موبايلي : لماذا .. لا يكون للهلال طائرة خاصة عليها شعارك وشعاره ؟؟ .. هلال طائر في السماء .. موبايلي طاير في السماء .. شارك بتأييدك ! - نادي الهلال السعودي - شبكة الزعيم

هلالي كيلنتون · #1 13/07/2008, 09:29 AM

أيها الزعماء :

الهلال .. موقعه المعروف فوووووووق ..

والوسيلة إلى فوق .. طائرة ..

موبايلي .. عملها باختصار الأثير ..

والأثير لا يمكن الصعود له إلا بطائرة ..

( وش رأيكم في المقدمة ؟؟ )

فلماذا لا نطالب موبايلي بشراء طائرة خاصة

لنادي الهلال .. للتكفل بتنقلاته ..

الخطوة مهمة جدا .. نفسيا .. وإعلاميا وإعلانيا وماليا

وستكون الحركة إبداع في إبداع ..

تصور نفسك وأنت في الثمامة .. أو الجنادرية ..

قاعد مع أهلك وأخوانك .. وفجأة تمر فوق رأسك

طائرة الهلال .. آه .. يازينها ..

هلال طائر في السماء ..

على كل حال .. عند تطبيق الاقتراح .. فإني

أطالب من هذا المنبر بتخصيص مقعد خاص

باسم ( هلالي كيلنتون ) يكون شاغرا

ولا يتم استخدامه إلا بعد الرجوع لي

وش رأيكم ياشباب بالمقعد الخاص بي ؟؟

عفوا .. قصدي وش رأيكم بالاقتراح ؟؟

ساهم ولو بكلمة ( اقتراح رائع ) ..

Kk22 · #2 13/07/2008, 09:31 AM

طياره اجل

والمقعد الي تبيه جنب الدريشه

David Beckham_15 · #3 13/07/2008, 09:38 AM

اقتراحك حلو والله واتمنى برضه ملعب باسم

[Highness princes field ]

وهاذا الاولى

شكراً جزيلاً وانا اؤيدك

L E A D E R _ 9 · #4 13/07/2008, 09:38 AM

خلهم يتفقون على العقد اول شي وبعدين يصير خير
من وجهة نظري انها فكرة حلوة بس ممكن تكون صعبة بنفس الوقت

هلالي كيلنتون · #5 13/07/2008, 09:41 AM

إقتباس

الرسالة الأصلية كتبت بواسطة انتراوي9


	خلهم يتفقون على العقد اول شي وبعدين يصير خير من وجهة نظري انها فكرة حلوة بس ممكن تكون صعبة بنفس الوقت

لا تقول لي صعبة !

رجال أعمال عندهم طائرات خاصة ..

فما بالك برجال آمال وتطلعات

أيدني تكفى والصعوبة تنحل بوجود رجال الزعيم !

زعيّم آسيا · #6 13/07/2008, 09:41 AM

فكرة روعه مو بس حلوه
لكن صعبه والله
وانا اهم شي مصلحة الفريق
قبل الاعلام وهالخرابيطـ

هلالي كيلنتون · #7 13/07/2008, 09:44 AM

إقتباس

الرسالة الأصلية كتبت بواسطة David Beckham_15


	اقتراحك حلو والله واتمنى برضه ملعب باسم [Highness princes field ] وهاذا الاولى شكراً جزيلاً وانا اؤيدك

أخوي : شكرا لمرورك ..

الملعب يبغى له أقل شيء ثلاث سنوات

الطيارة وأنا خوك .. ثلاثة أيام بلياليهن وتكون في الرياض

وأسبوع بوية ورسم شعارات ..

هذه عشرة أيام .. وهلال طاير في السماء

عاشق الزعيم 14 · #8 13/07/2008, 01:25 PM

و الله فكرة حلوة لمذا لا يكون هناك طائرة خاصة للهلال ؟؟؟؟؟؟؟؟؟؟

قــلــب ســامــي · #9 13/07/2008, 02:58 PM

مانبي نبالغ يكفيني اشوف باص خاص في الهلال عليه شعاره وانواع الدعائيات تتحمس وانت تشوفه في الاستاد والملز والنادي وخريص بعد نهائي ... صدقني باص احسن من حق النقل الجماعي.

cotch · #10 13/07/2008, 03:35 PM

طياره الحين خلهم يسون معسكر مريح زي الناس وملعب يرتقي بمستوى النادي وخلهم يتعاقدون مع لاعبين اجانب ومحليين الا هالحين هرج وماشفنا شي تبيهم يشرون طيار ناقصي هرج نبي افعال!!

العمــــده RUH · #11 13/07/2008, 03:51 PM

طياره اجل يا اخي الفاضل ترى مو سهله من حكايت تجهيز ومبلغ وغيره لان تجهيز الطائره ياخذ له وقت ما يقل عن سنه طبعا من واقع عمل اقولك
لكن كا حلم يمكن و كا فكره صعبه جداااااااااااااا
بس اللي نتمناه ملعب اولا

رجل من عالم آخر · #12 13/07/2008, 04:10 PM

و الله ياخوي الطائرة صعبه من وين يجيبون مبالغ و الإدرة توها جديدة ولا زم تعطي الثنيان فلوسه و عندهم ديون ثانية ..إلخ

بالعربي الطائرة ماتجي مافي إلا مانشستر يونايتد على ما أعتقد إنه عنده ظائرة

هلاليexpert · #13 13/07/2008, 04:27 PM

كيف الحااااااااااااااااااااااااااااااااال

ابو رزقه · #14 13/07/2008, 04:30 PM

والله ياخوي فكرة حلوة بس الظاهر موبايلي بتفلس كل من ورا طموحتنا حنا يالهلاليين

مره محترف الثالث ومرة ملعب الهلال ومرة طائرة الهلال وبكرة بنقول لازم يتكفلون بتزويج جماهيرالهلال
ياجماعة خفو شوي على موبايلي

لحظة (9) وداع · #15 13/07/2008, 04:32 PM

ياذا الموبايلي اللي طفشتوها من اول سنه 0شكلها هي اللي بتنحاش هههههههههه
وبعدين حرامية الاستنبه والكفرات يكثرون في العطله واذا كسر القزاز وسرقو الاستبنه والمسجل حق الطياره من يعوضنا