▓ من ملحوس ومريض نفسي إلى ( ALIEN ) <---- كائن فضائي ▓ - صفحة رقم 6 - نادي الهلال السعودي - شبكة الزعيم

الـمـشـاغـب · #76 16/02/2008, 03:36 AM

ههههههههههههههههههههههــ

عبدالله .. يا حظ أهلك فيك ما تخسرهم واجد

عاد أنا متعقد من شي اسمه بصل ما أدانيه

مرة شفت فيلم هندي البطل ماسك بصلة وياكلها كنها تفاحة .. حامت كبدي

الحمد لله والشكر على النعمة ..!!

عبدالله ليه ما تستشير مختص نفسي ؟ يمكن يفيدك بهالأمور ورده

ألف تحية يا عبودي .. وخلنا نشوفك

مرور بسيط اعذرنا عليه ورده

يورو · #77 16/02/2008, 05:43 AM

على فكرة من النك حقك ضحكت على طول ودريت ان الموضوع فيه ان مادام انك مواصل من سنين
اكيد بتطلع منك بلاوي

والله فتحت باب بموضوعك طلعوا كل اللي بالمنتدى مثلك اوانهم يشخصون ياي انا حتى مثلك ...
*******
ترى نفس تعاف ماتسمن وانا اخوك وحلاة الاكل المطرسه
يعني اسباكتي مع كتشب وشطه قمة اللذه في الطعم واحس بهبوط من كثر ما استلذ بالمذاق الطيب الشهي .. والاروع من ذلك لحم مطبوخ بحليب ويقدم على طبق مع بعضا من العسل وبعدها

ياشيخ تحس انك افدغ لمدة نصف ساعه بلياليها ..
++++++
تراك ملحوس وبتموت ان طولت على هالحال وان كانك تطيع الشور ترى عازمك على رووس ومقادم وقل تم ..

تحياتي واشواقي

تقبل مروري

يــورو

Hictar · #78 16/02/2008, 04:59 PM

إقتباس

الرسالة الأصلية كتبت بواسطة A.K.N 505


	رز مع بطيخ مع تمر رز مع زبادي مع مرق مع شطة

هلا بالأخ العزيز A.K.N505
بسألك من اللي يسوي الخلطات هذي ؟
لا يكون إنت

رز مع جح مع تمر

ورز وزباده ومرق وشطه

إثر أخوي أحمد إنسان عادي بالنسبه لك

إقتباس

الرسالة الأصلية كتبت بواسطة الهنوووف


	. اناااا عندك البصل مستحيل اكله والمربى والباقي نسيتهم هالفتره يمكن من كم شهر او حول سنه ماصرررت احب شي اسمه وجبه غداء ومستحيل اكلها الحواق والخلطات ماحبهااا مره مره لافيه ناس ياكلون موز مع الرز يعني يقطعونه وياكلونهم سوا او يصبون لبن مع الرز يعني مو يشربون وياكلون لا سوا وعمتي ناشبه لنا كل مانجتمع وفيه زنجبيل ماحبه انا وهي تقوول اشربوا زين يدفي مشكله ماودك تردها بس ماحبه والف مرره تقول لنا

هلا باللي كانت هنا ورحلت

هلا بالفراشه الناعسة

فيه أحد ما يحب البصل

<---- شف من يتكلم
بخصوص الزنجبيل يا هنوووف أمر سهل ، خليهم يصبون لك بياله وإتركيها لحد ما تبرد وبعدين تصرفي وقومي من مكانك كأنك ناسيه

<--- كيف التصريفه
شاكر لك مرورك هنوووف

إقتباس

الرسالة الأصلية كتبت بواسطة أبو فيصل الرحيمي


	صدق منت بوجه عزيمة

هلا فيك أخوي أبوفيصل
وليه يا أخي ماني وجه عزايم

عادي خل الناس تعزمني بس بشرط إني أنا أجيب العشاء

وأفكهم من الطبخ والنفخ

شاكر لك مرورك أبوفيصل

إقتباس

الرسالة الأصلية كتبت بواسطة algohmani


	ليه امك ماتعرف تسوي همبرجر شكلها زي امي ذبحتني بالمرق ماباقي الا تجبلي سطل مرق واسبح فيه

هلا فيك أخوي أبوعبدالله

معليش تركت كل ردك ، ياخي طويل

بخصوص ردك
فيه تغيير بالبيت بس مثل مرق الخضار

والله الوالده الحمد لله ما تقصر متعبها

تراعي شعوري كثير بالغداء ، أحس إني مشغل أهلي كلهم

لازم يسوون لي غداء خاص أو يتغدون على كيفي

شاكر لك مرورك أبوعبدالله

إقتباس

الرسالة الأصلية كتبت بواسطة رعبوبة الزعيم


	يعني مثلا عندك .. اخوي مايحب المكرونه قد شفت بحياتك احد مايحب المكرونه !

هلا بجواله الزعيم

معليش بحش بأخوك جواله الزعيم

أخوك ( مريض نفسي )

فيه أحد ما يحب المكرونه

أما عن نفسيتك ، فإنتي قريبه مني كثير

فيه إتصال معوي بيني وبينك

شاكر لك مرورك جواله الزعيم

إقتباس

الرسالة الأصلية كتبت بواسطة BOY NJD


	وبكلــ صراحه بدية اشـــــــك انكــ مخلوقـــــــ فضائيـ

هلا بمصممنا

تستاهل يا بوي

أما عن إني مخلوق فضائي فهو لا جديد

إلا إن كانت بتصكني بمسمى جديد أضيفه للقائمه عندي فما عندي مانع

شاكر لك مرورك بوي نجد

إقتباس

الرسالة الأصلية كتبت بواسطة سارووونه


	كلنا نحب ماما الله لا يحرمنا منهم احسك دلووووووع الماما ___________________________ رز ومرق لا بس طحينيه وجبن والله انصحك تسويها جداً لذيذه خاصه جبن كيري مع طحينيه.<<<يدوووخ الطعم ______________________________ من جد هذول لازم نسوي كذا اذا جلسنا معهم الا صديقك وشلون ياكل الخليط الي في كاس الشاي بملعقه والا باصبعه اذا باصبعه تكمل الدعوه

[/quote]
هلا بساروونه

هلا بالغاليه

أنا دلوع ماما إنتي ووجهتس

تعرفين من الدلوع إنتي وراسك

_____________________
أجل طحينيه وجبن لا وجبن كيري بعد

وش جوك إنتي

إنتي تدخلين بمسمى راعيه ( حواق )

________________
أما بخصوص خويي فهو جلس يآكل الخلطه بالملعقه

سارووونه شاكر لك تواجدك
وتواجد كنت أنتظره من زمــــــــــــــــــــــان

إقتباس

الرسالة الأصلية كتبت بواسطة بـنـ**الزعيم**ــت


	بالنسبه لحالتك بالأكل زي اخوي مستحيل ياكل شيئ من يد احد غيري انا وامي بس _______________________ يووووووهـ شغله اصير مبسوطه اني بغيب يجي يصحيني (صلحي لي فطور) .. بالله عليك مايقهر ______________________ ياأكل تونه مع جبن فول مع جبن قشطه مع طحينيه

هلا بالقصمنجيه

عن أخوك شئ حلو يعني مو أنا لحالي فيه ناس غيري ( كائنات فضائيه )

_________________
أما إنه يجي يصحيك فأنا ألومك إنتي

لهدرجه إنتي مهف بالبيت ومالك كلمه

قولي له ( ضف وجهك )

<------- بيخربها على أخوها
_________________
أما عن خالك الله يعين اللي ياكل جنبه

فول وجبن ، وتونه وجبن

ما أقول الا الحمد لله على النعمه بس

بنت الزعيم شاكر لك مرورك بموضوعي

إقتباس

الرسالة الأصلية كتبت بواسطة abu_riman


	من باب الشفافية التي باتت مطلباً للجميع ! ماذا حصل بينك و بين عمتك ( شيخة ) ؟!

هلا بأبو ريمان ، أو تبيها أبي ريمان

ما أقدر أكون شفاف بالمسأله هذي

وش تبيني أقولك إنها حقدت علي وزعلت

والخبر إنتشر

وإنقطعت الرسائل

علاقتي القويه راحت مع عمتي بسبب أكل

شاكر لك تواجدك أبوريمان

إقتباس

الرسالة الأصلية كتبت بواسطة ازرق+ابيض=عشق الهلال


	الحمدلله لقد اننا بالهوى سوى

شاكر لك مرورك أزرق وابيض

إقتباس

الرسالة الأصلية كتبت بواسطة عـز الهلال


	و الله حالاتك فـي منهـا " كثير " اعرف والله يعينك أجل اذا رحـت عـرس ولا عـزيـمه .. و تشوف [ المفاطيح ] قدامك وش تسوي ____________________ تتركـ [ مـالذ و طـاب ] عشان الــ" الوسوسة " حقت يا موسوس وبـعـدين [ كيف ] ما تحب المرقوق ,, جرب ولا انت خسران . _____________________ بــ خصوص الحوق فــ أعرف أخوي يجيب الرز ويحط معاه [ كتشب ] و ياليت تقتصر على كذا .. يقوم يزود الرز و الكتشب بــ ملوخيه ..!!

أهلين أبو العز

لا تخاف بخصوص العروس أنا مضبط وضعي يا ذيب

أولا أنا أكره العروس وما أحضرها أبدا

وإن قدر الله علي ورحت ، ما أجلس ولا ثلاث دقايق

أسلم على المعرس و ( الفقعه )

__________________________
أما بخصوص المرقوق فما أقدر آكله ، وما أقدر أبين السبب
أخاف إن الله يبتليني ( الحمد لله حنا بنعمه )
______________________
أما بخصوص أخوك قسم بالله ودي أستفرغ وتوني متغدي وأنا أكتب الرد
حامت كبدي وأنا أقرى الكلام
أجل كيف لو أشوفه قدامي

شاكر لك مرورك أبو العز ( الله يحوم كبد أخوك )

إقتباس

الرسالة الأصلية كتبت بواسطة ][the best][


	ومن ( عادات ) .. " العرب " .. ( الخـلط ) .. بين " الأكلات " .....! دائمـاً .. ( اعـاشر ) .. " متمرسين " .. في تلك .. ( الأعمـال ) .........! والبث عند .. ( البادية ) .. لـتجـد .. " براعة " .. ( فن الخـلط ) .....! وربمـا .. ( مذاقهـا ) .. بين ( جنـبات ) .. " الدمـاغ " .. و .. " المخ " ..

يزيد بالله روقنا

أما المذاق بيكون بين جنبات المخ

هذا بالنسبه لك إنت

خله يصفق بمخك على كيفك بس طلعني من السالفه

شاكر لك مرورك يزيد

إقتباس

الرسالة الأصلية كتبت بواسطة بنت عبد الله &


	عادي والله .....رز .. مرق.. لبن

عادي مين يا أم أمين

رز ومرق ولبن وتقولين عادي

أحسك تحبين البربسه

شاكر لك مرورك بنت عبدالله

إقتباس

الرسالة الأصلية كتبت بواسطة الشقرديه


	احيييك على الموضوع الخفيف على المعدة

حيا الله الشقرديه ( المختفيه عن المنتدى )

عودا حميدا
وشاكر لك مرورك

إقتباس

الرسالة الأصلية كتبت بواسطة AHMED477


	عاد تصدق توى ادرى انى نعفقى

أهلين يا حماده

إزيك ، وربنا يكفيك شر العنفئه

شاكر لك مرورك أحمد

________________________

آسف من الجميع على ردودي السريعه إنتوا شايفين وش كثر الردود
وإن شاء الله برجع للباقي

Hictar · #79 18/02/2008, 06:29 PM

إقتباس

الرسالة الأصلية كتبت بواسطة عشقي الهلال الأول


	بس هناك كلمة غريبة في موضوعك وكأنكـ تسألنـا استخرج الكلمة الغريبة من الموضوع اللي هو [ العنفقه ] قليل ما اسمع هالكلمة

هلا فيك أخوي عشقي الهلال الأول
تشتاق لك العافيه

أنا قلت المعنى بالموضوع
إسأل الشياب والعجز اللي عندك عن الكلمه إذا أنت من أهل نجد

إقتباس

الرسالة الأصلية كتبت بواسطة "هلاليه أنا "


	بصراحه ما ألومك إذا تقرفت من الحواق شي لا يحتمل بالذات البيبسي والبرجر ,,

الببسي والبرجر ما فيه شئ

من جد إنتي شكلك أنواع النفسية ومريضة نفسيا

وعلى فكرة ردك هذا جنني خلاني أعيد ردودي كلها
لأنه ما يطلع ردك لا إنتي ولا أبوصقر

______________________________

عائد الآن لإكمال ما تبقى بعد ما هبل فيني رد هلاليه أنا

Hictar · #80 18/02/2008, 06:42 PM

إقتباس

الرسالة الأصلية كتبت بواسطة abo sager


	ياخوي انا بطني اقسم بالله يحوس دايم ومع ذلك ما اتوب من الأكل من هنا وهناك

هلا فيك فيصل
إنت وضعك يوم تجينا الإستراحه ما يطمن

شكل فيك القولون صح

إقتباس

الرسالة الأصلية كتبت بواسطة الكــلاسيكي


	احس انها من ثاني اليوم بتقول بنعطيك المهر دبل .. بس طلقني صحيح فيه اشياء كثير الواحد ماوحده حتى يشوفها .. الله ينعم بها .. لكن عاد القرصان ولا المرقوق ماسمعتك جدتي .. كان قالت كل منه خله يقوي عظامك < حليب مو قرصان

هلا فيك أخوي عادي
والله إنك صادق بكلمتك عن تدبيله المهر

بس تصدق لو تصير ، راح أستغل الوضع وأنواع التغيير والربح على ظهور الصبايا

ومكاسب أكثر من الأسهم

يا حبي للبر ، بس المرقوق ما أقدر ما تحاولش

إقتباس

الرسالة الأصلية كتبت بواسطة حمـhmooodyـودي


	بس عندي ملاحظه: وش فيها الطحينيه مع الجبن والله مافيه احلى منها

هلا فيك أخوي حمودي
وش فيها طحينية مع الجبن

أنا أقولك وش فيها

هذي طال عمرك إسمها عندي بربسة ومطاريس

إذا جيت آكل مع أحد من اللي يمطرسون مثلك
أخليه يأكل من صحن ويخلط على كيفه وأنا لي صحن لحالي

إقتباس

الرسالة الأصلية كتبت بواسطة أبوشلاخ الهلالي


	والله ياهو بروست يحبه قلبه عان خويكـ يموت بشيء إسمه كتشب مايونيز مخلوطة مع بعض .. على شوية شطه من النوع الذي اذا دخل بطنكـ يصهر أمعاءكـ

وش جوك إنت

عاد كل شئ مستعد آكله إلا المايونيز

لا وتحط معه شطه وكتشب

خذ لــــــــــــــــــــــك إنت وجوك

إقتباس

الرسالة الأصلية كتبت بواسطة جنـــ الزعيم ـــى


	مواصل اذا تزوجت بتاكل من يدين زوجتك ويدين اهله ولا ومن يدين جيرانهم بعد ودي امكـ تسوي فيكـ مقلب مثل ماسويت في اخوي>>> مايشرب الالبان ومشتقاته وكل مازينا شي لازم ناخذحسابه في طبخه مافيها مشتقات الالبان وخاصة الجبن وإلا الاسكريم اللي فيه حليب ماشاء الله يسابقنا عليه مسابق يعني المسألة دلع قلت انا اللي ابي اسنعه دامه صغير زينت حلا طبعًا فيه قشطه وحليب وحطيته له سألني سؤاله المعتاد فيه حليب؟ قلت لا هذا طحين وياكل ماشاء الله بعد ما خلص الصحن قلت وش رايكـ في الطعم قال حلو قلت له لاعاد اسمع كلمة فيه حليب ؟ كل اللي اكلته حليب وقشطه ومن بعده تادب وصار ياكل بعض الاكلات

هلا فيك أختي جنى الزعيم

سويت إنجاز المفروض الكل يبارك لي عليه

خليت جنى الزعيم تتكلم باللهجة العامية

أما إخوك عاد هذا وضعه صعب للغايه

الحليب ومشتقاتها ما تشربها ولا ياكل منها
أمممممممممممممم
غريبه
بس أعرف شخص مثل حالته

كنت أشتغل معه يعرف البريق أو الكاس اللي كان فيه حليب قبل ما يجيه

ويمرض نفسياً إذا ذاق طعمه
ويقوم يغسل الكأس أو البريق اللي كان فيه حليب ب ( فيري )

ويحط عليه مويه ويشب عليه ويخليه يغلي وبعدين يفرغه

إقتباس

الرسالة الأصلية كتبت بواسطة حتى ظلالي هلالي


	لدرجة القهوة ما أشرب إلا قهوة امي واذا كنت عند أحد أجامل بفنجال بس وبالنسبهـ للحواق تراني توي شاربهـ بيبسي مع سفن وش أسوي مافيهـ بيبسي إلا شوي عندي وانا ابي أملا الكأس جبت شوي سفن وحطيت عليهـ وبعد آكل مع الرز - تمر .. يعني أقطع نص تمرهـ وأحطها بالملعقهـ مع الرز وآكل

هلا فيك حتى ظلتس هلالي

إذا على القهوه والببسي والسفن أمرهم سهل

بس تمر ورز

وش تحسين فيه إنتي

عسى ما شر

مالح مع سكريات

الله يعين اللي بياخذتس بس

إقتباس

الرسالة الأصلية كتبت بواسطة Dr.Juve


	اما هذي ما الومك فيها

حياك أخوي Dr.Juve

____________________________

أعتذر من الجميع على تأخري بالرد وإن شاء الله سأعود لإكمال ما تبقى

الله يعيني

Hictar · #81 19/02/2008, 08:57 PM

إقتباس

الرسالة الأصلية كتبت بواسطة شـــذى


	والله التميتوز << البنت لغة على سبيل المثاااااال لا الحصر الشكشوكة << البيض من الد أعدائها وعلاوة على كذا يجتمع هو والطماطم والبصل في طبق واحد يااااااربي الواحد وين يطس الحواق فن من الفنون والتي لا يتقنها إلا قلة ..

هلا بالأخت الغاليه شـــــــذى
هلا بالفضية ، مبروك مره ثانية وتستاهلين

إلا بسألك وش التيتموز ؟

أما عن الشكشوكه ( فالحمد لله على النعمة ) !!!!!!!!
ما أدري كيف العالم تآكلها

والمشكلة أبوي يموت فيها ويتضايق إذا ما كلت من الشكشوكه ( ويسفل فيني )

صدقيني لو يتبرى مني ما أكلتها

ياليت يا شذى تتحفينا بنوع من أنواع الحواق لديك

إقتباس

الرسالة الأصلية كتبت بواسطة (((أخلاق سامي)))


	والله يا عبدالله موضوعك كذا

حياك يا مشعل

إقتباس

الرسالة الأصلية كتبت بواسطة هلالي من ارض اليمن


	اخوي مواصل ... اخيرا تشرفت بقراءة موضوع لك للعلم انا من اعداء الطماطم ... ليش ؟ مدري

هلا فيك أخوي هلالي من أرض اليمن
بالعكس أنا تشرفت بمرور علم من أعلام المنتدى

أما الطماط فالحمد لله الكثير يوافقوني الرأي

يعني مو أنا لحالي ( ALIEN )

والرواية واقعيه ( إسمي عبدالله )

شاكر لك مرورك

إقتباس

الرسالة الأصلية كتبت بواسطة ريري هكتور


	وهـ يالطماط انا ماادري وشلون البزران ياكلون لحاله وع أكرم النعمه يارب والا الليمون وتسبديه >> فيس يستفرغ وع بعدين والله الجريش حلو >> لعبة أمها القرصان >> لعبة أم ليز ذكرتني بعيال جيراننا يسوون الادهى بالفشفاش كلن يغط بفمه شوي ويرجعون يكبونه بصحن ثم ياكلون سوا >>الا والله امهم ماصطرت كل واحد كف يلبد خشته

هلا بالقصمنجية

وربي ريما يا أنت مت من الضحك بردك

لدرجة إني قريته أول ما نزلتيه 4 مرات كل يوم أدخل بس أقرأ وأضحك

أما ليــــز فسلمي لي عليها ( سوت فيني حركه بـايخة ومعها كل الحق لكن ياليتها غيرت الطريقة)

هي أخت وعزيزة وغاليه ومازالت أخت وعزيزة وغاليه وراح تظل أخت وعزيزة وغاليه

أما عيال جيرانكم

تذكرت حركه يسوونها البزران قبل

نجمع سعابيل ونخليها ثقيله

وبعدين ننزلها وحنا واقفين ونرجع نمصها علشان ترجع بالفم

أما عن ( الســــــــــــوري )

اللي إنتي خابرتها فيا لبى قلبها هي وشيخة

إقتباس

الرسالة الأصلية كتبت بواسطة هلاليtop


	يامواصل من عام الفيل والله انت سيم سيم انا سبحان الله لقيت واحد مثلي

حلو وشئ جميل يعني نقدر نقول إنك ( ALIEN )

شاكر لك مرورك

إقتباس

الرسالة الأصلية كتبت بواسطة algohmani


	ليه وش تبغا تسمع اذا الشعر شغله اجل روح صفط على سيارة ولد خالي تلاقى خالد عبدالرحمن مسنتر في السي دي

مبروك مبروك توني أشوفك فضي

ألف ألف مبروك أبوعبدالله

عاد لا تنسانا

_______________________

سأعود بإذن الله غداً أو بعد غد
لإستكمال الرد بالصفحة الرابعة

saudi’s heart · #82 20/02/2008, 08:48 PM

السلام عليـكم ورحمة الله وبركاته

يستصعب علينا في كثير من الاوقات اكل مايقدم الينا خاصة بعد النظر اليـه
وعدم تقبل النفس له لكن لانستطيع الا مجاملة من امامنا ومجاراتهم حتى نرضيهم
لاني اعتقد بأنه حاول ان يبذل جهده لأكرامنا
فنضطر لمسايراته حتى لو لم نستطيع تقبلــه

اخي عبدالله
استمتعت كثير بالموضوع والاسلوب الممتع
على الرغم مما سببه لي من اضطرابات معويــهـ ...

شكرا لكـ ..

Hictar · #83 21/02/2008, 04:04 PM

إقتباس

الرسالة الأصلية كتبت بواسطة هـــ الشماسيةـــلالي


	وراجعٌ باعتقادي إلى شي وإحساس نفسي لي صديق لا يأكل أي شي أبيض ( لبن , حليب , جبن , قشطة , جوز الهند , ... )

هلا فيك أخي هلالي الشماسية
مثل ما قلت لكن مو توقع ، أنا متأكد إنها مسألة نفسية

بس خويك تحفة

سبحان الله بهالموضوع طلع ناس غريبه

إقتباس

الرسالة الأصلية كتبت بواسطة ماجد مقبل


	ان شاء الله بعزمك على كبسة واجيب شطة وزبادي وليمون ولبن واخلطهم مع الرز وصب عليهم مرق قال لي وش رايك نسوي قشطة بالطماط

هلا بالأديب اللبيب

لا تذكرني تكفى أمس جالس بالمقلط إلا ويدخل أخوي ( أحمد )
آآآآآآآآآآآآآآآه
ما ادري وش حاط بصحنه
أشوف اللون وردي بالصحن
رز ولبن وشطه مع مرق وسلطة !!!!!!!!!!!!!!!!!!
أنا جالس أتقهوى وأقرأ الجريدة
ما قدرت أستحمل الريحة والمنظر
وهو جالس يسولف معي ، قمت وخليته

الحمد لله على النعم بس

إقتباس

الرسالة الأصلية كتبت بواسطة دوم هلاليه


	الفــأئدهـ المترقبـه بالنسبه لكـ من موضوعكـ هـذهـ الفأئـدهـ الميح < خـآنها التعبير 2- دعوة للصبايا ممن تجد بنفسها مقبله على الزواج أن تقبل بي على شرط أن تخفض قيمة المهر إلى ( 10.000 ) ريال فقط ، لأنها لن تتعب أبداً بالطبخ .

هلا وغلا بـ دوم هلاليــــــــة
وين طلعتي منه إنتي

لو أدري إنك بتردين كان كاتب موضوع من زمان

وبصراحة إنتي كشفتيني

أنا كاتب الموضوع أبغا احد يتقدم لي ، والمشكلة إني طفران وأبغا وحده تنزل قيمة المهر

بعدين ليه بايعة عمرها اللي بتاخذني

والله إني لطيف وخفيف وظريف وشريف ( وكل جملة تنتهي بحرفي الياء والفاء موجوده فيني )

إقتباس

الرسالة الأصلية كتبت بواسطة alhawey


	لكن إنك تصنف الطحينيه مع الجبن على أنها محوقه فهذا ما لا أرضاه ، وشكلك ما قد أكلت طحينيه مع جبن مالح

alhawey
روقنـــــــــــا تكفى

الطحينية ما أحب آكلها إلا لحالها مع شاهي مر ( هذا جوي بالطحينيه )

أما عن الجبن المالح !!!!!!!!1 ( تعجب كبير )

أنا ما آكل من الأجبان إلا ( البقرة الضاحكة ) و ( كرافت ) بس

غير النوعين هذولي ما أقدر آكلها

( قال إيش قال جبن مالح مع طحينيه )

إقتباس

الرسالة الأصلية كتبت بواسطة الوافـــ*8*ـــي


	يـآخي مدري ليه.. 3 ارباع مواضيعك فيهم دشير وصيع وملاحيس وعاطلين

إيه أنا ( صوت الشعب )

ومتى كتبت إن أخوياي دشير وصيع !!!
وملاحيس وعاطلين !!!!!
إذا كلامك صحيح بالله تذكرني !!!!!

إقتباس

الرسالة الأصلية كتبت بواسطة @$%alshlhoob%$@


	لازم تلقى لنفسكـ حل لانك راح تتعب بالحياة يعني انت وش ترضى تاكل من يدين الناس؟

هلا فيك أخوي
إذا على مسأله لازم ألقى حل فهو لازم ألقى حل
وضعي صعب إذا أعرست

إقتباس

الرسالة الأصلية كتبت بواسطة بريماكس!!


	يعني انا احب الرز مع المطازيز طيب ابقولك وش رايك باللي ياكل تونه مع لبن

رز ومطازيز !!!!!!!

وتونه مع لبن !!!!!

أتوقع إنك تستهبل بس تبي ترفع ضغطي فارس

إذا جد جد كلامك فوالله مع ينجلس جنبك إنت

إقتباس

الرسالة الأصلية كتبت بواسطة ملـــــ الهلال ــــك


	أقول الله يعينك ع نفسك والله يعينك ع مرتكـ وأخوياكـ بس تصدق ألي يلحق الرز سنكرز انها بيعها ..

هلا بملك الهلال
لا تبعد شف اللي يلحق الرز بسنكرز راد بعدك على طول

إقتباس

الرسالة الأصلية كتبت بواسطة كبرياء إنسان


	هلا فيك يا زوووووووووول أنا قايلك إنك مريض نفسي من زماااااااان والردود أثبتت لك الشئ هذا أنا إذا أكلت رز ولحقته بسنكرز فكله بيروح للبطن وما راح يفرق شئ

ما راح يفرق شئ أجل!!!!!!!
إنت يبي لك قاموس فضايح بالأكل

وإذا على الرز مع سنكرز تهون

Hictar · #84 21/02/2008, 04:17 PM

إقتباس

الرسالة الأصلية كتبت بواسطة abo_nasser


	ابوعابد ..ما سمعت بالعبيله .. العبيله اصطلاحا:هي خلط المرق مع اللبن وعاده تشرب بعد المفطح

إلا أعرف العبيلة

بس خفت أكتبها تقوم حملة حرب علي وأخاف اهل الجنوب يفهمون إني أستنقص فيهم ، لذا إلتزمت الصمت

إخواني الأعضاء أرجوا منكم قول رأيكم بالعبيلة ، لأني رأيي بيكون عنصري

لأني أعتبرها من المطرسة والحواس

إقتباس

الرسالة الأصلية كتبت بواسطة فنون المزيون


	ما قد سمعت مثلها طول عمري " ماني كبيره ستين أربعين عقبال الثمانين " وأتوقع أنك من النووووع " القراف "

هلا بفنون

شكلك متي بعد الرد هذا ، أو جاك شلل

نسأل الله العافية ، لأني ما عاد شفت ردودك وسمعت من قال بأنك موقفة

أما عن حالتي فمنها كثير بس نادرين

لازم الواحد يكون متميز عن العالم حتى بالأكل

فنون دمتي الفتاة المزيون

إقتباس

الرسالة الأصلية كتبت بواسطة goldenwaw


	ضحكتني من القلب ودمت بود اخوي

حياك أخوي

إقتباس

الرسالة الأصلية كتبت بواسطة الـــنـ الأزرق ـــاب


	هلا اخوي مواصل شكل جمهور النصر احرجوك وغيرت التوقيع اما نفسيتك بالاكل غريبة جدا جدا واتمنى لو انك عندي كان اخليك تشرب عبيلة غصب العبيلة : هي لبن وسفن اب يموتون فيها الشيبان تاكل تصبير وش ذوقك احس انك مطفش امك ...الله يخليها لك ... المعصوب : خبز + موز + قشطة + عسل + حليب

هلا فيك أخوي الناب الأزرق

لا ما هموني جمهور النصر وبالعكس أنا حطيت رابط سبهم لي بالتوقيع ، لكن المشرفين حذفوه

أجل لبن وسفن أب

ليه ما تضيف معها سكر بعد علشان يضبط جو العبيلة

صدقني لو أشربها لأستفرغ قدامك

أما عن المعصوب فالله يديم النعمه علينا بس ( موز وقشطه وعسل وحليب وخبر بر )!!!!!!
سواليف إنت يا حبيبي

____________________________

وأخيرا خلصت الصفحة الرابعة
وإذا فيه أحد يقدر يكمل الردود عني له جائزه عينيه

لي عوده مع الصفحتين الباقية

البرنسيسه الزرقاء · #85 21/02/2008, 08:52 PM

إقتباس


	أحب أن أنوه للجميع بأنني حالياً أعاني من فتــــــاق عقلي مزمن ، وربما لاحظه الكثير من خلال ردودي والسبب لا يعلمه إلا ثلاثة فقط وربما يستمر الفتاق العقلي لمدة سنه فالرجاء من الأعضاء أن يستحملوني

شفت توقيعك امس بس ماصدقت الا بعد ماقريت موضوعك

جاي وراز لنا مواقفك حنا وش مستفيدين ؟ ياحيف بس على وقتي الي ضاع وانا اقرا

واضحك

واتعجب

من اغلب الكلمات الي مدري من وين جايبها يا شكسبير العرب

ومااقول الا الله يعين الي بتتزوجك كل ماسوت لك شي قلت ابروح اصلي ولا اقرا قران

<<طلعت لك تصريفه

مواصلل ورده
دوم ممتع يارب

برنسس

ورده

Hictar · #86 23/02/2008, 06:38 PM

إقتباس

الرسالة الأصلية كتبت بواسطة Canada's gallant


	رسالة خارجة عن الموضوع ( I love you mam ). لي 3 سنوات هنا يا مواصل و انا اشوف الشباب و البنات يكتبون mom او mum بس مام حقتك سبيشل

وإنت هذا اللي لفت نظرك يالسبهه

سلك يا أخي سلك

إقتباس

الرسالة الأصلية كتبت بواسطة أبوشلاخ الهلالي


	إذا تبي تحوم كبدكـ صدق سير على بيت الشواية وشف .. زبادي مع طماط وخيار .. إلخ مع الرز هذا غير الفلفل ..

شايفهم أبوشلاخ ولو بكتب عن المطرسه ما خلصت

إقتباس

الرسالة الأصلية كتبت بواسطة ^ العنود ^


	تبي كبدك تحوم شوف المعصوب

والله شكلك راعيته عنود
موز وتمر وخبز وعسل

إقتباس

الرسالة الأصلية كتبت بواسطة ملائم للبيئة


	واحد الله يجزاه خير يقدر الحلاوة الطحينيه مع الطماط()

هلا بك أخوي ملائم ( عليك إسم بعد )

لا بالعكس أنا إجتماعي بس مو كثير
حالياً إنطوائي ومالي خلق أشوف خلقه أحد

أما خويك فلا تعليق

أبغا أعرف الطعم عجزت

إقتباس

الرسالة الأصلية كتبت بواسطة ســـــ SMN2002 ـليمان


	اخوي واحد من زملائي المعلمين بالمدرسه يحب الخلط تصدق ياخذ جبن كرفت الشيدر ويغمسها بالفووول والله من جد خلط

خويك هذا لو أنا مكانك ما أقدر أفطر معه

أطلب فطور لحالي وأجلس بعيد عنه
خويك يسمع بالفول المشكل

إقتباس

الرسالة الأصلية كتبت بواسطة الجميل


	الى الدرجه هذي وصلت نفسيتك الله لايبلانا

حياك يا جميل

إقتباس

الرسالة الأصلية كتبت بواسطة كاسانو


	المهم الله يعينك واحد اعرفه تخيل : ما ياكل لحم دجاج سمك بيض طماطم :]

خويك عاد هذا زودها حبتين

وش ياكل بالله أجل

إقتباس

الرسالة الأصلية كتبت بواسطة فهد ذوالقبعة الزرقاء


	المشكلة وش !!

ما فيه مشكلة
ليه إنت شايف شئ

إقتباس

الرسالة الأصلية كتبت بواسطة روو كاكا ووح


	انا ما اكل الطماطم ولا اطيقه ولا اشرب قهوة ولا اشرب حليب ولا اكل مطازيز ولا مرقوق وفيه اشياء كثيرة يبيلي دستور عشان اكتبه الاكل اللي ما اطيقه

حلو يعني إنت تدخل بمسمى كائن فضائي

إقتباس

الرسالة الأصلية كتبت بواسطة G o L d E s T


	بالنسبة للحواق كلش ولا يجيك واحد ياكل وقبل ما يبلع اللي بفمه يشرب ببسي او عصير وبعدين يكمل المضغ <<< متعذب من هالحركة من أخوياه من الابتدائي واذا قلت لهم شلون تقدرون تسوون كذا قالوا إذا ما اجتمع بالفم بيجتمع بالبطن << ما يعترفون بحاسة الذوق

هلا بك إبراهيم
الحمد لله على السلامة
عادي حركه أخوياك

صدقني لو إنت عندي لأسويها ، مو حركه مني
بس برفع ضغطك

إقتباس

الرسالة الأصلية كتبت بواسطة ايمن اليامي


	عبدالله لي رجعة يا نعفقي

حياك يا شاعرنا
آخر واحد متوقع إنه يدخل المنتدى ( أيمن اليامي )

إقتباس

الرسالة الأصلية كتبت بواسطة ebda3club


	اما الطماط " جزء من النص مفقود " الحمدلله على كل شي

صدقت ( الحمد لله على كل شئ )
والله إنا بنعمه بس ما نحس فيها

إقتباس

الرسالة الأصلية كتبت بواسطة النهرالعذوب


	هلا عبدالله قريته ومت عليك من الضحك وعلي ردود الشباب ولي رجعه بالتعليق عليك

حياك أختي النهر العذوب

إقتباس

الرسالة الأصلية كتبت بواسطة باسكن روبنز


	انا اكره الحليب اللبن السمك الربيان الشعيرية ( البلاليط ) << عند الشرقية

هلا فيك باسكن
أجل الشعيريه إسمها ( بلاليط )

هههههههههههههههههههههههههههههه
طيب إنتي عارفه إن إسمها شعيريه ليه تسمينها بلاليط

على فكرة ما بحبش البلاليط

Hictar · #87 23/02/2008, 06:47 PM

إقتباس

الرسالة الأصلية كتبت بواسطة الـمـشـاغـب


	عاد أنا متعقد من شي اسمه بصل ما أدانيه

هلا فيك سلطان
شف البصل إذا جاك مع مشاوي أو هبرجر
يطلع طعمه بالمخ

أما غيره لا تقربه

وخاصه إذا كنت متزوج

إقتباس

الرسالة الأصلية كتبت بواسطة يورو


	يعني اسباكتي مع كتشب وشطه قمة اللذه في الطعم واحس بهبوط من كثر ما استلذ بالمذاق الطيب الشهي .. والاروع من ذلك لحم مطبوخ بحليب ويقدم على طبق مع بعضا من العسل وبعدها

هلا فيك أخوي يورو
بس أحس إنك تستهبل

أو إنك تبي تحوم كبدي

اسباكتي مع كتشب وشطه

أكيد تستهبل

ولحم وحليب

روقنا

إقتباس

الرسالة الأصلية كتبت بواسطة saudi’s heart


	يستصعب علينا في كثير من الاوقات اكل مايقدم الينا خاصة بعد النظر اليـه وعدم تقبل النفس له لكن لانستطيع الا مجاملة من امامنا ومجاراتهم حتى نرضيهم لاني اعتقد بأنه حاول ان يبذل جهده لأكرامنا فنضطر لمسايراته حتى لو لم نستطيع تقبلــه اخي عبدالله استمتعت كثير بالموضوع والاسلوب الممتع على الرغم مما سببه لي من اضطرابات معويــهـ ...

هلا فيك أختي قلب السعوديه
المشكلة أنا إنسان صريح وما أقدر أجامل

اللي بقلبي على لساني وأصكها بالوجه

أما عن ما سببته لك من إضطرابات معويه فأنا أعتذر

أجل لو أنا اللي آكل المطاريس هذي وش بتقولين

شكلتس راعيه مطرسه وحواق علشان كذا ما قلتي شئ

إقتباس

الرسالة الأصلية كتبت بواسطة البرنسيسه الزرقاء


	جاي وراز لنا مواقفك حنا وش مستفيدين ؟ ياحيف بس على وقتي الي ضاع وانا اقرا واضحك واتعجب من اغلب الكلمات الي مدري من وين جايبها يا شكسبير العرب ومااقول الا الله يعين الي بتتزوجك كل ماسوت لك شي قلت ابروح اصلي ولا اقرا قران