نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

S U L A I M A N · #8 21/04/2008, 05:15 AM

إقتباس

الرسالة الأصلية كتبت بواسطة شـــذى


	وعليكم السلام ورحمة الله وبركاته الحمد لله أن هناك من يتفق معي في هذا الاعتقاد والفلسفة . ليس منظر الشيخ الكبير والعجوز المؤثر فقط حتى الطفل الصغير حقيقة دوماً ما أردد أنا لا يعنيني إن كان صادق أو كاذب فليس لي إلا الظاهر أما ما يخفى عليّ فالله أعلم به بالرغم من وجود الكثير من التوبيخ الموجه لي لا يهم المهم أن لا اتجاهله وبالتالي أفقد إنسانيتي لسان حال البعض / المتسول شخص كاذب وهو في الحقيقة شخص مليونير يستغفلنا ..!! طيب والبائع الصغير أمام الاشارات وفي الاسواق ممن يردون كسب العيش ولو بالقليل .. يمتنع البعض عن شراء مناديل أو قنينة ماء أو ..........الخ بحجة أن هذا المنظر يخرب منظر البلد << يعني مابيخرب منظر البلد إلا هذا الشيء رفقاً بعقولنا واللي يعافيكم ..!! حدثت إحداهن عن عشقي للفل وإنني لا يمكن أن أجد أحدهم يبيعه في الاشارات الا وأشتري كمية لا يستهان بها فقالت انصحك يا شذى لا تشترين من اللي يبيعون عند الاشارة أي شيء ..!!؟؟ بالفعل القلوب أصبحت كالحجرة أو أشد قسوة .! سليمان الله يعطيك ألف عافية

هلا فيك اختي شذى .. وكويس فيه احد يوافقني في فلسفتي

..

فعلا .. بعض الاحيان لما تتحرك المشاعر داخلك .. وتعطي شخص متسول شي من الي معك .. يقول لك الي معك ليش تعطيه وترى وترى وترى ! أولا ياأخي مهب شغلك أعطيه ولا ما اعطيه ثانيه وش يخليك تجزم ان الكلام الي قلته صحيح !! .. المشكله ان البعض مايبي يعطي المتسول فلوس .. لانه مايبي .. واذا سألته قال لك انه نصاب وعنده ملايين الدنيا بالبنك وو ! طيب قل مابي اعطيه ولاتفسر كلام من راسك !

بياعين الإشارات وضعهم يختلف اختلاف كلي عن هالشايب او العجوز .. بياعي الاشارات هو يطلب منك انك تشتري شي من عنده وغالبا شغلاتهم كماليه ومافيها شي يفيد .. شغله تعلقها على المرايه الداخليه للسياره أو أو .. لذلك عن نفسي ما أهتم كثير بالشي خصوصا انه مايسألك فلوس للاشيء فـ إذا امتنعت عن الشراء منه كأني امتنع عن الشراء من أي محل عادي ..

الفُُل .. كان عندنا في الجنينه

الي في الحوش الخلفي زهور فُُل .. كانت رووعه جدا لكن للأسف قلة العنايه فيها انهكها ! ... شاكرلك مرورك اختي شذى وتعقيبك ورده ..

إقتباس

الرسالة الأصلية كتبت بواسطة ..بقــ حرف ـايا..


	هلا فيك أخوي سليمان .. حياك في المجلس .. موضوعك إن دل ع شئ فهو على الطهر اللذي يخفيه قلمك .. فما تطرقت له أخوي للرجل المسن فيحز بالخاطر ان رجال وشباب معافيهم ربي ومغنيهم مايمدون يد الخير لرجل في عمر والدهم يتخطونه ولا كأنه موجود .. أقلها اذا حارم نفسك من الأجر قدر شيباته وهو يمد يده لك .. زي ما انا ما ارضى لأبوي ولا أنت ترضى لأبوك ولا هو يرضى لأبوه قدر العمر اللي هو فيه والحاجه اللي دعته إنه يمد يده لك ,, بغض النظر على سالفه شحاذ ومزعجين ونصابين وووو أنت أحتسب أجرك لا تقول نصابين مو واحد يكذب معناته كلهم كذا فيه ناس من جد محتاجه صحيح المؤسسات ماتقصر لكن شئ ياصلهم وشئ مايكفي وربي أعلم بالحال .. وش بيظرنا من عشره أو خمسه اذا مدينها مع كلمة زينه ؟ بالعكس انت لما تعطي ترتاح .. لما تعطي تحس بسعاده .. سبحان الله اللي جمعنا على قلب واحد سبحانه اللي وحد قلوبنا على دينه .. يعني يجمعنا دين و قلب واحد قبل كل شئ مو ديننا اللي دعانا كالبنيان المرصوص واللي لما أخوك يطيح انت تسنده ولما انت تطيح هو يسندك !! هذي الاخوه اللي تربينا عليها هذا العشم في شبابنا .. حتى لو أغفلنا الجانب الديني والأجر ووو ,, وين النخوه اللي يتميزون فيها العرب ؟؟ تضيق النفس لما تشوف غيرك ياخذ ولا يعطي .. " لا تحقر شيئاً لربما تضيق بك يوما ما .." أخوي سليمان .. موضوعك جداً جميل .. سأعتذر عن ردي الطويل .. ولكن فعلاً نفسي إن حنا كمسلمين نكون على قلب واحد .. وابوك أهو أبوي ,,وأبوي أهو أبوه .. والقلب واحد .. دمت بكل ود .. بقايا ..

حياك الله اختي بقايا حرف < بصراحة كتبت في البدايه أخوي ! .. لكن منعا للإحراج خشيت ملفك الشخصي وحست فيه لين تاكدت انك اختي مب اخوي

..

الشايب الي تكلمت عنه في البدايه ممكن مايكون عنده أبناء يساعدونه وقت الحاجه .. ممكن عنده بنات في البيت ويحتاجن من يصرف عليهن وماحصلوا وضيفه تناسبهن .. المشلكه يااخت بقايا حرف .. ان البعض صار يمكن بحجة ان الشخص الي يطلب نصاب او حرامي أو أو أو !! صحيح اننا نسمع كثير من القصص بهالخصوص .. لكن ليش مانحسن النيه طيب ! إذا انت ماعندك نيه تتصدق عليه .. على الأقل حسّّّن نظرتك تجاهه ولاتقول نصاب ومن هالكلام ! .. وفعلا إذا أعطيت متسول أي ريال .. بتحس بسعاده ومستحيل تقول بينك وبين نفسك ليش عطيته كان مفروض أشتري بهالريال كذا وكذا ! بالعكس أنا اتحدى ان فيه احد دفع ريال او اكثر .. لمتسول وقال بينه وبين نفسه هالكلام ! ..

وفعلا زي ماقلتي .. لاتحقر نفسا فلربما تضيق بك الدنيا في احد الأيام ! .. وش الي يخليك متأكد انه من الحين لين ياخذ الله امانته .. بيصير معك فلوس وماعندك مشكله من هالناحيه ووو .. ممكن الله حاليا يختبرك ويشوف انت تتصدق بهالي معطيك اياه ولا بتمسكه وبتوزع نظرياتك بين هالمساكين ! ..

شاكرلك مرورك اختي بقايا حرف ولاتعتذرين ولا شي بالعكس انا ذكرت في نهاية ردي ان ودي أتناقش مع الجميع حول هالظاهره .. وشاكرلك تعقيبك أيضا ورده ..