ثرثرة في رحاب الاستغلال والاستغفال واللي يسرق بيضة يسرق جمل ..!! - صفحة رقم 4 - نادي الهلال السعودي - شبكة الزعيم

شـــذى · #46 31/01/2008, 11:06 PM

الغدير الازرق
حياك الله يالغدير .

إقتباس


	أبو محمد منهو أبو محمد اخبر اسمه ابو فارس مدري عاد إذا غير اسم ولده

وراك ياكافي تفشلني

والله يالغدير بالمنتدى اللي كان يكتب فيه ناصر ..

أشوف الأعضاء يوم يردون عليه يكنونه بأبو محمد

قلت بس أكيد اسم ولده محمد والأعضاء المشاركين أدرى بخفايا الأمور

إقتباس


	لو كانت سياسة البرنامج صادقة في نشر الشعر وإحياءه كان منعوا التصويت أو عالأقل وضعوا 10% للجمهور لكن النوايا واضحة الربح فقط لاغير .. !!

عليك نور وشركة كهرباء بعد وش تبي أكثر من كذا

سياسة البرنامج واضحة للقاصي والدداني

إقتباس


	نشوى الرويني كان ودي إنها تطلع من البرنامج بس يوم شفت إنها تعطي اكشن غيرت رأيي ..!!

أجل ناصر يقول بتوع الأتوبيس والعرق سوس

ومصطفى على مأدُبة عمه الباب لويس وهي تضحك وتصفق

إقتباس


	وبالنسبة لناصر الفراعنة كلنا معجبين بشعره والمفروض هو اللي يقيم نفسه بنفسه وليست لجنة التحكيم من تقيمه .. لأن مع إحترامي لهم مافيهم اللي يوصل لمستوى الفراعنة بالشعر ويعلم الله إني منيب سبيعي لكن معجب بهذا الشاعر

الغدير الأزرق ..

بيض الله وجهك

وبالعكس ما خرجت عن المسار إلا كنت في قلب الحدث

لا عدمنا تواجدك ..

الله يعطيك العافية

ورده

ريري هكتور

حياك الله يا ريري

أنصحك تشوفين البرنامج والله فيه شعراء جديرين بالمتابعة ...

أما مثيرين النعرات والمبالغين في مدح طويلين العمر اجحديهم ..

إقتباس


	الله الله بالردود

أبوك يالجحده أنا من شفت ردك أنتِ ومواصل وأنا غاسلة يدي منكم

قلت يابنت ماحك جلدك مثل ظفرك فتولى أنت جميع أمرك

..

ريري لا عدمتك يالغالية ..

الله يعطيك العافية

ورده

النجمة الزرقاء ..

يالله حيها

..

أجل ما تابعتي شاعر المليون ..

محاكيتك من العام الماضي متسندرة عنده ..!!

النجمة مرورك البسيط أسعدني يالغالية

لا عدمت تواجدك

الله يعطيك العافية

ورده

"هلاليه أنا "

حيا الله بنت ديرتي

أهم شيء صوتي لعيضة ولا لا ..؟؟

إقتباس


	طيب لو صاحب التصويت الأقل أفضل من صاحب التصويت الأكثر

هذا بلا أبوك يا عقاب

إقتباس


	كذا البرنامج بيخسر الشاعر الأفضل والسبب التصويت

لا يهم خسارة شاعر طالما أن هناك ربح مادي

..

هلالية لا عدمتك يالغالية

الله يعطيك العافية

ورده

شـــذى · #47 04/02/2008, 05:39 AM

منار الغالية

حياك الله يالغلا ...

الفزعات النزعة القبلية هي المشكلة

وبصراحة البرنامج خلق لها أرض خصبة

أما المذيعات فــ والله مدري هو أنا اضحك على حالهم ..

ولا أحزن على بياختهم وسماجتهم ..

وهم يصفقون ويضحكون ولا هم دارين وين الله حاطهم ..

المهم إنهم جايين يستعرضون ويستخفون دمهم .!

يحق لك تطلعين اللي بقلبك ...

منار ...

لا عدمت تواجدك يالغالية ..

مودتي واحترامي

ورده

*

ماجد مقبل ...

حياك الله يا أديبنا من ممشاك لملفاك

<< عايشة أجواء البداوة والقصيد ولا تهون الربابة

إقتباس


	ويكفي انه جبر القصيد

هذي الحسنة الوحيدة للبرنامج طبعاً من وجهة نظري ..

إقتباس


	يصوت الشاب او الفتاة لشاعر لديه فكر وادب ورسالة ولو كان هناك استغلال افضل من ان يصوت لراقصة او مغني فاشل في برنامج ساقط !!

والله يا خوي أنا أختلف معك ففي الاستغلال تتلاشى مسألة الأفضلية ..

إقتباس


	ابن فطيس

ظهر ابن الفجاءة في زمانه *** وأنا ابن فطيس تظهرني ذراعي

ابن فطيس استحق الفوز عن جدارة واستحقاق ..

اللي من لحوم الأوادم ياكلون *** وحلوقهم دافع البلا متواكلة

ناس عن أعراض العرب ما يعرضون *** ودايم على نفس الشكل والشاكلة

يدعيهم الشيطان للذيب ويجون *** هذا يقطع له وذاك يواكله

من جاك منهم لا تبين له سنون

*** واضرب يمينه لا بغى يسراك له

ولو ما جا منه إلا هذي الأبيات لأعطيته أنا البيرق وفوقها مليونيين دولار

<< تعاملاتها بالدولار

>>> وش عندها ظلال الوليد بن طلال

وكما ذكرت عرفنا من هو ابن فطيس وغيره من الشعراء الذين لولا الله ثم البرنامج لما عرفناهم

وهذه هي الحسنة الوحيدة

إقتباس


	اما من ناحية اللي ما يفهمون القصايد فمصيرهم يفهمون ويكفي لو فهموا شوي منها

إن كنت تقصد نشوى الرويني فهل تتوقع بيوم نلقاها تفاجئنا بطرح قصيدة على الطرق الهجيني ولا المسحوب

..

وإن كنت تقصد بعض المصوتين فالغالبية العظمى تستمتع به كـ كلمات ومعاني لكن لا تفقه شيء في الأوزان والقوافي

ومن الظلم ان يكون مصير الشعراء بأيديهم ..

والله يا ماجد ما فهمت قصدك

عشان كذا حطيت احتمالين

.

ماجد مقبل ..

أنا والله من تتقدم لك بجزيل الشكر لتواصلك وروعة حضورك

لا عدمنا تواجدك يا أديبنا .

ورده

*

مواصل من عام 1413 هـ

يالله حيه وحي حيه << عايشة الدور صح

إقتباس


	بتشوفين رد العله الباطنيه المسماه بـ ( مواصل من عام 1413هـ )

محشوم والله ياخوي والله يرفع قدرك ويجزاك عني كل خير

إقتباس


	اللي ما زال ينتظر ( لي عوده ) بموضوعي من شهر ونص

أما هذي فأنسب شيء لهااااااااااا --->

إقتباس


	ليه دائما السعوديين سبايك ، ومستغلين من الجميع ؟ ؟؟ إن كان تاجر لعب على الشعب ونهبه وإن وإن وإن ............. لحد ما نوصل للقنوات الفضائيه نجد أن جميع القنوات تستهدف الشعب السعودي اللي أسميه ( بالسبايك ) مع إحترامي للجميع لكن هذي وجه نظر العرب لنا

أنت قلتها يا مواصل لأننا سبايك + أصحاب واجب على قل سنع

..!!

إقتباس


	أب يعطي إبنه اللي ما تعدى عشر سنوات جوال ليه ؟

خخخخخخخخخخخخ وحدة من خواتي قاعدة تفاصل مع بزر يبي يبييع جواله

هو حاده بـ 400 ريال

وهي ودها تضحك عليك وتشتريه بـ 200

بس ما رضي يقول لا والله ما جبتي سعره تراه حشمة واستعمال نظيف

<< طلع بياع شراي

ولا تنسى البزر هالأيام ما عاد يرضى بأقل من ابو كاميرا << ماكني شطحت

إقتباس


	القسم الثاني : من تخطى عمر الطفوله والمراهقة هذا يمشي خلف القبلية هذا من قبيلتي ( لازم أدعمه ) ولو لقى فقير بيتموت جوع وطلب منه خمسه ريال ، علشان يآكل فيها رد عليه وقال : الله يعطينا ويعطيك

مؤسف والله يامواصل على الأقل الفقير بيجني من وراه أجر ..

لكن الشاعر وش بيجني من فوزه غير الهياط والخساير على قل فايدة .!

مواصل مرة أخرى ..

إقتباس


	أشوا إنها بتسحب على الزكرت كالعادة مثل موضوعها اللي قبل من راحت ( هناك )* البنت والصبية متغيره علينا

لا والله ما راح اسحب

<< هو أحد يشوف ردك أنت وريري وتسول له نفسه يسحب

..

وهناك خلااااص عزلنا ..!!!!!!!!

الكريـــــــــم / مواصل ..

الله يعطيك ألف عافية ..

ولا حرمناااااااااا تواجدك

ورده

*

عسيريه

حياك الله يالعسيرية ....

صحيح أغلب البرامج استغلالية ..

ما أقول إلا يا زين قنوات الجزيرة وبرامجهاااااا

حنآ مشآهدين فقط ,, مهمتنآ المتآبعه إذآ خلص البرنآمج قلبنآ القنآة
ومهمة التصويت خلينآهآ لغيرنآ لـ الناس الفآضيه

هذا المفروض يكون من الجميع بلا تصويت بلا هم ..

أما بخصوص القلب للشيخ القرني فوالله إني أحبه فـي الله ولله ..

عسيريه ..

سمعت انك توجيهي فالله يوفقك وييسرلك ..

والله لا يحرمني طلتك .

دمتِ بكل خير .

ورده

*

باسكن روبنز

مرحبا ألف بك باسكن ..

ولكِ كل الشكر والامتنان على المرور

لا عدمت تواجدك

دمتِ بكل الخير .

ورده

*

عالم الهلال

حياك الله ياعالم الهلال ..

مساؤك وكل صباحاتك فل وجوري وياسمين ..

لجنة التحكيم في الغالب لا يجد الشاعر والمشاهد منهم نقد قد يستفاد منه

هناك من حط حيله في الرمزية وهنا من يردد فالك المليون وخير من يمثل ــــــــــ

وهناك من تخصصه تفقد أصحاب السمو والشيوخ وتوجيه الشكر والثناء والحديث عن تشريفهم له

يقولون لك فيه شاعر أثنى على الملك عبدالعزيز ونجد ..

ويقوم حضرة الناقد ويقول طبعاً ما ننسى أمير الرياض الأمير سلمان ..

يابن الحلال الناس وين وأنت وين ..؟؟؟

أفضل الموجودين من وجهة نظري الدكتور غسان << مع وجود بعض التحفظات

2- بدر صفوق كناقد وبعيداً عن توجهاته الشعرية

وليتهم خلوا علي المسعودي واستبعدوا المريخي أو السعيد ..

سؤال مواصل فيه الإجابة بس هو مسوي يختبر ذكائنا

لأننا سبايك .

عالم الهلال ..

لا عدمت تواصلك يا مميزة في كل شيء ..

دمتِ بكل الخير .

ورده

*

هلالي من ارض اليمن ..

أهلاً ألف ومليوووووون

إقتباس


	كل ينادي على ابناء قبيلته وكل يقول : " لبيك " واتذكر في بعض الأحيان عندما تنتابني الذكرى كم من أخت لنا وكم من أبن لنا وكم من والد لنا ... نادوا مرارا وتكرارا ولكن لا حياة لمن تنادي ... لا أقول نلبي النداء بالذود عنهم فهذه جريمة أولا وفق الرؤية الجديدة لشرق اوسط منزوع الكرامة قياسا على منزوع الدسم كما انه من جهة اخرى فقد ولى الزمن الذي نلبي النداء فلسنا في زمن صلاح الدين او المعتصم بالله !!!

تموت كل الابجديااااات في حضرة القلم الحي ..

لا أجد ما أقوله سوا لا عدمنا تواجدك بيننا ولا عدمنا قلمك وفكرك الراقي

..

جل التقدير والاحترام .

ثم

دمت حياً خيرا .

ورده

*

الهنوووف ..

حياك الله يالغلاااا ..

إقتباس


	على الأقل شي حلو مع ربح للقناه احسن من برامج قله حياء والا خرابيط مالها داعي مع ربح

برنامج حلو هذي ما نختلف فيها ...

بس حلاوة ما يبث فيه لا يشفع له استغلال الناس وهضم حق الشاعر في الترشيح ..

القائم على البرنامج يالهنوف مابه قصور ....!!!!

ولو إني شيخة ولا أميرة وبحط لي برنامج وأقول راح أنهض بالشيء الفلاني ..

أكيد إني بأكون قول وفعل

..

إقتباس


	تقول يكدون علينا ببعض الاراء مافي اسلوب للنقد

كلامك سليم ودي اجلس بحلقة وأسمع نقد يفيد الشاعر أو المتلقي بس ماش

ويضل غسان وبدر أفضل الموجودين ..

هنووووفه

حضور دوماً أنتظره ..

لا عدمت تواجدك .

دمتِ بكل الخير .

ورده

*

الطير الأزرق 10

حياك الله ..

عاد تدرين أكثر ما يميز الفراعنة إلقاءه يشدك تسمعين القصيدة

من البداية للنهاية حتى لو ما فهمتي شيء

إقتباس