][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا || - صفحة رقم 723 - نادي الهلال السعودي - شبكة الزعيم

Cataluña · #10831 02/05/2009, 12:52 PM

ليش اليوم ما يعطي هليب فرصه اتوقع يسوي شي

ويكون مفاجئة المباراة وهو لاعب سريع ويحطه مع ميسي

ஜ ₣ ฮ เ ṥ λ Ŀ ஜ · #10832 02/05/2009, 01:31 PM

25 ملـيون يـورو و " هلـيب " و " جودينسون " مقـآبـل " ريبري " !!

وفقـاً لـ صحيفة " الموندو ديبرتيوفو " أن بـرشـلونه على وشـك أن يبـدأ المفـآوضـآت مـع بـآيرن ميـونخ مـن أجـل الاعـب الفرنـسي [ Franck Ribery ] الـذي سيقـدم لـه نـآدي برشـلونه نحو 25 مليون يورو ،، وتشـمل الصفقـة انتقـآل الاعبـآن ،، البيلاروسي [ Aleksander Hleb ] و الأيسلـندي [ Eidur Gudjohnsen ] إلـى النـآدي الألمـآنـي !! .

المـصـدر

S3000DY · #10833 02/05/2009, 01:34 PM

إقتباس


	ميسي .. باختصار اذا تبي تصير احسن لاعب ورهم شغلهم اليوم ..

ياسلام عليك يايزيد< توه قاري اسمه

:

فعلا ميسي من بعد البارين هو مستوااه غايب يمكن السبب للارهاق؟؟ ممكن

مباراة اليوم اقدر اعتبرها مباراة الدوري الي بيفوز يقرب الدوري لنفسه سواء للبرشا او الريال

المباراة هذي بالنسبه للبرشا ان فاز فيها ان شاء الله راح تكون دفعه قوويه لمباراة البلوز كما ذكروا الشبااب فوقي
التشكيليه الي اتمنى يدخل البرسا بها:

فالديز

ابيدال بيكي بويول الفيش

توريه

كيتا

انيستا

هنري ايتو ميسي

ياليت أحد من الاخوان يجيب لنا احتماليه مشاركه هنري او لا؟؟؟

اتوقعها تعادل

لكن البرسا انشاء الله يقول كلمته

فورسا برسا

لكم

Hilali 3asal · #10834 02/05/2009, 02:23 PM

حانت ساعة الكلاسيكو ،،،

مباراة ستكون صعبة على الفريقين لانها لا تخضع لاي مقاييس أو معايير تفوق أو أفضلية لطرف على الآخر .

بالنسبة للتشكيلة خط الدفاع لن يخرج عن ابيدال وبويول وبيكي والفيس ، خط الوسط مشاركة كيتا مطلوبة في مركز الوسط الايسر لمساندة ابيدال وخاصة مع مشاركة روبين الذي يعتمد عليه الريال بنسبة كبيرة في الهجوم ومعه تشافي وتوريه الذي يمثل ثقل كبير في مركز المحور وتغطية الجهة اليمنى عند تقدم الفيس لمواجهة مارسيلو .
خط الهجوم سيكون من ميسي وايتو وانيستا وهو من سيكون عليه دور كبير في ايقاف تقدم سيرجيو راموس وفي نفس الوقت الاستفادة من الثغرات اللي يتركها في حالة تقدمه .

خواندي راموس مع ان المباراة على ارضه لكن اكيد سيلعب بحذر ولن يلعب بضغط هجومي مركز ، وممكن يلعب بنفس طريقة مباراة الذهاب يكون فيه تراجع حتى من المهاجمين لوسط الملعب علشان يستفيد من تقدم قلبي الدفاع بويول وبيكي ومحاولة قطع الكرة في منتصف الملعب واللعب على هجمة مرتدة لاستغلال الفراغات في الخلف ، وهذي النقطة مطلوب من جوارديولا ان ينبه لها الاثنين بعدم المبالغة في التقدم حتى مع تراجع لاعبي الريال .

