[ تغطيه شامله لـ امسيه الشاعر ياسر التويجري الاخيره بدبي ]|[ فديو + للموبايل + صور ]
.
بسم الله الرحمن الرحيم ..
السلام عليكم ورحمه الله وبركاته ..
في ليله من اجمل اليالي .. وفي امسيه من اجمل الامسيات .. احتضن ملتقى الشعر الشعبي السابع بدبي .. برعاية سمو الشيخ حمدان بن محمد بن راشد آل مكتوم .. الذي اعتذر عن الحظور لـ ارتباطه بـ سباق الهجن نايابه عن والده الشيخ محمد بن راشد .. تواجد الشاعر الكبير .. ياسر التويجري .. ضيف على هذا الملتقى .. مع اشقائه الشعراء الشاعر محمد بن مشيط من دوله الامارات .. و الشاعر خميس المقيمي من دوله عمان ..
وسط حضور جماهيري راقي ..و ايضاً حظور عمالقه الشعر في الخليج والوطن العربي .. تقدمهم الشاعر محمد بن ذيب العجمي .. و خلف المشعان العنزي .. و سعود المصعبي .. و محمد جارالله السهلي .. وهادي المنصوري .. و صالح المنصوري .. و تركي المشيقح .. ونخبه من شعراء الخليج والوطن العربي ..
وايضا تقدم حظر الامسيه .. سمو الامير راشد بن عبدالعزيز بن سعود آل سعود .. و شقيقه الامير سعود بن عبدالعزيز بن سعود آل سعود .. ابناء الامير عبدالعزيز بن سعود [ السامر ] ..
وقد احياء الشعراء الثالثه امسيه من اجمل امسيات الملتقى .. بدائها الشاعر الاماراتي محمد بن مشيط .. ومن بعده الشاعر العماني خميس المقيمي .. ثم ختمها الشاعر المميز ياسر التويجري ..
وقد قدم الآسر اسلوب جديداً في اسمياته .. نمط مختلف في قصائده .. حيث اعتاد ان يقدم في امسياته قصائد تخص الجمهور .. الا انه قدم في هذه الامسيه قصائد خاصه بـ ياسر التويجري .. وهذا ما اعلنه في قبل القصيده الرابعه .. حيث قال ما نصه [ .... والله انا قصايدي اليوم قسم بالله .. ناوي اسمعكم قصيد مو هوب قصيدي ( الطهبله ) .. قصيدي انا الي اكتبه لنفسي .. موهوب للجمهور .. لذالك حتى التصفيق ما يعني لي الشي الكثير في القائي لهذي القصايد .. فلو ما صفقوا يكون افضل ]
|[ توضيح لغير الفاهمين : مو = ليس .. هوب = هو ]|
وقدم قدم الشاعر ياسر لتويجري .. تسع من اجمل القصائد .. اصغى اليها الجمهور كامل الاصغاء .. فقد اتسمت القاعه بالهدوء التام .. عاد التصفيق الاجباري بعد طلب ياسر منهم بعدم التصفيق .. الا ان الجمهور اجبر على ان يصفق لـ ابداعه الامحدود في الامسيه ..
بداء امسيته بقصيده بعنوان [ يا طير ] .. وهذا جزء بسيط من اول القصيده ..
يا طيـر يالي مخالبيـــك تعـــوق الحريـــب .. قطع سبوقك وذب الريح وارق السحاب ..
سلم على الوكر والجرح القديم العطيب .. وسلم على البرقع المظلم و ظلم العذاب ..
و لم تخلوا القصيده من اسلوب ياسر المعتاد .. في مدح نفسه و تحقير اعدائه بـ اسلوب متميز .. حيث قال ..
الشعـر غصــــن عليــه يغرد العـندليـب .. وانا ما غردت فوق الغصن لـ اني عقـاب ..
الله عطاني عصى موسى وقدرة شعيب .. حتى حكمت القلوب الي ملكت اغتصــاب ..
و الي ما يرضى بالتصنيف هذا القليـب .. يشرب واذا ما رضى بالشرب ياكل تراب ..
ثم قدم قصيدته الثانيه .. وهذا جزء بسيط من القصيده ..
السجين انا السجين الي سجن بـ اتفه دليل .. يوم قال الي مهو معروف من غباوته ..
ويوم خانتني دروب المجد و لزمت الرحيل .. انفتق جرحي واهو تـوه على طرواتـه ..
ثم قدم قصيدته الرابعه .. التي كتبها في باريس .. قبل سبع شهور والتي كتبها مثل ما قال [ ايام ما كان رجعي .. اما الحين منفتح .. واكبر ديل الشنب والحيه ] .. ( وهذا الكلام وضعته ايضا في الفديو من ضمن القصيده .. )
وهذا جزء بسيط من القصيده ..
اليا ثمن ليلك يا باريس و انــــهـــــان .. وشـــوارعك عجزت تشــيل المباني ..
وهزت بنات الليل مع صوت الالحــان .. على الموسيقى الصاخبه و الاغاني ..
وكل(ن) خذاله كاس وسكي و شمبان .. وانا قعــدت بـربعـــتي و بـ مكانــــي ..
يا بنت ما ني مولع(ن) فيك وهيمــان .. لـو انثيتــي ثنيـــه الخيــــزرانــــــــي ..
كرم الله خشمأي الشـم الزعــــول .. وبيض الله وجهي المبيض ايه ..
وان سالنـي من تفطلـــه العـــذول .. وقال لي يا مكبر الهقوات ليــه ؟
قلت ما به شخص يشبهني واقول .. يعطي المحــاج في كلتـــا يديـه ..
سلام من مكـــــــه ومن جنب المقام .. يحمل بطياتـــــــه مشـاعر وافره ..
الحـب والتــــقدير وازكـــــى لاحترام .. للصاحب الــــي ما يعيش منافره ..
محزمينه فـوق جنحـــان الحمـــــــام .. الي تعرضــنا عليـــــه مســافره ..
::
يا صاحبي والضيق مثل ابن الحرام .. يبرك على صدر الرجل ويدافـــره ..
يوم احترفنـا بالبلـــــد صــدق الكلام .. صــــارت علقتنــــا مع مخافــــره ..
ما عاد نولي للشـــعر اي اهتمـــــام .. عقب حكمنـــــا ملعبـــــه بالصافر ..
حنا على الشعـــار مثــــل العم سام .. على حكومات الشعوب الطافــره ..
ثم قدم قصيدته السابعه ..والتي تحمد بها بسلامه سمو سيدي الامير عبدالعزيز بن فهد حفظه الله ..
وهذا جزء بسيط من القصيده ..
سلامتك والله يحفظــــك ويــــــرعاك .. يا غير ياللي فيك جزنا عن الغير ..
يا واحد(ن) مالك مع الناس شرواك .. يا ستاذ يا دكتور يا شيخ يا ميـــر ..
يا حسام يا حسان يا بـــــدر ياسماك .. يا طويق يا سنجار يا طي يا النير ..
سبحان رب يوم كونـــــــــك خـــلاك .. تشبه فهد فعل و وكرامه وتصوير ..
ثم قدم قصيدته الثامنه .. وهي قصيته المعروفه .. وسبق له ان قدمها في اكثر من مناسبه .. وهي قصيده [ الحصار ] ..
وهذا جزء من القصيده ..
على غرار الحصار اعلنت فرض الحصار .. وعلى اشتراكيه الاعداء و الحاقدين ..
مدام في كفــــي اليمنــــى سلاح الدمـــــار .. الله يلعـــن ابـــو المــرت قبل استلين ..
أمسية رائعة جدًا لا ينافسها على الروعة إلا هذه التغطية الجميلة منك أخي الكريم ,, فبارك الله فيك وفي جهدك الذي بذلته من أجلها ,, وأعطاك الصحة والعافية ,, والشاعر دون شك يستحق الكثير والكثير ,,
يالبا لباه يابومحمد تغطيه اكثر من رائعه، انا قايل من قبل واكرر اللحين فزاع اسمك مقترن بالابداع مدري وش اقول صراحه . بعض المواقف تجبرعلى الصمت وعدم القدره عن التعبير تجاه الاعجاب . والثناء والشكر. فزاع صدقني والله وبدون مجامله موضوع لايعلى عليه ويكفي انه عن حبيب قلبي يسوري بالمناسبه حبيت اوضح العلاقه بين ياسر وابن الذيب ، وما شيع من قبل عن ان بينهما فجوه ومن هالقبيل ، بعد الامسيه اقام ابن الذيب وليمة عشاء للشاعر ياسر وبعضاً من الشعراء . وهذا رد على من يتهمهم ومن يروج للشائعات . امسية جميله اتسميت بالهدوء وهذا لم يتميز به ياسر من قبل ولكن اعتقد ان ام العيال شاده عليه شوي > لاتصدقون ماتزوج فزاع اكرر شكري لك ياغالي وماقصرت على التغطيه الجميله جداً وردهورده