02/05/2008, 09:04 PM
|
| زعيــم فعــال | | تاريخ التسجيل: 02/10/2002 المكان: كوريا الجنوبية
مشاركات: 207
| |
اوافقك الرأي
مدرب فكره محدود واللي خلاه يفوز ببطولتين هذا الموسم هو سوء الخصوووم
وبعدين اللي يقول انه قام بأعطاء الفرصه للاعبين شباب مثل الفريدي والكلثم والدوسري
ياناااااااااااااااااس تروا الظروف هي اللي اجبرته على هالشيئ
مدري وشلون تفهمون اجل تبونه يلعب ب 11 لاعب من بدايه الدوري الى نهايته
يعني مافيه اصابات مافيه ايقافات مافيه معسكرات منتخب مافيه ضغط مباريات مافيه مشاركات خارجيه مافيه جداول ملخبطه
كل هالشيئ وماتبونه يستعين بلاعبين جدد
ابثبت لكم انه فاشل من هالمباراه بس
اولا هو خسر قائد الوسط واللاعب الخارق طارق
شوفوا وش سوا حط بداله الفريدي لوحده ........... فاهمين وش معنى لوحده؟؟؟
شوفوا من لعب جنب الفريدي ولا واحد............
المدرب لعب (بأربعه) محاور حتى لو مهامهم غير بس يبقون محاور الغامدي والبرقان والخثران وسعد ذياب
حتى لو جاي واحد يقول مهامهم غير ويساندون الهجوم ... اقول لهم اذا ما كان عندك بديل لهم اوافقك الرأي بس اذا كان على دكة الاحتياط لاعبين هذي مراكزهم الاساسيه ليش تتفلسف (اقصد التمياط والشلهوب).
يعني المفروض يحط لاعبين عشان يغطون لاعب كبير مثل التائب ويساندون القناص ياسر ويفكون الضغط عليه.
حتى ظروف المباراة ما تعامل معاها بالشكل المطلوب
ابقول لكم شيئ واحد وبتعرفون انه فشل في قياده المباراه لبر الامان
الاتحاد فقد المنتشري في المباراه القادمه من بدايه هالمباراه بحصوله على كرت اصفر...... بعد هالكرت الاتحاد ضغط اكثر لانه عرف المباراه الجايه بيروح فيها دفاعه مع العلم ان باقي له مباراه في ابطال اسيا ممكن يخسر فيها احد ثاني لاي ظرف طارئ.
المدرب كوزمين المفروض يهدي المباراه ويطلع منها على الاقل بالتعادل . ويستفيد من ضغط مباريات الاتحاد وظروفه في المباراه الثانيه.
عشان كذا كانت نظرته محدوده .
انا ما احب اسهب اكثر في تحليل المباراه لان عندي كلام كثير .
بس يكفي تشكيلته وتغييراته وقراءته للمباراه ولظروفها على ان ما عندك احد. والبطولات تحققت للهلال بفعل ابداع اللاعبين والتوفيق الكبير من الله سبحانه وتعاااااااااااااااااااااااالى. والكل شاف مباراة الاتحاد بنهاية الدوري كيف جبناها بتوفيق الله للدعيع والفريق الهلالي بأكمله.
وصدقوني ماخاب من توكل على الله .
وانشاء الله متوكلين عليه انه يمنحنا التوفيق ونواصل المشوار للبطوله الثالثه انشاء الله. |