|
بعد ضم الاقتصادي للعام ! السلام عليكم ،،، سبق و أن قررت بأن لا أشارك إلا في موقع الزعيم في المجلس العام ، اليوم و قد تم ضم الاقتصادي إلى العام أقدم لكم هذه التوصية ، و مع أنني لا أحب التوصيات لما قد يترتب عليها من خسائر للبعض إلا أنني هذه المرة سأتكل على الله و سأوصي رغبة في استفادة الجميع ( أو مضرة الجميع لا قدر الله :d ) و عدم حصر الفائدة على البعض ( بعض الناس مسوي أمر شراء من الساعة 12 و دقيقة :d ) و قبل التوصية أرجو قراءة ما يلي بشكل دقيق و جيد : 1/ السوق لا يعترف بتوصية و لا غيره ( جود السوق و لا جود البضاعة ) يعني مع أي انهيار و أقصد انهيار و ليس تصحيح للسوق التوصية لاغية . 2 / نسبة صحة التوصية 50 % فقط . 3 / التوصية للمضارب في المقام الأول و للمستثمر على المدى القصير جداً في المقام الثاني . 4 / بإذن الله سأزيد الكمية اليوم في السهم لكن مع أي هزة ( بانحاش ) . 5 / من يرغب في الأخذ بالتوصية عليه أن يتجاهل المؤشر و يركز على سهم التوصية ( و يصير عند الشاشة مع أي مزحة أو مداعبة من صناع السوق يصير رجال و ينحاش خاصة اللي ما عنده كاش و بالتالي ما يقدر يعدل من تحت ) . 6 / الأشخاص الذين يعرفون كيفية المضاربة أنصحهم باستغلال التذبذب العالي في السهم بحيث يبيعون بسعر و يشترون بسعر أقل ( اللي ما يعرفون للمضاربة يشترون و يلبدون عليه ) . 7 / القناعة حلوة . 8 / سأحاول أن أتابع التوصية خلال أوقات التداول و خارجه ( اللي ما يتابع لا يلومنا ) . 9 / يفضل أن تبقى التوصية سر بيننا :d . @@@@@@@@@@@@@ السهم : المتقدمة الدخول : 57 - 58.50 ( اللي ما يلحق عليه أول التداول ينتظر إلى حوالي الساعة الواحدة و بيصيده إن شاء الله ، و يفضل أن يكون الدخول على دفعات ) الهدف : القناعة ريال ريالين لا تصير طماع ، بعد 65 كل شخص مسئول عن نفسه . |
إقتباس:
إقتباس:
إقتباس:
إقتباس:
====================== يعطيك العافيه يالغالي وبأنتظار القادم |
هلا اخويـــ:smilie47:ـــ abu_riman مشكوررررررر على التوصيه <<<< والله من رسايل ؟؟؟؟ الي بتجيك على الخاص :d بكل صراحه انا مالي بالاسهم لاكن اتمنى ان يستفيد منها باقي الاعضاء:yes: تقبل مروري سلامs13s |
^ ^ ^ يوم شفت ردك قلت : هذا أولها ! يا زين حذف الموضوع . المهم يا جمس إذا ناوي تأخذ التوصية بالله تابع ممكن بأي لحظة أقول الوجه من الوجه أبيض :D |
ولد نجد أنا ما كتبته هنا إلا هروب من الخاص ! خاصة و الخاص يضيق الصدر هاليومين . |
abu_riman يعطيك الصحة والعافية والسعة في الرزق أولاً أنا مالي ومال الاسهم لكن أضطر أتابع بعض الايام ومكرهٌ أخاك لكون من حولي مهتمين بالمضاربه ,, ولكن يدخلني بعض الايام شك كبير أن فيه من الاستهبال مالا يطاق ويخّوف من الدخول به من ذلك إذا كان المؤشر على رقم مميز فإنه يثبت لفترة تدل على أنها مقصودة ,, على العموم أسأل الله أن يُعوض من خسر من المساهمين ويرزق ويستر على من لم يخسر ,, 000000 |
هلا ابو ريمان يسعد صباحك بكل خير شف وانا اخوك الاسهم ماراح يروح فيها اكثر من المستثمر الصغير لان سوق الاسهم عندنا مستحيل احد يقدر يحلله او يتوقعه والمشكله ان كبار المضاربين هم المتحكمين بصعود السوق او نزوله |
^ ^ "و صباحك . عشرة على عشرة ! عشان كذا أنا ما أعترف بالمؤشر أو بالتحليل حتى لو صدق مرات يظل الريموت بيدهم ! في نظري السياسة الناجحة في سوقنا ( اشتر مضارب و لا تشتري سهم ) و إن شاء الله يكون مضارب توصيتنا قد الثقة بالنسبة لك اشتر و لا تفكه قبل 65 ، خربها يا تغير معرفك ابو الألماس يا توقف عند باب المجلس لله يا محسنين :D " |
هلا والله بأبو ريمان ورده .. لا يكونك من اللي يطلعون في التلفزيون ويقولون نقاط دعم وكسر الحاجز :d .. حاولت ادخل امر الشراء .. طلع لي التويجري مع الشاشة وقال : السوق مغلق الله يصلحك .. رح ارقد :d .. بس طلبته وفهمته الظروف وان بكرة عندي دوام .. وابشرك وافق ونفذ الامر :d .. بالتوفيق لكل من اكل علقة في السوق ولا رضي يقتنع :d .. ويا رب تعوضون خسائركم .. اما انا .. فحلفت لو يجيبون لي جونز ولا ناسداك في السعودية .. ان يجيبونها مضاربينا الارض :d .. شكرا ابو ريمان :smilie47: .. . |
^ ^ ^ تبي تشتري حياك ما تبي تشتري أنت حر لكن تتغلى ما لك حق :D |
ياخوفى ياابو ريمان اسنتر عند باب المجلس :d ترا باعتمد على ذمتك يعنى ان رحت فيها بتلقانى ادور عند بيتك بدبابه :d |
وصرت تعطي توصيات يا ابو ريماااان .. الله يستر بس .. << جلس ساعة عشان يعرف وش انت موصي عليه :D واضح اني خبير بسوق الاسهم :D .. |
^ ^ ^ صدى ماعليك انت ادخل سوق الاسهم وخلني مستشارتك ! عز الله بـ ترباح مليارات بس بـ - :d:razz: بو ريمان بمااني ماني راعية اسهم ! وش لي بـ التوصياتs13s !! مـ احب الاسهم ولا احب التحليل المالي :yes: إقتباس:
الفيروسه الزرقاء |
هلا والله بأبو ريمان طقتك الغيره من موضوع خالد الحصان :d أنت تقول السوق لايعترف بالتوصيه وانت الحين معطينا توصيه . بس زين تعطينا التوصيه ببلاش غيركـ برومات الاسهم بالبالتوك لازم تشترك بالجوال عندهم ويرسلون لك التوصيات وقيمة الاشتراك بالشهر 700 ريال :wallbash: .. على العموم انا خليت الوالد يقرا موضوعك وقال يصير خير من دون نفس هههههههههه :d الله يعطيك العافيه يابو ريمان :smilie47: |
أولاً: حول لي الخاص وأنا بأتفاهم معهم :D ثانياً: توصية طالعة من قلب غيور ومحب للجميع جزاك الله خير s45s رابعاً: من خلال قراءتي الاستراتيجية الديناميكية للموضوع لاحظت من وراء الكواليس المتقوقعة أنك خسرت في الأسهم أو على الأقل خسر لك قريب أو حبيب في سوق الأسهم فصار هذا موقفك من سوق الأسهم ..!! ثالثاً وأخيراً: لك كامل الحق في عدم الإجابة على أي سؤال ..!! ورده آخراً وليس أخيراً: الله يعطيك العافية ولا هنت يا بعدهم ورده s45s |
وعليكم السلام ,, هلا وغلا عبدالرحمن , وعامً مبارك لك وللجميع ,, ما شاء الله ابو ريمان أتوقـع أول موضوع لك عن الأسهم وتوصيات أتوقـع بـ تجيب الخساير :stoned: وأتوقع أن السوق من وجهة نظر ( أخوي ) مُقـِبل على أرتفاع بإذن الله . خصوصاً أن سياسة السوق اختلفت والدليل ما حصل بعد إعلان اكبر اكتتابين يشهدهم السوق السعودي وتأثيرهم المؤقت !؟ لا أريد أدخل في متاهات ومسارات سوق أنا في غنى عنها .. ولكن أبو ريمان ركز على الكهرباء وعلى قطاع البنوك خصوصاً بنك الجزيرة والبلاد <= :stoned: , خاص :الفيروسة فرج الله همك وضغوطك مع الأختبارات .. وإن شاء الله تهون ضيقة الصدر وموب بس أنتي حتى الجميع . وترجعين مثل أول وأكثر ,, , أبو ريمان شعلة من النشاط , يريد إن يشعل الوضع الأقتصادي الراكد s13s يعطيك العافية .. دمت بخير ورده |
صراحة يابو ريمان توصية تشكر عليها .. شف وأنا أخوكـ أنا توني فاتحلي محفضة يوم الثلاثاء والوالد الله يحفظه سحب كل قرش فيها :d عشان كذاما أقدر أخذ بتوصيتكـ وعظم الله أجركـ في أبو الذهب والجماعة اللي قررو الأخذ بالتوصية .. أبو ريمان الله يعطيك العافية على التوصية ونشوف وش بيصير .. |
هلا ابو ريمان ورده .. هذا الرد الثاني :clap: .. بس والله ما المقصود اني ابعمل بالتوصية او لا .. المقصود انه ما بقي شيء من الفلوس :d .. بس انا ابي منك توصية يا ابو ريمان في موضوع ثاني .. 34000 ريال خسارة وثلثينها للوالدة .. وانا مجمد الباقي من ذاك اليوم الاسود :d .. يعني هل من الممتكن اني لو رجعت اعوض الخسارة ؟ :d .. مع العلم ان الباقي ما يقدر يعيل عائلة من 4 اشخاص لمدة شهرين مع هالاسعار :d .. ارجع ولا استريح ؟ :) .. . |
هلا والله ابو ريمان ..!! والله انا خايف اقول للوالد والا لا :stoned: اخاف يفقع وجهي ان جاء طاري اسهم :d شف امس اكلم خويي وابوي قاعد بجنبي وقلت له ياولد الفراعنه ارتفع سهم بعد شارع المليون :d ماسمعت الا : الخـــــلآآآآآآآآ بذا الوجه انت والاسهم :d على طول تجي الوالد حساسية اسهم :d لكن مادام انها مهيب في المكيرش والا التصنيع .. بحاول اجيبها له بطريقة سلسة كود الامر ينتهي بـ الدله مع الراس ..!! :d ابو ريمان اتوقع ان دخل الاعضاء في الاسهم وخسروا هذا --> :smilie47: ماراح تشوفه ابد :d في الردود :d الا في حال تغير لونه وصار اصفر ..!! :d ابو ريمان :smilie47: الله يعطيك العافية على التوصية وترا بعتمد التوصيات بعد مراقبة السهم ..!! |
هلاو فيك اخوي أبوريمان :d أخوي أبو ريمان صراحة انا انسان مالي في الأسهم السعودية :stoned: أنا شخص راعي بورصة تلقاني دايم مسنتر على أخبار البورصة الأمريكية لأني مكتتب بشركة (ميكروسوفت ) وبيل غيتس طايحتن اسهمه كلهم حمر :d:d المحلل أبو ريمان والله ياخوك لي ساعة قاعد اقرى موضوعك وعجزت افهم هالتوصية لأني انا راعي اكتتابات :d:d لكن ابشرك بلغت الوالد وتراااه يبي رقمك كود يستشيرك يامحللنا العزيز :razz: وقواااك الله أبو ريمان وسهمك مخضر ياغالي :d |
صبحك الله بالخير ابو ريمان الحمد لله اني مالي شغل بالاسهم ولا افهم فيها :razz: سوق الاسهم يقصر العمر ويجيب الهم :yes: << شايفه اخوي :( ما اقول الا الله يعين اللي دخل بالاسهم وخسر .. والله يبعدنا عن الاسهم بعد المشرق عن المغرب .. شكراً ابو ريمان على التوصيات :stoned: |
الأسهم تحرق قلوب :wallbash: المؤشر=== > يرتفع الضغط وينخفض معه :wallbash: اختي خسرت مبلغ بالاسهم لأنه مبتدئه وماتدري وين الله حاطها ابو ريمان انا بتبع توصياتك وادخل الاسهم >>برااا :d طيب واذا خسرت تعطيني الحل بنقاط زي التوصيات :surprised: <<<< راحت تتابع العربيه ومؤشر الاسهم :d عوفيت ابو ريمان ورده |
إقتباس:
@@@@@@@@@@@@@@@@ إقتباس:
إقتباس:
إذا الوالد - الله يطول عمره - يقرأ مثل قراءتك لا يوهقنا و يدخل :d سوقنا السعودي خارج التوصيات و القراءات و التحليلات هذه رؤيتي الخاصة ، و عندما يكون التحليل متفائل تكمن المشكلة في انخداع الكثير ، أغلب المحللين الجيدين يوصون أما التوصية هنا فليس لها علاقة بالسوق ما دام ليس هناك انهيار أو تصحيح قاسي و من تابع السهم خلال نزول السوق الشديد في ردة فعله على طرح شركة ( زين ) و بنك إنماء يعلم تماماً ماذا أقصد . الخلاصة : إذا أنت تفهم هذا الموضوع مثل فهمك لموضوع خالد رجاءً خل الموضوع عنك . @@@@@@@@@@@@@@ إقتباس:
أنا خسران في الأسهم ؟؟ الله يهديك بس ! أنا أعتبر نفسي ربحان لما طلعت بنسبة 30 % من رأس المال ! و من زين الطبايع فلوس أهلي معي :d |
إقتباس:
ابو ريمان تصدق ماعرفتك :bigeek: >> :d والله انك فله بالعاميه يشيخ وتراني حاس بمعاناتك مع الكيبورد اذا جيت بتكتب كلمة عامية من كثر ماتعودت على الفصحى :d<!-- / message --><!-- sig --> |
وعليكم السلام ورحمة الله وبركاته يالله حي ابو ريمان محللنا الجديد :d... وخروا عن طريقي بقول لكم سالفتي مع الأسهم :d:d... من هبوا الناس بالاسهم وأنا كل ماجلست مع أخوالي وهذي سالفتهم:surprised: والله أني كرهت الجلسه معهم من كثر مايتكلمون عن الأسهم:upset: ومن زين الطبايع حفظت اسعار بعضهن:razz: .. وبعض المرات خالي يخليني اشوف له الأسعار بمباشر برو:stoned: لا صار بالعمل وانا بالبيت:yes: الين قررت أدخل فيهن :bigeek: وقلت لأبوي الله يحفظه عطني مبلغ محترم:smilie47::d أبي أدخل الاسهم:stoned: قال تابعي أول السوق شهر وعقبه بعطيك أن شاء الله:) صرت كل يوم مسنترة عند العربيه العصر :razz:<<< الله يالدنيا يومه يفتح العصر:stoned: وصرت اكتب الاسعار s60sوكيف الارتفاعات الكبيرة اللي تصير:bigeek: ويوم قررت ادخل:surprised: وهوبااااااااااا تجي ذيك الضربه القاضيه والانحدار العظيم:d:d واللي مافيه احد سلم من خسايرها:( حمدت ربي وشكرته على أن فلوسنا توها مابعد راحت:stoned: ومن عقبها وأنا مافيه أمل أدخل :nono:... اكتتابات وتخب علينا :d... مشكلتي ماأعرف أحد دخل السوق وفلح:razz: أغلبهم خساير:wallbash: عاد كانك بتبتل تعطينا توصيات :yes: بنتراجع عن قرار عدم الدخول بالاسهم :d بروح اتابع السهم وبشوف توصيتك عليه :stoned: كانها ضبطت دخلنا :d الله يغنينا بحلاله عن حرامه والله يوفقكم ويرزقكم :)... <<< هذا المستخدم مايدري وش كتب :bigeek:استروا ماواجهتوا :razz: سلاااااااااااااااااااام ,,, |
طيب أنا مقتنع بالنقطة 7 لأن هذا اللي دهور العالم تحياتي |
إقتباس:
@@@@@@@@@@@@@@@@@@ إقتباس:
@@@@@@@@@@@@@ إقتباس:
@@@@@@@@@@@@ إقتباس:
لكن إذا قرر ( يدرعم ) معنا تابعونا . @@@@@@@@@@@@@ إقتباس:
@@@@@@@@@@@@@@@ إقتباس:
راقب السهم ارتحت ( درعم ) . |
إقتباس:
شكراً ما تنقال لك ، تنقال للي عطاك اللقب لأنه ( حاول ) يعطيك قدرك . لكن ماني محلل و لا أعرف التحليل و لا أفهم فيه و لا عمري حاولت أحلل عندي توصيات مرة تصيب و مرات تخيب :) @@@@@@@@@@@@@@ إقتباس:
|
يا شباب المضاربة اللي دخل مع بداية السوق يبيع نصف الكمية بسعر 60.25 و يحط طلب من تحت الكلام عن المتقدمة ما أدري عن السوق زين شين تصريف تجميع بيع شراء ما أدري عن شيء ! أدري عن سهمي و بس . |
بعد قليل المتقدمة بـ الصور :d بعد اذن أبو ريمان .. أنتظر الموافقة .. ــــــــــــــــــــــــــــــــــــــــــــــــــــــــــــــــــــــــــــــــــــــ بسم الله الرحمن الرحيم .. بعد أخذ الإذن من الأخ أبو ريمان اليكم التطورات 1- وقت أخذ الصور الساعة 12:16 2- الصورة الأولى تجمع المؤشر العام وكل مايتعلق بسهمنا المتقدمة .. http://img2.7m7.org/1-2008/fdgsdgs.l...3w15125323.bmp 3- الصورهـ للرسم البياني للسهم .. http://www.up-00.com/uploads/0A233148.bmp أخيراً آسف على التأخير والشرهه على قوقل اللي غثني بمواقع تحميل مش ولا بد .. |
^ ^ ^ خذ راحتك دامك بتتكلم عن السهم التوصية لأننا نتحمل مسئولية السهم هذا فقط و شكراً لك لأن محاكيك ما له في هالشغلات و لا يعرف لا للصور و لا للتحليل . يا شباب رجاءً رجاءً اللي دخل السهم يتابع معنا بأي لحظة ممكن ( ننحاش ) و اللي ما دخل الله يرزقنا و إياه . |
إقتباس:
فيه ناس ينسون أن فيه صفحة ثانية خاصة اللي ردو ..:razz: |
وعليكم السلام ورحمة الله وبركـاته , خذ العلم من حكيمـ ! :d أو ارمي الباقي في البحر ! :d . . . يعطيك العافية اخوي أبو ريمان ! والله يجعل السوق خيـر للكـل ! مع انها مقتصرة على البعض :yes: |
وعليكم السلام ورحمه الله وبركاته الاسهم ومادراك مالاسهم:smilie47: ::::::::::::>> يقالكم هامورة الحين:d ابوريمان لاتنصح ويدعون عليك بعدين :d خلهم بسلامتهم الي يخسر يخسر اهم ماعلى الواحد صحته :stoned: انا انصح كل شخص تستهويه لعبه الاسهم اذا المال الي معاك زائد ومو بحاجته توكل على الله اما اذا انت قايم عليه فالقناعه كنز لايفنى تذكرت كم بنت تقول لي اذا جات تطلب من ابوها شي قال ماعندي فلوسي راحت:d وموقف اخر امي اقنعت اختي تدخل بالاسهم بمكافاتها الجامعيه :d المهم اول ماطبووا الاسهم الا هي خسرانه:d فالهم شين اختي ماقتنعت بالخساره قالت لامي رجعي لي فلووسي يعني تقصد راس المال وامي تحملت خساره اسهما واسهم اختي :clapping:لانها هي اقنعتها :d يعني لحد ينصح :: :: بتوصياتك ذكرتني بخالي وهق الناس معاه ومدح لهم شركة بس مو اسهم مدري وش يسمونها استثمار يمكن:d جمع فلوس العائله وهالشركه مدري شصار عليهم سحبوا عليهم لارجعوا راس مال ولاشي يقول صاحبها ماعنده فلوووس وهالشي من كم سن مع ان هالشي الي ساهموا فيه مو مثل الاسهم تخسر راس المال لا >>>>>>>>>>>>>احس ان الشرح بوادي وانا بوادي:d راحت فلوس اميمتي فيها ادعوا انها ترجع مواعدتنا بمبلغ محترم اذا رجعت:stoned: عندي احساس انك معاهم :d اسم الشركه المـ :d ـة الا صدق الاسهم كذا دمار شامل كاني اسمع بوحده خذوا قرض المهم ان المبلغ مقارب للمليووون والحين خسرووا وماباقي الا مئه الف مدري مئتين :bigeek: والله مالومهم لو ينهبلون :d كانت امنيتي الدخلو بالاسهم وجتني فتره من اجلس على الغداء اقول ابوي ابي اسهم :d بس الحين هونت مو ناقصين عوار راس اتمنى ان محد يدقق بردودي هاليومين لان انفلونزا الاختباراات قربت وهذي اثارهاا :stoned: يالله الله يرزقكم ويرفع الاسهم :smilie47: بس لاتصيرووا طماعين s60s الهنوووف كانت هنا ورحلت |
^ ^ أبشرك الأمور تمام و إن شاء الله إذا فيه أحد أخذ بالتوصية بيدعي لنا مو علينا و بكره بإذن واحد أحد بنكمل المشوار . |
ابو ريمان .. ع كثر ما اقرا توصيات .. ما قريت توصية بـ اسلوبك هذا ... الله يوفقك ويرزقك ما ادري هو من سواء حظي والا من زينه :D الوالد موكلني في البيع والشراء ، بس بشوره طبعاً والا لو ع كيفي كان حفرت به في انعام :D حسب ما اسمع من الوالد واخوياهـ ان السوق بـ يرتد لـ اكثر من 4000 نقطة وبيوصل الى 15000 او اكثر ، في فترة الـ 5 اشهر الجاية :D وركز على الكهرباء هـ الاسبوع :surprised: ، وشوفها ترا ما لي دخل في اي ضرر يلحق بكم اعزائي الهوامير . :d قفلت اليوم ع حدود الـ 15 s60s |
ابو ريمان الوالد يقول ان الشركه محرمه ! صحيح و لا لا ؟ يا ليت تتأكد :) ( عارف ان السوق قضا و طارت الطيور بارزاقها بس للاستفسار فقط ) .. |
^ ^ ما أدري عن الحكم . أنا أتبع فتوى بعض العلماء القائلة بأن المضاربة في الشركات التي نشاطها الأساسي حلال جائزة . |
جرح يشكي ،،، رأيي الشخصي لا تصدق أحد . لو ما طلع أمس تصريح عن ( شعاع كابيتال ) إن السعر العادل للاتصالات 96 على ما أعتقد كان ما نسبت اليوم و لا ارتفع السوق بالشكل هذا . يعني السوق علمه معه حسب وجهة نظري . أدري إن فيه أسهم أعطت نسب و أكثر مما أعطى سهم التوصية و بعضها كان عندي عنه خبر لكن والله وصيت على السهم اللي أنا متأكد منه و اللي أنا داخل فيه . اللي بيعرض بكره بسعر 60 راح يقدر يبيع بإذن الله ، و اللي بينتظر و يتابع معنا الله يحييه . قضية وصول المؤشر إلى 15000 البعض يبنيها على فرضية ( تحييد ) حصة الحكومة في كل من شركات سابك و الكهرباء و الاتصالات . |
^ ^ ابو ريمان .. معك سلف ميه ريال :D :D .. |
إقتباس:
توصيات ولا أروع ... نعم القناعة اهم شيء ... والطمع يذهب ما جمع مشكور ياغالي ... والله يوفقك |
و ماذا يفعل من لا يثق في السوق و لا يثق في من يشنف أسماعنا بــ بع بع أو اشتر اشتر !!؟ هل يدعي عليه مثلاً بأن يبتليه الله بمن يشغله في حياته ؟ أو يصدمه بــ "قلابي حصى" ؟ أفتنا مأجوراً غير مأزور. |
هلا وغلا اخوي ابو ريمان ورده ومشكور على التوصيات الرائعة :razz: الصدق انا مالي في السوق لا ناقة ولاجمل :stoned: رغم اني كنت في وقت مضى محلل فني للأسهم السعودية :d بطريقة الشموع اليابانية s60s شكرا لك ابو ريمان هذه التوصيات.. وفق الله الجميع ,,, |
إقتباس:
بس فيه نقطة مهمة ذكرتها وهي القناعة .. للأسف إنـنا - أغلب المضاربين - نبي ربح 10% في يوم واحد فقط ... وهذا شي صعب جدا وإن صار يالله تلقى أحد يشتريه منك ,, أنا أبعطيكم طريقة تربحون فيها 30 % في الشهر ( أكثر من 30 بعد ) الطريقة : اختر سهم تكون كمية التداول فيه كبييرة كي تضمن تلقى ناس يشترون ويبيعون .. لو فرضنا السهم سعره 50 اشتره وبعه ب 50.5 بس !! صح إن الربح نص ريال بس لكنك ربحت نسبة 1% في هذا اليوم .. لو تطبق هالطريقة على كل يوم وتنجح فيها بتصير آخر الشهر رابح أكثرمن 30% !! وهلاطريقة تحتاج ل 10 إلا 20 دقيقة تتابع فيها السوق فقط .. بس المشكلة إن هلاطريقة تحتاج إلى شخص قنوووع جدا ,, بالتوفيق لك أبو ريمان وكل اللي دخلوا معك .. وإن شاء الله تحصلون الربح اللي تبونه :) |
فزاع إن كسبت مليون من التوصية عطيتك ألف مو مية :D @@@@@@@@@@@@@@@@@ جاج عسى لك منها نصيب و خلك معنا الوعد قدام @@@@@@@@@@@@@@@@@ إقتباس:
@@@@@@@@@@@@@@@@@@@ ماجد مقبل محلل الشموع اليابانية فالك المدرجات تفرج علينا و حنا نكسب :d @@@@@@@@@@@@@@@@@@@ هلالي و أفتخر أنت شكلك تحب العناد :D والله ما أعرف أحلل . و القناعة حلوة و القناعة في توصيتنا تخليك تأخذ كل يوم ريال حتى إشارة الخروج ، فقط تابعنا . |
إقتباس:
المهم شكراً على كلمة يا حبيبي و لو أنها خرجت من الرئة و ليست من القلب ، لكن من جاور السعيد يسعد و هي جاورت القلب المزدحم أصلاً فلا بأس . سأعقد معك صفقة ، سأكون أكثر وفاءاً لك من الدمعة بشرط أن تضارب ، ليس مع الوزراء و المسؤولين ، بل في سوق البورصة العالمي السعودي و التمويل من عند مؤسسة التأمينات. قل لهم أن القاضي يريد سلفةً من رصيده لديكم قبل أن يتقاعد ثم يموت و تفرحوا بأمواله. أخوك. |
ألا ليت ( الكاش ) يعود يوماً ـــــــــ لأخبره بما فعل ( النزولُ ) ! - .. وأظن هذا لسان حال الكثيرين في سوق ( الأسى / هم ) ! أبو ريمان :smilie47: ، ماشاء الله عليك كوكتيل ثقافي رياضي اقتصادي سياسي :bigeek: بانتظار توصيتك القادمه .. يا نديم الشاشة :d هذا لو كان فيها عراشة :stoned: |
مجرد رأي ! كان العرب يقولون اذا طلع سهيل طاب الليل ، وامتنع القيل ولام الفصيل الويل ، ورفع الكيل ! وتقول العامة " اذا طلع سهيل ، تلمس التمر في الليل ، ولا تامن السيل . أما المحللين فيقولون : اذا نسّب الكهرب ، فلا تأمن لسعة العقرب ، وعليك حينها بالمهرب ! وأما اذا نسبّت الأسمنتات ، فعليك بالثبات ، والأخذ بتوصية الثقات ، والبعد عن المجازفات !! الحب كله لكم :smilie47: |
أبو ريمان يالله إنك تصبحه بالخير . ياغالي عندي لك إقتراح شرايك نخلي موضوعك هذا بالصبح للتوصيات وسوالف الاسهم وبالليل للشتشته والسوالف بشرط إنه ما يسولف إلا من يجيب إثبات إنه خسر بالأسهم أما الي ما عنده خسائر وربي ساترن عليه وش يبي بالسوالف حنا نبي ننسى بس :d. أبو ريمان مجرد إقتراح :stoned: |
أنا مع خالي .. |
إقتباس:
تعقد معي صفقة و بذلك تكون أوفى من دمعة ! توقف فهذه صفقة باطلة ! ليس هناك أوفى من الدمعة ! " أبو عبدالله في خاطري كلام ، و ما بيني و بينك رسائل و لا كلام ، باطلع اللي في خاطري هنا .. أبو عبدالله كل ما قلت تعلمت ( سقطت ) ، و كل ما قلت فهمت ( رسبت ) ، و كل ما قلت عرفت ( اكتشفت ) ، و كل ما أمّنت ( تروعت ) ، و كل ما قلت وصلت لأول الطريق ( رجعت ) ، و كل ما قلت وثقت ( تفاجأت ) ، آمنت بالله يا أخوي آمنت ! كيف صرنا بوقت لو حكيت مع نفسك قلت لها ( لا يدري أحد ! ) " أبو عبدالله أنت تعطي التأمينات كل شهر مبلغ و قدره ، عطني شوي و بعد سنة أرجعه لك مع 30% ! أؤكد لك أنها 30 % لكن بالسالب بالموجب خلنا نؤجلها شوي من باب العجلة شينة :d أنا اللي عندي لك صفقة ! عندنا قلابي حصى متوهقين به ما نبيه ! خلنا نطرحه مساهمة و خذها مني بتتعهد بتغطيته مجموعة سامبا أو ساب و لما ينطرح للاكتتاب بتتغطى المساهمة مرتين ! أنا و أنت مؤسسين و باتنازل لك عن منصب رئيس مجلس إدارة شركة قلابي الحصى :d و إذا تبي سواق للقلابي نشوف لك العنا :d |
إقتباس:
هذا و أنا أقول بطل ( منتاز ) ! السياسة عند الهاوي و الرياضة تركتنا ما تركناها :) ما في توصية قادمة و لا تسبب لخبطة للناس اللي ( باوهقهم :d ) ! التوصية هي نفس التوصية ( المتقدمة ) ! التوصية قد تكون مبنية على إن اسم الشركة مثلاً معجبني :d إقتباس:
الجو الحين مثل سوق الأسهم و الزعاق و الدوسري مثل محللين الأسهم لاقين الشعب ! و اترك عنك الكهرب و العقرب و الاسمنتات و خلك معنا في حملة ( معنا أنت الكسبان :d ) |
إقتباس:
أنا قررت أمشي ( جنب ) الجدار و لا أرفع رأسي و أغمض عيني و اقتراحك شف له مكان الله يرحم والديك لا تدخلني يكفيني ما جاني و الموضوع موضوعكم و باشارككم و كل شيء بكيف ( الشيوخ أبخص ) :) @@@@@@@@@@@@ إقتباس:
والله براحتكم الموضوع موضوعكم :) الله لا يهينك وين الشارتات و الحركات جب لنا كم شارت و مو شرط يكون لسهم التوصية أنت جب أحسن شارت في السوق و لا عليك أمر :d |
أبو شلاخ الأسعار غير صحيحة سعر إغلاق الأمس 58.75 و ليس 57.50 . هذه أسعار يوم الأربعاء . خوفتني :D |
آسف على الخطأ بس الفرنسي باقي ما حدث معلوماته دخلت الحين ولقيتهم عدلوها آسف مرة أخرى وأنا مادققت زين وهذا الأسعار بعد التعديل http://www.9o9i.com/download/15304789bb18cd574.jpg |
توصية بسم الله الرحمن الرحيم توصيتي لكم بعد طول غياب هي المتطوره للشراء مع كل نزول . وان شاء الله تتفاعل اليوم . 33.25 ريال |
السلام عليكم الأخبار .. 1- المؤشر العام حتى لحضة كتابة الرد 11.878.81 بنزول مانسبته 0.11% 2- المتقدمة كان الإفتتاح على 58.75 أعلى سعر 59.50 الأدنى كان 57.75 الصفقات 437 كمية الطلب 7.701 السعر الحالي 58.25 بتراجع 0.25 شكراً |
تعدي حاجز 34 نقول فوق يا رب . |
^ ^ ^ خلك مضبوط و لك نصف العمولات :D يا شباب اللي أخذ بالتوصية لا يفرط بالسهم حتى إشارة الخروج و اللي ما دخل الله عطاه فرصة جديدة رائعة للدخول . |
يعطيك العافيه كنت متعلق فيها من الإسبوع اللي راح ب 33 ريال |
| الوقت المعتمد في المنتدى بتوقيت جرينتش +3.
الوقت الان » 07:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd