قـال مربعانيه قـال مدري شبـط مـــدري - صفحة رقم 2 - نادي الهلال السعودي - شبكة الزعيم

سحرالشرق · #16 29/12/2007, 10:34 AM

إقتباس

الرسالة الأصلية كتبت بواسطة خالي من الهم


	صبحك الله بالخير أم فجر إنتي وفجر وأبو فجر وكل أعضاء المجلس الكرام . والله بردهالسنه اسمه خبال مو برديعني لي 3أيام من جيت الرياض والله العظيم قبل صلاة الظهر ما أنام والحين الواحد وراه شغل وما يدري كيف يسوي بجدوله بس الله يعين. نجي للنصايح وخطة مقاومة البرد الي أخالف فيها أخونا سكاي لأن خطته فيها فتح للعب وأنا أنصحك بخطه دفاعيه بحته . 1/لبس كلما لذ وطاب من الملابس الشتويه وكثري في الشراريب . 2/شرب حليب الزنجبيل كل ما سنحت الفرصه وياحبذا لو كان حليب نيدو والي يبي طريقه خرافيه لشرب النيدو بالزنجبيل يأشر بس. 3/أخذ بعض الجرايد ولصقها على الدرايش لصقا محكما <===من يتذكر أيام حرب الخليج. 4/الإقلال من الخروج من المنزل مثل ما قال شايبنا قرقاص يعني إنتوا يالنسوان هالسوق 24 ساعه قروا ترا الدنيا برد . 5/شراء منقلين مو منقل واحدوشب الضو فيهم بين الفينة والأخرى . حاولت أعطيك كل الوسائل الممكنه لتجنب البرد وما ضنيت والله إن حنا بنتجنبه لأن بردهالسنه غير ويقولون يناير الي بيجي بيكون شيء غيري طبيعي يعني يبي لك أكثر من إشتراك أكسجين موإشتراك واحد مع أطيب الأماني . إلى على طاري أطيب الأماني حسن كراني الله يذكره بالخير وينه فيه شفت قبل يومين النشره الجويه في القناه الأولى بس شفتها بطريقه جديده .

صبحك الله بالنور أنت وخالي وهم وكل الأعضاء

شفت شلون قايله لكم أنا من اليوم النهار مرررره قصير يعني بالله كيف نصلي يعني الظهر والعصر مع بعض شلون يعني كذا ما يصير

الموووهم خطتك ثغراتها كثيره يعني أنا يالله يالله امشي كيف لو لبست كل ما لذ لي وطاب من الملابس الشتوية

بعدين أي نيدو أنت الثاني الحين العلبة الصغيره بـ50 ريال

والله ما بقى إلا هي يمدحون حليب المراعي سخنه يطلع يشبه النيدو

أما موضوع الجرايد فالأعجب علامة(×)بالشطرطون

هذاااا تووووحفه شيء ثاني أحلى ما في الحروب الشطرطون هذا

بعدين سوق مين الله يخلي امي تشتري لي الملابس أنا أكره السوق مثل البرد

وأخيرا المنقل يا طويل العمر سبق وقلت ان كذا بيصير عندي اشتراكين اوكسجين واحد بتداوي وواحد بمستشفى القاعدة

وأحسن شيء اخذ معي اسطوانة اوكسجين

وعلى طاري حسن كراني والطريقه الجديده حتى انا بعد شفت اخبار الساعه 9 قبل فتره تقول كأنهم يلعبون بلوت اربعه يقدمون

المووووهم البرد شين

ويا رب يحتر البرد

سحرالشرق · #17 29/12/2007, 10:39 AM

إقتباس

الرسالة الأصلية كتبت بواسطة راكان _20_


	ما يجيك الشر إن شاء الله بس و الله جانا برد قلبه مره و حده

ما يجيك يا راكان
هذي بعد مشكلة واللاهي يعني كذا غدار بيشتي الجو فجأة

تسجيل:كل واحد يدخل يعطيني اشتراك اوكسجين

سحرالشرق · #18 29/12/2007, 10:42 AM

إقتباس

الرسالة الأصلية كتبت بواسطة نـــــــ15ــــــمر


	لوووووووووووووووووووووووووووووووووووووووووووووووووول والله البرد يجيب النوم وحنا على وجه اختبارات وبروجكتات الله يستر بس على طاري البرد قبل 3 ايام كنا مخيمين والله ان درجه الحراره وصلت 3 والمويه باااااااااااااارده لدرجه اننا تيممنا عاد تصدقون ان سالت الشباب وشلون اتيمم كيف تتدفى في عز الشتا .........؟ شب الضو اشتر فروه البس شراب من الصوف الاصلي خط اذانيك ورجولك واطراف قدمك طول شعرك عاد سبحان الله البسس تشد حيلها في الشتاء فتشوفونها تهاجر تشـــــــــــــــــــــــــــــــاو

مخيمين

أنا ما أدري الناس كيف تطلع من بيوتها بالشتاء كيف بالله مخيمين يعني بالله كيف شلون بس مدري

أيضاً الخطط الموجودة غير كافيه لمواجهة البرد

تسجيل: ما أحبك يا برد

سحرالشرق · #19 29/12/2007, 10:48 AM

إقتباس

الرسالة الأصلية كتبت بواسطة بـنـ**الزعيم**ــت


	خخخخخخخخخخخخخـ تصدقين رحمتك طيب ماتحبين الفروه تحسين انها غنمه مصلوخه خخخخخخـ عجبني التشبيه اولا:البسي جاكيت ولا بالطو مثلي ثانيا:صلحي لك حليب فيه زنجبيل وفلفل بعد ثالثا:واخيرا وهو الاهم لاتخلين شيئ في الدولاب مالبستيه خليك زيي اللي يشوفني يقول وش هالبطريق من كثر الملابس ماني قادره اتحرك والله اللي اليوم مداومين يرحمون برررررد ماله داعي دراسه<<اختكم في الله غااايبه اليوم يامال الثنكيوات على هالموضوع

يعني شلون ما عندكِ خطط ثانيه

المشكله وأنا أختك عند أهلي الجو أدفى من الدمام يا ربي من اللي لعب علي وقال الشتاء في المناطق الساحلية أدفى الله لا يخلص برده

<<<هو بس

يعني البرد بسراحه يأثر علي حتى معقولياً

تسجيل: O<<<يعني اوكسجين كيميائياً

ساقي الـعُطـور · #20 29/12/2007, 10:54 AM

حــفـــظــهــا الله لــــكِ وجعلــهـــا قرة لـــكــم

انا أدمــــنـــت عـــلى الــزنجــــبـــيل وحـــنا ماعـــندنـــا ذاك الـــبــرد

أنـــصــحــكِ بــه مـــوفــقــه.

ابو طـــــلال · #21 29/12/2007, 11:43 AM

اولا ............ ماشالله مبروك اللافيه ( فجر ) ايش الحركات هذي ... تستاهل التعب خل عنك ماشالله تبارك الله .. حجز ( لطلال ) ومستعد ادفع المهر من الحين ... مهر منتهى بالتملك

الله يخليها لك ويرزقك برها ويحفظها .. ويجعلها من حفظة القران .. انبسطت يوم شفت صورتها .. بس يومك حامل فيها وانتي منزله مواضيع ... ويوم ولدتيها ( سكتم بكتم ؟؟) وين المواضيع نهنيك على الاقل ... ماندري عنك الا من الغريب !!..... ( منتدى العالمي )

اولا ( اخبر قايل اولا ؟) انتبهي بس لبنيتك من البرد ( دحمليها ) ولااوصيك ..... البنت ماتتحمل برد السعوديه .. مكتوب عليه ( للكبار فقط )

وأولا .. ( مصمم ) <<

.. اذا عندك ربو .. او حساسيه بالصدر .. فيه ابرة للإنفلونزا ... تؤخذ بالسنة مره .. تخفف من اعراض الانفلونزا .. انصح فيها كبار السن .. والاشخاص اللى عندهم ربو او حساسيه .. اسم الابره ( فلو فاكسين ) .. موجوده في اماكن معينه ..

ثانيا( أخيرا ) ... عليك بالزنجبيل ..... الحليب ..... ودللي دفايتك وكوني معها اقوى علاقة لين مايجي الصيف شوتيها

ومره ثانيه .. مبروك عليك فجر .......... والله يخليها لك يارب

G o L d E s T · #22 29/12/2007, 12:06 PM

معاناااااااااااااااااااااة

أطلع من البيت دقيقتين أدخل البيت يبيلي نص ساعة عشان أتدفا من جديد

كله كوم وتجمد اليدين كوم ثاني

اليوم طلعت للدوام الدركسون جاااااااااااامد ويديني جاااامدة وأنواع العذاب

إذا جيت أبغسل يديني أشيل هم وإذا جيت أبتوضا أشيل هم

اللي يشوفن وأنا قايم لصلاة الفجر يضحك علي

قاعد أطامر بالغرفة من برودة السراميك

وما صدقت ألبس نعالي ( وأنتم بكرامة ) حتى النعال باردات

يديني تجمدت وأنا أكتب وأبروح أتوضا بعد شوي

يا زين الصيف نوووم بالنهار وبالليل سو اللي تبيه واشرب اللي تبيه لو بغيت تقرمش الثلج مب مشكلة

غــــــلا روحــــــي · #23 29/12/2007, 01:15 PM

هلا والله بأم فجر

عندي لك خطة جهنميه بتنسين شي اسمه (كولد)

الا وهي :

شغلي المكيف على احّـر شي و شغلي الدفايه الحمراء

والدفاية الزيتيـه << وحطي فوقها شراب العائله (اسود وبيج من تحت)

وسكري الباب وبعدين اطلعي في الحوش لمدة ربـع سـاعة

وبعدها ادخلي الغرفه

وشوووفي انووواع الدفا

وقوووولي ماقالت غــــلا

ڪـيــف الـζــآل ؟ · #24 29/12/2007, 01:26 PM

وعليكم السلام ورحمة الله وبركاته ,

يقولون البرد يدخل مع الاطراف

,
يعني فقط من أصابع القدمين والاطراف الباقية ,

الله يشفيكـ وماتشوفين شر ,

يعطيك العافية

بلد الوليد · #25 29/12/2007, 01:41 PM

سحر الشمال الغربي

كيف الحال

---> دب قطبي يقدر البرد

وهـ بس يازين البرد والله
البرد مخلوق جميل ويعيش في المناطق الدافئه

احس اني في بيئتي الطبيعيه في البررررررررد القارس

BOY NJD · #26 29/12/2007, 01:41 PM

يالله لشطت لك كلام من احد المواقع

7 طرق لتنعمي بالدفىء

إقتباس


	توصل العلماء إلى طرق جديدة للشعور بالدفء مهما كان الحد الذي انخفضت إليه درجات الحرارة. أولاً: ضعي كريماً على وجهك ,حيث يعمل الزيت الموجود فيه على جعل وجهك دافئاً بتكوين طبقة زيتية ضد البردوالهواء. ثانياً : قبل الخروج تمددي راقدة - يحتفظ جسمك بحرارة أكثر عندما يدور الدم في جسمك بطريقة أفضل. [size=4] ثالثاً: تخيلي أنك دافئة - أظهرت الدراسات أنه باستطاعتك زيادة درجة حرارة جسمك بجرد التفكير أنك دافئة. رابعاً ً : البسي قفازاً يكسو الأصابع الاربعة معاً والإبهام منفرداً وانتعلي الحذاء المبطن _ يعمل الاثنان معاً على عزل حرارة جسمك الطبيعية . خامساً: لاترتدي الملابس القطنية لأن القطن يمتص الرطوبة ومن ثم يبرد الجسم . وبدلاً عنه اختاري حريراً عازلاً أو البوليستر. خامساً : استعملي التوابل في الطعام وخاصة الفلفل الأحمر - لأنها تنشط الغدة الدرقية وهي غدة

Hictar · #27 29/12/2007, 03:14 PM

خطه مين يا أم خطه

إذا كنتي ساكنه بالرياض فمالك إلا الإستسلام

اللي عايش بالرياض
طول السنه جالس بالبيت

إذا بالصيف جلس بالبيت قبال المكيف

وإذا بالشتاء جلس بالبيت متغطي

فما عليك الا الإستسلام أو الهجره

A.K.N 505 · #28 29/12/2007, 03:32 PM

طيب بما ان كل الخطط ما نفعت وفيها ثغرات ..!

جربي السبات الشتوي..

والله يعينك ان شاء الله

الهلالي دائماً · #29 29/12/2007, 04:55 PM

هلا اختي سحر الشرق والحمد لله على سلامتك ..

والف مبروك اطلالة فجر حفظها الله ورعاه لك ولوالدها

وانبتها نباتاً حسنا ورده

ومن ناحية البرد ما عندي الا نصيحة واحدة

حطي المكيف على الحار

>>> يسمع بالنصايح

والصدق انا احب البرد وخاصة برد الرياض ( قلب )

دمت بحفظ الله ورعايته

,,,