والله شي عجيب

الحين الجزيرة طلعت تحارب الهلال؟؟؟؟؟؟؟؟

ياللي تسبون جريدة الجزيرة الظاهر أنكم توكم صغار في السن

جريدة الجزيرة جريدة مرموقة وهي منبر الهلال وهي المدافع الأول عن قضاياه

وبعدين فيه واحد مسميها الخنزيرة ومن هالمسمى تبين ميوله والله لو يكتب مهوب الشلهوب لو يصور معه

ما يشيل فكرة أنه مندس من بالي

على العموم في جماهيرمع الخيل ياشقراء

ومحمد بن فيصل له أخطاء كثير وإذا كان مايبي الانتقاد وبيان الأخطاء عليه العمل ثم العمل ثم العمل لتلافي الأخطاء

وترك التصاريح اللي مالها داعي مع احترامي له

وللي يسب الجزيرة أقول الجزيرة أكبر من أن أي واحد يهاجمها

؟؟؟؟؟؟؟؟؟؟؟؟؟؟؟

اللي اعرفه ان الجزيره هلاليه بحت..!

اذا كان محمد بن فيصل يقصد احمد العجلان فهو صادق ميه بالميه

وايضا فعلا الجزيره عندما تكون منبر للهلال وعلى حد قوله هي خربت علاقة الهلال بالانديه الاخرى

فهي ترد على صحف اخرى لكتاب ينتمون للاندية الاخرى مثل الرياضي وغيرها

ارجع واقول مشكلة الرياضه السعوديه بالصحافه المقروئه وليست المرئية بصراحه فيها صحفيين

ما ندري وش يبون بالضبط على رغم حداثة عهدهم بالصحافه ....... يعني بأختصار خربوا وشحنوا

كل منتمي لنادي حتى لو كانت المباراة ما تعني الا 3 نقاط ..

تحياتي للجميع

تهجم على الجزيره لأنها من أكثر الجرايد
التي يقرأها الهلاليين ووجود كاتب أو إثنين
من الذين يقصدهم أبو سلطان فهذا أكيد خطر على الهلال ..

الامير محمد بن فيصل ما اظنه يقصد هجوم ولا عداوه ..
لا المقصد الهلال يمر في مرحلة حساسه في كأس ولي العهد والاشاعات مالها داعي علشان ماتأثر باللعيبه...
وهو المفروض مايرد ولو كانوا هاجموه شخصيا لانه اعلى منهم ..والناجح يركل من الخلف..


نصيحة : خالف تعرف... هذا منهج اكثر الصحفيين في دول الخليج... فعلشان كذا لاتعطونهم وجه..

ابو سلطان صادق بكلامه
في الاوقات الحساسه تطلعلنا هالجريده باخبار قصدها زعزعة الهلال

هو يقصد بعض الكتاب
محمد بن فيصل

أبو سلطان صادق في كلامه فالبزر المسمى أحمد العجلان ..


زودها مسوي ان عنده سالفه وهو من جنبها ..


الجزيره لها احترامها .. وكتابها نحترمهم .. مثل الهويريني والسليمان .. لكن ليس معنى هذا أن لاننتقد أسلوبها في محاولة زعزعة الفريق .. والتي لاندري ماأسبابها ..؟؟؟؟

يقصد المراهق احمد العجلان اللى ما ادرى كيف يعطزنه مساحه اكبر منه

باختصار
تبقى جريدة الجزيرة شريكة الهلال في بطولاته
والجزيرة همها الاول الكيان الهلالي
ولذلك تطرح سلبيات الامير محمد بن فيصل بعكس جرائد اخرى يصرف رواتبهم رئس النادي
وصدقوني الجزيرة ................ تبقى جريدة الهلاليين

والله جريده الجزيره معروفه بهلاليته لاكن متاكدين انه كان يقصدها

إقتباس الرسالة الأصلية كتبت بواسطة حبك حلو يا هلال بالعكس اشوف الجزيره هي منبر الهلال انا استغرب التهجم على الجزيرة ليه ما يتهجم على جريدة شمس او الرياضي ليه ما تهجم على جريدة عكاظ يوم اذكرت ان الدعيع يجتمع مع الاعبيين للاطاحه بالمدرب الجزيرة تكفيك و هي صوت الهلال

نعـــم الجزيره هي الداعم الأول للزعيـــم
وهي المنبر الإعلامي الأقوى والأبرع للدفاع عن الزعيم

ياأخي فيه جماهير مع الخيل ياشقراء

إذا مدحوا الناس مدحوا مثلهم وإذا سبوا بعد معهم

وياسرع مانسوا جمايل الجزيره

بعض الكتاب مثل بعض الجمهور.............بل هم جمهور قبل مايصيرون كتاب............

ليسوا جمهور هلال بقدر ماهم نجوم لاعبين...............ومن اجل لاعب نجم يحبه ذاك الصحفي لايهمه أمر الهلال.....