|
مجلس المملكة الشــعـري >> أنتـم نجــومه !! أحبة المملكة ... دعوة عطرها محبتكم ، وعبقها الشوق إليكم ، ووقودها عطاءاتكم ، إلى مجلس المملكة الشعري .. لنتعاطى معاً أجمل المشاعر في أعذب الشعر .. تعالوا نحلّق معاً في أجواء ( الحب العفيف ، والشوق النقي ، والحكمة ، والنصيحة ، والوطن ، والترفيه البريء ، والهزل المحمود ، اللغز الشعري ) من خلال هذا المجلس الذي يدعوكم لإثرائه بما لديكم من قصائد أو أبيات . والرواية الشعرية بما تختزنونه من موهبة ! أو ما تحفظونه من عطاءات لغيركم من آبائكم وأجدادكم وكبار السن لديكم أو مما قرأتم وسمعتم وكلما كان ثروة شعرية غير معروفة لم يصلها الإعلام كلما كان ذلك أفضل . ويستحسن أن نركز على ما يلي : - الجدية في الطرح -الانتقاء في الاختيار -ذكر المصدر المنقول منه أو عنه النص -ذكر صاحب القصيدة أو البيت المختار - الحرص على عرض إنتاجكم الشخصي إن كانت لديكم موهبة الشعر .. - المساجلة المبسطة بينكم كمشاركين وحاضرين لهذا المجلس .. - الإثراء بما لديكم من أفكار ومقترحات .. فاهلاً وسهلاً بكم >>>>>>> صب القهوة >>> مرحباً باللي لـ..هالمجلس تعنّى *** مرحـبا ترحــيب من بَيـَّن غلاه الشعر ياهل المشاعر في زمنّا *** باع به راع المصالح واشتراه ! أرحـبوا .. يامرحبا ألف وتثنّى *** مرحبا " هيلٍ "وسيلٍ من سماه أسْفَرَتْ بك وانْوَرَتْ فكـرٍ وفـّنّا *** واستهّلَّتْ وامْطَرَتْ تروي ظماه مجلسٍ للمملكة عضو ..ووطنّا *** يفتخر بالطّيب .. والطّيِّبْ معاه شــيلوا القيــفان باوزانٍ تِحِنّا *** للعلــوم الغــانـمة .. في مبتداه البيوت اللي على المعنى تبنّى *** بالحِكَمْ والصدق للهاجِسْ غَناه مجلسٍ " أنتم نجومه " ماتدنّى *** مرحـباً في مبتــداه .. ومنتهاه مع تحيات أختكم المملكة |
موضوع جميل ونتمنى أن نجد فيه مايسر ,, وينك يابو مقبل ,, وبالنسبة لي بأهديكم ثلاثة أبيات من عندي وإن سنحت الفرصة لي مرة أخرى سأحاول : راحتي وإنشراحي في رياض السلام ,, يسعد الله عيوني كل ماجيتها لاتقولون وش فيها يطول الكلام ,,لو يجي لي تراني ماتعديتها الحياة النقية والطبيعة تمام ,, والمزايا عديدة كان عديتها ,, تحياتي لك ياأختنا العزيزة على مشاركاتك الرائعة والمعذرة على المرور السريع ,, |
ماشاءالله عليك شاعره جميله وموضوع جميل لكن حبيت اسألك سؤال محيرني !! كم قصيده تكتبينها في اليوم :d ان شاءالله لي عوده مع الموضوع :stoned: الي بيكون مكان الكثير من الاعضاء للتعبير :naughty: |
شكرا لكِ أختي على هذه الفكرة الجميلة نحتفظ بين أوراقنا بقصائد جميلة مرت علينا.. لكني هنا سأضع شيئا فصيحا كتبته لأغلى امرأة عندي: قم للعظيمة وفها التبجيلا والثم طهارة كفها تقبيلا أعلمت أشرف أو أجلّ من التي تنشي زهورًا أو تعد خيولا من طينةٍ خلقت سمتْ عن طيننا كادت كمالاً أن تكونَ بتولا ..، مرة أخرى شكرا لك أختي المملكة دمتِ في رعاية المولى |
إقتباس:
اشهد اني بعدها ضايع في الزحام=لاعرفت اتأقلم لاولافكيتها متأكد انك فاهم قصدي ؟وهذا يكفي .. قلبت المواجع وبنفس الوقت فرحتني ياالغالي يوم شفت ردك :naughty: |
حياك الله أختي :) ممكن نحط فصيح ؟؟ :) لأن العامي عندي مش ولابد .. |
هلا بك اختي المملكه .. موضوع ولا اروع اختي .. و حاب اشارك بهذه الابيات البسيطه .. فزعت فــازع ,, وانــا المفــزوع يفــــزع بي .. فـــزاع فــازع ,, على الشدات نفزع به .. ترحيـــب للــــي بجــــو الشعــــــــر رحبــــي .. رحب و واجب على الترحيــب ارحب به .. اسحـــب سحـــاب وسحبــني الشعــر سحبــي .. احســب حسبتـه وعدى تعدوا الحسبــه .. اسري مســاري وسرى مســراه يــسرنبــــي .. مسرى سرت به سريا الشوق يسـرنــبه .. :: تحياتي لك اختي .. اخوك : فزاع الاجيال .. رديت بيوزر اخوي كان هنا .. لان يوزري موقوف حديثاً.. شكرا كان هنا :) .. |
إقتباس:
يالمملكة ترحيبك بنا وصلنا @@ وابشري بالشعر بموضوعك يملاه نفرح بوجودنا مع بنت وطنا @@ نتغنى بالشعر ومن الاعضاء نقراه :surprised: اتمنى ما تكون مكسرة هالبيتين <<بس تعبير بسيط لموضوعك تحياتي لك يالمملكة وتقبلي مروري |
إقتباس:
ووأنا أكثر سعادة برؤية هذا المعرف المحبب لقلبي ,, دمت سالما ,, ولكي يكون الرد غير محسوب على أنه شتشته فسأضع بيتين لعبيد الأزمع : ماجا بدون حساب ماجاله حساب ,, والنصر لاجا سهل مثل الهزيمة أحد عرق وجهه من الوقت صباب ,, وأحد عرق غير مسبب نعيمه الأخت المملكة إن كانت الردود تخدم الفكرة وإلا فقولي لنا :nono: تحياتي للجميع ,, |
بصراحة بداية رائعة لإثراء المجلس .. وحيا الله الجميع .. وبالعكس يا راشد مشاركاتك وفتى المدينة وكان هنا " فزاع الاجيال" والزير ابو عزيز أثلجت الصدر وبانتظار المزيد .. أما أنت >>>>>>>>> إقتباس:
|
http://www.alflash.com/gallery/files...5/1/maan14.jpg سجد قلبي على رمل الضلوع وهزه التنهيد ............وأنا في جوفي خيام الندم والخوف منصوبة يارب أفهق هلاكي والمنايا والدروب بعيد ............مادام المودماني للتراب تقوده دروبه ياغياث الظوامي والثمام وجرهدي البيد ............أعذني من جهنم والحشر والموت وكروبه أنا مانيب لا مشرك ولا فاسق ولا عربيد ............أنا اللي لاعصى ,, واخطا ,, تجهم وأقلقه ثوبه وأنا اللي يرتجف مثل ارتجاف الخايف الرعديد ............ليا شاف القبور الضيقات وحس بذنوبه أنا عبدك ولد عبدك وجداني هل التوحيد ............خطاياي أخجلتني يالله الغفران والتوبة أنا الإنسان حمال النقايض والكمد والكيد ............غريق الطين واللذات من راسه لعرقوبه أنا عبدك ياربي , وانت تفعل ماتشا وتريد ............سألتك يالله العفو العظيم , وهين دروبه نايف صقر انا لا يعجبني من الشعر الا ما فيه تقرب الى الله :yes: وما فيه مدعاه لـ مراجعة النفس . شكراً المملكه |
سأقتطع هذه المساحة لأنقل لكم هذه الصورة الشعرية المكتنزة بمشاعر الحب والوفاء والألم وهي لإحدى شاعرات قبيلة مطير ترثي زوجها " الفغم " حينما توفي بمرض الجدري تقول : يا ونتي .. يا حفر قلبي من اقصاه **** كما يحَـفْرون العرب للركية "1" على عشير"ن" كل عــذرا تمــناه **** تقول ليتك يابو هــزّاع ليّه ذيب العَزيب اذا انتحى صوب مظماه**** يقطع عليه السّهْلة الجرهدية "3،2" ينــلاع قــلبي يوم يكشــف مْغَـطّاه **** اقْفَتْ تْقاد بْهْ الذلول الهـديه "4" ياليت حّبّ (الهّنْدِري) ما تّغّشّــاه **** ليته سِلِمْ !! وكل ما جاه فيّه !!:smilie47: الهوامش : 1- البئر الواسعة 2-العزيب ( رعاة الإبل والغنم الذين يبيتون في الخلاء عدة ليال ) 3- الأرض الفسيحة 4- الناقة الاليفة الهادئة 5- حب الهندري ( حبوب الجدري العظيمة ) 5- |
أبو صقر / وجرح يشكي ... مشاركتان موفقتان شكراً لكما .. |
حبيت اسجل اعجابي بالموضوع الحلو مررررررره ولي عوده بالجزل والمعنى القوي الف شكر لك يالمملكه +++++++++++++++++++++++++++++++++++++ قصيده قديمه ولازلت ارددها الى الان قصيدة شاعر الوطن خلف بن هذال في هجاء صدام البارحه اللـــــيل ماغمضت به كـلـــــه أراقب الصبــــح جالــــــس واتـحرالـــه أبعث شــــريط مضى وأطويه وافلــــه وأقــــول مــــن يحفظ التاريخ لجيالــــه قل للــــــــــعراقي يفتش جعبته قلـــــه يلقابها شـــــيء مايطري علــــى بالـــه الهم والغم والطاعــــــــــون والعلــــه حقـــــــــه لحاله كفايــــــه حقه لحالـــه من صفعة ذاقهــــــا بانت به الخلـــــه يذكـــــــر هزيمة شهر شعبان وهلالـــه قــــام الثعل يشتغل ويشاغل الشلــــــه عـــــــزت وطارق وعد عدي وأمثالـــه يذبـــح ويصلخ يدها حمراء ومبتلــــه شـــــــــــيء يخلي جبين الحر يندالــــه ياناس ياويل مــــــــن هذا زعيماً لـــه الشعب فــي وضع يوسف له ويرثالـــه شعب شرب كـــره وأكل كره كره لـــه يتفل علـــــى صورته ويدوس تمثالــــه تبت يــــــدى أبو لهب تبِ وتب لــــــه واللـــــي معه بالحطب للـــقوم حمالـــه مقبــــل على طبخة بالحيل تعمل لــــه يـــــــوخذ بها الثأر والثورة تسوالـــــه الله مايهمـــــل الظالـــــــم ويمهــلــــه وأن طال به عمره خس شوي وأرذالـه الحــــــــكم منهار والأحزاب منحلـــــه ماخس مــــن حالةِ فيـــــها ولا حـــالــه مــــن ردي حظه فأهل بيتـه يزولـــــه صــــار الشجر قــــــوم بعيونه يورالــه مـــن كثر مايرتميه يخاف من ظلــــــه ومن يعلم الغيب لا صار عدي قتاله صدام أنا بأنشدك ويش إنت عايشٍ له مثلك بغبنه يموت ومونه أشوى له الجــــيش يرزح تحت ذل من الذلـــــه والشعب مسكيـــن تضحك له وتغتالـــه وإذاعتــــك ياسويد الـــوجه منشلـــــه ماعـــــندك إلا يالالــــه يـــــــاللا لــــــه وإلا أنت مهزوم لامـــــذهب ولا ملـــه مقطــــــع أربـــــــع تطيح بكل محبالــه حـــــدد مكانه بتلسكـــــوب وانـــزلـــه انـــــزل رويــــدا رويـــدا واكبس الالـه ترسم هدفها على الليزر وترسل لــــه اشــــارة الضبط والمضـــــرب تهيالـــه ماتحمــــــله ترفعـــــه مترين وتهلـــه مــــع ذرة الشمس في قصـره تحمالـــه تعطيـــــه ضربه تدك القبــــــو بالفلــه والشـــــــر فاله وفــــــال الله ولا فالـــه في سبّع له الارض تحفرله وتدفن لـه مـــــن تحت الانقــاض والانقاذ ماشالـه ثــــــم خل غيره يشوف ويعتبر خلـــه اللـــــــي يبي مثلهــــا بالحـــال تثنالـــه عاد الحين بنرجعلكم بالجديد بس حبيت اذكركم بالقصيده الحلوه لابو هذال سلام |
