|
الكل بريء ما عدا كوزمين ...مازلت اقول كوزمين... فاشل فنياُ مع الهلال لكل من يتابع موضيعي يشاهد مدى عدم رضاي على كوزمين وانتقادي له الدائم حتى يأست من هذا المدرب لا احد يقول لي طلع لاعبين ولا احد يقول لي جاب لك بطولتين كل هالاشياء لو تبوني احلف لكم مالكوزمين فيها شيء كوزمين اعمى العيون وذر الرماد فيها واصبح الجمهور وادارة النادي لا يرون اخطأه..... بل يرون حظة اللي (يكسر الصخر) هذا اغرب موسم مر على الهلال ..... فبقدر سوء الفريق فنيا وبقدر هبوط مستوى العديد من اللاعبين الا ن الفريق ينافس ويفوز......وبصراحة أول مرة أشوف الهلال محظوظ بهذا الشكل.... حتى الفرق الأخرى اذا تقدمت عليه تراجعت عشانه ..... ويمكنني ان اقول ان حسنة كوزمين الوحيدة انه جلب حظة للهلال..... بالفعل كوزمين ليس بالجهبذ الذي يمكن ان يغير وضع الفريق بلمسات ولكنه فاشل في بناية فريق.... شدني تعليق احد الصحف الأوروبية الرياضية والتي نسيت اسمها وهي تقول ان كوزمين جلب حظة للهلال....!!!! بالأمس في مباراة الاتحاد وقع كوزمين على نتيجة المباراة بتوقيع الاعتماد المصدق .....بعد ان فتح الملعب لأسرع مهاجمين الدوري في الارتداد ..... وفي خطأ لا يقع فية الا المدربين المبتدئن او طيب الذكر بلاتشي..!!! لا اتحين الفرص للتشفي بالمدرب ولكن انتظر الفرص التي يمكن ان يصحو الجميع من غفلتهم عن هذا المدرب... المواهب طلعهم وحضرهم مدربين سعوديين اكفاء وكان ظهورهم في هذا التوقيت مجدول ومحضرين للاستعانه بهم في اي وقت... بطولتين واحده مع احترامي اهداها نادي الاتحاد للمدرب الهلالي المحظوظ وذلك بعد ان تقهقر في نهايات الدوري والهلال كان يمشي في الدوري على عكاز........ لا مدرب ولا لاعبين بل الروح زفت الفريق للمقدمة أو كما يقول سمو الامير بندر بن محمد( اللاعب الخفي).... دوري ولي العهد أنقذ الله كوزمين من الهزيمة من الحزم قبل الشباب وفكه الله قبل حظة من هزيمة ضد الشباب وما بقى الا السهل ضد الاتفاق بالمرتاح وبياسر القحطاني... ارهانكم اذا ما اقيل كوزمين في ربع الموسم الجاي وعندما يتخلى عنه الحظ..... وعندما لا تنفعه علاقتة الممتازة بالادارة وتنمقه لها وتلميعه لنفسة امام المجتمع الرياضي... سيكون بعد ذلك كوخه عند الجميع.... |
ياشيخ كوزمين داهية مهما قلت من افضل المدربين الرومانيين |
كوزميـن لسـت انت من تقيـمه ..// والفاشل الذي يقيم من يقيمـه ..// ---------------------------------------------------------------------------------------------------------------------------------- |
كووووووووووووزمين من افضل المدربين الذين مروا على الهلال وانا اؤيد بقائه بالهلال لمدة 5 سنوات قاااااااااادمة جابلك بطولتين ولعب على نهائي بطووووولة والله انه كوووووووووويس |
كوزمين ممتااز..لا كنه يغلط..والإنسان مو معصووم عن الغلط....وأمس الله يهديه غلط بسحب الأظهره.. شكرن كوزمين.. |
والله موضوعك يسد النفس حبيبي كوزمين مو انت اللى تقيمه رح اول شي عدل الاخطاء الاملائيه اللى عندك بعدين تعال تكلم عن كوزمين كوزمين افضل مدرب يتاريخ الهلال رضي من رضي وابى من ابى :smilie47: اجل مدرب يجيب بطولات وماعنده الا العنقري والطقه الفاشله المفرج وووووو وتقول فاشل والله الفاشل انه انت مع احترامي لك:nono: |
كوزمين ذبحنا من الوريد للوريد ,.,.,.,.,,,,,,,,,,,,,,,,,,,,,,,,,, |
إقتباس:
ياخي والله العظيم لو نجحت تغيراته امس كان قلتلم افضل مدرب شباب ابعدوا عن العاطفه لو سمحتوا |
أقول وشرااايك نخليك انت إلي تدرب الهلال؟؟؟؟؟؟؟ تكفى لاتردنا طلبناااك |
ماعندك ساااااااااااااااالفه اسمحلي يوم خذنا كأس ولي العهد ودرع الدوري ..........ليه ماقلت كذاااا عشان مبااراه وحده خلاص صااار فاشل من طلع لك الفريدي والكلثم والدوسري زنجوم الشباب غير كوزمين اسال سؤال.......؟ عطني فريق اخذ كاس ولي العهد ووصل نهائي كأس الأميل فيصل واخذ الدوري ووصل نصف نهائي كأس الملك.. يعني فكر شوووي فريق ينافس في جميع البطولات وكل هذا فااااااااااااااااااااااااااااااااااااااشل اسمحلي ماوفقت في موضوعك |
إقتباس:
وتقول المدرب جاااب الحظ افرض المدرب جيد ويعرف يقرء المبااريات وغيرهـ بس ماوفقنا ربي واخذنا بطولااات لأن الحظ مومعنا وخرجنا بنهاية الموسم إيديننا فاااظيه:d وش احسلك تاخذبطولتين بالحظ؟؟؟ ولا مستوى بدون نتيجه؟؟ |
أقوووووول إنت ويااااه بداال ماتتكافخوووون.وشوي بيووصل الدم لين الرررركب,,إدعووووووا لهلااالكم في هالسااعه المستجاااااابه..الله يهديكم بس.. |
وجهة نظري ان كوزمين افضل مدرب حاليا في الملاعب السعوديه ومدرب رائع جدا وليس لأنه انهزم في مباراة البارحه اصبح سيئا لا وان كنت تتكلم عن الاطراف وفتح الملعب للإتحاد ارجوا ان تتقبل وجهة نظري : ان الاظهرة منذ بداية الموسم وحتى الان لانرى منهم اي حسنة تذكر والبارحه كانوا في اسواء حالاتهم اخراج العنقري ( تمنيت ان يطرد العنقري من بداية المباراة لأنه للأسف لم يتطور مستواه ولا 1 % ووجوده غير مؤثر فهو لايستطيع قطع الكره من المهاجمين ولا يستطيع ان يغطي اي خانة في الخلف ) اخراج الزوري ( الزوري بطيئ جدا ولايمكن بأي حال من الاحوال ايقاف كيتا ولا مجاراته بالسرعه وشاهدنا البارحه كيف تلاعبوا بالزوري ) فكان للمدرب وجهة نظري وهي اخراج الزوري واعادة الذياب للظهير بعد ان كان يلعب وسط ايسر واخراج العنقري واعادة الغامدي الذي يجيد تخليص الكرات والتغطيه رجل لرجل ولكن بدلا من الشلهوب تمنيت دخول التمياط لأنه افضل بدنيا ولياقيا من الشلهوب الغائب عن مستواه حتى اللحظه والهزيمة سببها اللاعبون فقد كانوا بعيدين جدا عن مستواهم وخصوصا المرشدي الذي تفنن في الاخطاء بكل الاشكال ولاتنسى طيب الذكر الحكم الذي لعب على استفزاز الهلاليين حتى احسوا ان المباراة فلتت من ايديهم يجب ان تنظر للأسباب الحقيقية التي جعلت الهلال يظهر بهذه الصوره ولاننكر ان المدرب يحظى بشهادة اعجاب من اللاعبين الذين يتدربون معاه يوميا والادارة التي تشاهد نتائج عمله كوزمين رائع وداهيه واجبر الجميع على التصفيق له على حسن قرائته للمباريات واتخاذ التغييرات في الاوقات المناسبة اتمنى ان لانكون ممن يرمي الهزيمة على المدرب او على الادارة ولانريد ان نجعل منهم شماعه اذا كنا نقول ان البطولات أتت بسبب تواجد لاعبين نجوم في الفريق فأين هم البارحه ؟؟؟؟ لاتهمني النتيجة كل مايهمني اعداد العده للأسيويه : ( مهاجم على مستوى عالي - ظهير ايمن مع نامي - قلب دفاع مساند لخيرات) تحياتي |
والله ما أدري كيف أرد عليك شكلك جايب واحد من الشارع ما يعرف لا الهلال ولا كوزمين ومخليه يكتب حاولت أدور بكلامك حاجة واقعية ما لقيت يعني تقول الهلال فاز بالحظ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل هي كانت مباراة واحدة عشان تقول هالكلام ؟؟؟؟؟؟؟؟؟؟ ترا هي 22 مباراة وكان أكثر النقاط . . . هذا أولاً ثانياً تقول الله فكنا من الحزم والشباب وما بقى غير الإتفاق السهل ؟؟؟؟؟؟؟؟؟؟؟؟؟؟؟ الحين الحزم الله فكنا منه و الاتفاق سهل ؟؟؟؟؟؟؟؟؟؟؟؟؟ أنا ما أقلل من الحزم ولكن الواقع يقول ان الاتفاق ما يجي زي الحزم والاتفاق للتذكير هو اللي طلع الأهلي و الإتحاد ( الاتحاد اللي فاز علينا 4 - 1 ) والله ان فيك بلا ! ! ! ! ! ! ! ! ! ! ! ! ! ! ! ! ! ! ! ! ! ! ! |
إقتباس:
بناء فريق وحصد بطولات ولعلمك والله ماهمتني النتيجه اللى البارحه لان السنه هذي حققنا شي ما احد حققه لكن العقول المريضه هي التي تطالب بأقالة كوزمين تذكر فقط كوزمين قدم لنا : الزوري - الكلثم - السعود - خيرات والكثير من النجوم القادمه بكل قوة بعدبن ترا انا ماقلت الحظ ولا تكلمت عنه ارجع واقرا زين شكرااا لك |
| الوقت المعتمد في المنتدى بتوقيت جرينتش +3.
الوقت الان » 01:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd