#1  
قديم 10/04/2008, 12:06 PM
زعيــم متواصــل
تاريخ التسجيل: 17/11/2006
المكان: الرياض
مشاركات: 193
× ... يوم القيامه لا تقول افزعولي ... ×

السلام عليكم ورحمة الله وبركاته



ياهيه ياللي شاقي(ن) بأمر دنياك
وقف دقايق واستمع وش نقولي
من قبل لا تارد على حوض الأدراك
نصيحة(ن) لهل الشيم والعقولي
دنياك لو زانت نهارين تجفاك
وياسرع من عقب الطلوع النزولي
اغنم شبابك واعمل بكل ماجاك
مادمت بالدنيا تصول وتجولي
أد الصلاة وزك مالك بيمناك
وصوم رمضان وحج فرضك تنولي
باكر اليا من مت واغمضت عيناك
وجابوك ربعك للصلاة محمولي
تفنى ويبقى لك مع الناس ذكراك
وتبقى فعولك ياعطيب الفعولي
يوم القيامه جملة الخلق تنساك
يوم القيامه لا تقول افزعولي
كلن نهار الحشر لو صحت مااوحاك
كلن على راسه يشيل الحمولي
وذي عادة الدنيا ولا هيب تخفاك
الدايم الله والخلايق تزولي
تراه ماينفعك لا ذا ولا ذاك
وانصحك جود مايقول الرسولي
ترى محمد صفوة الخلق ناداك
وعطاك من زين الحكم والحلولي
حنا خلقنا بالزمن رب الأفلاك
لجل العبادة بين فعل(ن) وقولي
اليوم جونا الغرب منا ومناك
طبايع(ن) منها الظماير تهولي
لكن جنب دربهم لا عدمناك
لا تصير دحش(ن) بالحياة مهبولي
تراك لا رافقت لك حي(ن) احياك
يدي حقوق الله بعرض(ن) وطولي
احرص عليه وخوته لا تعداك
وقله ميولك راكب(ن) مع ميولي
وحذراك عن رفقة هل الشر حذراك
جنب وخلك ماشين بالأصولي
من شان اصفق لك اليا حل طرياك
وافخر بمعرفتك واجلسك حولي





الشااعر ماجد الحميد





منقول
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:28 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube