إقتباس الرسالة الأصلية كتبت بواسطة شـــذى وعليكم السلام ورحمة الله وبركاته الحمد لله أن هناك من يتفق معي في هذا الاعتقاد والفلسفة . ليس منظر الشيخ الكبير والعجوز المؤثر فقط حتى الطفل الصغير حقيقة دوماً ما أردد أنا لا يعنيني إن كان صادق أو كاذب فليس لي إلا الظاهر أما ما يخفى عليّ فالله أعلم به بالرغم من وجود الكثير من التوبيخ الموجه لي لا يهم المهم أن لا اتجاهله وبالتالي أفقد إنسانيتي لسان حال البعض / المتسول شخص كاذب وهو في الحقيقة شخص مليونير يستغفلنا ..!! طيب والبائع الصغير أمام الاشارات وفي الاسواق ممن يردون كسب العيش ولو بالقليل .. يمتنع البعض عن شراء مناديل أو قنينة ماء أو ..........الخ بحجة أن هذا المنظر يخرب منظر البلد << يعني مابيخرب منظر البلد إلا هذا الشيء رفقاً بعقولنا واللي يعافيكم ..!! حدثت إحداهن عن عشقي للفل وإنني لا يمكن أن أجد أحدهم يبيعه في الاشارات الا وأشتري كمية لا يستهان بها فقالت انصحك يا شذى لا تشترين من اللي يبيعون عند الاشارة أي شيء ..!!؟؟ بالفعل القلوب أصبحت كالحجرة أو أشد قسوة .! سليمان الله يعطيك ألف عافية

إقتباس الرسالة الأصلية كتبت بواسطة ..بقــ حرف ـايا.. هلا فيك أخوي سليمان .. حياك في المجلس .. موضوعك إن دل ع شئ فهو على الطهر اللذي يخفيه قلمك .. فما تطرقت له أخوي للرجل المسن فيحز بالخاطر ان رجال وشباب معافيهم ربي ومغنيهم مايمدون يد الخير لرجل في عمر والدهم يتخطونه ولا كأنه موجود .. أقلها اذا حارم نفسك من الأجر قدر شيباته وهو يمد يده لك .. زي ما انا ما ارضى لأبوي ولا أنت ترضى لأبوك ولا هو يرضى لأبوه قدر العمر اللي هو فيه والحاجه اللي دعته إنه يمد يده لك ,, بغض النظر على سالفه شحاذ ومزعجين ونصابين وووو أنت أحتسب أجرك لا تقول نصابين مو واحد يكذب معناته كلهم كذا فيه ناس من جد محتاجه صحيح المؤسسات ماتقصر لكن شئ ياصلهم وشئ مايكفي وربي أعلم بالحال .. وش بيظرنا من عشره أو خمسه اذا مدينها مع كلمة زينه ؟ بالعكس انت لما تعطي ترتاح .. لما تعطي تحس بسعاده .. سبحان الله اللي جمعنا على قلب واحد سبحانه اللي وحد قلوبنا على دينه .. يعني يجمعنا دين و قلب واحد قبل كل شئ مو ديننا اللي دعانا كالبنيان المرصوص واللي لما أخوك يطيح انت تسنده ولما انت تطيح هو يسندك !! هذي الاخوه اللي تربينا عليها هذا العشم في شبابنا .. حتى لو أغفلنا الجانب الديني والأجر ووو ,, وين النخوه اللي يتميزون فيها العرب ؟؟ تضيق النفس لما تشوف غيرك ياخذ ولا يعطي .. " لا تحقر شيئاً لربما تضيق بك يوما ما .." أخوي سليمان .. موضوعك جداً جميل .. سأعتذر عن ردي الطويل .. ولكن فعلاً نفسي إن حنا كمسلمين نكون على قلب واحد .. وابوك أهو أبوي ,,وأبوي أهو أبوه .. والقلب واحد .. دمت بكل ود .. بقايا ..

وش عندك هنيّا

والله شف يا سليمان .. بمثل هالمواقف لا تكن ليناً فتعصر ولا قاسياً فتكسر يعني حاول ترخي شوي .. اصلا انت لما تبي تعطية شي ببالك شي واحد .. الاجر بس .. لذلك صف نيتك وخل عنك القعاطة

العالم الحين مايدرون من الصادق ومن الكذاب .. والعقليات تختلف عن بعضها .. ولا تنسى الحملات و المداهمات اللي تصير على المتسولين .. ياخي غدينا مجتمع ما يهتم لهالامور ويشوف انها نصب

بس خل عنك والله يااللي عندنا ارحم من مصر .. المصريين لا يطاقون .. قسم بالله مرة عطيت وحدة مصرية تشحذ ومعها ولدها 13 جنية قالت عطني زيادة انت سعودي قلت خلاص فارقي قالت يا جعلك تموت تحت آطر كبير بالمصري

الله يعين .. شكراً يا زلابة

إقتباس الرسالة الأصلية كتبت بواسطة ابو طـــــلال الاخ الغالي سليمان .. المعروف ( بالسلمي ) تصدق سبقتني .. ومن سبق لبق .. حلال عليك هالردود الوصف اللى ذكرته دائما اشوف حرمة .. ومعها طفل .. على قولتك انا اترك كل شي وأقعد اتابع تصرفات اصحاب السيارات .. بعضهم والله مايكلف عمره ويهز راسه بالرفض ..؟ مايقدر حاجتها .. ولا عازتها .. تفكيرة بس انها ماتقرب للسيارة .. وكنها تبي تاكله .. بس والله ياسليمان أهل الخير واجد .. شوف عيني وبنفس الإشارة .. ناس تتأخر عن التحرك بالسيارة علشان يمدون ماتجود به انفسهم للفقيرة الضعيفة ... الحرمة انا مااقدر اتخيل انها تكذب .. او انها تحتال ... الإحتيال وهي طالعة بهالشكل ومعها طفل .. حتى لو إحتالت علي .. انا مسامحها وحلال عليها على هالوقفة تحت الشمس الحارة اللى ماترحم .. او في أيام الشتاء وشدة برودت الجو عاد بالرياض .. وتلقى معها ( بزر ) ابو سنتين او سنة .. ويجيك واحد يقول لاتعطونهم هذولا حرامية .. وتلقاه يزين دش بيتهم ويبخشش البنغالي بعشرين وهو التصليح بخمسه ... بعض الناس حطهم عند الترزز ودورهم عند ( الإنزراق ) بس مااخفيك اخوي سليمان .. بعض المتسولين انا شخصياً ابلغ عنهم .. وماارتاح إلا وهو مقبوض عليهم .. وطالما انك من هالحي .. انت تعرف طريق الأمير متعب بن عبد العزيز .. دائما كنت ألاحظ مجموعة من الشباب ( اكرر شباب ) متعافين .. وينزلون بسيارات ويجيني يشحد .. يقول انا ( يماني ) وماعندي شي .. والوجه يتكرر دايم .. يعني بالشهر مره او مرتين .. وبعدين وجه ( إجرامي ) وانا القاهم في الصباح الباكر .. دوامي يكون 10 .. الصباح والقاهم بشارعنا .. بصراحه ماهمني نصبهم كثر ماهمني خوفي على هالبيوت والمحارم والجيران .. حسيت انه في أي لحظه يجتمع اثنين ثلاثه ويقتحمون منزل .. او لاسمح الله يتعدون على الحريم الآمنات في بيوتهم وازواجهم او اولادهم بالمدارس والعمل .. بلغت أكثر من مره .. ومره بسيارتي حديت واحد وركب للشرطه .. واحد باكستاني نفس الشي .. جاني يقول ابي اي شي أكله .. ابي فلوس .. طلبت الشرطه وانا اللى ركبته بنفسي .. مثل هالشبان اللى يقدر يعمل ويجي بوقت وفتره هي فتره غياب الرجال في البيوت تخليني اتصرف هالتصرف .. واتمنى الجميع ينتبه لهم .. أخي سوليمان .. شاكر لك طرح هالموضوع الإنساني .. وسلملي على الإمام اللى ينفخ على الفقير وكأنه مايعرف الآية الكريمه اللى تقول ( واما السائل فلا تنهر ) .. وللأسف بعض اصحاب هذه المهنه لانها اصبحت مهنه .. لايقومون بها حتى بشكل سليم .. كإمام مسجد .. يصلي بالناس فرضين والباقي لبنغالي ويعطيه المقسوم .. =========== قفلة ... مبروك البطوله .. كاس ولي العهد .. والدوري وعقبال كاس الملك .. بس وش رايك بالخمسه حقت المجلس العام .. راحت حرتها ؟؟ تبون خمسه ثانيه هع هع هع يوم شفت ستة الشباب على الأهلي .. حنيت نلعب معكم ..

إقتباس الرسالة الأصلية كتبت بواسطة الكــلاسيكي وعليكم السلام ورحمة الله وبركاته .. هلا وغلا فيك اخي السلمي .. وعاش من شافك .. ورده ماتطرقت عليه فعلاً يستحق منا نظره متواضعه .. وان كانت الشفقه ستجعلنا نظهر مما معنا فلل ننظر بنظره شفقه وعطف .. والله اني احزن اشد الحزن على تلك المواقف التي ارى فيها شيخ او مسنه يشقون على انفسهم ويتثاقلون على الآمهم من اجل طلب لقمة عيش لابنائهم .. قال تعالي : " وأما السائل فلا تنهر " ولكن .. ألا تعتقد ان كثرة المتسولين " الكاذبين " .. احد اهم اهم اسباب امتناع الناس عن الاعطاء ! اجزم بذلك .. السلمي .. الف شكر لك ولطرحك الراقي الرائع .. ولا تحرمنا جديد قلمك .. وتقبل فائق احترامي وتقديري .. دمت بخير ورده

إقتباس الرسالة الأصلية كتبت بواسطة هامور البورصه هلا وغلا بالسلمي الله حي حقين العالميه الا شراايك بالبارشا امس <== شطح ،،،،،،،،،،،،،،، والله يالسلمي لا تلوومهم اذا ماعطووه يمكن مهوب بخل فيهم عشان مايعطونه بس يعني المساله صاارت لا تطااق يعني بعد كل صلاة بدال ما تقعد بالمسجد تسبح تقعد تتفرج على الي موقفين بالمسجد يطرون ويمكن هم مايبون يعطونهم يبون يحدون من هالظاهره وتلاقيهم يتبرعون أكثر منك بالجمعيات الخيريه مهوب شرط اني اعطي كل حرمه تجي بالمسجد اول كل طرار يااخي بعض الاحيان يجي وااحد عمره 30 سنه يطر ويقول عندي اخوان ونفس هالاسطوانه نسمعها كل يوم طيب يااخي انت بعز شبابك رح اشتغل واصرف عليهم والمشكله انهم مهوب سعودين اذا الحياة بالسعوديه صعبه ومن صعوبتها صرت طرار يااخي مانتب ملزوم تبقى فيها ارجع لـ ديرتك شف يالسلمي انا اقول والله ان حنا نصرف فلوس في اشياء باايخه جداً لكن انا يا واحد ماحب اعطي الطرارين الي بالشواارع وبالمسااجد وليت الكل مايعطيهم ياخي تبي تتبرع رح للجمعيه هم يوزعونها على المحتاجين وبدون ما تنقلب مساجدنا للطراره يعني والله العظيم بعض الاحيان نخلص من الصلاة يقومون ثنين يطرون كل وااحد عند باب ونطلع من المسجد نلاقي حرمه برا قاعده على نعالنا ( حذيانا ) وليتها وحده لا ثنتين جايبه بزرها معها وماسكته بطريقه غريبه ويصيح والمشكله اقعد شوي انتظرهن تلاقي يمرهن راعي لمزين ويركبن معه !! السلمي الله يعطيك على هالموضوع الي تحسفت اني قريته <== تراي امزح السلمي ،،ورده،،

إقتباس الرسالة الأصلية كتبت بواسطة ღ سيموღ وعليكم السلام ورحمة الله ,, هلا وسهلا بـالأخ العزيز والغالي على قلبي أبو محمد , ومســاؤك خير إن شاء الله . في البداية , طرحت أخي سليمان عن ظاهرة التسول ونهر أصحابها من قِبل البعض , وإن كان أمر فيه إختلاف عند البعض , فـ منا من يتجاوب ويعطي السائل ما يحتاجه , وأخرين ينهروا السائل ولا يقدروا وضعهم المأساوي . تركيبـتنا النفسية أحياناً تجبرنا على التصدق وإعطائهم ما يحتاجوه هؤلاء الفقراء والمساكين , إذا ما نظرنا إن ديننا الإسلامي ينهانا عن نهر السائل , لكن الغـالبية يتساءلون هل السائل صادق أو كاذب في هالأمر , لكن بـ أعتقادي أننا لو ملكنا الفطنة والذكاء لـعرفنا نفرق بينهم , لأن أحياناً تكون بين صراع مع نفسك إذا شاهدت فقير يطلبك , ولا تدري هل هو محتاج فعلاً أو لا , وأذكر في جزئية من مقال سابق للكاتب / صالح الشيحي ذكر في نقطة أننا نشكو انتشار التسوّل ونحن أحد أهم أسباب انتشاره , وكلامه صحيح وهذا ما يحدث ! يمكن بعض الفئِات تدركـ انهم محتاجين جداً ولابد من التصّدق عليهم , كـ كبار السن , والنساء ومع معهنّ من أطفال صغار , فـ تشفق عليهم وتجبر على إعطائهم الصدقة أياً كانت ( معنوية , أو حسية ) . شيء أخر , ضد الإمام عندما إسكت ذاك الرجل الكبير في السن , ومنعه من التحدث عن حالته المزريه , أستغرب وأتعجب من إمام يقوم بهذا التصرف , إن كانت آيه كريمة في القرآن الكريم تنهى المسلم عن نهر السائل , فـ يأتي من يُعتبر قدوة لغيره ويتصرف تصرف يناقض مع ما ينتهجه فـشخص أحمق بنظري . ربما شيء بسيط ما يكلف الشخص لما يعطي الفقير , ويتصدق عليه , خصوصاً الكبار في السن , فـ هؤلاء لا أظن أن محتالين كـ حال البقية , فـ بلغوا من العمر ما بلغوا , ولا أظن أن سيحتال بمثل هذا الموقف معي أو مع غيري . في النهاية , البعض وإن كانوا الغالبية ذلك يمتنعوا عن التصدق وإعطاء ما يملكونه للمحتاجين , خصوصاً أن المتسولين إنتشروا , واحتالوا على كثير من الناس , والقصص والمواقف كثيرة في هذا الأمر ولا تحصى . / \ الـسلـمي طرح رائع , ونقاش مثمر بـ تساؤولاتكـ . كل الشكر لك َ , و لحضوركـ هنا في المجلس وتشريفك . دمتَ بخير ,,

وزي ماقلت .. الكثير من الي يمتنعون تفكيرهم واحد في اعتقادي .. ان كثرة المتسولين هو الي يخليهم يمسكون .. لكن في حال كون المتسول كبير في السن .. هنا نمسح كل شي من هالقبيل لان هالشي مايندرج تحته أي شي سواء كذاب أو محتال او او .. لانه زي ماذكرت انت ماراح يكذب علي وحتى لو كذب علي انا مساحه على قولة أبو طلال .. لاني وقتها بقدّّر شيباته بس ..

شاكرلك مرورك سلومي ورده

إقتباس الرسالة الأصلية كتبت بواسطة الموسيقار توتي أنا من ناحيتي ::: لا أوأيد أن تعطي الشحاذ ما يريد !! ليش ؟؟ :: بكره يجيك معه كل عزبته و ربعه ويصير شغله شحااااذه ,, عمره 20 وما يعرف يشتغل ,, تبي الناس يكدوون عليه ,, واذا قلت يمه ليش ما تشتغل ؟؟ قال أنه تعبان وقاتل 5 !! الصراحه لا أوافقك في هذه المسأله أبد

إقتباس الرسالة الأصلية كتبت بواسطة ماجد مقبل هلا وغلا بمشرفنا وقائد الفريق العالمي المنافس سابقاً منور اخوي سليمان المجلس العام بها الموضوع وها الاطلاة الجميلة التي من الواضح انها جاءت بعد تأخير وتردد عن أبي هريرة عن النبي صلى الله عليه وسلم قال‏:‏ ‏(‏قال رجل لأتصدقن الليلة بصدقة فخرج بصدقته فوضعها في يد زانية فأصبحوا يتحدثون تصدق الليلة على زانية قال اللهم لك الحمد على زانية لأتصدقن بصدقة فخرج بصدقته فوضعها في يد غني فأصبحوا يتحدثون تصدق على غني قال اللهم لك الحمد على غني لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد على زانية وعلى غني وعلى سارق فأتي فقيل له أما صدقتك فقد قبلت أما الزانية فلعلها تستعف بها عن زناها ولعل الغني يعتبر فينفق مما أعطاه الله ولعل السارق يستعف بها عن سرقته‏)‏‏ اعتقد ان هذا الحديث يجعل الانسان يتصدق دون تردد فليس هناك شيء يضيع عند الله عز وجل ,,, حقيقة يجب علينا ان لا نظلم المحتاج بسب المخادع والكاذب وعلينا ان نرأف بحال هؤلاء الضعفاء فهم اما فقراء يحتاجون صدقة او مرضى مخادعين اما ان يشفيهم الله واو ان يقعوا في شر افعالهم . شكرا اطلالتك الجميلة سليمان ورده والله يعطيك العافية ,’,’,

سليمان في المجلس العام يالله حيه اش جابك خابر الدوريات الخضر كلها اذا تعينت بقسم تلصق فيه وماتطلع وهذا خويك جاي يبغا يرجعك للعالميه

اقصر الشر وارجع للعالمية شكله ناويلك على نيه

إقتباس الرسالة الأصلية كتبت بواسطة hilalemooot وش عندك هنيّا

إقتباس الرسالة الأصلية كتبت بواسطة hilalemooot

حياك اخوي سليمان ونور المجلس العام وياهلا فيك وعذرا على المقدمه ..... لاتطالع تحت ماتقدر تحرر


موضوع في غاية الأهمية وللأمانه ان هالمواقف تحدث كثير طبعا اكيد شفت حالات طرد للشحاذين من الأسواق والمساجد ....

صدقني اي انسان مايبغا يعرض نفسه لمهانة السؤال ... ومو اي شخص بيعرض نفسه لهالموقف عشان ايش ....

اوافقك الرأي تماما ان هناك من ينظر للشحات وكأنه ابو الملايين والألوف المدسوسه ولكن هل دائما النظرة المجتمعية صحيحه ... طبعا لا

امام المسجد الذي نهر بالسائل مشهد ذكرته ويتكرر دائما ولكن مادور المثقفين واهل الدين من اهل العلم عن مثل هذه المواقف

وجهة نظري الخاصه تنص على ان كثير من ائمه المساجد فاقدي الأهلية لإمامة بيوت الله وبعضهم اخذ الإمامه بالوراثه وبعضهم ماخذها

بالواسطة عشان يترزق الله لان الإمام له راتب من الدوله عشان كذا تجد بعض التصرفات من اولئك الأئمه هي تصرفات تنم عن جهل ...

تعال معي للشحاذ نفسه كثير من هذه الحالات تحدث لكبار سن ومن النادر ان نرى شاب يشحذ وحالات المرأة ام ولد هي اكثر الحالات ...

ايام الجامعه اذكر ان احد الشيبان اعطاني ورقة فيها انه محتاج فلوس ويبي يسوي عملية ماقريتها بشكل موسع ورديت عليه بكلمه وحده

الله يرزقك ....

اللي بعدي تعرف بعض طلاب الجماعه صيع وماتربو قطع الورقه وقله رح انت كذاب ... صدقني الشايب طالع بالولد وبكى

ياشيخ لو كنت مكاني كانت قمت وصفقت الولد هذا بكف ....


اللي ابوصله لك مو بس الأئمه فيهم جهل ونظره خاطئة لاولئك الشحاذيين برضك بعض طلاب العلم وطالب جامعي بالنسبة لي انه وصل لمرحلة عليا من الثقافة والعلم والفكر ...



من مواقف المراهقه فلا تحسبها علي مرحلة الطيش الواحد مايدري عن حاله


الوالده الله يطول بعمرها دائم كانو لما يمرو عليها شحاذيين تعطيهم مائة واحيانا خمسين خمسين ..... طبعا بالنسبة لي المائة كثيرة كنت اطالع
في الوالده واقول ليه تعطينهم مائة وبحسرة احس انها لو عطتني كان ابرك وكان البيت كله مستفيد وبنعمه ... لا وودي بوقتها اعلم ابوي واقوله ترا امي ترمي بالفلوس رمي على الشحاذيين ..... بس زين وانا ماسويتها لو سويتها ممكن يجي كف على وجهي على اقل تقدير



من المواقف التي قد تكون مرت عليك سماعيا

محطات البنزين وبالذات فيه محطه على بالي دائم تحصل الشحاذيين فيها لدرجه اني اشك ان البخلاء مايعبو بنزين منها فأحيانا حركات الشباب لما الشحاته تجي تطلب ريال وريالين يطالع الشاب بالولد اللي معاها مثلا ولد عمره خمس سنوات وقال ابي الولد يبوس يدي

وامور كثيره اعتذر عن ذكرها لأسباب فسيولولوجيه وديمقراطية وديكتاتوريه



احيانا تحدث ان شخص يكون ماشي مع شخص خويه بلا فلسفه ويعطي الشحاذه مثلا هذا الخوي عشرة ريال تحصل هذاك يناقر عليه بالخط وبالمطعم وهم يتفرجون للمباريات ياخي حرام عليك تعطي الشحاذه عشرة ريال ياخي ليه تعطيها ترا لو تفتشها بتحصل معاها الوف


طيب هذي مشكلة مالحل ....

