10/07/2008, 06:51 PM
|
| زعيــم مميــز | | تاريخ التسجيل: 18/02/2007 المكان: بكـل مكـان
مشاركات: 2,350
| |
شركة الاتصالات(السرقات) تسرق جيبك وانت تضحك!!
السلام عليكم جميعا في البداية والله اني مقهور يا شباب على هذي الشركة النصابه طبعا كلنا يعرف مشكلة اتصال الانترنت عندنا بالسعودية سرعة زي الزفت وأسعار غالية مقارنة بالسرعه ومقارنة بالدول الأخرى.... أنا اول شئ اشتركت عن طريق موبايلي كونكت العادي اللي هو الاتصال عن طريق الجوال وتشبكه بكيبل بجهاز الاب توب وكان الاشتراك برسوم تحميل 1 جيجا 100 ريال بالشهر اشتركت وكانت تجيني سرعة الاتصال 460 كيلوبايت يعني حليوه.. المهم لما خلصت (1 جيجا تحميل) الاتصال انقطع عندي لاني استلكهت الكمية المحددة.. بعد فترة ما ادري ايش اللي خلاني اروح اشترك عن طريق شركة الاتصالات الموقرة  واستفسرت عن اشتراك الانترنت للجوال وكانت النتيجة نفس موبايلي حمل 1 جيجا باشتراك شهري 100 ريال..  قلت خلني اجربهم يمكن سرعتهم احسن لما اشتركت طلع نفس موبايلي 460 كيلوبايت وجلست اشتغل على الانترنت ولا فصل معي الاتصال قلت بنفسي ( توه باقي ما خلصت 1 جيجا) وظليت على هالمنوال الى ان فصلوا الانترنت وبعدها بيوم دقيت على 902 ابي استفسر عن المبالغ الغير مفوترة الا وتاتي الطامه 4700 ريال قلت ياخي شكل الـ0 جت غلط ولا نظام الرد الالي شارب شئ وقلت المشكلة انا مو راعي مكالمة بنات ومكالماتي ما توصل لذا المبلغ شلووووووووووووووون؟؟ المهم قلت اكلم الموظف وجلست انتظر 8 دقايق ( مو مشغولين بسرقة قصدي بخدمة عملاء اخرين) ولما اكلمه الا يجي الموظف يقول المبلغ صحيح انت لما تخلص 1 جيجا يبدا يحسب عليك كل 1 كيلو بايت بريالين؟؟؟ طيب الله يلعن مخك ليش مسوين اشتراك ب 100 ريال وليش لما طلبت الخدمة ما تقولي اذا خلصت يبدا يحسب عليك تكلفة اضافيه وليش انتم مو بزي موبايلي اذا خلصت 1 جيجا يفصل النت؟؟ ليش السرقة والله يا كثر السرقات اللي جواله الرهيب بدون كاميرا ولا جيل ثالث يحسبون عليه اتصال انترنت واللي يحسبون عليه جوال ماسنجر وهو ما اشترك ولا شئ بس اللي بقوله والله اللي ماراح تشوفون ال 4700 يا شركة السرقات يعطيكم العافيه وارجو انت تضعوا بالاعتبارلا تغريك شركة الاتصالات بتسويقها
لانها اكبر نصابه زي نصب ان اشتراك دي اس ال شامل ما يفصل وما يعلق وهو تقريبا كل صباح وظهر يفصل معك وفيها تعليقات
واذا قالولك خدمة ويمدح لك فيها ومدري ايش وتحصل معها رسوم بالهبل ولا يقولك
وغير الازعاجات من رسائل الدعايات اللي على اخر الليل
اسف ع الاطاله بس والله من القهر اللي فيني
يعطيكم العافيه
اخر تعديل كان بواسطة » المهندس الهلالي 999 في يوم » 10/07/2008 عند الساعة » 07:07 PM |
الوضع العادي
