مرحبا بالجميع

تعرض قناة أم بي سي 4 هذه الأيام مسلسل تركي مدبلج الى اللغة العربية أسمه نور !! وقد مر منه حتى الأن حولي 50 حلقة لم أشاهد هذا المسلسل من قبل ولاغيره من المسلسلات المدبلجة لطول حلقاتها والتي قد تصل الى 700 حلقة ولسخافة قصصها !

لكن في الفترة الأخيرة لاحظت اهتمام بعض الصحف والمجلات وبعض القنوات الأخبارية بهذا المسلسل وأبطالة لدرجة ان قناة العربية الأخبارية تحدثت عنه وعن ابطاله وعن قرب زيارتهم لدبي وان من يرغب في تناول العشاء مع ابطال المسلسل يرسل اس ام اس وقد يحظى بتلك الفرصة

فقررت بعد هذا أن اشاهد هذا المسلسل واعرف سرف كل هذا الأهتمام به !!!

لكن وبعد مشاهدة اربع حلقات فقط توقفت عن المشاهدة من دون أن أعرف السر !!! لكن فجعت بمحتواه العفن ودس السم في العسل !! وأوجز لكم ملاحظاتي كما يلي:

1- المسلسل تركي واسماء ابطاله عربية وديانتهم الأسلام لأن جابوهم يفطرون برمضان !!
2- استخدام مصطلح عشيقة بكثرة و أكثر من رجل لهم عشيقات وزوجاتهم يعرفن بالأمر ومسوين فيها زعل بسيط وكأن الأمر غلطه وتتصلح
3- حمل السفاح بسبب علاقة جنسية قبل الزواج شاهدته في حالتين خلال اربع حلقات فقط !! اما ردة فعل احدى الأمهات بعد ماحملت ابنتها من دون زواج فزعلت زعل بسيط >>> عسى ماتكلفت وقالت لبنتها لازم تخلينه يخطبك لا أكثر ولاأقل.>>

المراد من هذا هو ايصال فكرة ان علاقة البنت بالشاب قبل الزواج ولو وصلت الحمل انالأهل ماينفعلون وان هذا شي طبيعي يصير في المجتمع وان من السهل اصلاح الخطأ حتى لو صار هذا الشي في مجتمع مسلم

4- ايصال فكرة نمط المعيشة والحرية في الغرب بتطبيقها على مجتمع مسلم مثل الأتراك بطريقة محببة !!

فبعد كل هذا هل نستمر في مشاهدة هذا المسلسل !!

اول شي حبيت اسلم عليك ويشرفني ان اكون اول من يرد عليك

انا بصراحه ما شفت المسلسل ولا تابعته .. وقد تتشابه الاسباب بيني وبينك

ولكن السؤال هنا :

ماذا تريد من دولة قائمة على القانون العلماني ؟؟

بالخير يا الغالي

لكن مسلسل ما فيه لميس لا تتابعه أبد .

لك تحياتي ...

رغم اني سمعت عن المسلسل هذا لكن ماشفت منه ولا حلقه ولا أشقاني أبد
لا نور ولا حتى المسلسلات العربيه تسوى المتابعه لأن قصصها متشابهه

بصراحه انا استغرب إلى الآن فيه ناس تتابع مسلسلات عربيه ؟؟ لاقصص زي الناس ولا إثاره ولا تشويق ولا حتى إخرااج .. يجي الممثل يرطن فوق راسك لين تخلص الحلقه

سلم لي على المسلسلات الأجنبيه والله

في المسلسلات الأجنبيه تلقى التشويق والإثاره الحقيقيه
المؤلف الأجنبي مجنون تدفع له ملايين الملايين على شان يألف كم حلقه

واسألوا عشاق برزن بريك ولوست وهيروز ومسلسل جديد على فوكس أسمه ( ترمنيتر )
شي خيالي وإثاره مابعدها إثاره لدرجه ان نفسيتك تتعب وانت تتابع وتدخل جو المسلسل وكأنك معهم واسألوا بالذات متابعين برزن بريك

بلا مسلسلات عربيه بلاخرابيط والله ماتسوى الـ 42 دقيقه أضيع فيها وقتي لأن المسلسل العربي يعتمد بشكل كبير على البنات المزايين والمكياج لجذب المشاهد

لكن المسلسل الأجنبي يعتمد على التشويق والقصص المؤثره القويه والمفاجئات لجذب المشاهد

إقتباس الرسالة الأصلية كتبت بواسطة S K Y سلم لي على المسلسلات الأجنبيه والله في المسلسلات الأجنبيه تلقى التشويق والإثاره الحقيقيه المؤلف الأجنبي مجنون تدفع له ملايين الملايين على شان يألف كم حلقه واسألوا عشاق برزن بريك ولوست وهيروز ومسلسل جديد على فوكس أسمه ( ترمنيتر ) شي خيالي وإثاره مابعدها إثاره لدرجه ان نفسيتك تتعب وانت تتابع وتدخل جو المسلسل وكأنك معهم واسألوا بالذات متابعين برزن بريك بلا مسلسلات عربيه بلاخرابيط والله ماتسوى الـ 42 دقيقه أضيع فيها وقتي لأن المسلسل العربي يعتمد بشكل كبير على البنات المزايين والمكياج لجذب المشاهد لكن المسلسل الأجنبي يعتمد على التشويق والقصص المؤثره القويه والمفاجئات لجذب المشاهد

إقتباس الرسالة الأصلية كتبت بواسطة الفيروسه الزرقاء المهم نرجع لـ الموضوع مستعده أشوف لكم دراما يابانيه وتايوانيه " صح اخراجهم مايقارن بـ الامريكي بس يمشي الحال " ومستعده بعد اشوف امريكيه بس مـ أشوف عربيه نوب ! صح الأتراك زيون وماعليهم خلاف بس المهم الهدف من الدراما هذا أنا أشوف يابانيين وماعندهم زود جمال ...أهم شي الاخلاق .

