--------------------------------------------------------------------------------

سعر الاونصه 1011.20$

يعني

سعر الغرام

حسب البيع بالسوق وصل إلى 121.32 ريال

الاونصة تساوي

28.34 بالتحويل

لكن على ما اعرفه أن تجار الذهب يحولون الاونصه على 31 غرام


&& التعليق &&

مع أرتفاع الذهب راحوا فيها وطي الي يبون يعرسون بالصيف القادم والي يبي يقدم مهر للحبيبه .

تجربة أحد زملائي أعجبتني ،،، وأنقلها لكم لعل احدكم يستفيد منها ،،،

الرجال راح يدور ذهب هو وامه واخته ،،، رايح وحاط بباله ذهب طقمين بحدود 12 ألف ريال وساعه مثل العاده عندنا هنا يالقصمان .وأبو الشباب توهق الذهب طاير فوق ،،، والي يجمل سعره غالي ،،، فأقترحته أخته عليه ،، وقالت وش رأيك يا فلان تقدم الشبكة (( كاش )) وزوجتك تتصرف فيه ،، هو أعجبته الفكرة وكلمة أخته خطيبته وقالت أوكي ،،،و قدم 18 ألف ريال وأفتك من هم الشبكة .

$$$$ لان سعر الذهب الحالي الي كنت تاخذ 6 وسبعه الحين ما تلسه بأقل من 9 او 10 $$$$$

مايبي لها كلام مالنا الا اكسسورات ابو ريالين

(خمسين حرف)

ألحين بالرياض ما عاد يعترفون بالذهب سلمك الله

ما عاد فيه إلا ألماس

غير الألماس ينقدون عليك

إقتباس الرسالة الأصلية كتبت بواسطة كلي هلالي مايبي لها كلام مالنا الا اكسسورات ابو ريالين (خمسين حرف)

امممممممممممممممممممممممم ، أكسوارات صعبة شوي ،،،

تدري خلها ذهب مقلد أرحم .

إقتباس الرسالة الأصلية كتبت بواسطة مواصل من عام 1413هـ ألحين بالرياض ما عاد يعترفون بالذهب سلمك الله ما عاد فيه إلا ألماس غير الألماس ينقدون عليك

هههههههههههههههههههههههههههه ،

ألماس يبطون عظم ،،، ذهب والحمد الله ،، الناس تبي تستر بناتها وهذولي يقولون ألماس .

ما عندي مانع أجيب لها طقم الماس ،، اذا كان رصيدي فوق 300.000 الف

وعندي شقة ملك مو بيت ملك ،،، هذاك الوقت اجيب لها الي تبي .

إقتباس الرسالة الأصلية كتبت بواسطة عاشق الفيلسوف 15 هههههههههههههههههههههههههههه ، ألماس يبطون عظم ،،، ذهب والحمد الله ،، الناس تبي تستر بناتها وهذولي يقولون ألماس . ما عندي مانع أجيب لها طقم الماس ،، اذا كان رصيدي فوق 300.000 الف وعندي شقة ملك مو بيت ملك ،،، هذاك الوقت اجيب لها الي تبي .

وإنت بتشتري ألماس ب 100 ألف

سعر الألماس الحين الظاهر أرخص من الذهب

فيه أطقم ألماس على ما أظن بـ 20 ألف

الله يعينك إذا بتعرس ما عنك وعن الـ 20 شبكه

اللي فاقع مرارتي إن المدام بتلبسها ثلات مرات وتسحب عليه
طيب ليه البنت ما تراعي شعور العيال وترخص وتآخذ شبكتها من محلات أبوريالين

إقتباس مع أرتفاع الذهب راحوا فيها وطي الي يبون يعرسون بالصيف القادم والي يبي يقدم مهر للحبيبه .

جبتها على الجرح وكنك ما دريت

الله يعين بس

سعر الذهب صار شيء خيالي

لا وارتفاعة اكثر من كذا مو مستغرب في ظل الوضع الاقتصادي الغير مستقر وخاصة سعر الدولار

أعطيها كاش ثم تروح خطيبتي تلقى الذهب نااار وش بتقول ؟
بتقول هذا القعيطي عطاني الفلوس يبي ينحاش من الزياده في السعر
يعني كذا والا كذا بتوهق

لكن انا اشوف اني اعيش عزابي لين ربك يفرجها < وش اسوي اتوهق في الديون على شان اتزوج لا معصي < طيب وراك معصب

مواصل من عام 1413هـ

إقتباس وإنت بتشتري ألماس ب 100 ألف سعر الألماس الحين الظاهر أرخص من الذهب

على يدك دلنا على المحل الي يبيعي ألماس بأرخص من الذهب .

إقتباس فيه أطقم ألماس على ما أظن بـ 20 ألف

مو مشكلة السعر المشلة أن الشكل ما صار مثل السعر .

إقتباس الله يعينك إذا بتعرس ما عنك وعن الـ 20 شبكه

أخوي مواصل مو السالفة عندك والا مو عندك ،،، الحمد الله كل شي متوفر ،،، بس القهر أنك تدفع شي ما يستاهل ولا يجملك عن الناس .

إقتباس اللي فاقع مرارتي إن المدام بتلبسها ثلات مرات وتسحب عليه

يا حبيبي أقل شي الذهب مافيه خساره يعني سعر فيه ،،، بس المشكلة بملابسهم وفستان العرس والتجهيز ،، حتى البنات بصراحه مظلومات ،،، بالامس كنت باحد المجعات وربي ملابس ما تستاهل قيمتها ،،، شي عادي وتي شيرتات على 400 ،،، 500 ملابس ما تستاهل ولا نص قيمتها .

إقتباس طيب ليه البنت ما تراعي شعور العيال وترخص وتآخذ شبكتها من محلات أبوريالين

والله بيني وبينك صعب أنها تراعي ،،، لانها فرحه ومره وحده بالعمر وعلى قولتهم ليلة العمر
ممديها على التضحيات والله ياهي بتضحي لين تمل وتتعود .

إقتباس مطيع الهميمي

إقتباس جبتها على الجرح وكنك ما دريت الله يعين بس سعر الذهب صار شيء خيالي لا وارتفاعة اكثر من كذا مو مستغرب في ظل الوضع الاقتصادي الغير مستقر وخاصة سعر الدولار

لا تشكي ولا أشيكلك الحال من بعضه ،،، ويمدحون سامبا نسبة المرابحة 3.5 % وربك يعين .



[QUOTE]S K Y
أعطيها كاش ثم تروح خطيبتي تلقى الذهب نااار وش بتقول ؟
بتقول هذا القعيطي عطاني الفلوس يبي ينحاش من الزياده في السعر
يعني كذا والا كذا بتوهق[/QUOTE]

أخوي سكاي وش أحسن تروح هي وتشوف السعر ،،، احسن من انها تجيب لها طقم بمبلغ وقدره 15 الف ريال ،، ويقولون هذا بحدود 5 أو 6 الاف ريال ،
ولازلت من المؤيدين لفكرة أني أعطيها 20.000 وهي تدبر نفسها بالمبلغ ،،، ويمكن ما تشتري ذهب لانها تشبع هدايا ذهب .

إقتباس لكن انا اشوف اني اعيش عزابي لين ربك يفرجها < وش اسوي اتوهق في الديون على شان اتزوج لا معصي < طيب وراك معصب

امممممممممممممممممم الديون فيك فيك ،،، صرنا مثل الكويتين ،،، الديون ورانا ورانا ،،،

والدين والزوجه شر لابد منهم أمزح ،،، الزوجه هي الحنان والدلع والرومنسية <<< (( يرقع ))

إقتباس باسكن روبنز :

لو سمحت توفي وكثر اللوز

إقتباس بصراحه انا ماحب الذهب ولا اعترف فيه

ما ألومك اكيد ما تحبين الذهب ،،، تحبين باسكن روبنز

إقتباس الالماس يمكن << بنت الوليد افضل البس اكسسوارات ..

والله التناقض ما عندك حل وسط يا ألماس يا أكسوارات . يا حبيلك ياباسكن ،،،

بس من جوابك عرفت أنك بس تسمعين بالماس ولا قدر جربيته ،،، لان الي يشتري بي ام مستحيل يركب ددسن ،،، وعلى ذلك قسيها أنتي .

إقتباس ساعات ماركه ..

يموت بشي أسمه ساعات ماركة ،،، وأقدر الشنط النسائية الماركة . (( اتفق معك ))

اقول يازين الذهب الفرنسي

..................................

إقتباس الرسالة الأصلية كتبت بواسطة ابوري 1 اقول يازين الذهب الفرنسي ..................................

وشو هالذهب الفرنسي دلنا عليه

وعطنا التفاصيل لا هنت .

فيه عجوز بسوق الحريم تبيع اكسسوارات على ريالين

عاد يوم ارتفعن الاسعار رفعتهن لريالين ونص .. لا وبعد تبيع جنبهن كراث وكليجا ... أحسن هدايا يصلحن للعرسان

خخخخخخخخ

والله صدق الله يعين اللى بيعرسون بس الصراحة فكرتك حلووووة يعنى 20000 او 25000 تقوم بالواجب

والله يزيدنا من فضله

يعني الزواج صارت شغلة معقدة

يعني اللي يتزوج معجزة

اقول خليني عزاااااااااااااابي بلازواج بلا وحع رأس
والاخ الي يقول الموضة صارت ألماس حطمني

يعني

ولا بلاش

إقتباس الرسالة الأصلية كتبت بواسطة وهم الاماكن والاخ الي يقول الموضة صارت ألماس حطمني

إذا أنت ساكن بالرياض من ألحين أقولها لك راحت عليك
البنات ما عاد يقبلون بالذهب
ولو تجيب ذهب ينقدون عليك
المشكله الألماس بعد ما تشتريه ما يكون له قيمه إذا جيت تبيعه
مو مثل الذهب تقدر تبيعه ولو بتخسر فيه المدام بتخسر نسبه بسيطه
أو بتربح إذا إرتفع سعر الذهب

كل ما رجينا إن الأوضاع بتتحسن صار العكس وزاد الغلا
وراحت علينا يالعيال