#1  
قديم 17/02/2008, 05:23 PM
الصورة الرمزية الخاصة بـ الملك"توتي"
زعيــم مميــز
تاريخ التسجيل: 26/07/2005
المكان: شفت آخر الدنيا؟هـ وراها شوي
مشاركات: 3,340
يُمنـع اصطحاب العاطفة ، لمن أراد مصلحة الهـلال !



بسم الله الرحمن الرحيم

في الحديث الكثير عن الزعيم هذي الايام

يكاد ان لا تخلوا مقولة او كملة في الهلال الا ويلحقها اسم ( كوزمين )

المدرب الروماني

والكل يدلي بدلوه بين مؤيد ومعارض والكل له الحق ..

انا بس ودي اتكلم عن شي يمكن كثير خفي عنهم

طبعا في البداية انا من المؤيدين لبقاء كوزمين عشر سنوات او اكثر مع اني متأكد استحالة هذا الشي

ولكن بغض النظر اذا كنت مؤيد او معارض في نقاط لازم اسردها

وعليكم الحكم :-

* كوزمين قبل مجيئه السعودية .. كان افضل مدرب شاب في رومانيا .. عن نفسي ما اظن ان الدوري السعودي اصعب من الدوري الروماني (( للعلم كان مدربا لاحد اكبر الاندية في رومانيا وهو دينامو بوخارست ))!

* انا استغرب من يقول بأن كوزمين يعاني من ضعف قراءة الخصم ؟؟ لأن هذي النقطة تسقط مدربين وبالعكس انا اشوف ان كوزمين افضل مدرب شفته يقرا الخصوم وهذه اصلا ميزة المدربين الاوروبيين وكلنا نتذكر مباراة النصر الدور الأول .. كيف كانت الاهداف من ركلات ثابته ؟؟ وهذا ما ركز عليه المدرب قبل المباراة .. لانه يعرف بان النصر يعاني من ضعف الدفاع في الكرات الثابته .. وايضا قراءته لفريق الاتفاق كيف استطاع ان يقضي عليه ويخفيه تماما في اخر مباراة لنا معه في الدوري المحلي .. واللي فزنا فيها 2 /0
وحتى ارجعوا لتصريح ياسر القحطاني بعد مباراة الحزم ..
يوم قال بأن المدرب دربهم على مثل هذي الكرات .. وهذا يعني ان التدريب ماهو قصة 4 -5 -1 والا 4 - 4 - 2 وبس .. لا في شغل خلف الكوالـيس


*الامر الأغرب والأغرب فعلا !! بل والعجيب والرهيب في نفس الوقت .. من يقول بأن الهلال يمشي بالبركة ، وفوزه حظ حظ ؟؟؟ اي حظ تتكلمون عنه ؟؟ طيب سؤال وابي جواب بأمانه : لو الهلال محظوظ بالله هل كنا بنطلع من الآسيوية ؟؟ كنا بنطلع من الخليجية ؟؟
وبعدين الحظ يمكن يمشي معك مباراة مباراتين .. بس مو كل المباريات ! ولكن... ولكن انا اعتقد بان ثقافة الشعب السعودي عامه في كرة القدم بأنك ما تمشي إلا بطريقة 4 - 4 - 2 ؟؟ واللي لو شكلناها حتصير 4 - 1 - 3 - 2 .. ونحن نعرف ماذا فعلت بنا هذه الطريقة امام الأهلي ؟؟

والمشكلة اننا لو نعلم بأن اعرق الاندية العالمية تلعب بنفس طريقة كوزمين اولها ميلان - روما وحتى ريال مدريد احيانا ؟؟ ومع ذلك يتصدرون دوريات قوية ويتفوقون على اعرق الاندية في العالم
وانا متأكد لو الناس تعرف هذا الشي كان قالت : لا بالعكس كوزمين معه حق ؟؟


* كلنا نعرف ظروف لاعبي الهلال وضياعهم بين الفريق والمنتخب سواء الاول او الاولمبي .. ونحن نعرف بان لاعبي الاولمبي يشكلون نسبة من الفريق الاول بالنسبة للهلال

* انا استغرب من اللي يقول هذا مو عذر رغم ( وركزوا على هذي النقطة ) رغم ان كوزمين لم يتحدث عن هذا الامر .. وهذا يدل على انه لا يبحث عن مبررات ..

خصوصا اذا ما اخذنا بالاعتبار بأن .. ميسي يغيب عن برشلونه .. يختفي برشلونه ؟؟
ريال مدريد عندما انتقل ماكليلي منه جلس 3 سنوات ما طب بطولة ؟؟
ميلان غابوا عنه كاكا وبيرلو عدة مباريات في الدوري احتل المركز 11 لولا انه ناد كبير واستطاع ان يلحق بالركب في الدوري .. والا كان علوم
يا اخي شف وش اللي حصل لأندية اوروبا اثناء غياب اللاعبين الأفارقة بسبب بطولة امم افريقيا !!
وهم ما يتعدون اثنين في كل نادي ؟؟


لكن انا ابغى اتكلم عن هذا الامر مثلا لو جينا للاتحاد .. وهو المتصدر حاليا كم لاعب منضم للمنتخب لديهم بين المنتخب الاول والاولمبي ؟؟ سعود كريري ، ومناف ابوشقير ، ، نايف هزازي

طيب نشوف الهلال كم لاعب ضايع بين الفريق والمنتخب :
ياسر القحطاني ، خالد عزيز ، الشلهوب ، عمر الغامدي ، الكلثم ، الفريدي ، عبدالعزيز الدوسري ، الزوري ، عبداللطيف الغنام ، العبدالسلام

- ولا انسى ايضا بأن الهلال هو الفريق الوحيد الذي يلعب كاس فيصل بن فهد بفريق آخر تماما عن الفريق الاول ويقدم مستويات رائعة

ورغم كل هذا .. الاتحاد خرج من بطولة ولي العهد ونقطيا نجده الثاني

بينما الهلال استمر حتى الآن في كأس ولي العهد ونقطيا يُـعد الاول في الدوري


وحتى خروجنا من البطولات الخارجية كانت بطريقة مضحكة وعدم توفيق لا اكثر

* لا انسى كلمة طارق التويجري في برنامج قضايا في الوسط .. لما قال : ( انا مطمئن على الهلال لشيئ واحد وهو كوزمين )!
وانا بصراحة اثق في كلام هذا الشخص ..


ولكن في طبيعة الحال اكيد ان هناك سلبيات لاي عمل في العالم وبعدين كوزمين ماهو ملاك !!
حتى لو هو ملاك بيغلط
وبصراحة

من اراد مصلحة الهلال سيطالب ببقاء كوزمين ، ومن اراد مصلحة الشلهوب سيطالب بإقالته


والأهم من ذلك كلـه

اتمنى ان نعاتب اللاعبين مثل المدرب .. يعني لماذا لا نلتفت الى فردية بعض اللاعبين ، عدم الانصياع الى تعليمات المدرب وهذا ما يظهر على كوزمين دائما ..
يعني وش ذنب المدرب اذا كان يقول للأظهرة يتقدمون ولا يتقدمون ؟؟
وش ذنب المدرب اذا مدافع جالس يسحب عند محمد الدعيع ؟؟
وش ذنب المدرب لما لاعب يناولها لحارس الخصم ؟؟
وش ذنب المدرب لو لاعب يضيع بلنتي ؟؟


وهذا المقصود .. بأن المدرب ليس كل شي
واذا خسر الفريق اقالوا المدرب ..
وانا والله ما اشوف ورا الإقالات إلا الدجـه


بالنسبة لمباراة الأهلي

بصراحة واقولها بالفم المليان ..
الهلال ممكن يفوز على اي فريق في العالم إلا الأهلي !!

فما بالك اذا كانت المباراة في جده

اكيد الكل يتساءل ليش ؟؟

انا بقولكم .. انتم معي ان مالك ما يظهر الا امام الهلال صح ؟؟ تدرون ليش ؟؟
انا قريت تصريح لمالك معاذ في مجلة النادي بعد مبارتنا ضد الاهلي في الدور الاول
وقال مالك انه اصبح يعرف دفاع الهلال حتى وان كان دفاع الهلال قوي الا انه بالذات يصبح سهل بالنسبة له

وحنا نعرف بأن لو مالك تحرك تحرك الاهلي

ولكن ندعوا يارب وفق الهلال

بس جهزوا نفسكم للخسارة من الآن !



وجهة نظري ( بـــدون عـاطـفة )

شكرا لكم
اضافة رد مع اقتباس
  #2  
قديم 17/02/2008, 05:32 PM
الصورة الرمزية الخاصة بـ رويال 20
زعيــم مميــز
تاريخ التسجيل: 22/10/2007
المكان: بين الزعمآء
مشاركات: 3,005
إقتباس
بس جهزوا نفسكم للخسارة من الآن !

تفائل خير يالاخو
ومشكور على الموضوع
اضافة رد مع اقتباس
  #3  
قديم 17/02/2008, 05:34 PM
زعيــم نشيــط
تاريخ التسجيل: 23/07/2007
مشاركات: 889
مشكوووووووووووور
اضافة رد مع اقتباس
  #4  
قديم 17/02/2008, 05:38 PM
زعيــم نشيــط
تاريخ التسجيل: 06/07/2007
مشاركات: 817
/

نجي لكوزيمن .. طبعاُ .. ان مع بقااءهـ بالتاكيد

المدرب .. جيد وله شخصيه .. ويقرى الخصم

وماينلام بصرااحهـ .. اذا لخبط شوي
بحكم انه يمسك فريقين ( الاول & الاولمبي )

اللاعبين مختلفين .. مهاراتهم , قدراتهم , ... ) مختلفه
يعني كثر خيرهـ قاعد يفرق بينهم

وبعدين بعض لاعبي الهلال في هـ الفترهـ عندهم هبوط
فضيع في المستوى .. بدايه من ياسر في بدايه الموسم
وممكن الحين تحسن مستوااه شوي

وغيرهـ من اللاعبين .. يعني اللوم مو على ( كوزمين )


:

النقطهـ الثانيهـ .. واخاااالفك فيها

إقتباس
بالنسبة لمباراة الأهلي

بصراحة واقولها بالفم المليان ..
الهلال ممكن يفوز على اي فريق في العالم إلا الأهلي !!

فما بالك اذا كانت المباراة في جده

اكيد الكل يتساءل ليش ؟؟

انا بقولكم .. انتم معي ان مالك ما يظهر الا امام الهلال صح ؟؟ تدرون ليش ؟؟
انا قريت تصريح لمالك معاذ في مجلة النادي بعد مبارتنا ضد الاهلي في الدور الاول
وقال مالك انه اصبح يعرف دفاع الهلال حتى وان كان دفاع الهلال قوي الا انه بالذات يصبح سهل بالنسبة له

وحنا نعرف بأن لو مالك تحرك تحرك الاهلي

بصرااحهـ .. احسها نكتهـ

زي اللي يقول مالك مايبدع الا قدام الهلال
لان لونه ازرق ويذكرهـ بأاسرائيل ... << وين عايشين

:

اولا .. مالك لاعب مهااي درجه اولى وسريع


ومن ناحيه ان الهلال بيفوز على كل فريق الا ( الاهلي )
مدري من وين جاات هالمعلومه لك
فزنا عليهم .. وسطرناهم .. وفازوا علينا

^_* فالنهايه كره قدم __ فوز وخسااره __


إقتباس
بس جهزوا نفسكم للخسارة من الآن !



وليه كل هالتشاائم اخوي .. الواحد المفروض يكون عنده

ثقه بالله اول شئ . بعدين في لاعبي فريقنا ان شاء الله ومايقصرون

وكلي امل .. ان الهلال راح يفوز بكرهـ .. ع الاهلي .. وبنتيجه مرضيه



:

وشاكرهـ لك اخوي الطرح


اضافة رد مع اقتباس
  #5  
قديم 17/02/2008, 05:38 PM
زعيــم مميــز
تاريخ التسجيل: 15/02/2007
المكان: فلوريدا
مشاركات: 3,577
تفاءل بالخير

وسيظل كوزمين داهية

بالتوفيق للزعيم
اضافة رد مع اقتباس
  #6  
قديم 17/02/2008, 05:43 PM
موقوف
تاريخ التسجيل: 02/11/2005
مشاركات: 1,690
اسمحلي قرأت كل موضوعكـ إلى نهاية و يا ليتني لم أقرءه


لأن فيه
777777
إقتباس
الرسالة الأصلية كتبت بواسطة الملك"توتي"

بس جهزوا نفسكم للخسارة من الآن !

اضافة رد مع اقتباس
  #7  
قديم 17/02/2008, 05:50 PM
ابوفجر
تاريخ التسجيل: 30/11/2007
المكان: البدائع بلاد الروائع
مشاركات: 5,411
كلامك حلو00وطرحك احلى00بس
ليه نجهز انفسنا للخسارة من الاهلي
صدقني من الحراسة وحتى راس الحربة نحن افضل من الاهلي
في جميع الخطوط00وصدقني الاهلي يحسب الف حساب لهذه المباراة اكثر من هلالنا
اذا قصدك ان الاهلي فاز في المباراة الاخيره فهذا من بركات ابو مزاج مالك
ونحن لدينا الافضل وبدون مزاج الكاسر والبرنس00
صدقني هذه المباراة مضمونة وسوف اذكرك بعد المباراة انشالله
فرق بين الطموح بين الفريقين وهذا يدعم لاعبين الزعيم
وبالنسبة لكوزمين انا معك يجب ان يبقى00
اضافة رد مع اقتباس
  #8  
قديم 17/02/2008, 05:50 PM
الصورة الرمزية الخاصة بـ قمــر اسيــا
زعيــم مميــز
تاريخ التسجيل: 22/04/2007
المكان: ببيت جيرانا
مشاركات: 1,680
تفاؤل بالخير تجده
اضافة رد مع اقتباس
  #9  
قديم 17/02/2008, 05:51 PM
موقوف
تاريخ التسجيل: 04/05/2007
المكان: في قلب الهلال
مشاركات: 613
مشكــــــــ(يعطيك العافية)ـــــــــــــــــور
كلام مية مية
اضافة رد مع اقتباس
  #10  
قديم 17/02/2008, 05:52 PM
زعيــم فعــال
تاريخ التسجيل: 30/01/2005
مشاركات: 331
كوزمين هو ما يحتاجه الهلال ل 5 سنوات قادمه
اضافة رد مع اقتباس
  #11  
قديم 17/02/2008, 05:55 PM
زعيــم مميــز
تاريخ التسجيل: 08/04/2007
المكان: نـــــ ج ـــــد . COM
مشاركات: 1,735
يعطيك العافيه موضوع مميز جدا لو ما ختمته بالجمله اللي عتبو عليك الاخوان فيها

لاكن اخوي وش نسوي اخونا ما يعجبهم العجب ولا الصيام برجب يا خوي ما بقي احد ما انتقدوه وما تمنو اقالته من المدربين اللي بذاك الموسم اللي اقلناهم في الاخير ما استفدنا شي كادت تضيع علينا الصداره وضاعت علينا الاسيويه ويطالبون هذا الموسم بنفس الشي بس اشوى ان الاداره ما تسمع لهم وهذا يحسب لها ..

وايضا الان يطالبون بانهاء عقد ليلو وهو توه جاي بالانتقالات الشتويه يعني ما بعد تاقلم مره مع الفريق ويبون يذكرونا بانهاء عقد الفان ومحاربتهم له اللي انهته بدري قبل لا يبدا ..

انا لا اريد ان اقول ان هنالك مندسين بالمنتدى لاكن اقول هنالك عاطفيين كثر

شاكر لك على الموضوع المميز .
اضافة رد مع اقتباس
  #12  
قديم 17/02/2008, 06:00 PM
زعيــم متألــق
تاريخ التسجيل: 14/01/2006
المكان: (نـــــجـــــد)
مشاركات: 1,267
مشكووووووووووووووووووووور
اضافة رد مع اقتباس
  #13  
قديم 17/02/2008, 06:17 PM
الصورة الرمزية الخاصة بـ الملك"توتي"
زعيــم مميــز
تاريخ التسجيل: 26/07/2005
المكان: شفت آخر الدنيا؟هـ وراها شوي
مشاركات: 3,340
عمرية هلالية :

اشكرك عالمرور بالنسبة للأهلي طبيعي تصير ..!
احيانا تصير بين اندية معينة .. يعني مثلا فريق معين يعرف لفريق معين والعكس صحيح
انا بقولك الآن مثلا .. تفاريس طويل وفهد المفرج طويل .. مالك معاذ قصير << يمكن تستهيني في هالشي بس تراه يفرق كثير ..
وبعدينا لقصة ماهي تشائم بس واقع



مجنون الزعامه :

انا متفهم للي تقوله .. بس صدقني انها العاطفة .. ثم ان اذا كنت تختلف معي في نقطة ما يعني انك تندم على قراءة موضوعي .. عالعموم شرفتني


اشكر الجميع عالمرور ..وانا احترم كل وجهات النظر بالعكس على راسي من فوق ..
رغما ني متأكد ان العاطفة تاخذ جانب اكبر من الواقعية لديكم .. وهذا طبيعي بالعكس ويدل على حبكم للنادي
عالعموم انا متفهم وشاكر لمروركم
اضافة رد مع اقتباس
  #14  
قديم 17/02/2008, 06:30 PM
زعيــم فعــال
تاريخ التسجيل: 14/08/2007
مشاركات: 252
من اجمل الموضيع التي كتبت عن كوزمين
بس اخر شي خربتها
وانا ابتحداك بمباراة الهلال والاهلي
وابراهنك ان الفوز للهلال بإذن الله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube