوي الا

يسفل في خويي المهم جت الشرطة وركبت علي الخطا 100% واليمنيين عطاهم مخالفه بس

الجمس ما جاه شي انا صلحت السيارة ب6000 ريال

وفيه قصص واااااااجد لاخوي الله يحفظه بس انا ما كنت معه

وهذي مرة راكب مع الوالد وحنا راجعين للبيت واحنا في التخصصي متجهين شمال بننزل على الدائري الا ويجي هالكلب <<< تراه حيوان مو انسان

ايه ونصدمه ونطيحه على الدائري هههههههههههههههه وتسمع الفرامل والبواري

كلفت الصدمة صدام

الله يكفينا شر الحوادث ويبعد عنا كل مكروه

نصيحه اذكر الله قبل لا تحرك وما راح يصيبك شي ان شاء الله وابعد عن السرعه ترى كل الفرق 4 دقايق

تشـــــــــاو

موضوع روعه صراحه

على الاقل يخلي الواحد يفضفض


على كل حال

حمد لله على سلامتكم جميعا

وعساه اجر وعافيه

طبعا انا سالفتي مع الحوادث سالفه


بقولكم اخر وحده مع اني مو متذكرها للحين من قوتها

بس بحكيها نقل عن شهود عيان


مره كنت طالع لسوبر ماركت ( هذا الي اذكره قبل الحادث )

وهنا يصير الكلام لشهود العيان لأني ما اذكر اي شي بخصوص الحادث

يقولون اني كنت امشي بجنب الشارع فجت سيارة راكبين فيها شباب 15 و 16 سنه


اثاريهم يفحطون اول ما قربوا ضربوا سيارة طالعه من الحارة


وبعدها كملوا علي وبعدي انا ضربوا سيارة ثانية

طبعا هالحادث نومني بالمستشفى 3 اشهر

والحمد لله حسيت انكتب لي عمر جديد بفضل الله تعالى

الطريف بالأمر

اني يوم كنت بالمستشفى ما كنت فاهم وش الوضع

لدرجه اني اصحى اسئل اهلي وين حنا يقولون بالمستشفى فـ اسئلهم عسى ماشر من مريض


الحمد لله اضرار بسيطه جاني كسر باليد وبالقدم فقط

ومع هذا كنت بالليل اتمشى على رجلي المكسورة ( لاني ما ادري انها مكسورة )


اخر شي حسيت الوضع مـش مضبوط

وكائني بحلم

على صلاة الفجر طلعت من المستشفى ومشيت مسافه 5 كيلو

لين مرتني دورية ووصلوني لبيت اهلي

هناك عرفت السالفه وشهي

لأن وضعي بالمستشفى كان يشبه وضع السجين

ما كنت اشوف الا المستشفى لا شارع لا سما لا اي شي


لكن الحمد لله اللحين بخير وسلامه

وتجربه ( تنذكر ولا تنعاد )

صحيح كانت قاسية

لكنها مفيدة باشياء كثيرة


اعذرونا على الاطالة

طبعا لازم مقدمة عشآن تنقلب القصة لـ فلم اكشن

كنت رآيح ألعب كورة وأنا في ذآك اليوم أشاور نفسي اروح ولا أهون المهم كتب الله ورحت

ولعبت كورة وانا راجع دق علي ولد عمي يقول انا عند باب بيتكم صار لي ساعه وبنروح الدوآم الحين يعني تعال بسرعه

المهم قلت له دقايق واسنتر خشتي عندك

المهم وانا اوسوس لخويي اقوله ادعس
والمسكين على نياته
ويعطيها دعس وداخل حاره
وطبعا تجاوزنا لاندكروزر وإلا هو جيب مدري وش نوعه بس أنه جيب على رقم عمآرة
مرتفع كأنه برج المملكة
ولا احنا صاكين ابو هنود مع البيبان
طلع الهندي يبي يصفط وعرض سيارته على الطريق
المهم انقلبت سيارته وأحنا سلمنا
والهندي طلع مع الباب يضحك ما جاه شي


الله يكفينا شر الحوآدث

مشكوريـن على مروركـم و غعـلا دعاء الخروج من المنزل و دعاء ركوب الدابة مهم جدا !

لاني قد سمعـت شيخ يقول ان الملائكة تحفظك اذا قلت هالدعائين !

يعطيكم العافية

صار لي كذا حادث

ولكن الاقوى ونا على رجليني كنت طالع من المسجد

وكانت فيني عادة لقطعت الشارع ماخاف من السيارات يعني لكانت مسرعه اعطيه مجال يمر ونا اوقف بس اكون قريب منه طبعا ونا على رجليني

المهم كان فيه مطبات لمنع التفحيط امام المسجد فكانوا بعض السيارات يجون مسرعين وحتى مايقعوا في المطبات يعملو زي الحنيه جهة مواقف المسجد لانه مافيها مطب

المهم شفت واحد من بعيد ونا واقف كنت انتظر وشايفه ومسوي قوي وتوقعته يبعد عني

لكن الي حصل زاد من سرعته وانحنى بشكل اكبر وبدل مايبعد عني رحت انا معه نفس الاتجاه وماشفت نفسي الا فوق بالهواء

عامل مقصيه ودبل كيك

وقعت على ايدي وتضررت كثير

وهو هرب لكن جماعة المسجد جابو رقم السياره

ثاني يوم الا هو محضر بالشرطه

طلع بزر بالثانوي بجسم جلف تقول ابو 30

لكن حليب النياق عامل عمايله

الحمدالله الله ستر كانت رضوض وشعر بالكوع الايمن

وقبل زواجي باسبوعين دامك تتكلم عن التوقيت

وحصلت لي ايضا بالعيد وباحد الاعراس

يقولون الصدقة تمنع هالامور والله يحفظك

بس توني جديد بالرياض ومااعرف محل اتصدق فيه

احب اتصدق بالاماكن الرسميه افضل من هالعصابات

بعكس الشرقيه بكل سوق ومجمع عندنا فيه

ليت تفيدني