فكرة جميلة ورائعة أختي المملكة .. هذه أبيات أعجبتني جدّن جدّن جدّن s9ss45s طبعاً غزلية لا تدققون واجد :D هي طويلة بس من جد كل بيت فيها يخقق يخقق s45s على رعشة ظما جيتك .. أبي نظره على حالي أبيك تشوف محبوبك .. كيـف ان القـدر خانـه أجيك وكلي ياصغري .. وقلب من الكبر خالـي وأحـاول قـد ما أقـدر .. أدور للرضـا خـانـه آنا لو قلت آنا أحبـك .. وحبـك مشغـلٍِ بالـي تصفق لي عروق القلب .. تغني لي على ألحانـه آخاف آطيح من عينك .. بعد ماكنت آنـا غالـي آخاف آكون ذاك اللـي .. فقـد ربعـه وخلانـه آخاف أني أصوّت لك .. وآصيح بصوتي العالـي وآخاف أنك تجاهلني .. وتنكـر قلبـي واعلانـه آنا وشلون أسولف لك ..؟ وأعبر لك عن احوالـي عطني فرصه وازهلها .. أخلـي الدنيـا رويانـه قلوبٍ ترتجي وصلي .. وآنا أكبـر منهـا بوصالـي أبيع قلوب حبتنـي .. وكـل هـذا علـى شانـه انادي له حبيب الروح .. تعـال وخلـك قبالـي تعال وكلي سميتـك .. ( عقـد لولـو ومرجانـه ) تعال وننسى دنيانا .. ونسكـن برجنـا العالـي ونكتب للحزن فارق .. ماعـاد لدمعتـك خانـه تفضل دامني خيلك .. حبيبـي وانـت خيّالـي قصيدة عشق سميتـك .. وقلـبٍ ياكبـر شانـه حبيبي لـو تناسيتـك .. أمانـه منهـو يبقالـي؟ بشر ماهمهم قلبـي .. بشـر والدنيـا خوّانـه هذاك بيفرح لموتـي .. وذاك بيشمـت بحالـي قلوبٍ ماتعرف الحب .. علـى هالدنيـا غلطانـه حبيبي لو بغيت الموت .. أبيـك تكـون قتّالـي بشرع الحب آنا مسامـح .. أذا هالدنيـا زعلانـه ولو ماودك بموتي .. أكـون بسجنـك أحلالـي سجينك من وسط سجنـه .. يناديلـك ياسجّانـه أحبـك يالغـلا دامـك .. بقلـبـي الأول التـالـي طيري في سما صـدرك .. يرفرفلـك بجنحانـه أبيك تعيشني قصـة .. قبـل موتـي وترحالـي قبل لايندفـن شوقـي .. مـدام كفوفـي عطشانـه حبيبـي طالبـك طلبـه .. اذا وصلـك تهيّا لـي ترا عمر الزمن جافي .. ولـو ضمتنـي أحضانـه أبيك تضمني حتى .. تشوف أنـه هـدا بالـي وأذا حسيت في روحي .. تراها حيـل ولهانـه أبي أغفى على ثغرك .. وأذوب بريقك الحالي وأذا صحتني مزونك .. تراها الـروح سكرانـه أبي أقهر قلوب البعض .. ومنها قلوب عذّالـي أبي أدبل كبـود اللـي .. بغـت حزنـي وعنوانـه أبي لامنهم دروا عنك .. ترفع حاجبـك عالـي رجيتك أسكت وطالـع .. هـذولا نـاس مرضانـه فديت حجاجك ورمشك .. فديت الطيّب الغالـي فديت أسمك ,, أذا أسمك .. اهـو قافـي وعنوانـه انتهت القصيدة اللي تخقق s9s وهي للشاعر محمد بن صياح ورده |
| الوقت المعتمد في المنتدى بتوقيت جرينتش +3.
الوقت الان » 02:53 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd