عموماً .. في الغالب هالكلمات مالها كلمات معينة إلزامية .. الأهم في الرد المعنى ..
مثلاً : هذا الفال والعقال يلحق .. ينقال غيرها من الجمل وتكون بنفس المعنى .. وموب شرط كلمة معينة تكون الجواب عليها .. فلو قلت:
كثر الله خيركم وأكرمكم الله , أو مثل هالدعوة عادي الأهم الرد في نفس المعنى ..
بعد كلمة : وحشتيني .. ينقال لها ما تشوفيش وحش .. وينقال الله يسلمك أو الله لا يفرقنا أو أنتي أكثر .. كلها نفس المعنى ..
وبعد كلمة ماجور .. حنا نرد بـ الله يعافيك .. وغيرنا يقول الله يسلمك .. وفيه من يقول .. الله يجيرك .. وكلها تؤدي نفس الغرض ..
لكن فيه بعض الكلمات مالها حل ثاني
مثلاً .. حلقت وقلت نعيماً ... مالها الا تقول : الله ينعم عليك ..
ومثل .. لا تعبتوا ... والرد عليها لا ندمتوا ..
واذا كنت في مجلس ودخل عليكم أحد وقال : سلام نظر <<< يقولها اللي ما بيسلم على الموجودين عشان ما يقومون .. فيروح يجلس ويسألونه عن أحواله .. وغالباً اللي يقولها اما يكون غريب أو يكون المجلس مهم ما يحتمل السلام والانقطاع أو أي سبب آخر ..
والرد عليه حسب سلمنا : ابلغت ..!
وفيه اذا كنت طالع من سجن أو حبس أو ايقاف الله لا يبلانا .. يقال لك يفداك القوم .. الرد عليه .. فدانا وفداك .. أو فداك اللاش ..
واللاش << هو الرخمة اللي موب رجال
بعد فيه كلمات كثيرة في بالي .. وودي أسوي دورة فيها للجيل الثالث أبطال الديجيتال
خاصة بلد وفياض هاللي فاضحيننا بكل مكان .. موب ناقص غير بنطلون الطيحني عشان يصيرون عيال كووول
صح ما نلوم بلد القلق وفياض لأن توهم صغار وما لحقوا على جيلنا <<<
لكن لازم يتعلمون ..
لازم يا بلد أنت وفياض تسألون أهلكم عن هالكلمات عشان تصيرون رجال يعتمد عليكم ..
افرضوا سوينا زيارة لمنتدى الجمهور .. وقالوا لكم مثل هالكلمات .. تبون تفضحوننا قدامهم؟
فضفض وبلد .. أحبكم والله العظيم ولو أنكم دايم تفضحوننا بكل حتة
سي يو عسيرية يا مبدعة ..!
يؤ يؤ يا بايخ الحين انا حاط راسي تحت السرير وكل شوي امي تسير علي جايبه مويه مقري عليها وابوي كل شوي يمر يشوتني يقول قم مافيك الا العافيه كله خايف من نتفاتك وذباتك الي بتشرشحني بس ماقول الا الشرهه علي الي خايف من واحد مثلك لو اني داري كان قلت الرد على لا تعبتوآ هو على تبن لاعمرك تسوي فيها تنتف تراك طلعت سامج حرر حرر بسرعه قبل تصير مضحكه وعلك بأذن الي يسوى والي مايسوي اجل نعيما الرد عليها الله ينعم عليك ؟!هههههههههههههههههههههههههههههههههههههههههههههههههههههههههههههههههههههههههههه اذا أحد قالك نعيما تقول جميعاّ موب الله ينعم عليك هههههههههههههههههههههههههههههههه يابطل الديجيتال ..!
وعليكم السلام ورحمة الله وبركاته هلا وغلا بأختي عسيرية والحمد لله على سلامة الوالدة وعساها دوم سالمة والف مبروك النجاح وعقبال التخرج من الجامعة يتردد على لسان ابائنا واجدادنا الكثير من مصطلحات التهاني والتبريكات ومن القبيل التي تكون ابلغ في الرد من الف عبارة وافضل بكثيرمن الكلمات الدخيلة علينا صحيح المفردات تختلف من منطقة لاخرى لكنها في النهاية تأتي بنفس المعنى اختي عسيرية كفيتي وفيتي بالموضوع واصاب من اختاركي للتميز دمنا ودمتي في رضا الرحمن
مكوفنهم = راضخهم جالدهم تعني الضرب على الجسد من جهات عديدة (مئطعهم حتت حتت_ للناطقين باللهجه المصريه)
السٍجٍيًة= (الطبيعه) يعني الشخص يتعامل مع الناس على طبيعته ولا يحب اللف والدوران وتعامله واحد في كل مكان يتواجد فيه
إقْطَعَ الله مِيزَبٍ شَلًكْ = في قديم الزمان كانوا البدو يضعون الطفل الصغير في ميزب ويهزونه وقت النوم يقارب شكله لميزب الماء اللهم إنه معلق بحبل خفيف في الخيمه (سرير الطفل الهزاز)
لما شفت كلمة الاولاد( لا تعبتوا ) حمدت ربي ان كلمتنا الي اختبرتينا فيها اسهل بلد الوليد مالومه اسباني . وفياض ايطالي << بتلصقه بايطاليا وهلاليه من الرياض وعاشقه من جيل الديجيتال ذكرتوني بدكتورنا بالجامعة دايم يقول انتوا جيل النيدو << قديمة نأتي الى المهم فعلا نحن جيل نجهل كثير من الالفاظ التي يتداولها اهلنا .. اذا جاء ولد من السفر يقال لامه (قره عينك مادري هناك العقلان ).. مرة كنت معزومـة وبعد ماقمت من العشا حبيت اقلد واقول (الله يغنيكم سفرة دايمـة) تتوقعون ايش قلت ( فيه العافيه ) ولكِ ان تعرفي رده فعل الحاضرات .. اما سؤالك عن (وحشتيني) سأرد عليها ( وانتِ وحشتيني اكــثر ) << مسويه فلم مصري
عسيريـة موضوع أكثـر من رائـع .. ليس بمستغرب عليك فأنتِ دومــاً مبدعــة .
وبردود الأعضاء .. صار الموضوع مكان للترويح عن النفس .. والإبتسامه
بعض الردود رهيبه ...
بس مدري الموضوع لك وإلا لمتابعه بصمت >> هالبنت رهيبة .. ترد على الأعضاء .. وتهليبهم وتحييهم .. وتعطي معلومات غلط >> كافشها
لاتعبتي متابعه بصمت
===
تذكرت سالفة ظحكتني وكل مااتذكرها اظحك على بطلها
كنا معزومين د رجال يقرب لنا .. وخلصنا متغدين .. العاده لاقمنا نقول ( انعم الله عليكم .. ) ( اكرمكم الله ) او ( الله يغنيكم ويكثر خيركم ) كنا خمسه وكلنا قمنا بوقت واحد .. واللى قال الكلمة الأولى .. واللى اختار الثانيه .. المهم واحد من الشباب قال كلمة طارت عيوننا وهو المسكين مااستوعب إلا عند المغسله يوم قلناله ..
قال الكمخه من غير شعور : ( حسبي الله على من تكلف )
إلى هاليوم وحنا نذكره بكلمتة ونظحك وهو يقول .. تكذبون ماقلتها مو مصدق انها تطلع من لسانه
عسيرية ... هذي المواضيع اللى فيها الفائده .. وسعة الصدر .. وتحريك هدوء المجلس العام وإخراج مواهبهم
لاتحرمينا مثل هالإبداع والأفكار الرائعه
وأعتذر للمرور الثاني ... >> وين تعتذر .. ومتابعه طاقة خيمة بالموضوع
من جد كذا تحرجي ناس كثيرة هنا وانا اول واحد لا من جد الكلمات القديمة هاذي انتهت ممكن الكلمات الدارجة اليومية اوكية بس عاد فيه كلمات صعبة واذا الواحد رد يكون طامة كبيرة
مفروض يكون فيه ركن في الجنادرية يشرحونها
وبالنسبة لك انت يا ابو طلال عارف انك تضحك بس عادي وش اسوي انا ما قلت حسبي على من تكلف