نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شعولي الهلاليه · #1 10/04/2008, 12:06 PM

السلام عليكم ورحمة الله وبركاته

ياهيه ياللي شاقي(ن) بأمر دنياك
وقف دقايق واستمع وش نقولي
من قبل لا تارد على حوض الأدراك
نصيحة(ن) لهل الشيم والعقولي
دنياك لو زانت نهارين تجفاك
وياسرع من عقب الطلوع النزولي
اغنم شبابك واعمل بكل ماجاك
مادمت بالدنيا تصول وتجولي
أد الصلاة وزك مالك بيمناك
وصوم رمضان وحج فرضك تنولي
باكر اليا من مت واغمضت عيناك
وجابوك ربعك للصلاة محمولي
تفنى ويبقى لك مع الناس ذكراك
وتبقى فعولك ياعطيب الفعولي
يوم القيامه جملة الخلق تنساك
يوم القيامه لا تقول افزعولي
كلن نهار الحشر لو صحت مااوحاك
كلن على راسه يشيل الحمولي
وذي عادة الدنيا ولا هيب تخفاك
الدايم الله والخلايق تزولي
تراه ماينفعك لا ذا ولا ذاك
وانصحك جود مايقول الرسولي
ترى محمد صفوة الخلق ناداك
وعطاك من زين الحكم والحلولي
حنا خلقنا بالزمن رب الأفلاك
لجل العبادة بين فعل(ن) وقولي
اليوم جونا الغرب منا ومناك
طبايع(ن) منها الظماير تهولي
لكن جنب دربهم لا عدمناك
لا تصير دحش(ن) بالحياة مهبولي
تراك لا رافقت لك حي(ن) احياك
يدي حقوق الله بعرض(ن) وطولي
احرص عليه وخوته لا تعداك
وقله ميولك راكب(ن) مع ميولي
وحذراك عن رفقة هل الشر حذراك
جنب وخلك ماشين بالأصولي
من شان اصفق لك اليا حل طرياك
وافخر بمعرفتك واجلسك حولي

الشااعر ماجد الحميد

منقول