|
شركة الاتصالات(السرقات) تسرق جيبك وانت تضحك!! السلام عليكم جميعا في البداية والله اني مقهور يا شباب على هذي الشركة النصابه طبعا كلنا يعرف مشكلة اتصال الانترنت عندنا بالسعودية سرعة زي الزفت وأسعار غالية مقارنة بالسرعه ومقارنة بالدول الأخرى.... أنا اول شئ اشتركت عن طريق موبايلي كونكت العادي اللي هو الاتصال عن طريق الجوال وتشبكه بكيبل بجهاز الاب توب وكان الاشتراك برسوم تحميل 1 جيجا 100 ريال بالشهر اشتركت وكانت تجيني سرعة الاتصال 460 كيلوبايت يعني حليوه.. المهم لما خلصت (1 جيجا تحميل) الاتصال انقطع عندي لاني استلكهت الكمية المحددة.. بعد فترة ما ادري ايش اللي خلاني اروح اشترك عن طريق شركة الاتصالات الموقرة :upset: واستفسرت عن اشتراك الانترنت للجوال وكانت النتيجة نفس موبايلي حمل 1 جيجا باشتراك شهري 100 ريال.. :surprised: قلت خلني اجربهم يمكن سرعتهم احسن لما اشتركت طلع نفس موبايلي 460 كيلوبايت وجلست اشتغل على الانترنت ولا فصل معي الاتصال قلت بنفسي ( توه باقي ما خلصت 1 جيجا) وظليت على هالمنوال الى ان فصلوا الانترنت وبعدها بيوم دقيت على 902 ابي استفسر عن المبالغ الغير مفوترة الا وتاتي الطامه 4700 ريال :upset: قلت ياخي شكل الـ0 جت غلط ولا نظام الرد الالي شارب شئ :surprised: وقلت المشكلة انا مو راعي مكالمة بنات ومكالماتي ما توصل لذا المبلغ شلووووووووووووووون؟؟ المهم قلت اكلم الموظف وجلست انتظر 8 دقايق ( مو مشغولين بسرقة قصدي بخدمة عملاء اخرين) ولما اكلمه الا يجي الموظف يقول المبلغ صحيح انت لما تخلص 1 جيجا يبدا يحسب عليك كل 1 كيلو بايت بريالين؟؟؟ طيب الله يلعن مخك ليش مسوين اشتراك ب 100 ريال وليش لما طلبت الخدمة ما تقولي اذا خلصت يبدا يحسب عليك تكلفة اضافيه وليش انتم مو بزي موبايلي اذا خلصت 1 جيجا يفصل النت؟؟ ليش السرقة والله يا كثر السرقات اللي جواله الرهيب بدون كاميرا ولا جيل ثالث يحسبون عليه اتصال انترنت واللي يحسبون عليه جوال ماسنجر وهو ما اشترك ولا شئ بس اللي بقوله والله اللي ماراح تشوفون ال 4700 يا شركة السرقات يعطيكم العافيه وارجو انت تضعوا بالاعتبارلا تغريك شركة الاتصالات بتسويقها لانها اكبر نصابه زي نصب ان اشتراك دي اس ال شامل ما يفصل وما يعلق وهو تقريبا كل صباح وظهر يفصل معك وفيها تعليقات واذا قالولك خدمة ويمدح لك فيها ومدري ايش وتحصل معها رسوم بالهبل ولا يقولك وغير الازعاجات من رسائل الدعايات اللي على اخر الليل اسف ع الاطاله بس والله من القهر اللي فيني يعطيكم العافيه |
مع الاتصالات المنحرفة متقدر تغمض عينيك . |
تسلم يالغالي والله انك طلعت اللي بقلبي انا لي ثلاث ايام مفصول النت عني قلت يمكن خلص الاشتراك او اي مشكله ثانيه ثاني يوم واحد من الشباب يسالني ايش المشكله طلع الرجال مثلي مفصول عليه بدون اي سبب ومارجع النت الا اليوم ماقول الا الله يعينا ويصبرنا على شركة النصب ومتى تجينا شركة ثانيه متخصصه بالنت وبس وتريحنا من وجع الراس |
