|
يُمنـع اصطحاب العاطفة ، لمن أراد مصلحة الهـلال !
بسم الله الرحمن الرحيم
في الحديث الكثير عن الزعيم هذي الايام
يكاد ان لا تخلوا مقولة او كملة في الهلال الا ويلحقها اسم ( كوزمين )
المدرب الروماني
والكل يدلي بدلوه بين مؤيد ومعارض والكل له الحق ..
انا بس ودي اتكلم عن شي يمكن كثير خفي عنهم
طبعا في البداية انا من المؤيدين لبقاء كوزمين عشر سنوات او اكثر مع اني متأكد استحالة هذا الشي 
ولكن بغض النظر اذا كنت مؤيد او معارض في نقاط لازم اسردها
وعليكم الحكم :-
* كوزمين قبل مجيئه السعودية .. كان افضل مدرب شاب في رومانيا .. عن نفسي ما اظن ان الدوري السعودي اصعب من الدوري الروماني (( للعلم كان مدربا لاحد اكبر الاندية في رومانيا وهو دينامو بوخارست ))!
* انا استغرب من يقول بأن كوزمين يعاني من ضعف قراءة الخصم ؟؟ لأن هذي النقطة تسقط مدربين وبالعكس انا اشوف ان كوزمين افضل مدرب شفته يقرا الخصوم وهذه اصلا ميزة المدربين الاوروبيين وكلنا نتذكر مباراة النصر الدور الأول .. كيف كانت الاهداف من ركلات ثابته ؟؟ وهذا ما ركز عليه المدرب قبل المباراة .. لانه يعرف بان النصر يعاني من ضعف الدفاع في الكرات الثابته .. وايضا قراءته لفريق الاتفاق كيف استطاع ان يقضي عليه ويخفيه تماما في اخر مباراة لنا معه في الدوري المحلي .. واللي فزنا فيها 2 /0
وحتى ارجعوا لتصريح ياسر القحطاني بعد مباراة الحزم ..
يوم قال بأن المدرب دربهم على مثل هذي الكرات .. وهذا يعني ان التدريب ماهو قصة 4 -5 -1 والا 4 - 4 - 2 وبس .. لا في شغل خلف الكوالـيس
*الامر الأغرب والأغرب فعلا !! بل والعجيب والرهيب في نفس الوقت .. من يقول بأن الهلال يمشي بالبركة ، وفوزه حظ حظ ؟؟؟ اي حظ تتكلمون عنه ؟؟ طيب سؤال وابي جواب بأمانه : لو الهلال محظوظ بالله هل كنا بنطلع من الآسيوية ؟؟ كنا بنطلع من الخليجية ؟؟
وبعدين الحظ يمكن يمشي معك مباراة مباراتين .. بس مو كل المباريات ! ولكن... ولكن انا اعتقد بان ثقافة الشعب السعودي عامه في كرة القدم بأنك ما تمشي إلا بطريقة 4 - 4 - 2 ؟؟ واللي لو شكلناها حتصير 4 - 1 - 3 - 2 .. ونحن نعرف ماذا فعلت بنا هذه الطريقة امام الأهلي ؟؟
والمشكلة اننا لو نعلم بأن اعرق الاندية العالمية تلعب بنفس طريقة كوزمين اولها ميلان - روما وحتى ريال مدريد احيانا ؟؟ ومع ذلك يتصدرون دوريات قوية ويتفوقون على اعرق الاندية في العالم
وانا متأكد لو الناس تعرف هذا الشي كان قالت : لا بالعكس كوزمين معه حق ؟؟
* كلنا نعرف ظروف لاعبي الهلال وضياعهم بين الفريق والمنتخب سواء الاول او الاولمبي .. ونحن نعرف بان لاعبي الاولمبي يشكلون نسبة من الفريق الاول بالنسبة للهلال
* انا استغرب من اللي يقول هذا مو عذر رغم ( وركزوا على هذي النقطة ) رغم ان كوزمين لم يتحدث عن هذا الامر .. وهذا يدل على انه لا يبحث عن مبررات ..
خصوصا اذا ما اخذنا بالاعتبار بأن .. ميسي يغيب عن برشلونه .. يختفي برشلونه ؟؟
ريال مدريد عندما انتقل ماكليلي منه جلس 3 سنوات ما طب بطولة ؟؟
ميلان غابوا عنه كاكا وبيرلو عدة مباريات في الدوري احتل المركز 11 لولا انه ناد كبير واستطاع ان يلحق بالركب في الدوري .. والا كان علوم
يا اخي شف وش اللي حصل لأندية اوروبا اثناء غياب اللاعبين الأفارقة بسبب بطولة امم افريقيا !!
وهم ما يتعدون اثنين في كل نادي ؟؟
لكن انا ابغى اتكلم عن هذا الامر مثلا لو جينا للاتحاد .. وهو المتصدر حاليا كم لاعب منضم للمنتخب لديهم بين المنتخب الاول والاولمبي ؟؟ سعود كريري ، ومناف ابوشقير ، ، نايف هزازي
طيب نشوف الهلال كم لاعب ضايع بين الفريق والمنتخب :
ياسر القحطاني ، خالد عزيز ، الشلهوب ، عمر الغامدي ، الكلثم ، الفريدي ، عبدالعزيز الدوسري ، الزوري ، عبداللطيف الغنام ، العبدالسلام
- ولا انسى ايضا بأن الهلال هو الفريق الوحيد الذي يلعب كاس فيصل بن فهد بفريق آخر تماما عن الفريق الاول ويقدم مستويات رائعة
ورغم كل هذا .. الاتحاد خرج من بطولة ولي العهد ونقطيا نجده الثاني
بينما الهلال استمر حتى الآن في كأس ولي العهد ونقطيا يُـعد الاول في الدوري
وحتى خروجنا من البطولات الخارجية كانت بطريقة مضحكة وعدم توفيق لا اكثر
* لا انسى كلمة طارق التويجري في برنامج قضايا في الوسط .. لما قال : ( انا مطمئن على الهلال لشيئ واحد وهو كوزمين )!
وانا بصراحة اثق في كلام هذا الشخص ..
ولكن في طبيعة الحال اكيد ان هناك سلبيات لاي عمل في العالم وبعدين كوزمين ماهو ملاك !!
حتى لو هو ملاك بيغلط
وبصراحة
من اراد مصلحة الهلال سيطالب ببقاء كوزمين ، ومن اراد مصلحة الشلهوب سيطالب بإقالته
والأهم من ذلك كلـه
اتمنى ان نعاتب اللاعبين مثل المدرب .. يعني لماذا لا نلتفت الى فردية بعض اللاعبين ، عدم الانصياع الى تعليمات المدرب وهذا ما يظهر على كوزمين دائما ..
يعني وش ذنب المدرب اذا كان يقول للأظهرة يتقدمون ولا يتقدمون ؟؟
وش ذنب المدرب اذا مدافع جالس يسحب عند محمد الدعيع ؟؟
وش ذنب المدرب لما لاعب يناولها لحارس الخصم ؟؟
وش ذنب المدرب لو لاعب يضيع بلنتي ؟؟
وهذا المقصود .. بأن المدرب ليس كل شي
واذا خسر الفريق اقالوا المدرب ..
وانا والله ما اشوف ورا الإقالات إلا الدجـه
بالنسبة لمباراة الأهلي
بصراحة واقولها بالفم المليان ..
الهلال ممكن يفوز على اي فريق في العالم إلا الأهلي !!
فما بالك اذا كانت المباراة في جده
اكيد الكل يتساءل ليش ؟؟
انا بقولكم .. انتم معي ان مالك ما يظهر الا امام الهلال صح ؟؟ تدرون ليش ؟؟
انا قريت تصريح لمالك معاذ في مجلة النادي بعد مبارتنا ضد الاهلي في الدور الاول
وقال مالك انه اصبح يعرف دفاع الهلال حتى وان كان دفاع الهلال قوي الا انه بالذات يصبح سهل بالنسبة له
وحنا نعرف بأن لو مالك تحرك تحرك الاهلي
ولكن ندعوا يارب وفق الهلال
بس جهزوا نفسكم للخسارة من الآن !
وجهة نظري ( بـــدون عـاطـفة ) 
شكرا لكم  | 