قـال مربعانيه قـال مدري شبـط مـــدري - نادي الهلال السعودي - شبكة الزعيم

سحرالشرق · #1 29/12/2007, 07:57 AM

يعني ما فيه أحد عنده خطة لمكافحة البرد؟!!!

يعني كل شتاء لازم اسوي اشتراك (اكسجين) مع أكبر مستشفى يعني ليش يا ربي ما احب البرد؟!!!!

ما عندكم خطط لمكافحة البرد؟؟!!

أنا أقول لو يعطونا إجازة يكون أحسن ترى قسما والله البرد برد كذا غلاسه يعني حتى مطر ما فيه يعني اش فيها لو اعطونا إجازة حتى بنتي ياخذونها ويرجعونها إذا جاء الدفا ...

يرحم أمكم عطوني خطة لمكافحة البرد

:

:

كاتبه الموضوع تحت تأثير صقيع وبنت وهذا اللي مدري وش اسمه ذا اللي سيارة البلدية تبخ امه كل صباح

القاضي · #2 29/12/2007, 08:21 AM

والدتي تقول لكِ : أوقدي سمْر و كلي تمر و تعوذي من بليس .

سحرالشرق · #3 29/12/2007, 08:26 AM

الخطه كويسه بس فيها ثغرات
اوقدي سمر أنا من غير سمر مشتركه في نادي الاوكسجين كيف لو اوقدت سمر

آكل تمر ان شاء الله لأني اول مره ادري ان التمر يجيب الدفا<<<لا عمرك تفهمين

اتعوذ من ابليس أعوذ بالوالي من ابليس ومن شر باردٍ إذا اشتد

سلّم على الوالده

كاريزمـا · #4 29/12/2007, 08:31 AM

هلا بأم فجوري

وش أخبار فجوري ..كبرت ؟...ترى عندي لها خطيب

ماشاء الله الله يحفظها لك اقول دفي بنتك بس عن هالبرد وهي لسى سندويتشه

ماتتحمل ..

اجل ماتبين البرد ..

تدرين انقعي بالشمس وتدفي

عاد شمس الشتاء شي ثاني تعطيك لون خخخخخخخخخ

والله يالغلا مافيش حاقه تمنع البرد غير انك تولعي دفايتك وتضمي بنتك وتدفين

الا اذا عندك دواام الله لايلومك

قسم قبل شوي 2 ياعمري يصيحن مايبن يروحن دواماتهن .. وانا جالسه اضحك وارفع حاجبي

وأقولهن مستقبلكن أولى

>> نذله

بس والله فله الترويقه صباح الشتاء ..

ام فجوري عوفيتي على الجدول ( قال مربعانيه قال شباط ) اجل متى العقارب

BLUE-STAR · #5 29/12/2007, 08:36 AM

هلا والله بسحر الشرق ...

وهـ بس يازين البنااات ..الله يحفظه لك يااارب ..

اما بخصوص الخطه .. إذا لقيتلي خطه قلتلك ..

بس حاليا مافيه إلا إنك تلهلمين بفروه وتسنترين عند دفايه...

عز الله اللي ماقمتي من مكانك...<<مجربته...

S K Y · #6 29/12/2007, 08:42 AM

الله يشفيك يارب ويرفعك بالصحه والعافيه وطاعه الرحمن
الخطه 4-4-2 < ترا مايستهبل

الخطه ألبسي كل شي يدفيك بدون استثناء
انا اكتب الرد وانا لابس شراب وبجامه وفروه ومتلحف ببطانيه
ناقصني نظارات دواير واصير ابو مساعد

ولا تنسين تدفين بنتك فجوري الله يحفظها

سحرالشرق · #7 29/12/2007, 08:44 AM

هلا ريووومه
فجر كبرت بس يوم جاء البرد رجعت انكمشت

بعدين وشو انقعي بالشمس قسما إن الشمس بارده شلون مدري عمر أمكِ شفتي شمس بارده سبحان الله شيء عجيب بس والله مشكله

كمان دفايه مين هنا ما فيه دفايه هذا برد ولا أكبر هيتر بالعالم ينفع معاه

تسجيل:اللهم خلّص البرد

سحرالشرق · #8 29/12/2007, 08:47 AM

إقتباس

الرسالة الأصلية كتبت بواسطة BLUE-STAR


	هلا والله بسحر الشرق ... وهـ بس يازين البنااات ..الله يحفظه لك يااارب .. اما بخصوص الخطه .. إذا لقيتلي خطه قلتلك .. بس حاليا مافيه إلا إنك تلهلمين بفروه وتسنترين عند دفايه... عز الله اللي ماقمتي من مكانك...<<مجربته...

أول شيء الله يسعدكِ..
ثانياً أنا ما أحب المخلوقه هذي الفروه لأني احسها غنمه مصلوخه كيف بس تطاوعكم قلوبكم تصلخون الغنم علشان تتدفون أنفسكم

تسجيل: فكري زين بخطه مناسبه وترى الإجازة أحسن شيء

سحرالشرق · #9 29/12/2007, 08:52 AM

إقتباس

الرسالة الأصلية كتبت بواسطة S K Y


	الله يشفيك يارب ويرفعك بالصحه والعافيه وطاعه الرحمن الخطه 4-4-2 < ترا مايستهبل الخطه ألبسي كل شي يدفيك بدون استثناء انا اكتب الرد وانا لابس شراب وبجامه وفروه ومتلحف ببطانيه ناقصني نظارات دواير واصير ابو مساعد ولا تنسين تدفين بنتك فجوري الله يحفظها

كمان برد لو ألبس كل الدولاب بردنا مش برد بردنا كنز حنيه

إذا إبر الانفلونزا ما نفعت معي بتنفع معي ذي الغنمه المصلوخه

تسجيل: ما أحب البرد

قرقاص · #10 29/12/2007, 09:31 AM

ماتشوفين شر

بس هذي مشكلتنا في السعودية اذا جانا الحر وصلت الدرجة 49 قلنا يازين الشتاء واذا جاء الشتاء وصلت الدرجة 0 قلنا يازين الصيف ماعرفنا لكم

خطة مواجهة البرد كالتالي:
1- لبس بيجامة صوف وشراب العائلة

2-شرب زنجبيل مع فلفل اسود قبل الطلعة من البيت

3- اذا مالك لزمة بالطلعة الجلوس بالبيت اصرف خاصة اذا حولك دفاية قاز من النوع اللي يطلع ريحة حرق لأن الريحة تؤدي لأحساس بالدفئ

سحرالشرق · #11 29/12/2007, 10:14 AM

إقتباس

الرسالة الأصلية كتبت بواسطة قرقاص


	ماتشوفين شر بس هذي مشكلتنا في السعودية اذا جانا الحر وصلت الدرجة 49 قلنا يازين الشتاء واذا جاء الشتاء وصلت الدرجة 0 قلنا يازين الصيف ماعرفنا لكم خطة مواجهة البرد كالتالي: 1- لبس بيجامة صوف وشراب العائلة 2-شرب زنجبيل مع فلفل اسود قبل الطلعة من البيت 3- اذا مالك لزمة بالطلعة الجلوس بالبيت اصرف خاصة اذا حولك دفاية قاز من النوع اللي يطلع ريحة حرق لأن الريحة تؤدي لأحساس بالدفئ

ما يجيك الشر

لااااا قسماً والله أحب الصيف النهار طويل حتى لو هو حر ومدري وشو

بس ما أحب الشتاء مستشفيات ومدري وشو

والليل طويل يجيني فيه اكتئاب

ثانياً حتى البيجاما الانجليزيه ما تنفع قلت لك برد وشلون تفهم

وشراب عائلة مين قصماً أحس ودي ألبس ثلاث جزم بس شلون

الزنجبيل ما أحبه أكرهه أحس يطلع عندي أعضاء بشريه جديده

الطلعه من البيت غصب عن اللي جابوني مو من اليوم أقول عطونا إجازة بس لو فيه هيتر غاز يمكن يصير دفا

تسجيل: قرقاص

خالي من الهم · #12 29/12/2007, 10:18 AM

صبحك الله بالخير أم فجر إنتي وفجر وأبو فجر وكل أعضاء المجلس الكرام

.

والله بردهالسنه اسمه خبال مو برديعني لي 3أيام من جيت الرياض والله العظيم قبل صلاة الظهر ما أنام والحين الواحد وراه شغل وما يدري كيف يسوي بجدوله بس الله يعين.

نجي للنصايح وخطة مقاومة البرد الي أخالف فيها أخونا سكاي لأن خطته فيها فتح للعب وأنا أنصحك بخطه دفاعيه بحته

.

1/لبس كلما لذ وطاب من الملابس الشتويه وكثري في الشراريب

.

2/شرب حليب الزنجبيل كل ما سنحت الفرصه وياحبذا لو كان حليب نيدو والي يبي طريقه خرافيه لشرب النيدو بالزنجبيل يأشر بس

.

3/أخذ بعض الجرايد ولصقها على الدرايش لصقا محكما <===من يتذكر أيام حرب الخليج

.

4/الإقلال من الخروج من المنزل مثل ما قال شايبنا قرقاص يعني إنتوا يالنسوان هالسوق 24 ساعه قروا ترا الدنيا برد

.

5/شراء منقلين مو منقل واحدوشب الضو فيهم بين الفينة والأخرى

.

حاولت أعطيك كل الوسائل الممكنه لتجنب البرد وما ضنيت والله إن حنا بنتجنبه لأن بردهالسنه غير ويقولون يناير الي بيجي بيكون شيء غيري طبيعي يعني يبي لك أكثر من إشتراك أكسجين موإشتراك واحد مع أطيب الأماني

.

إلى على طاري أطيب الأماني حسن كراني الله يذكره بالخير وينه فيه شفت قبل يومين النشره الجويه في القناه الأولى بس شفتها بطريقه جديده

.

راكان _20_ · #13 29/12/2007, 10:22 AM

ما يجيك الشر إن شاء الله

بس و الله جانا برد قلبه مره و حده

نـــــــ15ــــــمر · #14 29/12/2007, 10:24 AM

لوووووووووووووووووووووووووووووووووووووووووووووووووول

والله البرد يجيب النوم وحنا على وجه اختبارات وبروجكتات الله يستر بس

على طاري البرد قبل 3 ايام كنا مخيمين والله ان درجه الحراره وصلت 3 والمويه باااااااااااااارده

لدرجه اننا تيممنا عاد تصدقون ان سالت الشباب وشلون اتيمم

كيف تتدفى في عز الشتا .........؟

شب الضو

اشتر فروه

البس شراب من الصوف الاصلي

خط اذانيك ورجولك واطراف قدمك

طول شعرك

عاد سبحان الله البسس تشد حيلها في الشتاء

فتشوفونها تهاجر

تشـــــــــــــــــــــــــــــــاو

بـنـ**الزعيم**ــت · #15 29/12/2007, 10:25 AM

خخخخخخخخخخخخخـ
تصدقين رحمتك طيب ماتحبين الفروه
تحسين انها غنمه مصلوخه خخخخخخـ عجبني التشبيه

اولا:البسي جاكيت ولا بالطو مثلي
ثانيا:صلحي لك حليب فيه زنجبيل وفلفل بعد
ثالثا:واخيرا وهو الاهم لاتخلين شيئ في الدولاب مالبستيه خليك زيي اللي يشوفني
يقول وش هالبطريق من كثر الملابس ماني قادره اتحرك

والله اللي اليوم مداومين يرحمون برررررد ماله داعي دراسه<<اختكم في الله
غااايبه اليوم

يامال الثنكيوات على هالموضوع