جوارديولا مطلوب منه التركيز على الهجمات من خلال تمريرات بينية من العمق ربما اكثر من الاطراف لاستغلال بطء كانافارو وميتزيلدر ، ولاننسى عندهم في الاظهرة لاعبين قمة في الخشونة سواء ابو الاكواع هاينزه او راموس وهذي فيها خطر على سلامة ميسي وانيستا .

نتيجة التعادل لو حصلت لن تكون سيئة لبرشلونه ، وهذا يعني ان اللاعبين غير مطالبين بتسريع اللعب ولكن اللعب بهدوء ومحاولة السيطرة على الكرة لأطول وقت ممكن لسحب لاعبي الريال الى منتصف الملعب وبعدها فرصة لعب كرة طولية للامام الى ميسي او ايتو قادرين على استغلالها وتسجيل هدف .

في النهاية فريقنا ماعليه خوف من الخصم وقادر على الفوز عليه على ارضه وبين جماهيره ، لكن الخوف من الاخطاء التحكيمية كالعادة ويجينا حكم يعيد ذكريات الحقير بورول العام الماضي ويقلب موازين المباراة والنتيجة .

بالتوفيق إن شاء الله للبلوجرانا

S!R BARCA · #10835 02/05/2009, 02:41 PM

ابو سلطان

قلت اللي كنت بقوله .. اللي هي جزئية الحكم ..

ما يحتاج نقول كيف كانت الاربعه السنه اللي راحت وها الشي شافوهـ هم قدام الليفر ولو بشكل اقل وضوح ..

في وجود لاعبين من امثال هاينزه + راموس الواحد بيصير حاط يده على قلبه طول فترة المباراة ..

هلال وسامي

هليب لاعب سيء للاسف .. ها اللاعب ما قدر يثبت نفسه وانييستا مصاب ..

ومن الصعب على المدرب يشركه في وقت حاسم مثل الآن ..

‎βαƦ¢α 4 ξνξƦ · #10836 02/05/2009, 03:14 PM

... السلام عليكم ورحمة الله وبركاته ...

احبتي اعضاء رابطة برشلونه كيف حالكم شخباركم

؟؟؟

عساكم تذكروني بس

ادري ما استاهل ومقصر بحقكم واجد والله لكن ماعليه ظروف والله كثيره اشغلتنا لو بتكلم عنها راح انسيكم الكلاسيكو

... لكنكم على البال والخاطر بكل وقت والله .. وجا الوقت الحمدلله اللي فضينا ورجعنا لكم بالرد .. دائما اكون متواجد معكم بالمشاهدة ومتابعة الاخبار اول بأول .. واذا ماقدرت ارد ابلغ احد العيال يوصل السلام لكم .. عساهم وصلوه بس

لكن الحمدلله على كل حال وابشركم انا بأتم صحه وعافيه وماناقصني الا انتوا يالغالين

....

كيف الرابطة اووووف والله تغيرتوا وصار فيه ترميمات بالرابطه من جميع النواحي

لا الاعضاء والبشوات الجدد .. والا الشياب اللي معيين يفكونا من غثاهم

لكن تبقون غالين على قلبي والله جميعا ولو معزتكم ماطريتوا ببالي الى اللحين والى بعدين

فيه قلبي كلام كثير بقوله لكن خلوه بعدين ...

نجي لحالة الفريق .. واللي كانت ولا احلى منها ولا زالت .. لكننا على محك قويه هالشهر مثل ما تعرفون لكن تركيز اللاعبين مازال موجود اهم شي وباقي .. تشلسي تعادلنا معهم بسبب مصالة لعبهم بصراحه!! ...

والريال اليوم مهما كان نقص اللاعبين فيه وحالته السيئه الا انه قوي جدا وسوف يكون شعاره في هذه المباراه النقاط الثلاث ... جوارديولا عجبني كثير فيه تغييراته بمباراة تشلسي خاصه انه عندما ادرك ان لن يحرز اما تشلسي قام بأراحة بعض اللاعبين .. لكن كان ودي يبقي راس حربه ايتو او هنري .. لكن هذا بيكون كله استعداد لهالمباراة والقادمه باذن الله ...

خلاصة الكلام الفريق في حالة ولا احلى منها .. ينقصه التركيز فقط وعدم الاستعجال .. اظن احنا الفريق الوحيد اللي يلعب للحين على ثلاث بطولات وهذا الشيء لصالحنا وضدنا بنفس الوقت ... فوزنا على الريال اليوم راح يعطينا ثقه ودفعه قويه لمباراة تشلسي .. بأختصار تبي نمزز عليهم اليوم ونعرف كيف نجيب الاهداف عشان مانضيع قدام تشلسي

مانطول عليكم يالغالين هذا الرد بمناسبة رجوعي لكم والله ماقوى قلبي على مفارقكم والله وانا معكم خلاص باذن الله ...

بالاخير شكر خاص بصراحه لكل من سئل عن يوسف سواء بالجوال او المسن او بالرسائل الخاصه او بالبرايفتات بالردود .. خاصه .. بندر

مبارك

سليمان

انس

سلمان

مشعل

سالم

الفهد

وليد

عواد

وبالاخير الدوب يزيد

ومحمد هلالي الكتلان

لأنهم هم الثنين اللي شفتهم بالاستراحه الاخيره ..

مانطول عليكم ونبارك لبعض باذن الله اليوم وكل يوم بالانتصارات .. ماعليه سامحونا ان نسينا احد اوشي لكم على البال والله

وسلكوا لنا بالاخطاء المطبعيه كان فيه يؤؤ من زمان ماكتبت

لكم جميعا .. سلامووووووووووو

BARCELONISTA · #10837 02/05/2009, 03:23 PM

سلآلآلآلآم

!

شبآب .. آشوف فيه ناس منكم متشائمين ؟! ترى اللي بنلعب ضدهم اليوم يقالهم ريال مدريد

يعني المفروض تفرح و تستانس على المتعة اللي بنشوفها من عيال كاتلونيا في ملعبهم الغبي سانتياغو برنابيو

، فريق يلعب فيه ميسي و آكزافي و آيتو و هنري و آنييستا و يايا و آلفيش و بويول و آبيدال و بيكي ( يخسي فالديس آكتب اسمه

) تخافون

؟! تعوذوا من بليس يا حلوين و خذ لك براد شاهي آو بيبسي المُهم تكون مرتاح و تكون مظبط جوك

و حط على الجزيرة الرياضية الساعة 9 و تفرج على سحر البرشآ و آستمتع

!

بعد هاذي المُقدمة المهايطية قليلاً

، آنا في وجهة نظري بآن مباراة اليوم هي مفترق طرق لـ كتيبة بيب ، الفوز يعني حسم الليقا بكل تأكيد و دفعة معنوية لـ الفريق في لندن ضد تشيلسي بآذن الله ، آما الخسارة لا سمح الله فـ بتضيع كل شيء من وجهة نظري

!

آنا واثق في الآعبين و في بيب كل الثقة و آدري بآنهم آذا بغوا يفوزون فازو ، بس اللي مخوفني شوي هو الآرهاق البدني + تشتت ذهن الآعبين من بطولة إلا بطولة و المصيبة كل المباريات مهمة و لها طابع خاص و تكتيك خاص !

آتمنى آن بيب يدخل بـ التشكيلة التالية :

فالديس

آبيدال .. بيكي .. كاسيراس .. بويول

كيتآ .. يايا .. آنييستا

هنري .. آيتو . ميسي

بس آتوقع آن بيب بيدخل بـ بويول في قلب الدفآع و كـ العادة آلفيش ( المُرهق جداً ) في الظهير الآيمن + آكزافي المُرهق آيضاً محل كيتآ !

الريال تغير كثير مع رآموس ، و آصب من الفرق اللي صعبة تخسر بس إلا الآن في وجهة نظري بآن دفاعهم سهل الآختراق ، رآموس سيء في الفترة الآخيرة و هاينزه ( حسب الآخبار آنه بيلعب آساسي ) توه راجع من الآصابة و هاذي آول مباراة له ! و ميتزلدر و كنكن ( آبو عارضة

) بطيئين و آي كورة سريعة من صانعين اللعب عندنا يمكن يروحون فيها

!

آهم شيء آن الحكم يكون مفتح عينه و لآ يتساهل مع آي لعبة خشنة من آي لاعب في آي فريق ! خوفي على لآعبينا لا ينعدمون

!

كل التوفيق لـ عيالنا

و آتوقعها 2 - 0 لنآ

و هي بتكون مباراة آنييستا و هنري بآذن الله

!

تفائلوا ، ترانا نشجع كاتلونيا

\\

يوسف موجود

؟!

تو ما نورت الرابطة يا باشا

آشتقنا لك و الله

آهم شيء كرسي الآعترف آلى آلحين معك

!

و يلكمو باك يا حلو

!

Madridi · #10838 02/05/2009, 05:28 PM

نداء هام للجميع

الرجاء في حال فوز او خسارة فريقك باحترام الخصم وعدم الخروج عن النص سواء بالاساءة المتعمدة او المبالغة في الاحتفال .. وتحلى بمبدأ التواضع عند الفوز والابتسامة عند الخسارة ..

خصوصا الفريق الفائز الرجاء عدم الدخول الى رابطة الخصم والاستفزاز .. بمعنى عندك كلام جيد او تحليل او نقاش .. اما الاستفزاز الواضح فسيؤدي الى ما لا تحمد عقباه ... وما نبي نفقد احد تكفون

شكرا لكم

الزعيم 09 · #10839 02/05/2009, 06:05 PM

][... بعثة برشلونة وصلت بـ سلام إلى العاصمة مدريد ...][

وصلت بعثة برشلونة القادمة من عاصمة كتالونيا إلى عاصمة إسبانيا " مدريد " على الساعة 12:00 و الطائرة كات فيها الكثير من المدراء و العائلات و الأجواء في الطائرة لم تكن تدعو إلى التفاؤل لكن هذا جيد لـ أن الثقة المفرطة قد تسبب الأذى لـ برشلونة , لكن قال " غواريدولا " مؤكداً : سنلعب لـ الفوز .

برنامج " رحلة برشلونة " كانت النحو الآتي :

اجتماع الاعبين كان على الساعة 10:00 صباحاً في الكامب نو , و ذهبوا مباشرة إلى مطار برشلونة ( EL PRAT ) و قلعت بهم الطائرة لاحقاً ووصلت على الساعة 12:00 تقريباً , و توجهوا الاعبين مباشرة إلى الفندق مثل فندق رحلة كل من مباراة خيتافي و أتلتيكو مدريد و سـ يستقروا هناك حتى موعد اللقاء الكبير .

http://www.sport.es/default.asp?idpu...dseccio_PK=803

]

فهد عاشق البرسا · #10840 02/05/2009, 06:11 PM

السلام عليكم ..

اااااااااهـ ياريحة رابطتنا من زمااان عنها

مشكلة الواحد ان غاب عن مكان فتره يستحي يرجعله

بس يتشجع اذا لقا واحد مثل حالته وتوه راجع

>> ليوسف

اجل اليوم الكلسكو هاه

لامتفأل خير ان شاء الله وبندفنهم بمقبرتهم دفنتن مايصحون بعدها

ونقضي على امالهم المتبقيه في البطوله الوحيده المتشبثين فيها للحين

بس مايخوفني في الفريق الا شي واحد الا وهو الارهاق والضغط النفسي من كثر المباريات ، بيب سوى الي عليه وريحهم يوم الجمعه والباقي على الله
اتوقعها 2-1 ، واكيد جلاد مدريد الخال بيكون له بصمه في اللقاء

وراهنكم ان كان فالدز في يومه مثل مبارات تشلسي ماعلى فريقنا خووووف ،،

إقتباس

الرسالة الأصلية كتبت بواسطة هلالي وأحب برشلونة 9


	تفائلوا ، ترانا نشجع كاتلونيا

هذا الي يخلينا متفائليلن يابندر

نراكم بعد المباراة ،

>> قلب أبيض لكم كلياتكم

،،

فورسا بارسا

الزعيم 09 · #10841 02/05/2009, 06:18 PM

Madridi

هلآآآآآآآآ فيك ومشكووور على التنبيه

بس عيال رابطتنا انا اعرفهم محترمين وما يسوون الاشياء هذي

خخخخخخخ تلقالك واحد بعدين يستتأذن منك ممكن اشتم الفلاني

لآ لآ انا امزح اليوم ان شاء الله نشوف مباراة لآئقة بآلفريقين كاتالونيا والمرينغي

حنا معليك ما بنشتم بنكون محترمين اما من ناحيتكم انا اعرفكم محترمين لكن في ناس تجيب مقاطع اضحك على
برشلونة وآلخ....

يعني هذا ما يسمى احترام للخصم

ياريت انك تقولهم هذا الكلآم

كاتالونيا VS المرينغي

S U L A I M A N · #10842 02/05/2009, 06:24 PM

مرحبا جميعا حبايبنا ..

استمتعت بقراءة التحاليل قبل المباراة بصراحة وهالشي لو ننزله في موضوع بالعالميه بيصير موضوع شيق جدا .. زي العام في مواضيع ماقبل المباراة ومابعد المباراة .. لكن مو مشكله يبقى هالشي يميز رابطتنا ماشاء الله بأعضائها المميزين ..

عموما .. بالنسبه لمباراة اليوم ما اخفيكم اني متفائل نوعا ما .. لعدة شغلات راح أقول منها شي واحد بس .. برشلونة إذا كان مكتمل .. ماراح يوقفه مدريد

.. لأنه راح يدخل المباراة ويبغى الفوز .. وفوق هذا كله مدريد راح يفتحون الملعب على أساس انهم يبون يجيبون هدف .. لكن وهم مسكرين الملعب لقموا اثنين مع الرأفه .. كيف لو يفتحونه .. ؟ هذي من الأشياء الي تخليني اتفائل .. وبإذن الله الفوز كتلوني اليوم .. لم ولن أرضى بالتعادل مهما كانت الظروف .. الفوز بس هو الي أبغاه ياقوارديولا .. وماهي صعبه أبدا .. مو استهانه بالريال .. كلنا عارفين قوة الريال لاحد يلعب على أحد .. لكن ثقتي بفريقي تخليني اتفائل امام أعتى الفرق مهما كانت .. وهالثقه ان شاء الله تكون بمحلها اليوم .. وبإذن الله الفوز برشلوني الليله ..

بالنسبه للتشكيلة .. ماعلي منها تصير الي تصير لو يحط إيتو حارس .. لكن أهم شي يابيب نبي توريه وكيتا أساسيين اليوم .. وممكن تكون على حساب هنري مع لعب إينيستا محله وتراجعه بعض الشيء للخطوط الخلفيه .. لتكون التشكيله كالآتي

فالديز

ابيدال .. بويول .. بيكي .. ألفيس

توريه .. كيتا

زافي

اينيستا .. ايتو .. ميسي

أو ممكن يلعب بهنري اليوم أساسي ويخلي زافي احتياط .. ولو اني أفضل انه يبدا بتحييط هنري .. علشان يستفيد من قوه هجومية في بداية الشوط الثاني أو منتصف الشوط .. أو ممكن مايحتاجه أبد لاننا ممكن نكون منهين المباراة من بدري وهذا الي اتمناه .. لان ورانا مباراة أشوفها ماتصف جنب هالمباراة من حيث الأهميه ..

ما أشبه اليوم بالبارحه .. تفاؤل المدريديين بالمباراة يخليك تشك ان مباراة مدريد وبرشلونة اليوم .. كأنها مدريد وخيخون .. بالضبط زي ماصار في مباراة الذهاب .. والأعذار موجوده من البداية

.. قلتها قبل مباراة الذهاب .. في حال فوزنا راح يقللون منه .. وفعلا هذا الي صار .. حتى صحافتهم قللت منه ..

صحافتهم تحاول بث الغالي والنفيس تحت مسمى الحرب النفسيه علشان تشتت لاعبي برشلونة .. تماما زي ماصار في مباراة الذهاب .. وأيضا صحافتنا ماعبرّت هالشي وما أعطته أي أدنى إهتمام .. مافيه مدريدي رشح برشلونة يفوز .. حاليا نفس الي يصير لكن باقي شغله وحده .. هي الفوز وتكتمل فصول المسرحيه المدريدية ..

سليم

حياك يالغالي ومشكور على الإهتمام

لكن بالنسبة للفرح والمبالغه فيه فـ ما أعتقد الاخوان المشرفين راح يمنعون الفائز من الفرح سواء بالرابطة أو بالاستوديو لان هالشي حق مشروع له

ومن هالمنطلق أتمنى من الاخوان المشرفين عدم حذف المشاركات الا بعد اطلاعهم جميعهم عليها والإجماع على الاحقية في الحذف .. تبقى رابطة مخصصة لفريق معين ولمشجعينه الحق المطلق في كل شيئ ماعدا الامور المُتفق انها مخالفه كـ السب او التطاول على عضو بعينه .. وهالشي متفق عليه سلفا من جميع المشرفين ..

تاكد ياسليم لو فاز الريال راح نبارك لكم .. لكن فو فزنا ماراح تحصلون مننا الا كل خير بإذن الله .. تماما زي ماصار في مباراة الذهاب .. لكن قطعا ليس كما حدث في مباراة إياب الموسم الماضي.. أو ذهابه

.
.
.
.

صدقني أكرهك .. لكن مجبور أقول هالكلمات ..

تكفى .. مانبيك تسطل زي العاده .. مابي شي أبيك بس تنتبه وإذا قربت لك الكوره شتها بظهرك لو تبي بس اهم شي وخرها عن الباب ..

وطلبه .. لاتطلع من المرمى الله يكرهك

ارحمنا

FAHADONA · #10843 02/05/2009, 06:28 PM

السلام عليكم ورحمة الله وبركآته ,,,
مرحبا بأعضاء الرابطة ...
والله من زمان عنكم

......
ياشباب مدري ليش حآس أن الريآل بيفوز وبقوووهـ بعد ..
برشلونة عليه ضغوط .. توه متعادل على أرضه وبين جمهوه في التشامبيوز ..
وتعادل مع فالنسيا .. تقلص الفارق إلى 4 نقآط ...وهذا من رفع معنويآت الريال ..
ويكفي بعد أن كل أساطير الريال يرشحون الفوز للريال وأغلبية أساطير برشلونة يرشحون فوز الريال...
ورونالدو كريستيانو يرشح فوز الريال أيضا ..
ومدريد إن حضرت نشاهد مدريد في الملعب وفي البرنابيو كيف يلعبون بعزيمة ..
ريال مدريد أواخر الدوري بدأ يقدم مستويات رائعه ومنذ قدوم خواندي لم يخسر سوا الكلاسيكو الأول.... والله مدريد يخووف

هذا هو كلاسيكو نكون او لانكون ،، هنا سوف يكون جمع الحصاد لهذا الموسم يا أبناء كتالونيا ،، وبالتوفيق

الزعيم 09 · #10844 02/05/2009, 06:28 PM

إقتباس


	ياليت أحد من الاخوان يجيب لنا احتماليه مشاركه هنري او لا؟؟؟

هلآآ اخوي كيفك ان شاء الله بخير

اخوي بيب يقول راح يريحه لمباراة تشلسي

هذي الآخبار الي سمعتها لكن 70 % انها صحيحة

اتمنى اني افتدك

الزعيم 09 · #10845 02/05/2009, 06:29 PM

إقتباس


	ياليت أحد من الاخوان يجيب لنا احتماليه مشاركه هنري او لا؟؟؟

هلآآ اخوي كيفك ان شاء الله بخير

اخوي بيب يقول راح يريحه لمباراة تشلسي

هذي الآخبار الي سمعتها لكن 70 % انها صحيحة

اتمنى اني افتدك