1000 علامة ! واستغراب - نادي الهلال السعودي - شبكة الزعيم

صدى الامس · #1 24/02/2008, 03:08 AM

السلام عليكم

قبل كل شي احب ابارك لـ اخو قلبي الهاوي

على الترقية اللي جت له من المنتدى وهو يستاهل .. وكنت انتظرها من زمااااان ..

واحب ابارك لمهجة فؤادي اخوي هلالي الظهران

بالتخرج ولو انها متأخرة

.. واقوله شد حيلك ما بعد التخرج الا الزواج

..

واحب ابارك لاخوي الكبير القاضي

على الإشراف واقوله الشخص المناسب في المكان المناسب وقواك الله ..

واحب ابارك لأخوي الجاحظ

بمناسبة زواجه وأقوله الله يوفقك ويسعدك ويرزقك الذرية الصالحة .. ومنك المال ومنها البنون ..

احب ابارك ...!! ما تحسون اني قلبت الموضوع للمباركة بس

..!!

مسألة انه يكون عدد من السرقات في مختلف المدن .. نقول شي طبيعي ..!
اصابع يدك مهيب سوا .. وكل شعب فيه الخير وفيه السافل ..!
لكن مسألة ان السرقات تكون بشكل كبير وفي كل المدن ومن مختلف الاعمار والجنسيات ؟!!
وما شفنا حل ولا شي ؟؟!! هنا اكبر مشكلة ؟!

حوادث السرقة انتشرت بشكل كبير .. سرقة السيارات المحلات الجوالات وغيره وغيره ..!!
الواحد صار ما يرتاح في اي مكان ويقول الله يستر بس .!!
سواء كنت في البيت في الإستراحة حتى في الشغل تشيل هم .!!

سيارة تسرق من داخل اسوار احد المستشفيات !!
الى هنا وصلت بنا الحالة والجراءة ؟؟!!

انسان قايم يصلي الفجر وبعد ما صلى وذكر ربه وكل شي ..!
راجع لبيته وهو يذكر ربه .. حب يأخذ له طريق ثاني عشان يطلق رجيلاته شوي ..!!
ما يدري الا كم واحد يتهجم عليه ويطقونه ويسرقون كل شي عنده ؟؟!!

اللي اشد من الشي هذا ..
ان الناس ما صارت تخاف ولا يخافون الله ولا يحترمون حرمة بيوت الله ..!!

مؤذن بعد ما خلص اذان صلاة الفجر وقفل المايك ..
مايدري الا كم واحد يجلدونه وطقوه لين ما عض الأرض وسرقوا فلوسه !!!

احد الاشخاص بعد ما صلى الفجر جلس يقرأ القرآن ومعه كم شخص ..!
بعد ما راح كل الأشخاص الموجودين بالمسجد الا شلة حسب الله ..!! اللي كانت تدعي انها جالسة تقرأ القرآن ..!
قاموا وتهجموا على هالشخص وبرضوه طقوه وجلدوه لين ما عض الأرض !!
وسرقوا فلوووسه وكل شي عنده ..!!

بوسط بيت الله ..!!

إلى هنا وصلت بنا الحالة ؟؟!!

وش اكثر من كذا ؟؟ حتى بيوت الله ما سلمت منهم ؟؟!

صار الواحد يخاف حتى وهو في بيت الله ..!!
صار الواحد ما يرتاح في اي مكان حتى في بيت الله ؟؟!!
صار الواحد يشيل هم حتى في بيت الله اللي هو أساس لراحة البال والنفس ؟؟!!

احد الاخوان سرقت سيارته وراح يبلغ عنها ..!
قالوا صف سرى مع هالناس كلها تبي تقدم بلاغ عن سرقة سيارة ؟!!
بعد ما سأل عن عدد البلاغات اللي تقدمت لليوم هذا بس ..!
قالوا له 35 سيارة ..!!

35 سيارة في قسم واحد بس ..!
مستوعبين العدد ؟؟!!

احد الاخوان ينقل سالفة عن ولد عمه ..
اللي سرقت سيارته من قدام بيته واول ما بلغ الشرطة .. قال اني اشك انهم ارهابيين ..!
لاني من يومين وانا اشوف شخصين يدورون بالحارة واشكالهم من الارهابيين ..!
حبيت ابلغكم عشان اذا صار شي ابري ذمتي ..!
وشكلهم ناوين فيها عمليه والا شي ..!
ما كمل على بلاغه 4 ساعات الا الشرطة متصلين عليه يقولون له لقينا سيارتك ..!!
وهو من الاساس ما يدري من سرقها ولا شي ..! بس حب انهم يلقونها بأسرع وقت ..!
يعني لازم نبلغ عن اي سرقة ونقول ارهابي عشان يجيبون لنا السيارة ؟؟!!

منب رايح بعيد .. السالفة هذي صارت لعمي ..
سرقة سيارته من قدام بيته وبعد ما بلغ وكل شي اتصل عليه احد الأخوان وقاله انه شاف سيارته مع شباب يفحطون فيها ..
ولحقهم لين ما وقفوا عند استراحة معينه ..! عمي اتصل على الشرطة وبلغهم وعطاهم الوصف وكل شي ..
بعد ما تبينت الامور وكل شي اتضح ان اللي سارقها واحد من عيال كبار الضباط ..
بالنهاية وش اللي صار ؟؟!! ابوه تكفل بتصليح السيارة والولد طلع منها ولا جاه اي شي ؟؟!!
حتى التوقيف مادخله كان جالس بمكتب الضابط ويشرب شاهي بعد !!

كل هذا غير قضايا التحرش بالاطفال والنساء وسرقة البيوت والاستراحات وغيره وغيره ؟؟!!

ولا تهون سرقة الأطفال من المستشفيات !!
اللي ما ادري وش اقول عنها ؟!!

وش اللي خلانا نوصل للحالة هذي ؟؟!
وش السبب ؟؟!!
الفراغ .. الفقر .. المخدرات ..!!
اشياء كثيرة وكثيرة ..
لكن الاهم واكبر سبب .. ضعف الوازع الديني وعدم الخوف من الله سبحانة وتعالى ..!

واللي يسوي هالشي مهوب خايف من العقاب ؟!؟!
والا عارف انه مهما صار مهوب جايه شي يستاهل على اللي سواه ؟؟!!

قالوها من أمن العقوبة أساء الأدب !!

الله يحفظنا وإياكم من كل شر ومن كل من به شر ..
دمتم في حفظ الله ورعايته ..

عميد المجلس العام

صدى الامس

احد يبي يعترض ؟؟! انا احب نفسي وبحط لي قلب ؟؟!!