وبردود الأعضاء .. صار الموضوع مكان للترويح عن النفس .. والإبتسامه
بعض الردود رهيبه ...
بس مدري الموضوع لك وإلا لمتابعه بصمت >> هالبنت رهيبة .. ترد على الأعضاء .. وتهليبهم وتحييهم .. وتعطي معلومات غلط >> كافشها
لاتعبتي متابعه بصمت
===
تذكرت سالفة ظحكتني وكل مااتذكرها اظحك على بطلها
كنا معزومين د رجال يقرب لنا .. وخلصنا متغدين .. العاده لاقمنا نقول ( انعم الله عليكم .. ) ( اكرمكم الله ) او ( الله يغنيكم ويكثر خيركم ) كنا خمسه وكلنا قمنا بوقت واحد .. واللى قال الكلمة الأولى .. واللى اختار الثانيه .. المهم واحد من الشباب قال كلمة طارت عيوننا وهو المسكين مااستوعب إلا عند المغسله يوم قلناله ..
قال الكمخه من غير شعور : ( حسبي الله على من تكلف )
إلى هاليوم وحنا نذكره بكلمتة ونظحك وهو يقول .. تكذبون ماقلتها مو مصدق انها تطلع من لسانه
عسيرية ... هذي المواضيع اللى فيها الفائده .. وسعة الصدر .. وتحريك هدوء المجلس العام وإخراج مواهبهم
لاتحرمينا مثل هالإبداع والأفكار الرائعه
وأعتذر للمرور الثاني ... >> وين تعتذر .. ومتابعه طاقة خيمة بالموضوع
من جد كذا تحرجي ناس كثيرة هنا وانا اول واحد لا من جد الكلمات القديمة هاذي انتهت ممكن الكلمات الدارجة اليومية اوكية بس عاد فيه كلمات صعبة واذا الواحد رد يكون طامة كبيرة
مفروض يكون فيه ركن في الجنادرية يشرحونها
وبالنسبة لك انت يا ابو طلال عارف انك تضحك بس عادي وش اسوي انا ما قلت حسبي على من تكلف
أعتذر على التأخير في الرد بس ان شاءالله اليوم تخلص الردود
f*y*d المشاغب هلالي من أرض اليمن
الله يبارك فيكم جميعاً شاكرة لكم تواجدك الـ ثاني
سيمو
هلا وغلا بإستشارينا سليمان ورده الله يبارك فيك وعقبالك يارب شاكره لك تواجدك وكل ماتفضلت به
ننتظر عودة سيمو القوية للمجلس
اليزابيث هيرلي
هلا وغلا بالتيتشر حيّاك الله
إقتباس
أجل تقولك وحشتني وتردين الله يسلمك , افا وين الأحساس ؟ يا غلاهم هالكلمات الشاعريه , وحشتني , ولهت عليك , فقدتك , كلها تردين عليها بـ (وأنا أكثر ) مع ضمه >>>متعوده ..
لا تكفين انا ماني جنب هالحركات ومستحيل اسويها
انا تشرفت بمشاركتك والله
أما كلماتك اللي حطيتيها .. بقول ها وأنحاش أصلحك الله ياليز كذا تحرجيني أوي
شكراً ليز على الحضور
بلد الوليد 2
حياك الله مره ثانيه
جنــــ الزعيم ـــى
هلا وغلا بالراقية جدا حياك الله ياغالية
الله يبارك فيك ان شاءالله , أما الجامعه تو الناس بدري علينا شكراً جنى على حضورك .. والله تعجبييني انسانة محترمه مع مرتبة الشرف
هلاليه كووول22
هلا وغلا حياك الله ورده
ياللا الحمد لله انك استفدتي هذا أهم شي شكراً هلالية على حضورك
متابعه بصمت
لا تكفين وش عرسة الله لا يقوله أعرس بهالسن لا تفاولين علي ياوعه شكراً متابعه يالسنعه
باسكن روبنز
هلا وغلا باسكن
أفاا قلتي فيه العافيه هذا وانتي كبيره ومتخرجه تقولين كذا لا لا طحتي من عيني
شكراً باسكن على تواجدك
أبو طلال
حياك الله مره ثانيه
قوية هذي حسبي الله على من تكلف والله قويه
شكراً ابو طلال
النيا بلوووو
حياك الله اخوي
أجل انت اللي قلت حسبي الله على من تكلف هههههههههه أما من ناحية اني احرج الناس فهذا هو المطلوب
شكراً الدنيا بلوووو على تواجدك
فجر الرياض
هلا وغلا بصديقتي فجر حياك الله
أما ولد اخوك رهيب حسيت انه خكري يوم قال شكراً
يالله تعلمي كلمات عشان تاخذين وتعطين مع العجز وتصيرين سنعه
شكرا فجر على تواجدك
KNG.tareq
هلا وغلا اخوي حياك الله
أكيد ان شاءالله الكلمات صحيحه .. أهم شي انت تستفيد منها
هلا وغلا عسيريه حبيت ابارك لك ياقمرر التمييز والنجاح .. الف الف مبرووووك
إقتباس
أمآ [ عاشقة الزعيم 15 و هلالية من الريآض ] فـ الله لايفشلنا <~ مسوية نفسها طالعه منهآ
خخخخخخخخخخخخخخخخخخخـ عادي كنت متوقعه انه غلط ولو كنت لحالي بتفشل بس رحمتني هلاليه
والله ياهالتراث والكلمات القديمه ولا ادري عنها ولا اعرف ارد الحمدلله والشكر امس صار لي موقف اتصلت علي خويتي تتحمد لي بالسلامه لاني كنت تعبانه فقالت لي بالاخير بعدوينك مو فيك .. ماعرفت ايش ارد مع انها كلمه تنقال دايما
إقتباس
إلا على الطآري دآيم اذا قابلت وحده تقولي " وحشتيني " فيكون ردي كالعآده الله يسلمك ومن زمآن ودي أعرف وش يرد الشخص على هـ الكلمة
قوليلها وانتي اكثررر
متابعه بصمت
إقتباس
وطووه = غطوا الأكل لا تجيه الحيوانات السامة نسبيا
, ياغوغتس = ياكثر هرجتس
, تسيف تسطين = كيف سمحتي لنفسك
قالت وش تردين ما طلبت المعنى
موضوعك زريف وطلع فزايح بعض الاعضاء كثري من المواضيع الحلوة ياقمرر
يوم قرأت ردك وجهي صار كذا شكرا ياحلوة بس ترا عندنا هنا مافيه مشرفات كلهم رجاجيل
أجدآدنا الله يخليهم لنا عآشوآ بزمن غير زمنّا على أساس كذا مستحيل نفهم كلامهم إلا إذا إحتكينا فيهم
لذالك روحي الآن وإجلسي عند جدك أو جدتك وتكلمي معهم عشان تصيرين سنعه
حيّآك الله ندى وإن شاءالله نشوفك تطلين علينا بـ هالمجلس
f*y*d
هلا وغلا باللي مآعنده سآلفه
مآيخآلف يافيّاض أعذرني على الفضيحه , بس عطلت وروقت قلت مالي الا أفضحهم وحنّا وش ورانا غير سعة الصدر بـ هالإجازه
مو بس انت وفيصل وأنا جيلنا الله يسلمك كله مايدبر شي ولا عنده سالفه يعني تطمّن
بس الأكيد إننا إن شاء الله مانهمل هـ الأشياء والمفروض على الأقل نجمع كم كلمه عشان تنقذنا من بعض المواقف السامجه
إقتباس
طيب سين سؤال لو احد قالك وحشوووووش شو بنئولو ؟
نئلوا شاطر شاطر <~ مثل بنت اخوي أبوي يقول لها اللي مابياكل أكلوا شو بنئلوا تقول شاطر شاطر
لا الجد قوله وحشوووش يحوشك قل آمين أو قول الله يسلمك
إقتباس
قفلة / الله لا يسامح للي بيحاول ينتفني انا وفيصل فـ هالموضوع
نتفوك وخلصوآ خيرها بغيرها يافيّاض
فيّاض مرورك أسعدني شُكرا جزيلاً لك
أحلاهم وأتحدآهم
هلا وغلا بالغلا كله حيّاك الله يآ احلانا
والله الفشيله عند الرجال مو عندنا يالحريم أتوقع من وجهة نظري هالكلمات مو مهمه عند الحريم بقدر اهميتها عند الرجال
اما حنّا هيّن غاسلين إيديهم منّا يابنات هالجيل أتوقع مافيه بنات من جيلنا يتقن هالشي الا اللي عايشه بمكان فيه جدتها وجدها أو مكان غالبية اهلها يتكلمون بـ هالأشيائات
إقتباس
ويُلاحظ ان المنزل الذي يقيم فيه احد الجدين نجد الاحفاد لديهم ذخيرة لغوية
صح صح صادقه , بس حلوة ذخيره أعجبتني
شكراً أحلاهم على مرورك الحلوو مثلك لا تعبتي
سااطي الهلالي
أهلاً اخوي حيّآك الله تُشكر أنت أيضاً على مرورك
راكان_20_
راكآن لاتضحك ياليتني أختبرتك والله اني داريه ان ماعندك سالفه
إقتباس
و حصلت فرصه إني أباركلك على أفضل عضو ألف مبروووك و مزيد من الإبداع ....
والله انا أفضل عضو أخبر اني افضل موضوع ركز يا اخي ع العموم الله يبارك فيك وعقبال راكان يارب
شكراً كثير راكان على حضورك
!! زعيمهم كلهم !!
هلا والله بالمصمم زعيمهم حيّاك الله
أنت ذكرت إن بعض هذي العبارات دُعاء للشخص بينما في الجانب الآخر في كلمات دعاء على الشخص [ نفس الشخص اللي تلفظ بالكلمة ]مثل عندنا بالجنوب كلمه معروفه يقولون " الله ينعاني " هي في الحقيقه دُعاء بالنعي يعني كأن الشخص يدعي على نفسه بالموت
لازم نعرف معنى الكلمه قبل التلفظ بها هذا شي مؤكد
شكراً لك زعيمنا على حضورك
الغدير الأزرق
هلا غلا بولد العالميه خلاص منت ولدنا صرت من العالميين
أصلح الله ولد خالتك أجل عز الله مقامك في أي قاموس هذي بس والله ماينلام أذكر مره رحت عند صديقتي أعزيها بوفاة أخوها الله يرحمه قسم بالله ماعرفت وش أقول عادي ماينشره علينا باقي بزران لا أعرست ذاك الوقت لازم أكون أعرف هالكلمات الله يعين باخذ دروس خصوصيه من أبوي عشان ما اتوهق مع اهل بعلي
شُكرا طلال على حضورك ماقصرت
أبو طلال
هلا وغلا باللي طق خيمته هنا حيّاك الله
إقتباس
رغم ان الموضوع كله جميل .. وشدني واعجبني .. إلا ان هالكلمة أكثر مااستوقفتني وأثرت علي واسعدتني
معليش ابو طلال اعذرني تراي نسيت المفروض احطك مع الشيّاب مدري وش نساني والله معليش الجايات أكثر إن شاءالله
والله يبارك فيك ان شاءالله " ومن قال خرج " وعقابلك يابو طلال نشوفك مع الأسماء المتميزه
شكراً لك أبو فارس <~ لازم ننوع ونعدل
بــنــــوتـــهـــ**
حيّاك الله يابنوته العفو يالغلا , وإن شاءالله تستفيدين من هالكلمات في بعض المواقف البايخه مع اني ما اتوقع
شكراً لك كثير
القاضي
هلا وغلا بـ القاضي حيّاك الله يامشرفنا
أبو عبد الله اذا انت ياكبيرنا توهقت فماعلينا شرهه والله موقف جامد لا تُحسد على أبداً
إقتباس
ثم رفعت صوتي لهذا الشيخ الوقور رحمه الله قائلاً " الله يسلمك يا أبو فلان" .
بعد ردود الكثير تبين لي أننا جيل " الله يسلمك " ماتنلام والله يوم قلتها
شكرا أبو عبد الله أسعدني حضورك
الكلاسيكي
هلا وغلا بعادل , حيّاك الله
ماشاءالله عليك متحمس تتعلم هـ الكلمات الله يخلف علي اعتقد اني مهما تعلمت ومهما سمعت بيكون ردي كالعاده " الله يسلمك "
إقتباس
ياترى وش الرد ؟ اسألي والدك
أبوي يقول " هناك الخير " أو " الله يهنيك خير " لا تتحدى أبوي ياكلاسيكو
شُكراً لك على حضورك
المشاغب
هلآ بـ سلطان إبن الشآم حيّاك الله
ماشاء الله والله انك سنع عندك كل هـ الكم الهائل من هـ الكلمات ياترى من وين .!
إقتباس
واذا كنت في مجلس ودخل عليكم أحد وقال : سلام نظر <<< يقولها اللي ما بيسلم على الموجودين عشان ما يقومون .. فيروح يجلس ويسألونه عن أحواله .. وغالباً اللي يقولها اما يكون غريب أو يكون المجلس مهم ما يحتمل السلام والانقطاع أو أي سبب آخر ..
طيب عندي سين سؤال أبوي اذا كان برا ودخل البيت يقول لنا سلام مُربع واذا قلت له وش يعين مربع ليش ماتقول مثلث يقول انتو ماعندكم سالفه هذا كلام الأوليين
فودي اسأل هالكلمه من كلام الأوليين او ان ابوي يستهبل
<~ المشاغب حسيت انك من جيل بيوت الطين
سلطان شكراً لك , دُمت مشاغباً
جرح يشكي
هلا وغلا أخونآ محمد حيّاك الله
أجل ودعوا والتقفوا , فلّه هالغآمدي أجل تقعد تتكلم بلهجتك وهو مايتكلم بلحجته ماتجي هذي وحده بوحده يامحمد
إقتباس
هذا الفال ويقفاهـ العقال اي تعش او تغد .. والضرب بعد العشاء
أعجبني معنى هالكلمه نفسي تُراودني أن أستعملها بكثره خاصه عند صديقاتي
شُكرا جرح يشكي على حضورك , يعطيك العافيه " والله يسلمك " <~ الرد على ماجوره
أبو شلاخ الهلالي
هلا وغلا بو شلاخ , حيّاك الله
أكيد هالكلمات علم ثمين جدا جدا , والله يستر أنا احس انها بعد كم سنه بتنقرض ولا تكون موجوده
إقتباس
وأستغرب عدم وجود كتب عنها ..
صعبه كُتب , حتى لو كانت بكتب تتوقع من بيشتريها , أعتقد المفروض والواجب ان الواحد يعلم نفسه بنفسه
أنا كنت مرسله للأخ مآجد مقبل أختبر ثقآفته , بس للأسف مارد ودخلت اليوم وعندي رسآله وكآن رد الأديب بإختصآر تُحفه
إعذرني يالأديب لازم الكُل يطلّع على ثقآفتك
الله الله نتفوا ماجد مقبل خلوه يتندم إنه رد
مع التحيه
أفا أفا أنا كنت مطمن وقلت خلاص الموضوع نزل ما فييش فضيحة عشان كذا ارسلت الرد
بس أخ منك اختي عسيرية ما فوتيها
بس بصراحة اصير درج مع حبايب قلبي فياض وبلد الوليد ولا اصير ذكي مع المشاغب
إقتباس
الرسالة الأصلية كتبت بواسطة الغدير الازرق
بخخخخخخخخخـــ أبو مقبل بعد هالكلمة اتووقع إني ابدخل بكرة المجلس والقى تحت يوزرك (عضو فعاال ) بس انت اهوون من غيرك غيرك جابها بالثمانيات <--- فيس يناظر فياض وبلد الوليد بنص عين
جرح يشكي
هلا وغلا طلال
واهم شي كلمتي صح وحلوه بس زعيم فعال صراحة ظلم على الاقل زعيم مميز
إقتباس
الرسالة الأصلية كتبت بواسطة ابو طـــــلال
إقتباس
والجواب على سؤلك بقول الله يجزاك خير او بقول الحمد لله تساهيل
هع هع هع هع
وين ابو مقبل .. طالع من الحمام على هالرد ( تساهيل ) أجل أديب ... وعاملي بطل .. وانت العضلات وانا المخ الغدير يقول بكرا بيكتبون تحت يوزرك ( عضو فعال ) وانا اقول يمكن يتطور الوضع ويصير ( موقوف ) لحين تعديل بعض الأمور
>> هالبنت رهيبة .. ترد على الأعضاء .. وتهليبهم وتحييهم .. وتعطي معلومات غلط >> كافشها 
بس ان شاءالله اليوم تخلص الردود 
وأنحاش 
أبوي اذا كان برا ودخل البيت يقول لنا سلام مُربع 
أجل تقعد تتكلم بلهجتك وهو مايتكلم بلحجته ماتجي هذي 
آآآخر عــدنـــــــــــــآ .. 
الوضع المتطور
