الي سبب هالشي المخدرات الي جت من الفقر الى جا من الفراغ الى جا من (عدم وجود وظائف)

مشكور على الموضوع المفيد والحساس

وعليكم السلام والرحمهـ ..

هلا بــ عميدنا

قصم قصمات اني تعبانهـ ولا لي خلق أرد بس قلت دام العميد كاتب خلوني أسجل دخول وأرد عليهـ


ياعمري يا أنا لي 3 أيام بفراشي تعبانهـ بس أصحى آكل علاج وأرجع أنام

بس تو نشطت شوي قلت اجي اتطمن عليكم
خابرتكم ماتخلون لحالكم

<< أدري ان كل واحد لو عندهـ هالحين زبيريهـ كان لخها براسي على طول من كثر قرقي

//
\\
//

إقتباس الرسالة الأصلية كتبت بواسطة صدى الامس احد الاخوان ينقل سالفة عن ولد عمه .. اللي سرقت سيارته من قدام بيته واول ما بلغ الشرطة .. قال اني اشك انهم ارهابيين ..! لاني من يومين وانا اشوف شخصين يدورون بالحارة واشكالهم من الارهابيين ..! حبيت ابلغكم عشان اذا صار شي ابري ذمتي ..! وشكلهم ناوين فيها عمليه والا شي ..! ما كمل على بلاغه 4 ساعات الا الشرطة متصلين عليه يقولون له لقينا سيارتك ..!! وهو من الاساس ما يدري من سرقها ولا شي ..! بس حب انهم يلقونها بأسرع وقت ..! يعني لازم نبلغ عن اي سرقة ونقول ارهابي عشان يجيبون لنا السيارة ؟؟!!

ههههههههههههههههههههههههههههههههههـ
هذي ضحكت عليها بقووووووووووة

عاد مزكمهـ وتضحكـ كيف الصوت بيكون

بس جد ضحكـ على حزن على هالحالهـ اللي فيها ..
مو معقولهـ اللي يصير بدأ الواحد يخاف يطلع أي مكان ..

//
\\
//

وبمناسبة اني تكلفت وسجلت دخول خذ هالسالفه مني

موظف يشتغل بالامارهـ بيطلع ياخذ حاجهـ من سيارتهـ اللي بالمواقف
وهو خارج لقى واحد واقف يفكـ كفرات سيارتهـ

قال لهـ : وش تسوي..!!
قال: اللي تشوف << بجيييييييييييييح
قال : طيب هذي سيارتي
قال : أدري <<
قال لهـ : طيب هالحين لو اخذتها وش بتسوي فيها بتبيعها صح ..!! أنا بعطيكـ قيمتها بس ارجع وربط الكفرات << هي كذا أنا اذكر انهـ ماقال ربط الكفرات قال ربط شيء ثاني بس أنا مدري وشو
قال :ابشر
ورجع وربط كل شيء وأخذ الفلوس باردهـ مبردهـ وطلع

باللهِ فيهـ بجاحهـ اكثر من كذا
يسرق من مواقف الامارهـ
وعرفهـ صاحب السيارهـ .. ولا هج ولا شيء
ويأخذ فلوس بكل برووووووووووود

إقتباس الرسالة الأصلية كتبت بواسطة صدى الامس احد يبي يعترض ؟؟! انا احب نفسي وبحط لي قلب ؟؟!!

عادي
أنت ما سويت شيء
وما أحد معترض

وأنت أحسن من اللي يكتب :

I lOvE mE

كلامك سليم 100% قبل كم سنه كنا لا نسمع عن هذه السرقات ولا هذه الإحصائيات
المخيفة لكن الآن ومع الألفية الجديدة كل شيء تغير حتى النفوس والضمائر
وكل هذا من أجل المال والكسب السريع
لا حول ولا قوة إلا بالله

نسأل الله العفو والعافية والستر بهالدنيا ويبعدنا عن الحرام

//
//


ما شاء الله تبارك الله . . عميدنا أخيرآ فكر أنه يجي و يسير علينا بعد طول غياب . .

ولا وبعد الله من زين الوقت إلي مسير علينا فيه . . الساعة 8 : 03 الفجر . .

. .

بس عاد وش سالفتكم أنت و فرصة ضايعة . . كلكم طولتوا الغيبة ثمن جيتوا لنا

بموضوع عن السرقات . .

لا يكون بس أنت خال فرصة ضايعة ؟؟ >> ( الخال هو هو أخ الأم )

. .

لا من جد السرقات صارت كاثرة هاليومين حسب كلام الناس . .

بس حنا أشوى و لله الحمد ما حصلنا شيء

. .

إقتباس السلام عليكم

وعليكم السلام ورحمة الله وبركاتة >> بدري .. بعد كل هالمقدمة توه فكر يرد السلام


. .

إقتباس مسألة انه يكون عدد من السرقات في مختلف المدن .. نقول شي طبيعي ..! اصابع يدك مهيب سوا .. وكل شعب فيه الخير وفيه السافل ..! لكن مسألة ان السرقات تكون بشكل كبير وفي كل المدن ومن مختلف الاعمار والجنسيات ؟!! وما شفنا حل ولا شي ؟؟!! هنا اكبر مشكلة ؟!

الحل و أنا أخوك بسيط و لا يبغالة إختراع صاروخ . .

. . شغل السيف . . وقطع من اليدين . .

وخل هالحرامية يعرفون أن الله حق . .


. .

إقتباس حوادث السرقة انتشرت بشكل كبير .. سرقة السيارات المحلات الجوالات وغيره وغيره ..!! الواحد صار ما يرتاح في اي مكان ويقول الله يستر بس .!! سواء كنت في البيت في الإستراحة حتى في الشغل تشيل هم .!!

أسباب أنتشار السرقة أعتقد أنك ذكرتها لكن لا مانع من إعادتها . .

1ــ عدم توفر الوظايف . . يعني واحد ما عندة و ظيفة و طفران . . بإعتقادك وش راح يسوي

في هذي الحالة ؟؟ . . أكيد بيروح يسرق !!

2 ــ ضعف الوازع الديني . . يعني واحد لا يصلي و لا يصوم و لا يعرف ربة . .

هذا من بيكون خوية ؟؟ أكيد بيكون خوية ابليس و العياذ بالله . .

لذلك يصبح ما يفرق بين الحلال و الحرام . . ولا بين الحق و الباطل . .

و برضة للأسف ضمائر بعض الناس صارت ميتة . .

3 ــ أعتقد أن عدم شكر النعمة إلي كنا فيها من أسباب هذا البلاء . .

لكن ما أقول إلا يالله يارب تصلح حالنا وتهدينا . .

إقتباس صار الواحد يخاف حتى وهو في بيت الله ..!! صار الواحد ما يرتاح في اي مكان حتى في بيت الله ؟؟!! صار الواحد يشيل هم حتى في بيت الله اللي هو أساس لراحة البال والنفس ؟؟!!

المشكلة السرقات مب بس بالمساجد . .

ألا حتى الحرم المكي ما سلم من السرقات . .

وياما ياما سرقوا شباشبي و أنتم بكرامة . .

عشان يبوني أشتري من البسطات حقاتهم إلي خارج الحرم . .

وطبعآ هذا غير سرقة الجوالات و الشناط و إلى آخرة . . ويا قلب لا تحزن . .


. .

إقتباس احد الاخوان سرقت سيارته وراح يبلغ عنها ..! قالوا صف سرى مع هالناس كلها تبي تقدم بلاغ عن سرقة سيارة ؟!! بعد ما سأل عن عدد البلاغات اللي تقدمت لليوم هذا بس ..! قالوا له 35 سيارة ..!!

فرصة ضايعة تقول أن العصابة إلي سرقوا سيارة خالها . .

سرقوا 6 سيارات في ليلة وحدة بس . . و هنا أترك لك المجال للتعليق . .


. .

إقتباس احد الاخوان ينقل سالفة عن ولد عمه .. اللي سرقت سيارته من قدام بيته واول ما بلغ الشرطة .. قال اني اشك انهم ارهابيين ..! لاني من يومين وانا اشوف شخصين يدورون بالحارة واشكالهم من الارهابيين ..! حبيت ابلغكم عشان اذا صار شي ابري ذمتي ..! وشكلهم ناوين فيها عمليه والا شي ..! ما كمل على بلاغه 4 ساعات الا الشرطة متصلين عليه يقولون له لقينا سيارتك ..!! وهو من الاساس ما يدري من سرقها ولا شي ..! بس حب انهم يلقونها بأسرع وقت ..! يعني لازم نبلغ عن اي سرقة ونقول ارهابي عشان يجيبون لنا السيارة ؟؟!!

( ) + ( ) !!


. .

إقتباس الله يحفظنا وإياكم من كل شر ومن كل من به شر .. دمتم في حفظ الله ورعايته ..

اللهم آمين . .


. .


عمومآ عزيزي صدى الأمس . . موضوعك ورغم واقعة المر . . إلا أنه كان في غاية الروعة . .

و ما زادة روعة على روعتة هو طلتك البهية علينا بعد طول غياب . .

. .

لك مني أرق التحايا و أعذبها . .

وتقبل مروري بصدر رحب . . وشكرآ . .





القيصر بكنباور ورده




قفلة :

إقتباس عميد المجلس العام

إقتباس صدى الامس احد يبي يعترض ؟؟! انا احب نفسي وبحط لي قلب ؟؟!!

إلا يالغالي كلنا نحبك و تستاهل قلوب . .

بس يا خي كل ما أقرى كلمة عميد أحس أنك إتحادي

وشكرآ مرة أخرى


//
//

مالك الا الحيله

خلال الايام الماضيه انتشرت قصة سرقة سياره بالرياض وفيها طفل صغير

وبعد مابلغ صاحب السياره عن سرقة سيارته وبها ابنه استنفرت الدوريات الامنيه لاجل الطفل فقط

وعندما وجدوها خلال ساعات فقط لم يجدو داخلها طفل؟

وعندها قال صاحب السياره انه لايوجد اطفال ولاحاجه وكان يريد فقط ان يبحثو عن سيارته بأسرع وقت ممكن

لانه يعلم بأن ربعنا بيقولوله دورها انت واذا حصلتها بلغنا

إقتباس بعد ما سأل عن عدد البلاغات اللي تقدمت لليوم هذا بس ..! قالوا له 35 سيارة ..!!

هلا بعميدنا

أستغرب من رقم 35
من عرفت نفسي بالبلاغات وما عندهم إلا رقم 35

كل ما دخلت قسم أبلغ عن سرقه لأحد سيارة أخواني يقولون لي ترا بلاغك هذا رقمه 35

هي وحده من الثنتين :
1- يا يكونون الحرامية هم نفسهم من 15 سنة وما أحد مسكهم وكلهم يسرقون السيارات بنفس اليوم
2- أو إنها فقشة من فقشات الحكومة

__________________________

أما عن الأمن فسلم لي على الأمن
قبل ثلاث أيام حضرت مزور ( بطاقة أحوال مدنية جديدة ) اللي بشريحة !!!!
وما أدري كيف زورها

وبعد ما تأكدت إنها مزوره
إتصلت عليه علشان يجي ويستلم مبلغ ( 50.000 ) ريال
كنت واقف بحلقة أبغاه يجيب تقرير وأسلمه المبلغ

وبعد ما تأكدت إنها مزوره إتصلت عليه وقلت له تعال خلاص ما نبغا التقرير بنعطيك الفلوس

الحبيب جاء ، وجلسته على مكتبي وأهلي فيه وأرحب
وطلعت بعدها وكلمت العساكر وقلت لهم الشخص هذا ما يطلع من المكتب

وبعد ما تأكدت إنه ما راح يطلع رجعت لمكتبي وبديت التحقيق بعصبية وقلبت عليه
وهو مقتنع إن بطاقته ما تزورت

أنا حلفت إنه ما يآخذ البطاقة وكان رئيس رقباء المسؤول عن الأمن يقولي : وش رايك نتركه ما نبي نقطع رزق أحد

قلت والله ما يطلع من هنا إلا مسلمينه للقسم .
قلت إذا إنت بتتركه والله ما يستلم بطاقة الأحوال وإذا إنت خايف عطني إياها أنا أقصها

بعد إستلعاني وافق إنه يسلمه للقسم !!!!!!!!!!!


وش ترجي من رجل أمن مسؤول الدولة صرفت عليه من هو شباب لحد ما شيب يبي يترك مزور يطلع ببطاقة أحوال مزوره !!!!!!!!!

ومثل الرئيس رقباء هذا كثير من رجال الأمن اللي همهم السواليف بالدوام ولا يبي شئ يشغله طال عمره!!!!!!!

البلا يا أخوي صدى برجال الأمن أولاً

أنت كذا تحيرنا يا عميد المجلس !!
نشارك هنا أو هناك ؟! أو نكرر المشاركة هنا و هناك ؟!

الأهم من كذا تواجدك و نحن نبارك معك لكل من تبارك له .

هلا والله بصدى الامس

والله الحين وصلت السرقات الا سرق المبزره اللي توهم مولودين

اذكرلك سالفه صديق ابوي كان رايح وهو زوجته لحياة مول

ومعاه الاند كروزر الجديد وكان في الجيب جوازات والابتوب حقه وحق زوجته وجوال زوجته

بعد ما طلع ما لقى السياره راح ببلغ عنها لقاها عند مخرج خمسه وانسرق الاب توبين والجوال <<<يا خسارة الاب توب

بس الحمدلله الجوازات ما خذوها لانه موزيه في مكان سري
----------------------------------------------------------------------------

قريت في جريدة الرياض في حالة سرقه بحي الصحافه وكل يوم تكثر



وما نقول الا الله يكفينا شرهم

نقبل مروري بنت فهد