اساسا من زمــــــــــــــــان معروف عنها شركة الأنفــــــــــصالات من انقطاع الى انقطاع .. يمدحون شركـــــــــــــــــــــة زيــــــــــــــــن... الله يعوضك ويعوضنا.. |
4700 ريال ياسااااتر .................... |
مع الاتصالات المنحرفة متقدر تغمض عينيك . |
:: " سمعـت " .. أن .. هنـآك .. ( شركـة ) ......... !! لهـآ .. " صيتهـآ " .. ( خآرج البلآد ) ..... !! " ستقتحـم " .. ( سوق الإتصآل السعودي ) ........ !! وستجـعل .. من .. " شركآت الإتصآل " .. في البلآد ..... !! مجرد .. أسـم .. ولن تصل .. لـحد .. ( المنآفسـة ) ... !! :: يعطيك العآفية ورده :) |
شاكر مررررررررررررورررررركم شباب وان شاء الله ما يصير لكم مثل ما صار لي |
وعليكم آلسلام ورحمة آلله وبركآته .. تقدر تكلم موظف 902 وتسجل إعترآض على آلفآتورة وفهمهم آلتفآصيل ،، وآن شآء آلله تشوف تجآوب منهم :) ،،! \\ ورده |
ههههههههههههههههههه اخووي ماجبت شي جديد الحمد لله انا مقاطعهم ماعندي الاالسووااا وبعدين انت غلطت طلعت من موبايلي ورحت لذووولي ...!! |
وعليكم السلام ورحمة الله وبركاتهـ, الإتصالات فالحه في الإعلانات و النصب , |
. . الاتصالات من زمان معروفه بالنصب و الاحتيال و الحمدلله قاطعتهم من مدة و للأسف مب أنت أول و لا آخر واحد يخسرمن هالشركه الله يكون بالعون شكراً لك :) . . |
بالنسبة للانترنت أكثرنا متحمل وآكل هوا وش بنسوي عاد :( بالنسبة لخدمات الاتصالات وضحت تمامًا بالنسبة لي أفضلية موبايلي قسم بالله أول شهر عشان كان كل شي ببلاش الفاتورة طلعت 12,40 ريال (12 ريال - 40 هللة !!!) موبايلي أفضل بكثير من الاتصالات خاصة في التكلفة المادية للاتصال الشي الثاني لو تسمع إعلان الجوال أو مابايلي يكبرون لك الرقم ويقولون 1 جيجا هو في الحقيقة مو 1 جيجا بايت هو 1 جيجا بت ، وللعلم 1 بايت = 8 بت يعني هذا هو الشغل اقتصادي يزين لك الرقم ومدري شلون شوف إعلان شركة الاتصالات على سبيل المثال اللي هو إعلان عن خدمة جووووود ، يبينلك في الموضوع إنه المكالمات أصبحت مجانًا ولكن في الحقيقة هي ليست مجانًا ولكنك تدفع رسم 99 ريال شهريًا وتلكم قد ما تبغى من أي هاتف ثابت لهاتف ثابت آخر يمكن أنا خرجت شوي عن جوهر الموضوع لكن حبيت أقلك بس إنه أحد أعضاء الشبكة كلمته ذاك اليوم بالماسنجر ويقولي موبايلي كنكت كانت ممتازة لكن مدري وش صار فيها ، يقلي حتى موقع الزعيم ما أقدر أدخله !! |
هذي الاتصالات // لا تستغرب منها شي // انا بعض الاوقات ... يسحبون 5 ريال ما ادري وشوله ... مزاج كذا طيب انت تبي تدفع الـ 4700 ولا لا ... خلهم يتحسرون |
لا حول ولا قوة إلا بالله لكن ما حدك على المر إلا اللي أمر منه ... |
| الوقت المعتمد في المنتدى بتوقيت جرينتش +3.
الوقت الان » 01:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd