G o L d E s T

شكرا لك على تواجدك ومروك وتشريفك الموضوع واسمحلي بالتعليق على جزئية الفقرة الاولى

انت تقول اذا زوجها مو مقصر معاها مالها داعي الوظيفه طيب انت تضمن القدر بكرة الأيام جاء قضاءالله وقدره ومات هالزوج وش بيضمن لهالبنت انها تعيش اولادها بدون الحاجه للسؤال وخصوصا اني قلت ان الاعتماد على الاقارب بمثل هالأمور وفي هذا التوقيت لم يعد حلا شفيعا ولايكفي ..


اشكرك من اعماق قلبي على الرد الراقي وتحيه خاصة لك

"هلاليه أنا "

اضافة مميزه من عضوه دائمة التميز ودائمة الحضور اسعدني تواجدك وتداخلك ومداخلتك لك مني كل التقدير على كل حرف كتبتيه في هذا الموضوع

نعم اصبحت ثور ثائاتنا على التقاليد وليت بعضها صح حتى نشفع لثورتها ولاتثور على امور دينيه كثيرة وكأن الأمر عادي جدا ...

موضوع الأم هو موضوع لم يكن بهذه الصوره حتى في العصر الجاهلي وهذا امامك ردك اخي الكريم ( عادل ) مشرف القسم إقرأيه جيدا في اعلا الصفحه

لتعرفي مدى ماوصلت به امورنا ...


شكرا لك على التواجد ودمت بود

هلا اخوي احسن واحد بالعالم
أولا ا: هل تؤيد عدم احقية المرأة في الحصول على وظيفه
المرأه لها الاحقيه بالعمل اذا كان يوافق للشريعه والمجتمع
ثانيا : ماهي الحلول الممكنه لإقناع اب يحرم ابنته من اكمال الدراسه

ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب
احسها فشله العرف يفرض نفسه
رابعا : مساحه حرة للتعليق على اي جزئية بالموضوع
سؤال لك انت تخجل من ذكر اسم امك
ويعطيك العافيه على المواضيع الحلوه

مدام في شاعر المليون وقناة الساحه ومزاين الابل
اعرفوا اننا من جرف في دحديره

إقتباس الرسالة الأصلية كتبت بواسطة algohmani ولد عنزة سررت كثيرا بتواجدك وقبل ذلك بصراحتك واشكر جدا على الصراحه التي كنت عليها .. تطرقت لنوعية الوظيفه ولن اناقشك بردك إلا عن طريق سؤال واحد فقط افتراضي لنفترض ان كل واحد طبق مع اهله نفس ماتفكر فيه وصارت مستشفياتنا بلا دكتورات ولا طبيبات ولا ممرضات وجاء احد الأشخاص بأهله هل سيسمح لدكتور بالكشف عليها ؟ اترك الإجابه لك الأب لايجب ان يترك على اهواءه ونقول هو حر اللي يسويه يسويه بالنسبة لذكر اسم الأم كلنا نخجل والسبب المجتمع ولكن يجب ان نعترف اننا خطأ بهذا المنهجيه شكرا لك من اعماق قلبي على تواجدك ومشاركتك وتفاعلك وصراحتك ...

بس المنفعه اذا جرت معصيه ما نبيها الله لايرد المنفعه... او يكون مستفشى خاص للنساء يكون المحيط كله نسائي مو مشكله

واذاذ انت تشوف عادي ذكر اسم الام طيب ليه ما تذكر اسم امك بالموضوع ؟

الهلالي الألماسي

مداخله جميلة واضافه اجمل اشكرك اخي الكريم على المرور ايه ماخذ راحتك بس انا لو مكان الشباب المتزوجين مااخليك تقعد معانا وش بيجينا منك غير الإحراجات

لا ماتقعد يعني ماتقعد ....

سررت بتواجدك ومشاركتك ومداخلتك واعذرني على التقصير بحقك ... الجمهور معفوش عفس اليوم ولازم اكون متواجد هناك بس حسيت اني متأخر عليك ...

تقبل تحياتي وشارك لك مرورك

فنون هلاليه بجنون

هلا اختي ولا تناقض ولاشيء اما لو جبت المقطعين علشان اوضح شغله مهمه انه احنا لسنا ضد قيادة المرأة
لمجرد انها مرأة يعني مو معارضه لمجرد المعارضه عشان كذا قلت المثال الأول انا ضد قيادة المرأة لأسباب منطقية
وليس من الباب للطاقة على العموم هذا ما اردته ايصاله لك ويبدو لي ان قرأءتك كانت متأنيه جدا للموضوع
اشكرك على التواجد وتشريفي بهالموضوع ودمتي متألقه بردودك كما أنت من خلال هذا الرد

MiSs Ro0oRo

شاكر لك تواجدك يالغالي وهدي اعصابك شوي اشوفك منفعل مره ... نعم هي اسامي ولكننا جعلنا اكثر من مجرد أسماء
على العموم نورت الموضوع وياهلابك

ازرق+ابيض=عشق الهلال

شكر لك يا أحسن واحد بالعالم على التواجد بالموضوع ولاهنت وماني بقايل لك اسم امي لأني جزء من هذا المجتمع ومع هذا أقول لك ان المجتمع خطأ

المنقاوي

هلابك ونورت الموضوع يالغالي ولاهنت ...

اخوي لو تتذكر مثل ما تذكرت كلامي جدي وابوي لما يقصون علينا قصص فلان وعلان مايقلون اسمه يقولون ولد فلانه صارفيه وفي اخته فلانه ويحلون مشاكلهم ويشفعون لهم ومن هالامور يعني من قديم الزمان وفلانه وامها معروفين انا استغرب منك هالسؤال حتى لو وجد في زمنا من يمنع البنت من تكملة دراستها فهي حالات فردية لا نعممها على المجتمع كاملاً

وخلينا من هذا وذاك تمنيت انك ذكرت اسم امك عشان تكون قدوه لباقي الاعضاء يذكرون لنا اسماء امهاتهم يقول المثل طباخ السم لازم يذوقه وين اسم امك ؟؟!! او على قولة يقولون مالا يفعلون !!

والله ذكر اسم الأم عادي ونحن الشباب المفروض نوخر ذا القاعدة منا
لكن الله سبحانه ذكر في كتابه الكريم سورة مريم وذكر آسية يعني عادي والله عادي

لكن عندنا عدات مدري وش تبيء .

مشكور

أولا ا: هل تؤيد عدم احقية المرأة في الحصول على وظيفه
نعم والمرأة لها الاحقية والله كرم المرأة
ثانيا : ماهي الحلول الممكنه لإقناع اب يحرم ابنته من اكمال الدراسه
لاتعليق ..
الثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب

لا ابدا ولكت هناك نوعية وللأسف في هذا المجتمع متخلف يجد اسم الام مهزلة

رابعا : مساحه حرة للتعليق على اي جزئية بالموضوع
الله يعطيك العافية على الموضوع
وش اسم امك<<ماقرا الموضوع وفهمة

ولد عنزة

هلا حبيبي ما اختلفنا انها اذا بتجر معصية مالنا حاجه فيها ولكن للضروارات احكام خصوصا ان الدكتوره لن تكون متبرجه انت على بالك بتكون زي المصريات اللي الوحده كاشفه ... عمومك نورت وتعجبني تداخلاتك العنيفة والمحرجه ..


احبك لما تكون هلالي

شاكر لك تواجدك ومرورك ومداخلتك اللي بالأخير اجابتها بتجيك بس لاتستعجل


اتعبني غروري!!

شكرا لك اخي الكريم على التواجد اكيد عادي بس المجتمع وتغلبات ظروفه جعلت الأمر مهول ولهذا نحن خطأ

الفارس-5

شاكر لك بالفعل انت فاهم للموضوع وتعجبني مداخلتك البعيده عن البساطه للأسف هناك من يقرأ الموضوع ويحسبنا قاعدين نلعب أو هدفنا نعرف اسم الأم وحسب وهذولا للأسف محدودي التفكير

شكرا لكم جميعا على التواجد ونورتم الموضوع

تبون اجابة وش اسم امك ياكثر ماتسألون

اوكي


( احم احم أنا جزء من هذا المجتمع وسلبياته هي سلبياتي كما هي ايجابياته ايجابياتي انا مثل اللي يدخن وتقول له الدخان وش رايك فيه قال مضر بالصحه طيب بطل تدخن يقول قريب أن شاء الله فعشان كذا قريب إن شاء الله اجيبكم على هالسؤال ..... )

اخوي انا من المئيد لهذا الرجل انه فصل بنته وله الحق والله ثم والله ثم والله ان كل الفساد من المدارس مو كمناهم ولاكن من الفتيات

المرهقات ان عندي مؤسسه فقمت بترميم مدرسه والله ياخوان ان عبارات حب وغرام ماكنت اتخيلها والفاض محرجة وهذي تحب الفنان الفلاني وهذي تحب الاعب الفلاني


وبعدين ياعزيزي الله من فوق سبع سموات اختار للمرئه القرار فى بيتها وهو خير لها

والله ربي ا لمستعان