02/05/2009, 06:24 PM
|
| مشرف سابق بمنتدى الرياضه العربيه والعالميه | | تاريخ التسجيل: 30/08/2003 المكان: الرياض
مشاركات: 7,618
| |
مرحبا جميعا حبايبنا ..
استمتعت بقراءة التحاليل قبل المباراة بصراحة وهالشي لو ننزله في موضوع بالعالميه بيصير موضوع شيق جدا .. زي العام في مواضيع ماقبل المباراة ومابعد المباراة .. لكن مو مشكله يبقى هالشي يميز رابطتنا ماشاء الله بأعضائها المميزين ..
عموما .. بالنسبه لمباراة اليوم ما اخفيكم اني متفائل نوعا ما .. لعدة شغلات راح أقول منها شي واحد بس .. برشلونة إذا كان مكتمل .. ماراح يوقفه مدريد .. لأنه راح يدخل المباراة ويبغى الفوز .. وفوق هذا كله مدريد راح يفتحون الملعب على أساس انهم يبون يجيبون هدف .. لكن وهم مسكرين الملعب لقموا اثنين مع الرأفه .. كيف لو يفتحونه .. ؟ هذي من الأشياء الي تخليني اتفائل .. وبإذن الله الفوز كتلوني اليوم .. لم ولن أرضى بالتعادل مهما كانت الظروف .. الفوز بس هو الي أبغاه ياقوارديولا .. وماهي صعبه أبدا .. مو استهانه بالريال .. كلنا عارفين قوة الريال لاحد يلعب على أحد .. لكن ثقتي بفريقي تخليني اتفائل امام أعتى الفرق مهما كانت .. وهالثقه ان شاء الله تكون بمحلها اليوم .. وبإذن الله الفوز برشلوني الليله ..
بالنسبه للتشكيلة .. ماعلي منها تصير الي تصير لو يحط إيتو حارس .. لكن أهم شي يابيب نبي توريه وكيتا أساسيين اليوم .. وممكن تكون على حساب هنري مع لعب إينيستا محله وتراجعه بعض الشيء للخطوط الخلفيه .. لتكون التشكيله كالآتي
فالديز
ابيدال .. بويول .. بيكي .. ألفيس
توريه .. كيتا
زافي
اينيستا .. ايتو .. ميسي
أو ممكن يلعب بهنري اليوم أساسي ويخلي زافي احتياط .. ولو اني أفضل انه يبدا بتحييط هنري .. علشان يستفيد من قوه هجومية في بداية الشوط الثاني أو منتصف الشوط .. أو ممكن مايحتاجه أبد لاننا ممكن نكون منهين المباراة من بدري وهذا الي اتمناه .. لان ورانا مباراة أشوفها ماتصف جنب هالمباراة من حيث الأهميه ..
ما أشبه اليوم بالبارحه .. تفاؤل المدريديين بالمباراة يخليك تشك ان مباراة مدريد وبرشلونة اليوم .. كأنها مدريد وخيخون .. بالضبط زي ماصار في مباراة الذهاب .. والأعذار موجوده من البداية .. قلتها قبل مباراة الذهاب .. في حال فوزنا راح يقللون منه .. وفعلا هذا الي صار .. حتى صحافتهم قللت منه ..
صحافتهم تحاول بث الغالي والنفيس تحت مسمى الحرب النفسيه علشان تشتت لاعبي برشلونة .. تماما زي ماصار في مباراة الذهاب .. وأيضا صحافتنا ماعبرّت هالشي وما أعطته أي أدنى إهتمام .. مافيه مدريدي رشح برشلونة يفوز .. حاليا نفس الي يصير لكن باقي شغله وحده .. هي الفوز وتكتمل فصول المسرحيه المدريدية ..
سليم
حياك يالغالي ومشكور على الإهتمام
لكن بالنسبة للفرح والمبالغه فيه فـ ما أعتقد الاخوان المشرفين راح يمنعون الفائز من الفرح سواء بالرابطة أو بالاستوديو لان هالشي حق مشروع له ومن هالمنطلق أتمنى من الاخوان المشرفين عدم حذف المشاركات الا بعد اطلاعهم جميعهم عليها والإجماع على الاحقية في الحذف .. تبقى رابطة مخصصة لفريق معين ولمشجعينه الحق المطلق في كل شيئ ماعدا الامور المُتفق انها مخالفه كـ السب او التطاول على عضو بعينه .. وهالشي متفق عليه سلفا من جميع المشرفين ..
تاكد ياسليم لو فاز الريال راح نبارك لكم .. لكن فو فزنا ماراح تحصلون مننا الا كل خير بإذن الله .. تماما زي ماصار في مباراة الذهاب .. لكن قطعا ليس كما حدث في مباراة إياب الموسم الماضي.. أو ذهابه
.
.
.
. صدقني أكرهك .. لكن مجبور أقول هالكلمات .. تكفى .. مانبيك تسطل زي العاده .. مابي شي أبيك بس تنتبه وإذا قربت لك الكوره شتها بظهرك لو تبي بس اهم شي وخرها عن الباب .. وطلبه .. لاتطلع من المرمى الله يكرهك ارحمنا |