اســطــورة التــعــليــق : أيـــمـن جـــادة ... ورى ما تمسك الــجــادة ؟! - نادي الهلال السعودي - شبكة الزعيم

الهلالي 11 · #1 05/05/2008, 01:22 PM

قبل كل شي سلام من الله عليكم ورحمة منه وبركاته ايها القوم

يله ردو السلام بنفس الصيغة وبس كلكم تردون السلام بكمل موضوعي

طبعا اذا قريتو الموضوع بتعرفون ليه انا مسلم بلغة عربية فصحى موديل 560 للهجرة

تخيلو من جد اسويها واخلي الموضوع كذا لين تردون السلام كلكم

<== اقول لا يكثر

المهم هلا وغلا بالجميع ... اليوم جاي انشبلكم بموضوع جديد

طبعا انا نادر اني اجيب خبر او انقل موضوع او شي ...
لاني ما احب احط مصدر وقلق

كذا اكون قاعد يطق براسي موضوع واجي انشبلكم فيه هنا

اللي يشوف اني دلخ... او مواضيعي ما تخش مزاجه ... او ثقيل دم ... او فيني اي صفة غير كويسة يبلغ عني الحكومة ...

عشان يحطوني بالبلاك ليست وما عاد تشوفون يوزري

البلاك ليست للي ما يفهمون يعني قائمة الاشخاص اللي يشجعون تشيلسي <=== بينجلد من اسير وشباب البلوز

خلاص زودتها انت واياه لا احد يطلع عن الموضوع نرجع لموضوعنا ...

المهم انا اليوم جايكم بموضوع واعتقد ان الجميع يوافقني الرأي فيه

موضوعي عن المعلق القدير الكبير أيمن جادة

شوفو وش حلاته ... يهبل ... وش هالعيون ... وش هالقمر ... وش هالساعة الانيقة

من صورته تحس ان صوته بيبي فيس

<== يسمع فيها ويدورلها على جملة

اعتقد احد سقطات الجزيرة هذا المعلق الممل ... النشبة ...

والمشكلة معطينه منصب بالجزيرة ... ومسوينه شي كبير وجايبينه بلجنة تحكيم ( مشروع معلق !! )

بالله عليكم ... هذا معلق والا يستهبل !!

اذا له علاقة بالتعليق فهو من بعيد ...

كيف اذا صار الواحد يقربلك ... ولد خالة عم ابو خال عمك من ام ثانية

هو علاقته بالتعليق زي كذا ... مع انه يجيب النوم وبارد وما ادري وش يبي بس له مميزات !!
والمشكلة انه يعلق على مباريات مهمة لفرق كبيرة

انا هنا باذكر لكم مميزات استخدام هذا الشخص المذكور اعلاه :

1/ يمكن استخدامه كمسكن ... يعني اذا كنت نعسان او ودك تنام وما انت قادر تستطيع انك تنام

ما عليك على طول شغل الجزيرة واحضر اي مباراة يعلق عليها هذا المدعو ايمن جادة .
او سجل اي مباراة له وشغلها كل ما احتجت انك تنام

2/ لو عندك واحد من عيالك مسويلك قلق ... يعني انت والمدام ودكم تنامون وهو مضيع عليكم الجو

نفس الشي ما عليك الا تشغله مباراة لايمن جادة ... انا قايلكم ان صوته بيبي فيس ويعرف يتفاهم مع الصغار

<== وبعدين مع هالدلخ

3/ لو العيال كبرت وصارت بالمدارس ... وجاء وقت الاختبارات ... ولا سمح الله عندك واحد من عيالك داج ...
ما يدرس وضعيف ويبغاله مدرس خصوصي ...

ما في اي داعي انك تجيبله مدرس عربي وتدفع مبلغ وقدره

كل اللي عليك اشترك بقناة الجزيرة 112 ريال طول السنة ... وكل ما بغى الولد يدرس شغله القناة

يعني اسلوب جديد حلو ... منه يحضر وينبسط بالمباراة ... ومنه يدرس لغة عربية

خصوصا ان ايمن جادة اكثر شي يتميز فيه باللغة العربية الممنوع من الصرف ...
يعني يقدر يطفش ويصرف اي واحد قدام الشاشة

4/ تقدر تجيب للمدام تلفزيون وتحطه بالمطبخ ... لان ايمن جادة يحب يفتح مواضيع وناسة وسواليف ...
يعني تروح للدوام وترجع تلقى المدام مبسوطة وفيه اللي يسليها ... وهذا اكيد بينعكس ايجابا على جودة الطبخ

5/ تقدر تستخدم صورته كمنظر حلو بالبيت ... خصوصا انه ابيض وممكن الشغالة تعجب فيه ...
وهذا اكيد بينعكس ايجابا على نظافة البيت ... والشغالة بتكون مخلصة في اداء عملها ...

6/ اخيرا يمكن انك تستخدمه معلق على مباراة لكرة القدم ... حتى لو مسجلة وعارف نتيجتها

ما يستفاد من الموضوع للي ما فهم :

- ان المدعو ايمن جادة ينفع يكون اي شي الا معلق

والله لو تبون جبت لكم استخدامات واجد له بس ما ودي اطول الموضوع وتطفشون وتكرشوني بعدين

والله يا ليته يتعلم من عصام الشوالي ... و ... رؤوف خليف

انا بالنسبة لي اعتبر هالاثنين افضل المعلقين في العالم العربي ...

فيه غيرهم مميزين وحلوين ... مثل الطيب ... يوسف سيف ... والقائمة تطول ما ودي انسى احد

خصوصا ان كل واحد له مزاج وبيزعل اذا ما قلت معلقه المفضل !!

انا كذا موضوعي خلص ... خلص افراج الحمد لله ...

داري انكم اذا خلصتو موضوعي تحسون بنفس شعور اذا جت الفسحة ايام المدرسة

ساترك التعليق لكم ... ما رح احط اسئلة نقاشية وحركات ...

لكن اتمنى اللي يرد يقول رأيه وانطباعه عن هالمعلق ... ويذكر افضل معلق يحب يسمع المباراة بصوته