إرتفاع سعر الذهب &&& والحل
 

--------------------------------------------------------------------------------

سعر الاونصه 1011.20$

يعني

سعر الغرام

حسب البيع بالسوق وصل إلى 121.32 ريال

الاونصة تساوي

28.34 بالتحويل

لكن على ما اعرفه أن تجار الذهب يحولون الاونصه على 31 غرام


&& التعليق &&

مع أرتفاع الذهب راحوا فيها وطي:bangin::bangin::bangin: الي يبون يعرسون بالصيف القادم والي يبي يقدم مهر للحبيبهs51ss51s:smilie47: .

تجربة أحد زملائي أعجبتني ،،، وأنقلها لكم لعل احدكم يستفيد منها ،،،

الرجال راح يدور ذهب هو وامه واخته ،،، رايح وحاط بباله ذهب طقمين بحدود 12 ألف ريال وساعه مثل العاده عندنا هنا يالقصمان .وأبو الشباب توهق الذهب طاير فوق:bigeek::bigeek: ،،، والي يجمل سعره غالي ،،، فأقترحته أخته عليه ،، وقالت وش رأيك يا فلان تقدم الشبكة (( كاش )) وزوجتك تتصرف فيه ،، هو أعجبته الفكرة وكلمة أخته خطيبته وقالت أوكي ،،،و قدم 18 ألف ريال وأفتك من هم الشبكة .

$$$$ لان سعر الذهب الحالي الي كنت تاخذ 6 وسبعه الحين ما تلسه بأقل من 9 او 10 $$$$$

مايبي لها كلام مالنا الا اكسسورات ابو ريالين :d

(خمسين حرف) :naughty:

ألحين بالرياض ما عاد يعترفون بالذهب سلمك الله

ما عاد فيه إلا ألماس

غير الألماس ينقدون عليك

امممممممممممممممممممممممم ، أكسوارات صعبة شوي ،،،

تدري خلها ذهب مقلد أرحم .

هههههههههههههههههههههههههههه ،

ألماس يبطون عظم ،،، ذهب والحمد الله ،، الناس تبي تستر بناتها وهذولي يقولون ألماس .

ما عندي مانع أجيب لها طقم الماس ،، اذا كان رصيدي فوق 300.000 الف

وعندي شقة ملك مو بيت ملك ،،، هذاك الوقت اجيب لها الي تبي .

وإنت بتشتري ألماس ب 100 ألف :d

سعر الألماس الحين الظاهر أرخص من الذهب :d

فيه أطقم ألماس على ما أظن بـ 20 ألف

الله يعينك إذا بتعرس ما عنك وعن الـ 20 شبكه :d

اللي فاقع مرارتي إن المدام بتلبسها ثلات مرات وتسحب عليه :d
طيب ليه البنت ما تراعي شعور العيال وترخص وتآخذ شبكتها من محلات أبوريالين :d

جبتها على الجرح وكنك ما دريت

الله يعين بس

سعر الذهب صار شيء خيالي

لا وارتفاعة اكثر من كذا مو مستغرب في ظل الوضع الاقتصادي الغير مستقر وخاصة سعر الدولار

أعطيها كاش ثم تروح خطيبتي تلقى الذهب نااار وش بتقول ؟
بتقول هذا القعيطي عطاني الفلوس يبي ينحاش من الزياده في السعر
يعني كذا والا كذا بتوهق

لكن انا اشوف اني اعيش عزابي لين ربك يفرجها < وش اسوي اتوهق في الديون على شان اتزوج لا معصي < طيب وراك معصب

مواصل من عام 1413هـ

على يدك دلنا على المحل الي يبيعي ألماس بأرخص من الذهب .


مو مشكلة السعر المشلة أن الشكل ما صار مثل السعر .


أخوي مواصل مو السالفة عندك والا مو عندك ،،، الحمد الله كل شي متوفر ،،، بس القهر أنك تدفع شي ما يستاهل ولا يجملك عن الناس .


يا حبيبي أقل شي الذهب مافيه خساره يعني سعر فيه ،،، بس المشكلة بملابسهم وفستان العرس والتجهيز ،، حتى البنات بصراحه مظلومات ،،، بالامس كنت باحد المجعات وربي ملابس ما تستاهل قيمتها ،،، شي عادي وتي شيرتات على 400 ،،، 500 ملابس ما تستاهل ولا نص قيمتها .



والله بيني وبينك صعب أنها تراعي ،،، لانها فرحه ومره وحده بالعمر وعلى قولتهم ليلة العمر
ممديها على التضحيات :d:d:d والله ياهي بتضحي لين تمل :d:d وتتعود :clapping:.

إقتباس:

مطيع الهميمي

لا تشكي ولا أشيكلك الحال من بعضه ،،، ويمدحون سامبا نسبة المرابحة 3.5 % وربك يعين .



[QUOTE]S K Y
أعطيها كاش ثم تروح خطيبتي تلقى الذهب نااار وش بتقول ؟
بتقول هذا القعيطي عطاني الفلوس يبي ينحاش من الزياده في السعر
يعني كذا والا كذا بتوهق[/QUOTE]

أخوي سكاي وش أحسن تروح هي وتشوف السعر ،،، احسن من انها تجيب لها طقم بمبلغ وقدره 15 الف ريال ،، ويقولون هذا بحدود 5 أو 6 الاف ريال ،
ولازلت من المؤيدين لفكرة أني أعطيها 20.000 وهي تدبر نفسها بالمبلغ ،،، ويمكن ما تشتري ذهب لانها تشبع هدايا ذهب .


امممممممممممممممممم الديون فيك فيك ،،، صرنا مثل الكويتين ،،، الديون ورانا ورانا ،،،

والدين والزوجه شر لابد منهم :d:d:d أمزح ،،، الزوجه هي الحنان والدلع والرومنسية :smilie47: <<< (( يرقع ))

إقتباس:

باسكن روبنز :

لو سمحت توفي وكثر اللوز :d:d:d

ما ألومك اكيد ما تحبين الذهب ،،، تحبين باسكن روبنز :d:d:d

والله التناقض :d:d ما عندك حل وسط يا ألماس يا أكسوارات . يا حبيلك ياباسكن ،،،

بس من جوابك عرفت أنك بس تسمعين بالماس ولا قدر جربيته ،،، لان الي يشتري بي ام مستحيل يركب ددسن ،،، وعلى ذلك قسيها أنتي .


يموت بشي أسمه ساعات ماركة ،،، وأقدر الشنط النسائية الماركة . (( اتفق معك ))

اقول يازين الذهب الفرنسي

..................................

وشو هالذهب الفرنسي دلنا عليه :naughty::naughty:

وعطنا التفاصيل لا هنت .

فيه عجوز بسوق الحريم تبيع اكسسوارات على ريالين

عاد يوم ارتفعن الاسعار رفعتهن لريالين ونص .. لا وبعد تبيع جنبهن كراث وكليجا ... أحسن هدايا يصلحن للعرسان

خخخخخخخخ

والله صدق الله يعين اللى بيعرسون بس الصراحة فكرتك حلووووة يعنى 20000 او 25000 تقوم بالواجب

والله يزيدنا من فضله

يعني الزواج صارت شغلة معقدة

يعني اللي يتزوج معجزة

اقول خليني عزاااااااااااااابي بلازواج بلا وحع رأس
والاخ الي يقول الموضة صارت ألماس حطمني

يعني

ولا بلاش

إذا أنت ساكن بالرياض من ألحين أقولها لك راحت عليك :d
البنات ما عاد يقبلون بالذهب
ولو تجيب ذهب ينقدون عليك
المشكله الألماس بعد ما تشتريه ما يكون له قيمه إذا جيت تبيعه
مو مثل الذهب تقدر تبيعه ولو بتخسر فيه المدام بتخسر نسبه بسيطه
أو بتربح إذا إرتفع سعر الذهب :d

كل ما رجينا إن الأوضاع بتتحسن صار العكس وزاد الغلا
وراحت علينا يالعيال