بعد ضم الاقتصادي للعام ! - نادي الهلال السعودي - شبكة الزعيم

abu_riman · #1 12/01/2008, 01:50 AM

السلام عليكم ،،،

سبق و أن قررت بأن لا أشارك إلا في موقع الزعيم في المجلس العام ، اليوم و قد تم ضم الاقتصادي إلى العام أقدم لكم هذه التوصية ، و مع أنني لا أحب التوصيات لما قد يترتب عليها من خسائر للبعض إلا أنني هذه المرة سأتكل على الله و سأوصي رغبة في استفادة الجميع ( أو مضرة الجميع لا قدر الله

) و عدم حصر الفائدة على البعض ( بعض الناس مسوي أمر شراء من الساعة 12 و دقيقة

)

و قبل التوصية أرجو قراءة ما يلي بشكل دقيق و جيد :

1/ السوق لا يعترف بتوصية و لا غيره ( جود السوق و لا جود البضاعة ) يعني مع أي انهيار و أقصد انهيار و ليس تصحيح للسوق التوصية لاغية .

2 / نسبة صحة التوصية 50 % فقط .

3 / التوصية للمضارب في المقام الأول و للمستثمر على المدى القصير جداً في المقام الثاني .

4 / بإذن الله سأزيد الكمية اليوم في السهم لكن مع أي هزة ( بانحاش ) .

5 / من يرغب في الأخذ بالتوصية عليه أن يتجاهل المؤشر و يركز على سهم التوصية ( و يصير عند الشاشة مع أي مزحة أو مداعبة من صناع السوق يصير رجال و ينحاش خاصة اللي ما عنده كاش و بالتالي ما يقدر يعدل من تحت ) .

6 / الأشخاص الذين يعرفون كيفية المضاربة أنصحهم باستغلال التذبذب العالي في السهم بحيث يبيعون بسعر و يشترون بسعر أقل ( اللي ما يعرفون للمضاربة يشترون و يلبدون عليه ) .

7 / القناعة حلوة .

8 / سأحاول أن أتابع التوصية خلال أوقات التداول و خارجه ( اللي ما يتابع لا يلومنا ) .

9 / يفضل أن تبقى التوصية سر بيننا

.

@@@@@@@@@@@@@

السهم : المتقدمة

الدخول : 57 - 58.50 ( اللي ما يلحق عليه أول التداول ينتظر إلى حوالي الساعة الواحدة و بيصيده إن شاء الله ، و يفضل أن يكون الدخول على دفعات )

الهدف : القناعة ريال ريالين لا تصير طماع ، بعد 65 كل شخص مسئول عن نفسه .

جمــ ناطل باللفه ــس · #2 12/01/2008, 01:56 AM

إقتباس


	سبق و أن قررت بأن لا أشارك إلا في موقع الزعيم في المجلس العام ، اليوم و قد تم ضم الاقتصادي إلى العام أقدم لكم هذه التوصية

ياليتهم ما ضموووك ياخي

إقتباس


	و قبل التوصية أرجو قراءة ما يلي بشكل دقيق و جيد :

الله يستر منك أنت وتوصياتك اللي ما وراها ألا تطييح السوق

إقتباس


	7 / القناعة حلوة .

عز الله ضعنا وضاعت دراهمنا

إقتباس


	9 / يفضل أن تبقى التوصية سر بيننا

فالك المليووون

======================

يعطيك العافيه يالغالي

وبأنتظار القادم

BOY NJD · #3 12/01/2008, 01:58 AM

هلا اخويـــ

ـــ abu_riman

مشكوررررررر على التوصيه <<<< والله من رسايل ؟؟؟؟ الي بتجيك على الخاص

بكل صراحه انا مالي بالاسهم لاكن اتمنى ان يستفيد منها باقي الاعضاء

تقبل مروري

سلام

abu_riman · #4 12/01/2008, 01:58 AM

^
^
^

يوم شفت ردك قلت : هذا أولها ! يا زين حذف الموضوع .

المهم يا جمس إذا ناوي تأخذ التوصية بالله تابع ممكن بأي لحظة أقول الوجه من الوجه أبيض

abu_riman · #5 12/01/2008, 02:00 AM

ولد نجد أنا ما كتبته هنا إلا هروب من الخاص !

خاصة و الخاص يضيق الصدر هاليومين .

هـــ الشماسيةـــلالي · #6 12/01/2008, 02:09 AM

abu_riman
يعطيك الصحة والعافية والسعة في الرزق

أولاً أنا مالي ومال الاسهم لكن أضطر أتابع بعض الايام ومكرهٌ أخاك لكون من حولي مهتمين بالمضاربه ,, ولكن يدخلني بعض الايام شك كبير أن فيه من الاستهبال مالا يطاق ويخّوف من الدخول به من ذلك إذا كان المؤشر على رقم مميز فإنه يثبت لفترة تدل على أنها مقصودة ,,

على العموم أسأل الله أن يُعوض من خسر من المساهمين ويرزق ويستر على من لم يخسر ,,

000000

ابو الذهب · #7 12/01/2008, 02:18 AM

هلا ابو ريمان يسعد صباحك بكل خير

شف وانا اخوك الاسهم ماراح يروح فيها اكثر من المستثمر الصغير لان سوق الاسهم عندنا مستحيل

احد يقدر يحلله او يتوقعه والمشكله ان كبار المضاربين هم المتحكمين بصعود السوق او نزوله

abu_riman · #8 12/01/2008, 02:32 AM

^
^
"و صباحك .
عشرة على عشرة !

عشان كذا أنا ما أعترف بالمؤشر أو بالتحليل حتى لو صدق مرات يظل الريموت بيدهم !

في نظري السياسة الناجحة في سوقنا ( اشتر مضارب و لا تشتري سهم ) و إن شاء الله يكون مضارب توصيتنا قد الثقة

بالنسبة لك اشتر و لا تفكه قبل 65 ، خربها يا تغير معرفك ابو الألماس يا توقف عند باب المجلس لله يا محسنين

"

المـشـاكـس · #9 12/01/2008, 02:34 AM

هلا والله بأبو ريمان ورده ..
لا يكونك من اللي يطلعون في التلفزيون ويقولون نقاط دعم وكسر الحاجز

..

حاولت ادخل امر الشراء ..
طلع لي التويجري مع الشاشة وقال : السوق مغلق الله يصلحك .. رح ارقد

..
بس طلبته وفهمته الظروف وان بكرة عندي دوام ..
وابشرك وافق ونفذ الامر

..

بالتوفيق لكل من اكل علقة في السوق ولا رضي يقتنع

..
ويا رب تعوضون خسائركم ..
اما انا .. فحلفت لو يجيبون لي جونز ولا ناسداك في السعودية ..
ان يجيبونها مضاربينا الارض

..

شكرا ابو ريمان

..

.

abu_riman · #10 12/01/2008, 02:44 AM

^
^
^

تبي تشتري حياك ما تبي تشتري أنت حر لكن تتغلى ما لك حق

ابو الذهب · #11 12/01/2008, 02:51 AM

ياخوفى ياابو ريمان اسنتر عند باب المجلس

ترا باعتمد على ذمتك يعنى ان رحت فيها بتلقانى ادور عند بيتك بدبابه

صدى الامس · #12 12/01/2008, 03:38 AM

وصرت تعطي توصيات يا ابو ريماااان .. الله يستر بس ..

<< جلس ساعة عشان يعرف وش انت موصي عليه

واضح اني خبير بسوق الاسهم

..

الفيروسه الزرقاء · #13 12/01/2008, 03:54 AM

^
^
^
صدى ماعليك انت ادخل سوق الاسهم وخلني مستشارتك !
عز الله بـ ترباح مليارات بس بـ -

بو ريمان بمااني ماني راعية اسهم ! وش لي بـ التوصيات

!!
مـ احب الاسهم ولا احب التحليل المالي

إقتباس


	خاصة و الخاص يضيق الصدر هاليومين .

الله يعينك

! انت ضايق صدرك من الخاص وانا ضايق صدري من الضغوطات النفسيه والاجتماعية ! اقصد النتيه

.

الفيروسه الزرقاء

LBa your heart · #14 12/01/2008, 04:28 AM

هلا والله بأبو ريمان طقتك الغيره من موضوع خالد الحصان

أنت تقول السوق لايعترف بالتوصيه وانت الحين معطينا توصيه .

بس زين تعطينا التوصيه ببلاش غيركـ برومات الاسهم بالبالتوك لازم تشترك بالجوال عندهم ويرسلون لك التوصيات وقيمة الاشتراك بالشهر 700 ريال

..

على العموم انا خليت الوالد يقرا موضوعك وقال يصير خير من دون نفس هههههههههه

الله يعطيك العافيه يابو ريمان

الـمـشـاغـب · #15 12/01/2008, 04:48 AM

أولاً: حول لي الخاص وأنا بأتفاهم معهم

ثانياً: توصية طالعة من قلب غيور ومحب للجميع جزاك الله خير

رابعاً: من خلال قراءتي الاستراتيجية الديناميكية للموضوع لاحظت من وراء الكواليس المتقوقعة أنك خسرت في

الأسهم أو على الأقل خسر لك قريب أو حبيب في سوق الأسهم فصار هذا موقفك من سوق الأسهم ..!!

ثالثاً وأخيراً: لك كامل الحق في عدم الإجابة على أي سؤال ..!! ورده

آخراً وليس أخيراً: الله يعطيك العافية ولا هنت يا بعدهم ورده