وعليكم السلام ورحمة الله وبركاته
صبحك الله بالخير وخيي .. هلا بك أخوي الهاوي
سابقاً وقبل فترة إذا شفت يوزرك أقرااه تسذا (الهواوي )
.
.
دائماً نسمع بالتلفزيون ونقرى بالجرايد طبعاً كلام المسؤولين إن جامعاتنا من أفضل
الجامعات لدرجة إنهم صنفوها ورزوها بالغصب بين الجامعات العالمية
وماألوم الأجانب اللي هجوا من جامعاتنا بعد ماشافوا الوييل والطهبلة
من منسوبيها ماقوول إلا ياحظنا فيكم وبارك الله باللي عينكم
.
.
ومن الظلم إنك اخوي الهاوي تقارن بين جامعاتنا وجامعات الغرب
يارجال جامعاتنا يحلفوون إن المدارس الأبتدائية اللي بالغرب أطلق منها
والله يوفقك اخووي الهاوي في تعليمك ويرزقك .. وعسى مسؤولينا يقرون موضوعك
ويغارون وياخوفي إنهم يغارون من صاحب الموضوع وينسون جوون ورده
.
.
اعذرني اخوي الهاوي على رداءة ردي ..
وشارك لك طرحك الموفق .. ومو غريب عليك هالأبداع ورده


الغدير الأزرق ..

الله يساعدك ويساعدنا

شف انا والله قبل فتره اقول لختي الله يطول لي بعمرها ان مدارسنا تكرفنا عقليا من اولى ابتدائي الى ثالث ثانوي

بعدين نروح للجامعه تكرفنا جسديا نطلع من الجامعه نجلس بالبيت نحاول استرداد القليل من عافيتنا يجي رجلك

يكرفك عقليا وجسديا نظفي واطبخي وزينيلي هالورق *ـ*

هذي حياتنا بأختصار

وعليكم السلام ورحمة الله وبركاته

الذكريات الجميلة في جامعاتنا نادرة وخاصة فيما يتعلق بمنسوبيها
تخيّل في مقابلتي بالجامعة كنت أول طالبة تتقدم للمقابلة
ماتتخيل كيف كنت خايفة من طريقة المقابلة خاصة وإن المنهجية معدومة
صديقاتي قالوا مقابلتك سهلة بحكم نسبتي المرتفعة ومعاملتهم لي تكون أخف من غيري
العكس حصل حسيت اني في تحقيق وتنفير أصلاً من تقوم بالمقابلة غير مؤهلة
وخرجت كارهة الجامعة أكثر من قبل بدل أن تبارك لي تفوقي وطريقة إجاباتي بدت مستهترة
ومن قابلن بعدي كان حالهن افضل وبدأ التخفيف حتى مللن ثم تخيّل قالوا البقية بدون مقابلة
نفرز الطالبات حسب النسب !!!
( طيب ليش تقابلون بالبداية وتدعون النظام )
تعليمنا ينحدر ويتفنن بالتحطيم والله أكره الإنبهار بالغرب لكن في التعليم الفرق شاسع بيننا
يارب يغارون ..

الهاوي
اعذرني على الإطالة
كل الشكر لك قضية مهمة
طرقتها بأسلوبك الجميل كالمعتاد
دمت على طاعة الله

لا أظنهم سيغارون لأن لدينا اعتقاداً متأصلاً أننا الأفضل في كل شيء (!!) و لدينا دوماً تبريرٌ جاهز لتقهقرنا علمياً.

هلا بالهاااااااااوي
انا اتفق معك ان الدعوى عندنا شووووربة

بس لاحظ ان جامعة الملك سعود تدخلها بلاش وهي حكومية وتقبل مدري كم ألف طالب

اما المعهد اللي حضرتك رحته فدافع لهم كم الف يورو ويهمه الناحية التجارية والمسألة لهم انك زبون لازم يكسبونه
وبكرة مع انطباعك الحلو اللي بتنشره في محل شغلك عشرة غيرك بيروحون لنفس المعهد
يعني بزنس از بزنس


طبعا هذا مو تبرير لربعنا بس قصدي انت في هالحالة كأنك تقااارن تفاح ببرتقاااال

وزيادة على كذا هذا انعكاس للمجتمع
يعني انك لا تجني من الشووووك العنب
مجتمعنا بشكل عام فوضوي فأكيد مؤسساته بتكون فوضوية

ان الله لا يغير ما بقوم حتى يغيروا ما بأنفسهم

هلالي الشماسية


الدكاترة يا غالي هم النقطة الأكثر سواداً في الجامعات، و لم استثن منهم أحداً لأني سأسير على نهجهم الذي يقول بأن الخير يخص والشر يعم..

سالفة أستاذكم تدل على غطرسته وحقارته ، وقبل كل هذا ثقته التامة بأن لا أحد سيحاسبه ، وأعتقد أن هذا هو مربط الفرس..

إقتباس ماحصل لك في الدورة التدريبية أعتقد أنه سيحلّ علينا ويكتسي بلادنا قريب بإذن الله ,,

اللهم آمين وعسى الله يسمع منك.

الله يرضى عليك ويسلمك يابعدي وشكراً على مشاركتك


____________________


the best

إقتباس مـا ( الداعي ) لــ ... كــل هذا ... " الإهتمــام " ....؟ ! ربمـا لــ أن .... " التعليـم " .... كـــ " تقديــس " ...! لـــ .. ( طالب العلــم ) ...........!

ربما لأنهم وجدوا أن الاهتمام بالتعليم يعني زيادةً في التقدم والتحضر والمعرفة والابتكار، وكلها في النهاية تعني القوة والقدرة على السيطرة..


الله يعافيك وشكراً على تواصلك

____________________


AHMED477

إقتباس لاكن انت ناظر للعقليات العقليات اللى عندنا من 50 سنه ولا وده اتغير الدوله تصرف مليارات وترجع اخر السنه فائض وهم مافكروا يصرفون شى ..

صدقت ياغالي، وهذي نقطة مهمة، لوكان هناك ولي مصلح من القائمين على هذه الجامعات لا ستفاد من ذلك الفائض- بالتنسيق مع وزارة المالية- فيما يعود بالنفع على منسوبيها ويرتقي بمستوى التعليم العالي..


العفو وشكراً لمشاركتك

____________________

بقــ حرف ــايا

إقتباس يعني انا انشاء الله هذي اخر سنه واتخرج مدري كيف أوصفلك ودي افصل واتركها يعني شئ ماتتحمله ابدا

الصبر مليح وأنا أخوك، ومن صبر ظفر بإذن الله..

كثيرين اللي واجهوا صعوبات وظلم وقهر وغبنه، لكن ضغطوا على أنفسهم وتحملوا ، وبالأخير صارت الجامعة مجرد ماضٍ لا يفضلون ذكره..

إقتباس حنا ماطلبنا شئ بس نبغى رقي بالتعامل مو أكثر واحترام السن اللي وصلنا له

صدقت، لكن ربما أن حسن التعامل مع طلاب التعليم العالي يكلفهم مادياً


الله يسلمك ويحفظك وشكراً على مشاركتك

____________________


راااجع إن شاء الكريم،،

وعليكم السلام ورحمة الله وبركاته ..

وانا ازيد معك يارب يغارون ..

لكن هم مايغارون الا بعد مايجبرون !!!

كثير من الطلاب عانوا من سوء المعامله من قبل هيئة التدريس .. وفيه الكثير تخلوا عن مقاعدهم الجامعيه والسبب دكتور ..!

شخصياً ولله الحمد ماعانيت من ظلم اعضاء هيئة التدريس .. مو مدح لجامعتي لا بالعكس فيها من التعسف ما الله به عليم ,,

ويمكن انا اخالف الكثير اللي يقولون الظلم يجي من الدكتور الاجنبي

بالعكس انا شفت بقسم آخر غير قسمي والله معاملة الاجنبيه للطالبه ارقى من معاملة السعوديه

على الأقل معاملتها لها كطالبه جامعيه ,,

(( مو مثل بنت البلد النفس فوق راس الخشم متباهيه بشهادتها !! وانا ماأعمم على الكل ))

قبل فتره قريت أقتراح وأعجبني

ينصف الطالب الجامعي وخاصةً ممن يعاني من ( تعنت وجبروت الدكتور )

" جمعية حقوق الطالب " وهي ضروريه لطلاب للجامعات السعوديه

بحيث انها يكونوا اعضائها من جهات عديده ومحايده من اعضاء هيئة التدريس والطلاب وجهات أخرى

كلها تعمل لحل مشاكل الطالب الأكاديميه

وراح تفيد بحل مشاكل الطلاب ومواصلة مسيرتهم الجامعيه ومن جهه أخرى تحسس هيئة التدريس بوجود جهه رقابيه تهتم بشؤون الطالب ,,

وحنا مالنا الا نقول يارب يطبقونها ..


الهاوي

قلم مميز وطرح راقٍ ..

دمت بخير ...واعذرني على الاسترسال ..

مواصل من عام 1413هـ

هلا وغلا، الله يمسيك بالرضى والسرور..

إقتباس ذكرتني بمأساتي بجامعة الملك سعود سنتين ونص من الظلم والإضطهاد ، حتى وصل السيل الزبى وفصلت

الشكوى لله، وأنت الحمد لله تلاحقت عمرك وانتسبت لمؤسسة تعليمية ثانية، ولكن غيرك كثير ترك الجامعة وجلسوا عاجزين عن إكمال دراستهم وعاطلين عن العمل، وأخشى أن يكون السبب الأول في ذلك هو سوء المعاملة..

أما معهد الإدارة فلا أعلم عنه الكثير، و إفادتك عنه مشجعة نسبياً..

إقتباس بالنهاية أقول لجميع طلاب الجامعات : ردد يا ليل ما أطولك مما ستراه مستقبلا

وأنا أقول ما عليكم من مواصل، إن شاء الله المستقبل أفضل، والنجاح يحتاج صبر


شكراً عبدالله


____________________


عز الهلال

الله يحييك ياغاليوعساك تسلم

إقتباس هم ينطبق عليهم المقوله الي تقول [ من برا ... الله . الله ... ومن جوا يعلم الله ]

والله ياخي جتهم فترة حتى اللي " من برا " ما يهتمون فيه!!، الظاهر تبلد إحساسهم في ظل غياب المحاسبة، و عسى الله يصلح الحال..

شكراً ياغالي ويكفيني من مرورك شوفة اسمك اللي فاقده من فترة

____________________


abu_riman


هلا وغلا بابوريمان ولا تقول سميي لين تعطين السماوه كاش

إقتباس من الظلم مقارنة معهد يقدم خدمات بمقابل بجهة تقدم خدمات من دون مقابل ، في الحقيقة هي أيضاً تدفع .

ما غابت عن بالي هالنقطة وذكرت وجهة نظري فيها خلال الموضوع، ولا حظ ياغالي إن تجاوزت الكثير وركزت على حسن المعاملة من قبل "المعلم المثقف" ، ولم أتحدث عن جودة المرافق التعليمية وتطورها..

موظف في جهةٍ غير ربحية ومع هذا يسعى دائماً ومن خلال عمله ومواطنته لأن تكون مؤسسته هي الأفضل، وتسعده إشادة المواطنين بخدماتها، وانتفادهم لها يحثه على مضاعفة الجهد..

هذا ما أطلبه

إقتباس أخيراً : " بالله عطني خبر إذا فهم أستاذك جون معنى كلمة حيل "

لا تنتظر الاجابة ، ووالله إنه يفهمها أكثر من غيره..

شكراً لك ياغالي

____________________


سكب الهلال

إقتباس أعتقد أنهم يمكن يغارون .. لكن مو منهم .. يغارون منك ولا يرسلون إلا الكبار للدورات الخارجية ..

خلاص أنا رحت وجربت وميّزت العمل المتقن من العمل العشوائي، والشمس ما تحجب بغربال..

والأولى أن يمنع أصحاب الرؤوس المتحجرة فلا فائدة من محاولة زرعها..

شكراً لمشاركتك


____________________


أبرجع إن شاء الله

هلااالي وافتخر

إقتباس لكن الفترة كانت عشر أيام .. يعني لو كانت 5 سنين بتتحمل تدرس برى,,

يا غالي أنا تكلمت عن احترافيتهم وحسن تعاملهم مع الطلاب ، ولا أعتقد أن مثل هذا الأمر يقاس بالفترة الزمنية..

إقتباس باختصار لو رجع فيك الزمن بتختار جامعة الملك سعود (هندسة) ولا الدراسة في الخارج ؟؟

إجابتي الشخصية قد لا تفيدك بهالنقطة لأني أضع خاطر والدتي ــ الله يحفظها ويشفيها ويعافيها ــ فوق كل اعتبار ، ولم تحتمل وقتها فكرة إكمال دراستي بالمنطقة الشرقية حين تم قبولي في جامعة البترول والمعادن رغم أنها لم ترفض ذلك بشكل مباشر، فما بالك بالدراسة في الخارج..

لكن بشكل عام ، إذا كانت ظروفك المادية والاجتماعية تسمح لك بذلك ، وكنت ترى في نفسك الهمة و القدرة على الانضباط، فأعتقد أن مواصلة الدراسة في الخارج ستعود عليك بالنفع بشكل أكبر..

استخر ربك وأحرص على رضا والديك، و أنت أكثر الناس معرفةً بنفسك ..

إقتباس المعهد اللي رحت له ياخذ مقابل .. لكن الجامعة ما تاخذ (منك) شي .. وهذا السبب اللي مخليهم مطنشيك

لعلك تعود يا غالي إلى وجهة نظري في هذه النقطة، وتذكر بأني ركزت على التكريم البسيط مادياً والعظيم معنوياً ..
نقطة أساسية كان من الأجدر الإشارة إليها وهي أن هذا المعهد هو " معهد الإدارة العامة" في تلك الدولة، وينتسب إليه الآلاف من الطلبة، وهذه الدورة هي جزء من البرامج التي يقيمها المعهد، وبالتالي هو ليس مجرد مركز صغير يركز الربح المادي فقط، فهو جزء من مؤسسات الدولة وإن كان مخصخصاً..

العفو ياغالي وعسى الله يوفقك ويكتب لك اللي فيه الخير


_________________


هلالي من ارض اليمن

الله يعافيك، وحياك الله

إقتباس التعليم الخاص يرتكز على المنافسة وبالتالي يركز بشكل كبير على نوعية المحاضرين وعلى نوعية المواد والبرامج والقاعات والتجهيزات .... الخ مما يعود بالنفع على الجامعه والطالب

كلامك سليم ، لكن ليس على إجماله، ولأكون أكثر وضوحاً ومن خلال تجاربي و تجارب كثير من الزملاء فإن النسبة العظمى من الجامعات والمعاهد الأهلية العربية تركز على الربح المادي وجذب المستفيدين بمعزل شبه تام عن جودة المادة التي يخرج بها المتلقي ، ولعلك تلحظ مستوى التحصيل العلمي لكثير ممن التحقوا بهذه الجامعات..

إقتباس للجامعة لأن هنالك شروط يجب تحقيقها لكي يتم اعتمادها من وزارة التعليم العالي ...

هل لديك شك بأن هذه الشروط فيما لو أُريد تطبيقها، فإنها تُعتمد بقوة المال وبعمق العلاقات الاجتماعية مع كبار المسئولين..
هذا يحدث في بلداننا العربية..

إقتباس القطاع الحكومي في كثير من الاحيان اهدار للأموال والجهود

سأتوقف عند عبارة " إهدار الأموال والجهود" بغض النظر عن مبرراتهم السطحية، لأقول شكراً لك.

إقتباس وفي دول عربيه ومنها اليمن اصبح خلال فترة وجيزة ما نجد ان لدينا جامعات خاصة اصبحت تنافس الجامعات الحكومية وكذلك نفس الأمر بالأردن والامارات ... وتبقى مصر في حاجة الى مزيد من الرقابة على جامعاتها الخاصة مع كل الأحترام

ما يحدث في مصر يحدث في غيرها ، ففي الأردن مثلاً ، أعرف أن أحدهم استطاع اجتياز أحد المواد مقابل استخراج فيزة زيارة للمحاضر!!، وربما كان ما نسمعه عن الجامعات الأهلية المصرية ظاهراً لكون تعدادها كبير جداً مقارنةً بمثيلاتها في الدول الأخرى..

ولا استنقص من جودة التعليم في الأردن أو في مصر، بل على العكس فمستوى التعليم في الأردن مثلاً يكاد يكون الأفضل على مستوى الدول العربية حسب ما أعلم..


الله يعافيك أخوي، نقاش شيق، شكراً لك


_________________

ღ سيموღ



يا هلا فيك ، والله يمسيك بالرضا والسرور

إقتباس وهذا لا يستغرب إذا ما نظرنا للتصنيف العالمي الجديد

هذا التصنيف الأخير حسب رأيهم مبني على عدد الأبحاث المنشورة على شبكة الانترنت، وهو السبب الذي جعلنا في المؤخرة، وإلا فإن جامعاتنا هي الأفضل!!!

إقتباس شيء يثير الإستغراب ويثير التساؤلات لماذا هم يخلصون في أعمالهم ويقدرون الأخرين في تعاملهم مثل ما عاملوكـ بكل أحترام وتقدير

ربما لأن إخلاصهم في العمل واحترامهم للجميع يجعلهم أقوياء، فهم لا يحتملون الضعف ولا أن ينظر إليهم ذلك العربي بعين الازدراء، في حين لا أعتقد أن القوة تهمنا!

إقتباس يبدو لي الآن أن أمّد رجليني مثلما فعل أبو حنيفة ,,

مد رجيلك في حضور تلك العقليات، ودربك خضر


العفو ياغالي وشكراً لك ، عساك تسلم


____________________


الغالين في الصفحة اثنين، أبرجع بإذن الرحمن

إقتباس لعلـّهم يغارون من جون ويصيرون أطيب منه في المستقبل القريب،

يغارون!
لالا مايسوونها
هم اكبر واعقل من كذا


الحمد الله افتكيت منها بس
عقبالنا يارب