هنا السؤال الذي بودي ان نرى اجابته بعيدا عن التشخيص بلا علاج



سليمان اعتذر بقوه عن الإطالة وسامحني ياخوك تراي استرسلت ولا ادري انا طولت ولا قصرت بردي بس ان كاني طولت سامحني ...

الا على الطاري ترا لازم تلعب على مع حقين المجلس العام ترا كل شوي والثاني قالو ابو الخمسات ابو الخمسات شوفو لكم حل عاد ...

حتى المواضيع المثبته دائم القا عددها خمسه بالمجلس العام ......


سلملي على مشجعين مانشسستر وقلهم الدوري للشياطين الحمر

وسلملي على مشجعين الميلان وقلهم السنه الجاية الأبطال لنا بإذن الله


تحياتي الكبيرة وسامحنا على القصور

اخوك : ابو عبدالله

إقتباس الرسالة الأصلية كتبت بواسطة hilalemooot وش عندك هنيّا والله شف يا سليمان .. بمثل هالمواقف لا تكن ليناً فتعصر ولا قاسياً فتكسر يعني حاول ترخي شوي .. اصلا انت لما تبي تعطية شي ببالك شي واحد .. الاجر بس .. لذلك صف نيتك وخل عنك القعاطة العالم الحين مايدرون من الصادق ومن الكذاب .. والعقليات تختلف عن بعضها .. ولا تنسى الحملات و المداهمات اللي تصير على المتسولين .. ياخي غدينا مجتمع ما يهتم لهالامور ويشوف انها نصب بس خل عنك والله يااللي عندنا ارحم من مصر .. المصريين لا يطاقون .. قسم بالله مرة عطيت وحدة مصرية تشحذ ومعها ولدها 13 جنية قالت عطني زيادة انت سعودي قلت خلاص فارقي قالت يا جعلك تموت تحت آطر كبير بالمصري الله يعين .. شكراً يا زلابة

باك والله معاي ومعاك

السؤال : انت امامك مشكلة ماهي الحلول الممكنة لحل هذه المشكلات ,,, بمعنى ماهي الوسائل التي من الممكن ان نحد بواسطتها من تحجر القلوب ....


اعذرني على الاطاله الرد الاول وانا جيعان الحين مليت بطني وماني قادر اتنفس لو مو واضح السؤال برجعلك بالليل

بالنسبة لي إذا كانت هذه قسوة قلب فما أجملها من قسوة !!

منذ مايقارب الخمس سنوات تعاون جماعة المسجد في حينا لكشف ماإذا كان من يتسول محتاج أم لا فماذا تتوقع . إلى الآن لم نجد أي شخص صادق وبعضهم يهرب بعد أن كان معاقاً !!
بالنسبة للنساء التي تحمل صبي صغير وتكون جالسة أمام باب المسجد تمت متابعتهن وأكتشفنا أنهن لسن بحاجة وطبعاً لم نستطع سوى أخذ أرقام السيارات !!

ياأخي الخمسين أو المية اللي كنت بتعطيها المتسولة حطها على جنب وعطها جمعية خيرية هم يعرفون اللي محتاج صحيح .

وقرأت بعض الردود التي تعاطفت مع النساء والأطفال عند الإشارات والمساجد والحرم . انت بإعطاءك المال لهم تساعد هذه المنظمات على خطف ابناءنا وتشويههم ومن ثم تشغيلهم متسولين .

هل جربت مرة وأعطيت الطفل اللي عند الإشارة سندوتش أو أي نوع من الطعام ؟
حصل لي موقف في حي الروضة كنت طالع من مطعم وآخذ معي عشاي سندوتشات فلافل ، وصلت عند الإشارة وإذا بطفل لا يتجاوز العاشرة يطرق النافذه سألته جيعان ؟ سكت .. وعطيته السندوتش الولد من شدة الجوع ياكل بالسندوتش بشكل غير طبيعي . لحد الآن بتقولون أجل كيف تقول لنا لا نعطيهم !!
الولد وهو ياكل فجأة ارتبك وشال السندوتش بجيبه والتفت لشخص يعطيه نظرات غضب وينهره بكلمات لم اسمعها وراح يكمل يطرق النوافذ !!
الشخص هذا معاه سيارة كامري 2003 على وقتها يعني فاكها وكالة ...!!!

السؤال ليش نكون عوناً لمثل هذه المنظمات التي تمارس أعنف أنواع الإضطهاد ضد أطفال قصر وفتيات ؟ ليش نكون عوناً لمن يخطف الأطفال ويشوههم ؟


لم ولن انسى ذلك الرجل عندما أتى وفي يديه طفل معاق وتكلم بكلام أبكى جميع من كان في المسجد ودفع الكل ماجادت به انفسهم وحين أردنا الاستفسار منه رمى الطفل وهرب ..!! لم يكن الطفل ابنه بل اختطفه لكي يستجدي قلوب الناس به .

عيال الحرام ماخلوا لعيال الحلال حاجة

وآسف على الإطالة ولكن حبيت أنقل لكم تجربة كشفت لنا أننا طيبون لحد السذاجة .

شاكر لك صاحب الموضوع هذا الطرح المتميز

وتقبلوا تحياتي ،،،،

إقتباس الرسالة الأصلية كتبت بواسطة algohmani باك والله معاي ومعاك السؤال : انت امامك مشكلة ماهي الحلول الممكنة لحل هذه المشكلات ,,, بمعنى ماهي الوسائل التي من الممكن ان نحد بواسطتها من تحجر القلوب .... اعذرني على الاطاله الرد الاول وانا جيعان الحين مليت بطني وماني قادر اتنفس لو مو واضح السؤال برجعلك بالليل

إقتباس الرسالة الأصلية كتبت بواسطة alhawey وعليكم السلام والرحمه. هلا بالغالي سليمان أعتقد أن حسن الظن بمن يسأل الناس قضاء حاجته أمر مطلوب، ومع هذا اتفق مع التوجه أو القرار الذي أصدرته وزارة الشؤون الإسلامية بمنع "خطب الشحاذه" في المساجد، ولكن ينبغي على الإمام أو المؤذن تفعيل هذا القرار بحكمة ولطف ولين.. أتصور غالباً أن أكثر الناس حاجة أكثرهم حياءً.. شكراً يا غالي

نعم للسعادة ثمن .. ولكنه بسيط

جعفر عباس كتبت بالأمس عن المزارع الاسكتلندي فليمنغ، الذي أنقذ صبيا من الغرق فكافأه والد الصبي بأن ألحق ابنه بمدرسة خاصة على نفقته، وتفوق الفتى وصار طبيبا.. هو الكساندر فليمنغ مكتشف البنسلين.. نعم هو الرجل الذي حول العفن والفطر إلى عقار سحري أنقذ مئات الملايين من الأرواح، وكان الشاهد في القصة ان المعروف والجميل لا يضيعان لأن النفس البشرية مجبولة على عمل الخير، وقلة من البشر هي التي تقابل الصنيع الجميل بالنكران والجحود.. لا أفتأ أكتب عن إعجابي اللامحدود بصاحب شركة مايكروسوفت بيل جيتس، ليس لأنه غني، وقد يسمع بإشادتي به ويوصي لي بواحد على الألف من ثروته (أي بضع مئات الملايين)، ولكن لأنه قرر ترك وظيفته في الشركة بعد أشهر قليلة، والتفرغ لمكافحة الفقر والمرض والجهل في افريقيا وآسيا، خصص لهذا الغرض 29 مليار دولار من ثروته الخاصة.. ولكن وارين بافيت كبر في في نظري لأنه برغم انه ملياردير من الوزن الثقيل، لم يتردد في التبرع بـ 31 مليار دولار لبيل جيتس.. ملياردير يتبرع لملياردير؟ يا للهول.. فعلها بافيت لأنه يعرف ان مؤسسة جيتس الخيرية تقوم بعمل نبيل، فقرر ان يهبه ذلك المبلغ الضخم وكله ثقة في أن جيتس سيستخدمه لما فيه خير البشرية.. وبالمقابل فإن بعض الأغنياء عندنا لا يتبرعون بمليم نحاسي حتى لشخص يتوقف شفاؤه من مرض عضال على بضعة ملاليم ما لم تكن الكاميرات حاضرة. البروفيسورة اليزابيث دان من جامعة بريتش كولمبيا الكندية والدكتور مايكل نورتن من جامعة هارفارد الأمريكية أجريا دراسة مطولة عن الناس والثراء والسعادة، وبعد استطلاعات شملت عشرات الآلاف استنتجا أن غالبية الناس تجد سعادة في العطاء اكثر من السعادة في اكتناز المال.. فالإنسان يسعد بالمال في بادئ الأمر ولكن ما ان تتوافر لديه أساسيات الحياة حتى يفقد المال كونه عنصر «إسعاد«.. بعبارة أخرى فإن غالبية الناس تسعد بتقديم التبرع او العون المادي ولو كان ضئيلا لآخرين.. شخصيا لا أملك من المال ما يجعلني في وضع أحل فيه مشكلات الآخرين، ولكنني أسعد كثيرا بجمع ملابس أفراد أسرتي وتقديمها لجمعيات رعاية الأيتام في الدول الفقيرة.. وتزداد سعادتي عندما أغافل ولدي وأحشر بين تلك الملابس قميصا جديدا له، أو حذاء رياضيا من نايكي او أديداس اشتراه من وراء ظهري بابتزاز أمه عاطفيا.. أتخيل صبيا في مثل سنه في الصومال او دارفور صار ذلك الحذاء من نصيبه فينام من فرط فرحته به وهو يحتضنه... وأتذكر كيف أنني على عهد الطفولة فشلت في ذات عيد في الحصول على حذاء يناسب مقاس قدمي، ولما بكيت عرض التاجر ان استأجر حذاء أصغر من قدمي قليلا بمبلغ بسيط على أن أعيده على حالته الأصلية وقضيت يوم العيد حاملا الحذاء في يدي كي لا يتسخ.. كنت سعيدا فـ«المهم« أن يراني بقية الصبية بحذاء جديد ولو ليوم واحد. . . اعذرني ع المرور المتواضع :: فتّكـ بـ ع ـافيـة ::

.

.


مرحبآ سليمان حيآك الله



فئة تخرب على فئه .. يمكن بعض المتسولين يكونون فعلا بـ حاجه ماسه للمال ولكن الشخص
يمتنع عن اعطائهم لأنه سمع انهم قبضوآ على متسول يكتنز الملايين من هذه المهنه


لكن أحنا نسوي اللي علينا .. والله العظيم نخآف ربي يعاقبنا على قلوبنا اللي ما تحس ولا ترحم ولا تتألم لـ مثل هذي المناظر ..


الرسول صلى الله عليه وسلم يقول ( إنما الأعمال بالنيات وإنما لكل أمرئ ما نوى )
على اساس هذه القاعده نحن نعمل ونجتهد أما الأجر فمن الله هو أعلم بنية المرء ..


بعضنا على اتم الاستعداد ان يشتري جوال بـ ألفين او اكثر بينما يمتنع عن إعطاء
ريال واحد للمحتاج

ليتها جات على كذا وبس .. بعضهم للأسف يحرضون الناس على كف الصدقات عن هؤلاء
التسولين بـ حجة أنهم ( حراميه ) ؟؟؟

إلى أين سنصل بعد هذا ..!


شكرآ لك اخي سليمان على هـ الموضوع اللي بـ إذن الله يحرّك القلوب القاسيه


مع التحيه

وعليكم السلام ورحمة الله وبركاته .. ورده


مرحبــآ بك وبمــآ كتبت .. ورده


موضوع هؤلآء المسآكين يؤرقني ..

بجد أتعب من التفكير فيه ..

هالناس اللي يمرون من عندهم ولا يتصدقون عليهم ..

وش سالفتهم نفسي أعرف بالضبط ..

يعني بالله عليكم يالبخيلين بيجي هالشخص وبيتمرمط في هالشموس والقوايل عشآآن يستهبل ..

..

وربي يكسرووووووون الخآطر ..

الله يرزقهم ويسخر لهم خلقه ..


..


.


S U L A I M A N .. ورده


تسلم والله على مثل هاللفته الكريمة ..

جزاك الله خير ..

الله يوفقكـ ويسعدكـ ..



لكـ ورده ..