مرحبا بالجميع

تعرض قناة أم بي سي 4 هذه الأيام مسلسل تركي مدبلج الى اللغة العربية أسمه نور !! وقد مر منه حتى الأن حولي 50 حلقة لم أشاهد هذا المسلسل من قبل ولاغيره من المسلسلات المدبلجة لطول حلقاتها والتي قد تصل الى 700 حلقة ولسخافة قصصها !

لكن في الفترة الأخيرة لاحظت اهتمام بعض الصحف والمجلات وبعض القنوات الأخبارية بهذا المسلسل وأبطالة لدرجة ان قناة العربية الأخبارية تحدثت عنه وعن ابطاله وعن قرب زيارتهم لدبي وان من يرغب في تناول العشاء مع ابطال المسلسل يرسل اس ام اس وقد يحظى بتلك الفرصة

فقررت بعد هذا أن اشاهد هذا المسلسل واعرف سرف كل هذا الأهتمام به !!!

لكن وبعد مشاهدة اربع حلقات فقط توقفت عن المشاهدة من دون أن أعرف السر !!! لكن فجعت بمحتواه العفن ودس السم في العسل !! وأوجز لكم ملاحظاتي كما يلي:

1- المسلسل تركي واسماء ابطاله عربية وديانتهم الأسلام لأن جابوهم يفطرون برمضان !!
2- استخدام مصطلح عشيقة بكثرة و أكثر من رجل لهم عشيقات وزوجاتهم يعرفن بالأمر ومسوين فيها زعل بسيط وكأن الأمر غلطه وتتصلح
3- حمل السفاح بسبب علاقة جنسية قبل الزواج شاهدته في حالتين خلال اربع حلقات فقط !! اما ردة فعل احدى الأمهات بعد ماحملت ابنتها من دون زواج فزعلت زعل بسيط >>> عسى ماتكلفت وقالت لبنتها لازم تخلينه يخطبك لا أكثر ولاأقل.>>

المراد من هذا هو ايصال فكرة ان علاقة البنت بالشاب قبل الزواج ولو وصلت الحمل انالأهل ماينفعلون وان هذا شي طبيعي يصير في المجتمع وان من السهل اصلاح الخطأ حتى لو صار هذا الشي في مجتمع مسلم

4- ايصال فكرة نمط المعيشة والحرية في الغرب بتطبيقها على مجتمع مسلم مثل الأتراك بطريقة محببة !!

فبعد كل هذا هل نستمر في مشاهدة هذا المسلسل !!

اول شي حبيت اسلم عليك ويشرفني ان اكون اول من يرد عليك

انا بصراحه ما شفت المسلسل ولا تابعته .. وقد تتشابه الاسباب بيني وبينك

ولكن السؤال هنا :

ماذا تريد من دولة قائمة على القانون العلماني ؟؟

بالخير يا الغالي

لكن مسلسل ما فيه لميس لا تتابعه أبد .

لك تحياتي ...

رغم اني سمعت عن المسلسل هذا لكن ماشفت منه ولا حلقه ولا أشقاني أبد
لا نور ولا حتى المسلسلات العربيه تسوى المتابعه لأن قصصها متشابهه

بصراحه انا استغرب إلى الآن فيه ناس تتابع مسلسلات عربيه ؟؟ لاقصص زي الناس ولا إثاره ولا تشويق ولا حتى إخرااج .. يجي الممثل يرطن فوق راسك لين تخلص الحلقه

سلم لي على المسلسلات الأجنبيه والله

في المسلسلات الأجنبيه تلقى التشويق والإثاره الحقيقيه
المؤلف الأجنبي مجنون تدفع له ملايين الملايين على شان يألف كم حلقه

واسألوا عشاق برزن بريك ولوست وهيروز ومسلسل جديد على فوكس أسمه ( ترمنيتر )
شي خيالي وإثاره مابعدها إثاره لدرجه ان نفسيتك تتعب وانت تتابع وتدخل جو المسلسل وكأنك معهم واسألوا بالذات متابعين برزن بريك

بلا مسلسلات عربيه بلاخرابيط والله ماتسوى الـ 42 دقيقه أضيع فيها وقتي لأن المسلسل العربي يعتمد بشكل كبير على البنات المزايين والمكياج لجذب المشاهد

لكن المسلسل الأجنبي يعتمد على التشويق والقصص المؤثره القويه والمفاجئات لجذب المشاهد

لا ويقولون ان المسلسل لقى اقبال في العالم العربي بسبب تقارب الثقافات مع الاتراك

اي تقارب ثقافات اللي زي كذا ..افلقني

وبعدين لازم ما نعمم ع الاتراك

ترى فيهم الملتزمين والمحافظين

المسلسل شكله يتكلم عن طبقة معينة..الطبقة المترفة

بعدين وش ترجي من الفن

يعني الحين المسلسلات السورية والمصرية ثمثل التقافة العربية والاسلامية الصحيحة؟؟؟

الفن عبارة عن تجارة يهمها ارقام التوزيع وبس

مشكووووووووووور قرقاااااااااااااص

سبحان الله نفس ملاحظه اختي

تقولي هم يمثلون على انهم مسلمين ولا

قلت لها لاا ... مسلمين

قالت ليه اجل عادي عنده شرب الخمر والخرابيط

تركيا علمانية ... ايش ترجى من فنانينها

وحتى يوم جاو دبي .. ماحتفل فيهم الا الاجانب المقيمين ..

الله يفشلهم ..

قرقاص .. مشكـور .

انا والله يوم اني صغير

ابو عشر سنين يمكن ، كنت اعشق المسلسلات المكسيكية لحد الثماله

اذكر واحد منها اسمه ماريا مرسيديس خيااااالي

عاد يوم من الأيام كنت اتابع مسلسل ثاني الظاهر اسمه ماريا كرافت

ويجيني ابوي قالي وش اسم هالمسلسل فرحت قلت بيشوفه معي

قلتله يبه اسمه ماري... قبل لا اكمل كلمتي قال لاعاد تشوفه

ومن ذاك اليوم وانا مقاطعهن ،،

ونور هذا طايحين فيه هاليومين الله يستر على بناتنا

عوافي قرقاص

تسلم والله ولآ هنت على هالموضوع اللي جاء في وقته ..


هالناس مدري وشهم منهبلين عليه الله يخلف على أهاليهم بس ..



يارب لك الحمد ماشفته ولا فكرت أشوفه حتى ولو للإستطلاع ..



خيوو قرقاص ..


عوآآآآآآفي ..

إقتباس الرسالة الأصلية كتبت بواسطة S K Y سلم لي على المسلسلات الأجنبيه والله في المسلسلات الأجنبيه تلقى التشويق والإثاره الحقيقيه المؤلف الأجنبي مجنون تدفع له ملايين الملايين على شان يألف كم حلقه واسألوا عشاق برزن بريك ولوست وهيروز ومسلسل جديد على فوكس أسمه ( ترمنيتر ) شي خيالي وإثاره مابعدها إثاره لدرجه ان نفسيتك تتعب وانت تتابع وتدخل جو المسلسل وكأنك معهم واسألوا بالذات متابعين برزن بريك بلا مسلسلات عربيه بلاخرابيط والله ماتسوى الـ 42 دقيقه أضيع فيها وقتي لأن المسلسل العربي يعتمد بشكل كبير على البنات المزايين والمكياج لجذب المشاهد لكن المسلسل الأجنبي يعتمد على التشويق والقصص المؤثره القويه والمفاجئات لجذب المشاهد

هلا وغلا قرقاص..

الناس رجونا على مهند ونور ...واول ما شفتهم حامت كبدي منهم..<=========

الجد...يعني الصدق.
ما اتابعه الا اذا وحشتني نور ..
يعني في الاسبوع مره مرتين ..
اما القصه..فما عندك احد..

صراحه المسلسلات الاجنبيه اطلق من المسلسلات الخليجيه ..اللي ما عندهم غير الاغتصاب والرقص ..

اول مسلسل مدبلج شفته ..ماريا ..
يا كان مسلسل غير اخلاقي وقبيح ..
تعرفون بدايه المراهقه وما تسوي ...


مثل ما قال سكاي ...المسلسلات الامريكيه وبس..<<<<<<<<ما تابع الا برزن بريك..

بس من خلال هالمسلسل ..حسيت ان بعض المسلسلات الامريكيه تعدت مرحله الاغراءات اثناء المسلسل ...وتهتم بالقصه وسيناريو..

اتمنى من كل من يخاف ربه على اهله واخواته ...ان يبعدهم عن المسلسلات خصوصا المشابهه لمسلسل نور....ويحاول يبعد نفسه معهم...




قرقاص ..
لا تروح بعيد..









سلاااااااااااااااااااااااااااااااااااااااااااااااااااام

للامانة انا حقدت على نور لاني من متابعي mbc4 والمسلسل خرب علي بعض البرامج و خصوصا ان وقت فراغي هو وقت عرض المسلسل
لكن بالنسبة للمسلسلات سواء كانت عربية اجنبية ماتعجبني لان فيها مبالغة في اضافة سيناريو جديد مما يسبب الملل

مرحبا بالجميع

حتى الهليل متابع المسلسل





البروفسور:

إقتباس اول شي حبيت اسلم عليك ويشرفني ان اكون اول من يرد عليك

الله يسلمك وأنا من يتشرف بوجودك

إقتباس ماذا تريد من دولة قائمة على القانون العلماني ؟؟

صدقت !! لكن تظل دولة اسلامية !! وأعتقد ان الشعب التركي ليس كما يصوره المسلسل وانما هو في الأساس شعب محافظ لكن واجهة البلد علمانيه وهذا السبب !!



راكان:
هلا وغلا بس من هي لميس ؟؟؟ لاتكون بطلة مسلسل مثل نور!!!

أبو طلال:

إقتباس بالخير يالشايب ... أخبارك .. مبطين ماشفناك يابعدي

موجود حولك في منتدى الجمهور خبرك هالأيام نهاية الموسم

إقتباس بس واضح انه ( وصيخ )

وصيخ !!! الا وصخ وفاضح>> واحد منفعل

SKY:

في

إقتباس المسلسلات الأجنبيه تلقى التشويق والإثاره الحقيقيه المؤلف الأجنبي مجنون تدفع له ملايين الملايين على شان يألف كم حلقه

أنا اشهد !! صحيح ان بريزون بريك ماشدني مرة لكن مسلسلات مثل ER و STRONG MEDICINE أعجبتني لأني عايشت حالات مشابة بحكم عملي !! لكن النسخة العربية المصرية من ER اللي اسمها حلات حرجة مررررة بايخ وفيه ثقل دم !!!


أبوراس:

إقتباس المسلسل شكله يتكلم عن طبقة معينة..الطبقة المترفة

نعم الطبقة المترفة العلمانية والا غالبية الأتراك محافظين

باسكن روبنز:

إقتباس وحتى يوم جاو دبي .. ماحتفل فيهم الا الاجانب المقيمين ..

شفت اللي جو للأم بي سي كلهم هنود وباكستانيين !! وشلون فهمو العربي ولا بعد مترجمينها لهم بالأوردو !!


فهد عاشق البرسا:

إقتباس اذكر واحد منها اسمه ماريا مرسيديس خيااااالي

أجل ماريا مرسيدس D ذكرتني بأغنية المقدمة حقتها : ماريا مرسيدس من أجلكم تعمل !!! وش تعمل الله لايعطيها عافيه !!
بس عساك شفت كل حلقات المسلسل 777 حلقة

متابعة بصمت:

إقتباس هالناس مدري وشهم منهبلين عليه الله يخلف على أهاليهم بس

..

ربعنا من نوعية معهم معهم عليهم عليهم !! بس لاتكونين انتي متابعته وبصمت من دون ماحد يدري


fyd

حي الله شايبنا

إقتباس المسلسل تقفل معي وأغيره أنا ما قهرني إلا نور جايبينه بـmbc4 ليه

يارجال مشيها لهم مالقو مكان من كثر الأعلانات في ام بي سي 2 حطوه على 4 واسكت لايحطونه على ام بي سي 3 بعد !!

إقتباس شطحة 2 : وين أيام المسلسلات المكسيكية مرسيدس و الصغيرة وغوادالوبي

اجل غودالبي ههه هالمسلسل ودي اشوف !! من كثر ماتكلموا عنه ذيك الأيام في المساجد وفي المدراس !! اسمع في غوادلبي ولااشوفها ماكان عندنا دش مافيه الا غصب 1 وغصب 2 !!

abo nasser

إقتباس الناس رجونا على مهند ونور ...واول ما شفتهم حامت كبدي منهم..

معليش شكلك من بعد العشاء وانت مترزز عند ام بي سي 4 وتقول قاعد انتظر برنامج اوبرا على ميييين

إقتباس صراحه المسلسلات الاجنبيه اطلق من المسلسلات الخليجيه ..اللي ما عندهم غير الاغتصاب والرقص

لاتهون المسلسلات المصرية>> قيب الفلوس ولا حئتلك ياشوئي d

عاشق روبينهو 10

إقتباس لكن بالنسبة للمسلسلات سواء كانت عربية اجنبية ماتعجبني لان فيها مبالغة في اضافة سيناريو جديد مما يسبب الملل

تمطيط في السيناريو عشان تزيد الحلقات على الفاضي !!!


المشاغب:

إقتباس والله موضوع مهم خصوصاً أن هالمسلسل أخذ أكبر من حجمه .. أنا صجوني بهالمسلسل يقولون تابعه تابعه .. سلامات؟؟ والله لو هو مسلسل كونان عاد؟

اكبر من حجمه بواجد بس ربعنا من شلة مع الخيل ياشقراء

وهالمهند هالللي حاط على براطمه روج ومسوي لي فيها حلو معلم الشاورما >> ماغار منه ابد

انا تابعت سنوات الدجه بس الحين سحبت عليها سيفون بدت تمصخ حلقاتها
نور شفت شوي منه ولا شدني كثير
بيني وبينك العالم اغلبها تجلس تكحل مو متابعه للمسلسل نفسه طبعا مو الكل

إقتباس الله يرحم الحال ... مسلسلات تركيه .. ومكسيكيه .. قصصهن عن العشق والعاشقين والعلاقات المحرمة .. والشراب المسلسلات المصرية .. الفلووس مش كل حاقة ... وبكرهك .. وبحبك .. المسلسلات الخليجية .. الثراء الفاحش والإنحراف والمخدرات المسلسلات السورية واللى فرحنا فيها .. هالحين كثرة سوالف الحارة والأباضايات والرجولة المبالغ فيها المسلسلات البنغاليه ... فيه شوغل سديق؟

اهم شي البنقال اس في كلام

إقتباس شطحة 2 : وين أيام المسلسلات المكسيكية مرسيدس و الصغيرة وغوادالوبي

كلها اخيس من الثانيه
تذكر مسلسل تريزاا اتوقع هذا اول مسلسل انعرض بالام بي سي !!

ومثل ما قال الاخ سكاي خلك بالمسلسلات الامريكيه تبرد التسبد اكثر

يعطيك العافية على الموضوع حميض <<