المشاركة السابقة   المشاركة التالية
  #38  
قديم 13/03/2008, 07:39 PM
الصورة الرمزية الخاصة بـ ازرق+ابيض=عشق الهلال
زعيــم مميــز
تاريخ التسجيل: 24/09/2004
مشاركات: 2,163
ررائعه الشاعر الكويتي حمد المغلوث الشمري في ابنه عمه يقال انه بعد ما فقدها كتب هالقصيده

يـا رب صبّرني على أمـرك و بلـواك
........................ وإجبر عزا من شاف ضيم العزاير
مثل الدريك أللي على حوض الإدراك
........................ يبكي و دمعه فوق الأوجــان جاير
يا عين هلّي ..... ذارف الدمع سفّاك
....................... وإبكي و هــــاتي ما خفا من عباير
يا عين لا تبكين هذا ........ ولا ذاك
........................ إلا ..... ولا فرقا الأهل و العشاير
إبكي على سمح النبا حسن الأسلاك
........................ أللي عليه .... مغوزر الدمع فاير
قلبي عليه .... من الولع فيه دكّــاك
..................... و الحال مني ..... خلّصت بالحساير
كني وسط الروم ... في وسط شبّاك
...................... وإلا كسير(ن) موجعته الجــبــايــر
قدم العـرب غادي بشوش(ن) وضحّاك
..................... و الكبد يصلاها .... لهيب السعـايـر
يا من لعسر الشرابيك ..... فكّــــاك
.................... رب السما ..... والي جميع البصاير
سبة عزاي ... و صار للروح ملاّك
..................... وأرخصت له عمري و ما بالذخـاير
يا زين روحي ياأريش العين تفداك
................... حيثك هواي ....... و عن الغـير ذاير
علّي نذر(ن) إن ولّف الله بلامـــاك
.................... لأرزّ رايــات الفــرح و البــشــــايــر
وأصوم لله .... مـا تيّسر لـعيـنــــاك
.................... وأبني لحبك بالضمــــايـر منـــــايـــر
يا زين يا عذب اللما كيف ابنـسـاك؟
................... و الحب سلطانه على الحـــــال جـاير
يا موّرد الخدين ...... محلا سجاياك
.................. يا سيد كل ....... المترفـات النضـاير
يا زين شفني من غرامك و فرقـاك
.................. كني على جل(ن) من الجــم جــــايـر
اسهر ونـوح نـوح ورق(ن)على الراك
................... مع ذا تصفقني إركــــون العـــوايــر
يابو محمد ...... يا فتى الجود بنخاك
................. يا فرحة المضيــــوم يوم الكـســــايـر
شف لي طبيب(ن) شاطر(ن)لاعدمناك
...................... كـوده يداوي علة(ن) بالضمـــاير
وإلا فنا .. يا مـعـدن الجـــود ويـــــاك
................. نركب على ثنتين عوص(ن) حـرايــر
يومين و الثــالث على الهـون ملفاك
................ "هجر(ن)" منـازل من له القلب طـاير
فليـا لقينا ........ ديرة الربـــع ذولاك
................. فالوصــل يطفي ما لجا من زفـــــايــر
وأمسي وكني مالك(ن) كل الأمــلاك
.............. أملاك سلطان الهجــر ...... و الجـزايـر
فليا لفينا ............ دافع الله مناياك
............... مرخوص يا مروي السيوف الشطــاير
عند الســايب لابـة(ن) مثل شرواك
............. الكل منهم ........ يحتمل بالخســــــايـــر
يابومحمد ...... عانك الله و عافاك
............. وأذراك ربي ........ من حتوف الدواير

وسلامتكم
...........................................................................
وهذي قصيده للشاعر عبدالكريم الجباري الشمري بعيدن التحيز
والعنصريه اعتبره من نججوم الساحه الشعريه

صار الوطن غربه وصار السفر دار
لويـــــن مدري لكـــــــن لا أي ديره

من عاش وقته مايحسب للأشــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع ألامرار
ولا كـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدلال وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــلا وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين الأعمار
والمال طول فالأعمـــــار القصيره

هذا الصحيـــح ولو تجيبون الأعــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره


اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:01 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube