هلا والله .. حياك اخوي


قبل كل شي تأكد يالغالي اني ما أتكلم عن ليش ماحد يتصدق على الفقراء والمساكين .. محور الموضوع عن إمساك البعض عن التصدق على المحتاجين حتى لو كان المتسول كبير بالسن وواضح عليه ان الزمن لعب فيه .. لو كان شباب عذرناه لكن حتى الشيبان والعجايز ! والمشكله الاعظم انه كل ماشفنا متسول قلنا ايه اكيد عنده فلوس وجاي يبي زياده ! طيب انت عطه واكسب أجره وماعليك منه .

إقتباس حقيقة اتمنى ان تصل الدول العربيه بشكل مجمل الى الوضع التنظيمي

بإختصار .. التنظيم هو الي ينقصنا في مجتمعاتنا العربيه .. مع انه مفروض حنا الاولى بهالشي ! ..

إقتباس وأول هذه الحاجات : ان نعود الى ديننا في احترام الانسان لمجرد انه انسان ،،،

يتطور كل شي .. ماعدا هذا الشي ..



شاكرلك مرورك يالغالي ورده

S U L A I M A N

شكرًا وتقديراً لك أخي الكريم , وبارك الله في كتبت أسأل الله أن يجعلك ممن يدل على الخير


00000

حقيقةً أمام هذه الظاهرة أنا في شدٍّ وجذب ,,
فالعقل والمنطق يقول هناك جمعيات خيرية من الأجدر أن يعرض حالته عليهم وهم يتولون الأمور ويعطونه مقدار حاجته ,,
أما القلب والعاطفة فتقول ماوقف هذا الرجال أمام هؤلاء الناس إلا من حاجةٍ ملحة , وهل هؤلاء الناس ومايعطونه إلا لسد حاجته وبلِّ ريقه ؟! إذ أنه لن يبحث عن الزيادة والاستكثار بهذه الطريقة ,, ولا يمكن أن يقف ويُضيع وجهه ( إن صحّ التعبير ) إلا بعد أن عرض نفسه على الجمعيات ولم يحصل المراد ولم يجني الفائدة ؟! ,

لذا فسياستي مه هؤلاء على حسب مقدرته في جلب الاستعطاف والتأثير , وعلى حسب عاطفتي ومزاجي في ذلك اليوم ,, ولكن خشية من تأنيب الضمير أقوم وأنصح الجميع أن يضع له أمراً مستديماً لدعم الجمعيات الخيرية بأي فرع يختاره كـ كفالة يتيم أو وقف يتيم , أو تحفيظ القرآن , أو صدقة على الفقراء ونحو ذلك ,,


000

هلا فيك أخوي سليمان ..
حياك في المجلس ..

موضوعك إن دل ع شئ فهو على الطهر اللذي يخفيه قلمك ..
فما تطرقت له أخوي للرجل المسن فيحز بالخاطر ان رجال وشباب معافيهم ربي ومغنيهم مايمدون يد الخير لرجل في عمر والدهم يتخطونه ولا كأنه موجود .. أقلها اذا حارم نفسك من الأجر قدر شيباته وهو يمد يده لك ..
زي ما انا ما ارضى لأبوي ولا أنت ترضى لأبوك ولا هو يرضى لأبوه قدر العمر اللي هو فيه والحاجه اللي دعته إنه يمد يده لك ,,
بغض النظر على سالفه شحاذ ومزعجين ونصابين وووو أنت أحتسب أجرك لا تقول نصابين مو واحد يكذب معناته كلهم كذا فيه ناس من جد محتاجه صحيح المؤسسات ماتقصر لكن شئ ياصلهم وشئ مايكفي وربي أعلم بالحال ..
وش بيظرنا من عشره أو خمسه اذا مدينها مع كلمة زينه ؟ بالعكس انت لما تعطي ترتاح .. لما تعطي تحس بسعاده ..
سبحان الله اللي جمعنا على قلب واحد سبحانه اللي وحد قلوبنا على دينه .. يعني يجمعنا دين و قلب واحد قبل كل شئ
مو ديننا اللي دعانا كالبنيان المرصوص واللي لما أخوك يطيح انت تسنده ولما انت تطيح هو يسندك !!
هذي الاخوه اللي تربينا عليها هذا العشم في شبابنا ..
حتى لو أغفلنا الجانب الديني والأجر ووو ,, وين النخوه اللي يتميزون فيها العرب ؟؟
تضيق النفس لما تشوف غيرك ياخذ ولا يعطي ..
" لا تحقر شيئاً لربما تضيق بك يوما ما .."

أخوي سليمان ..
موضوعك جداً جميل ..
سأعتذر عن ردي الطويل .. ولكن فعلاً نفسي إن حنا كمسلمين نكون على قلب واحد ..
وابوك أهو أبوي ,,وأبوي أهو أبوه .. والقلب واحد ..

دمت بكل ود ..


بقايا ..

في احد السنين وعندما كنت في مكة المكرمه لاداء العمره .. عند الحرم الشريف .. وانا اهم بالدخول الى الساحه متجها إلى صحن الحرم في وقت العصر .. أتاني رجل رث الهيئة .. أشار إلى عبوة دواء ويطلب بعض الاموال لشراء أخرى مماثله .. حيث أن هذه العبوه قد انتهت .. عبوة الدواء كانت دواء للصداع او مايسمى بالاسبرين او البنادول .. العبوه واضح وضوح الشمس انه التقطها من الأرض وأصبح يتمشى بين الناس طالبا العون منهم لشراء واحده أخرى .. فـ آثار عجلات الإطارات كانت واضحه جدا عليها وآثار الـ(عرافيط ) أيضا .. في هذه الحاله .. قد يقول قائل ان هذا الشخص فعل هذا ليشتري بالمال الذي اعطيته علبة سجائر ( كون مظهره يوحي بشده الى ذلك ) او ماشابه .. لكن لماذا لانقول أنه يريد شراء دواء بالفعل .. لكن لايريد افصاحه للآخرين !! لماذا لانقول انه يعول عددا من الأبناء وامهم ولايدري كيف يأتي اليهم بالاموال وعمل بمقولة اليد قصيره والعين بصيره ! .. لماذا في بعض الاحيان نظرتنا تكون قاسيه ضد الغير ! قلت هذا الكلام للعدد الكبير من كلمة ( الله كريم ) الذي لقيها من المارّّه بعد انتهائه من مهمته معي .. وكالعاده لم يفترق عن نظري الا بعد ابتعاده بعيدا حيث لم استطع اللحاق به بنظري .. او بأرجلي ..

هلا والله أبو خالد .. حياك يالغالي .. أبشرك بخير ونعمه يالله لك الحمد ورده

بصراحة ياوليد أحيانا تصير معي زي الي انت تقول .. أصير طالع من المسجد وأشوف حرمه جالسه برى المسجد ومعها ولدها بين يدينها .. أو لحالها .. لكن مايكون معي الي يكفي .. عندي بعض الأمور الي لازم اخلصها بعد الصلاة مباشره وصعب اروح اصرف وارجع وو الخ .. لكن المشكله الي يجيك مخباته مليان من خيرات الله ومع ذلك تشوفه يتثيقل بالصدقه على المحتاجين ! .. حتى وان تصدق وتلقاه منحرج من الناس يشوفونه يمر من عند هالعجيز ولا يعطيه شي .. يعطيه ريال ولا ريالين ومخباته مليان من هالعشرات والصرف والي ممكن يتصدق على هالحريمه بوحده منهن ولاهيب هازه ميزانيته ..

أما بالنسبه لسالفة العجيز .. فـ ماتدري ياوليد .. أصلا هالعجيز يبدولي انه مهب سعوديه .. شلون بتروح لواحد من هالجمعيات ووين تروح ووش تسوي ووو الخ .. كل الي تهتم فيه ياوليد كم ريال تحصله من هالمسلمين تاكل وتشرب منها .. ويمكن تسكن منها بعد ماتدري ! ..


شاكرلك مرورك وليد ورده

هلابك يالغالي .. حياك الله وأشكرك على الإطراء .. وأسأل الله ان يجعل الجميع ممن يدل على الخير أيضا ورده

بالنسبه لقضية المؤسسات الخيريه .. فـ ماندري عن المتسولين هل فعلا حاولوا يروحون لها ولا لأ .. ممكن فيه سبب يمنعهم يروحون لهالمؤسسات ممكن حاولوا يروحون وماقدروا يمكن مايعرفون الطريقه ممكن مايبون الا شي يكفيهم هاليوم وبكرى يحله حلال .. وممكن أيضا زي ماذكرت انت حاول يعرض نفسه على الجمعيات لكنه فشل ..


أولا وأخيرا يالغالي .. انت اذا شفت متسول .. ماراح تحلل شخصيته وهل هو عرض نفسه على الجمعيات ووو الخ .. الوضع يجي فجأه .. كل شي يجي جميع يعني .. جاك متسول يبي فلوس ماراح نشوف وضعه هل هو فعلا محتاج هل عرض نفسه على الجمعيات هل هل .. واحد من حلين يانعطيه يانمسك .. لكن في حال امسكنا .. وراح الرجال او الحرمه .. نمسك هالي امسك هذا ونقول ليش أمسكت ؟ اذا قال والله عاد مامعي ومن هالكلام اوكي .. لكن اذا والله خايف على التشخيصه زي ماذكرت في بداية الموضوع .. فـ هنا المشكله ومقصدي من بداية الموضوع ..


شاكرلك مرورك وتعقيبك عزيزي ورده