.
.

إقتباس ------>> مدمنه دراما

إقتباس الرسالة الأصلية كتبت بواسطة f*y*d س سؤال أخير مذكرات سارا ؟؟!! ما أعرفه لو سمحتِ اكتبي لي اسمه أدور على مسلسلات جديدة وما لقيت

مذكرات سارا كونر حاليا اللي تم عرضه إلى S1E9 .. وراح يبدأ عرض الحلقات الجايه من السيزون الثاني على طول .. بس مسلسل راايق

هذا اسم المسلسل
Terminator The Sarah Connor Chronicles

ملفات التورنت للحلقات التسعه كلها في المرفقاات

لا ويقولون ان المسلسل لقى اقبال في العالم العربي بسبب تقارب الثقافات مع الاتراك

اي تقارب ثقافات اللي زي كذا ..افلقني

وبعدين لازم ما نعمم ع الاتراك

ترى فيهم الملتزمين والمحافظين

المسلسل شكله يتكلم عن طبقة معينة..الطبقة المترفة

بعدين وش ترجي من الفن

يعني الحين المسلسلات السورية والمصرية ثمثل التقافة العربية والاسلامية الصحيحة؟؟؟

الفن عبارة عن تجارة يهمها ارقام التوزيع وبس

مشكووووووووووور قرقاااااااااااااص

سبحان الله نفس ملاحظه اختي

تقولي هم يمثلون على انهم مسلمين ولا

قلت لها لاا ... مسلمين

قالت ليه اجل عادي عنده شرب الخمر والخرابيط

تركيا علمانية ... ايش ترجى من فنانينها

وحتى يوم جاو دبي .. ماحتفل فيهم الا الاجانب المقيمين ..

الله يفشلهم ..

قرقاص .. مشكـور .

انا والله يوم اني صغير

ابو عشر سنين يمكن ، كنت اعشق المسلسلات المكسيكية لحد الثماله

اذكر واحد منها اسمه ماريا مرسيديس خيااااالي

عاد يوم من الأيام كنت اتابع مسلسل ثاني الظاهر اسمه ماريا كرافت

ويجيني ابوي قالي وش اسم هالمسلسل فرحت قلت بيشوفه معي

قلتله يبه اسمه ماري... قبل لا اكمل كلمتي قال لاعاد تشوفه

ومن ذاك اليوم وانا مقاطعهن ،،

ونور هذا طايحين فيه هاليومين الله يستر على بناتنا

عوافي قرقاص

تسلم والله ولآ هنت على هالموضوع اللي جاء في وقته ..


هالناس مدري وشهم منهبلين عليه الله يخلف على أهاليهم بس ..



يارب لك الحمد ماشفته ولا فكرت أشوفه حتى ولو للإستطلاع ..



خيوو قرقاص ..


عوآآآآآآفي ..

هلا وغلا قرقاص..

الناس رجونا على مهند ونور ...واول ما شفتهم حامت كبدي منهم..<=========

الجد...يعني الصدق.
ما اتابعه الا اذا وحشتني نور ..
يعني في الاسبوع مره مرتين ..
اما القصه..فما عندك احد..

صراحه المسلسلات الاجنبيه اطلق من المسلسلات الخليجيه ..اللي ما عندهم غير الاغتصاب والرقص ..

اول مسلسل مدبلج شفته ..ماريا ..
يا كان مسلسل غير اخلاقي وقبيح ..
تعرفون بدايه المراهقه وما تسوي ...


مثل ما قال سكاي ...المسلسلات الامريكيه وبس..<<<<<<<<ما تابع الا برزن بريك..

بس من خلال هالمسلسل ..حسيت ان بعض المسلسلات الامريكيه تعدت مرحله الاغراءات اثناء المسلسل ...وتهتم بالقصه وسيناريو..

اتمنى من كل من يخاف ربه على اهله واخواته ...ان يبعدهم عن المسلسلات خصوصا المشابهه لمسلسل نور....ويحاول يبعد نفسه معهم...




قرقاص ..
لا تروح بعيد..









سلاااااااااااااااااااااااااااااااااااااااااااااااااااام

للامانة انا حقدت على نور لاني من متابعي mbc4 والمسلسل خرب علي بعض البرامج و خصوصا ان وقت فراغي هو وقت عرض المسلسل
لكن بالنسبة للمسلسلات سواء كانت عربية اجنبية ماتعجبني لان فيها مبالغة في اضافة سيناريو جديد مما يسبب الملل