تــعددت الأســـبــــاب .. والــجــاثــوووم واااحد ..!! - صفحة رقم 2 - نادي الهلال السعودي - شبكة الزعيم

زعيمه قديمه · #16 07/12/2007, 08:25 AM

ياخي من جد موضوعك رهييييييييب>>>>>>>`ذابحها الجاثوم

والله ياخوي انا عانيت فتره من الي تقول

وتعبت نفسيا

لكن الحمدلله الآن كل شي تمام..

زمان

قعدت ابحث عن حل واسباب

ولو تحط هالكلمه في قوقل يطلعلك اسمي من كثر مادورت<<<<<<<ههههههههههه

المهم البعض يقول

معاصي والي يقول الشخص معيون او مسحور

ولها تفسير علمي يسمونه شلل النوم

وسببه ارتخاء جميع عضلات الجسم

حتى العين

وبنفس الوقت العقل واعي

فإذا اراد الشخص الحركه او الكلام او النظر لايستطيع

ويحس بالجميع ويستيقظ من النوم ويصبح في حالة اليقظه

لكن بدون اي استطاعه على الحركه

...................

ونصيحه للأشخاص الي يعانون من الجاثوم

لأنهم ممكن يحاولوا يبتعدوا عن الذكر والصلاه

راح يلاحظون كل مازاد ايمانهم وتقربهم الى الله

كل ما زادت الحاله معاهم

وهذا الشي من الشيطان

عشان يخليك تحس ان الذكر سبب في معاناتك

وبكذا تبتعد عن الذكر وعن الله

ثابر وقوي ايمانك

واكيد راح تنتصر لأن الله معااااااااااك

اذا كنت معيون

حاول ان تجد الشخص المتسبب في العين

وخليه يتوضى وخذ الماء واتوضى بعده

واحرص على الأذكار في كل وقت

صقر فيصل · #17 07/12/2007, 08:30 AM

حياك الله أخوي الغدير الأزرق

موضوعك تحيف على قولة أبو ناصر

أخي الكريم أنا السنة الماضية عانيت كثيرا من الجاثوم..

لدرجة إني دورت وبحثت عنه كثير..

وكانت الإجابات زي ما تقول.. ناس يقولون أحتاج أداوم على أذكار النوم..
وناس يقولون.. أحتاج أعود للرياضة..

وبيني وبينك في هذيك الفترة كنت مصاب.. وتارك الرياضة فترة..

وفي نفس الوقت كنت غير مداوم على أذكار النوم..

ورجعت للرياضة..

ولأذكار النوم..

والحمد لله ما عاد يجيني..

يعني إذا استفدت من ردي هذا.. صفقني

بس حبيت أكتب رد ولو بسيط على موضوعك أخي الكريم..

شكرا جزيلا لك على هالموضوع الجميل
تقبل تحياتي وتقديري الفائقين

أول العنقود · #18 07/12/2007, 11:17 AM

و أنا حبيت أرد عليك بعد

يقولك من الحب من قتل , و ترى الجاثوت يحبك و علشان كذا يبي يذبحك

أنت خذ كلامي على محمل الجد و صدقني بتفلح

الجاثوم ما قد جاني لأنه ما يحبني و الحمد لله إنه ما يحبني !!

و نصيحة : لا تنام على وضعك الإستوائي

عاشق 10 الشلهوب · #19 07/12/2007, 11:54 AM

الحمد لله ماجاني

الغدير الازرق · #20 07/12/2007, 08:42 PM

ااالكاسرااا
هلا وسهلا .. هلا بك اخووي نورت الحتة ..!!

إقتباس


	والله كان يجيني لين ماصرت اسمع القران كثييير بصراااحة تعذبت والله

الحمدلله والشكر والله يشافيك ويعافيك أخووي
ولاتنسى ذكر الله على الدوااام .. (ألا بذكر تطمئن القلوب )

شرفتنا أخووي .. وشاكر لك مرورك وردك ..
ولاهنت ياغالي ..!!

======================
الـرايـــق
هلا بك اخووي .. شرفتنا ونورت الموضوع ..!!

إقتباس


	استبعد بان يكون السبب من ناحية كثرة المعاصي او تاخير الصلاة ولو كان ذلك صحيح لوردفيها نص صحيح عن الرسول او حتى احد الصحابه على الاقل وايضا العض الله يهديه يخلط مابين الكوابس والجواثيم مثل اللي يقول جاي بسلاسل ومدري وشلون سواليف هي ??! والموضوع اشبع طرح بالمنتديات وكلهم ما اتفقوا على سبب معين

والله ياخووي اختلفت الأسباب واحترنا من فيه صادق
لأن فيه مشائخ ذكروا هالنقطة وقالوا فيها إنها بسبب المعاصي
وفيه مختصين وأطباء ينفوون وينسبونها إلى تقلصلات بالعضلات عاااد انت
رااح تحتار بينهم لكن من الأولى إنك تاخذ الرأي السديد ..!!

شرفتنا أخووي .. وشاكر لك مرورك وردك ..
ولاهنت ياغالي ..!!

@الالماسه الهلاليه@ · #21 07/12/2007, 08:57 PM

والله اسمع كثير بالي اسمه جاثووم

ياحليله

وسمعت اسباب كثيره منه انك قبل لاتنااام تصيير اكل لك ضبيحه

امزح تصير مثقل في العشااء

وتجي دوغري تناام

طبعا هذا سبب من اسبااب لجووء الجااثووم الييك

<<<مسويه عربيه فصحى

طبعا كل وااحد يجييه هالجااثووم ((ما شااء الله علييه يمر على كل النااس ))) بس شكلك انت عطيته

وجه علشاان كذاا اخذه حلاا الاخوو

بس اذا صررت ما تبييه يجيك قبل لا تناام اقرااا سوره الكرسي وبعض الاذكاار وان شااء الله ما يسير

علييك ،،،

الغدير الازرق · #22 07/12/2007, 09:01 PM

مهما علا موجك
اهلاً وسهلاً .. هلا بك أخووي حياك وبياك وجعل الجنة مثواك ..!!

[QUOTE ]
وعليكم السلام ورحمة الله وبركاته ...
الله يعافيكم مما ابتلاكم ...
ولا تنسون الأذكار في أوقاتها ... يعني تقرا وردك في وقته وتقرا أذكار ما قبل النوم ..
والله يكفيكم الشر ...[/QUOTE]

الله يسلمك ويحفظك .. والله يكافيك شره ويحرسك من كل شر ..!!
وقواااك الله أخووي .. وشاكر لك مرورك وردك ..!!
ولاهنت ياغالي ..!!

=======================
Je t'aime Hilal
أهلاً وسهلاً .. هلا بك أختي .. حياكي وبياكي وجعل الجنة مثواكي ..!!

إقتباس


	أولاً أسأل الله العظيم أن يبعد عنك الجاثوم وجميع المسلمين أجمعين

اللهم آميين .. والله يحفظك وجميع المسلمين من كل سوء ..!!

إقتباس


	ثانياً بالنسبة لي الحمد لله لم أتعرض لمواقف مع الجاثوم الله يكفينا شره لكن قد مر على أختي وأخوي عاد أخوي يقول أنه ذاك اليوم كان مطفي النور يوم يجيه الجاثوم ومن عقبها ماعاد ينام إلا والنور مشغلة مدري عاد النور له تأثير وإلا لا

الله يستر عليهم بصراااحه هي كبداية ينتابك خووف بسيط لكن بعد كذا تتعود
وتصير عادة مثل الكوابيس

والله يحفظكم من كل سوء .. وشاكر لك مرورك وردك اختي ..!!

إقتباس


	يعطيك العافية على موضوعك المخيف

العفوو اختي بس مخيف مو كانك زودتيها

غلاهم وماخذه حلاهم · #23 08/12/2007, 12:27 AM

الحمد لله لك يار انه ماجاني .. والله يبعده عني ..

بس احسن اقرى الاذكار مع انه يجي حتى لو قريته بس احسن انك تقرى واهم شي الله اكبر تراي اخذت المعلومه

من زيزو الهلالي

شكلي ماراح انام ذي الليله

الله يكفيني شره وياكم ان شاء الله

يسلمووو عالموضوع

--> عزووز <-- · #24 08/12/2007, 12:58 AM

اهلاً وسهلن

بالنسبه لأبن الكلب ذا << ههههههههههههه الله يفكنا منه !!

قد مر علي كم مرررهـ ... المشكله زياراته ثقيله !!

ومع مرور الوقت والزمن والحصه .. قعدت افسر وش السالفه !!

وحاولت اشوف وش يسير ... يعني من كثر ماجا وجثم علي جثمت البعير صرت اعرف كيف افكه

اولاً : احاول اقرأ آية الكرسي ولا اقول لا إله إلا الله

ثانياً : اشد جسمي واشد العضلات اكثرررررررررررررررر ..

وبعد ان اطلعت على المعامله الصادرهـ بالمرسوم الملكي رقم 34 .. وهي :

بالعربي .. اذا ارخيت جسمك بالكامل .. وحسيت ان ابن الكلب قرب منك شد الجسم ويروووح ... او حاول تغير مكانك !!

قسمن اخوكم خبرهـ بذا الشئ .. عموماً ان شاء الله مايجيكم .. وماتشوفون شر

ويعطيك العافيه اخوي على الموضوع الراااائع

عالم الهلال · #25 08/12/2007, 01:34 AM

الجاثوم !!

الحمدلله ما أعرفه ولا قد زارنا - الله لا يجيبه -
أصلاُ ماعرفت معناه إلا من موضوعك

موضوعك فرصة للجميع أن يحصنوا
أنفسهم بالأذكار ويكونون بحفظ الله..

يعطيك العافية على الموضوع
وماتشوف شر ان شاء الله

دمت على طاعة الله

مَاهِينُورْ · #26 08/12/2007, 10:58 AM

**
وعليكم السلام ورحمة الله وبركاته .
هلا بخليفة الهليل

<< الهليل الرسام موب لاعب الهلال

..
قبل ماابدأ حبيت اوضح شي مهم

انه امس كتب رد طوييل وطار

،، ولازال مأثر على نفسيتي اذا شفتوا غلط بالرد فانا معذوره

..
**
(( الجاثوم ))
الله يعافي كل من ابتلي بحب الجاثووم له

..
الحمد لله مازارني الجاثووم الا مره واحده

..
لم يأتيني على شكل وحش

والحمد لله بس حسيت بثقل وزن البطانية

..
حاولت اني ارفعها لكن عجزت

..
قرأت آية الكرسي وحاولت ارفع صوتي بس مايطلع صوتي

..
وبعد جهد جهيد قدرت التفت على يساري ونفثت ثلاثاً وقدرت ارفع البطانية

..
والحمد لله هذي هي المرة الاولى والاخيرة باذن الله مع اني كنت في هالليلة قايلة وردي بس اتوقع اني نمت ماكملته

..
<< مادري هذا هو الجاثوم ولا لا

..
احدى قريباتي تقول انه جاآها على شكل رجل ضخم و أسود البشرة ولابس عمامة

..
أو كثير مايجي على شكل قطط

..
عموما هو مع المحافظة على اذكار النوم واهمها آية الكرسي فلا يزال عليك من الله حافظ حتى تصبح

..
×××××××××××××××××
* الغدير الازرق *
الله يعطيك العافية على الموضوع الرائع

..
واعذرني على رداءة الرد

..
بالنسبة للتنسيق اي وحد الي زي وجه عبد الوهاب

مالحقت على التنسيق الاول

<< بلاغة

..
***

شكراً لك طلال ورده ورده

×××××××××××××××××

الهلالي دائماً · #27 08/12/2007, 05:37 PM

هلا وغلا اخو انا صديق انا طلال انا غدير انا

أخبارك وعلومك ايه الغدير الأزرق إن شاء الله تمام ...

الصدق ولله الحمد ما اعرف ها الجاثوم ولا قد جاني ...

اسمع عنه كثير ولا استطيع ان افتي فيه

وكما قلت تعددت الأسباب والجاثوم واحد

بس مدري بصراحة انك قطعت نياط قلبي بموضوعك

بس الحمد لله انه ترك بحالك

وأنت خل عنك الخنبقة وان شاء الله ما يجيك أبد

>>> يسمع بالخنبقة

فتك بخير طلال ورده

الغدير الازرق · #28 08/12/2007, 08:53 PM

زعيمه قديمه
هلا بك أختي زعيمه .. حياكي وبياكي وجعل الجنة مثواكي ..!!

إقتباس


	والله ياخوي انا عانيت فتره من الي تقول وتعبت نفسيا لكن الحمدلله الآن كل شي تمام..

الحمدلله .. لكن الجاثووم ليس بمتعب قدر ماهو مزعج

خصوصاً إنه مايجي إلا إذا كان وراك دوااام وتبي تنام بدري

وألف حمدلله على سلامتك وخيتي ..!!

إقتباس


	المهم البعض يقول معاصي والي يقول الشخص معيون او مسحور ولها تفسير علمي يسمونه شلل النوم وسببه ارتخاء جميع عضلات الجسم

تعددت الأسباب والجاثووم وااحد

بصرااحه كل اللي ذكرتيه من اسباااب سبق إني سمعتها
لكن الكل أو البعض يطلع سبب من عنده بغرض إقناع الناس إنه فااهم
في هالأمور لكن الآن مايهمني السبب قدر مايهمني العلاج

والحمدلله علاجه القرآن والأذكاااار ..!!

إقتباس


	ونصيحه للأشخاص الي يعانون من الجاثوم لأنهم ممكن يحاولوا يبتعدوا عن الذكر والصلاه راح يلاحظون كل مازاد ايمانهم وتقربهم الى الله كل ما زادت الحاله معاهم وهذا الشي من الشيطان عشان يخليك تحس ان الذكر سبب في معاناتك وبكذا تبتعد عن الذكر وعن الله ثابر وقوي ايمانك واكيد راح تنتصر لأن الله معااااااااااك اذا كنت معيون حاول ان تجد الشخص المتسبب في العين وخليه يتوضى وخذ الماء واتوضى بعده واحرص على الأذكار في كل وقت

جزااااك الله كل خير .. نصيحة قيمة ووافي وكافية ..!!
وإن شاء الله يعمل بها ..!!

وشاكر لك مرورك وردك وخيتي .. وقواااك الله ..!!
ولاهنتي ..!!

=======================

abo sager

أهلاً وسهلاً فيك اخووي أبو صقر .. حللت أهلاً ووطأت سهلاً

إقتباس


	حياك الله أخوي الغدير الأزرق موضوعك تحيف على قولة أبو ناصر

الله يحييك ويبقيك أخووي ابو صقر شرفت الحتة يابعدهم
ومرورك اتحف << مدري كذا جمعها وإلا غلطان .. وينكم ياحقين الفصحى

إقتباس


	أخي الكريم أنا السنة الماضية عانيت كثيرا من الجاثوم.. لدرجة إني دورت وبحثت عنه كثير..

لاإله إلا الله من هالجاثووم لحق يزورك

إقتباس


	وبيني وبينك في هذيك الفترة كنت مصاب.. وتارك الرياضة فترة.. وفي نفس الوقت كنت غير مداوم على أذكار النوم.. ورجعت للرياضة.. ولأذكار النوم.. والحمد لله ما عاد يجيني..

ماتشووف شر ياغالي عسى الأصابة مهيب صفاق

الحمدلله على كل حاااال والحمدلله اللي فكك من شره ياهو قلق
وماينعطى وجه تصدق بعض المرات افكر إني اشوف شكله

واسأل الله أن يحميك أخووي أبو صقر وجميع المسلمين من كل سوء ...!!

إقتباس


	يعني إذا استفدت من ردي هذا.. صفقني بس حبيت أكتب رد ولو بسيط على موضوعك أخي الكريم..

لاوش دعووه أنت بمثابة الأستاذ وردودك تدرس حتى وإن كانت بسيطة

تشرفت بمرورك وردك اخووي أبو صقر .. وبارك الله فيك ..!!

إقتباس


	شكرا جزيلا لك على هالموضوع الجميل تقبل تحياتي وتقديري الفائقين

العفوو اخووي .. وشاكر لك تشريفك للموضوع ..!!
ولاهنت ياغالي ..!!

الغدير الازرق · #29 08/12/2007, 09:15 PM

أول العنقود
أهلاً وسهلاً بك اخوي أول العنقوود .. ياهلا بك نورت الحتة ياافندم

إقتباس


	و أنا حبيت أرد عليك بعد يقولك من الحب من قتل , و ترى الجاثوت يحبك و علشان كذا يبي يذبحك

حياااك الله رد يابعدي وخذ رااحتك

وشهوو حبه وشهوو قتل ياخوي شككتني بعمري

أجل يذبحني آآه منك تبي تلمح لشغلات مخفية تدور خلف الكواليس

إقتباس


	أنت خذ كلامي على محمل الجد و صدقني بتفلح

بخخخخخخخخخخخ وين افلح معه داامك انت اللي تنصحني

إقتباس


	الجاثوم ما قد جاني لأنه ما يحبني و الحمد لله إنه ما يحبني !!

الحمدلله وجعله دووم مايحبك

وحاووول بشتى الطرق إنك ماتكشخ قدااامه

إقتباس


	و نصيحة : لا تنام على وضعك الإستوائي

ابشر طال عمرك .. ونعم النصيحة

وشاااكر لك أخووي اول العنقود على مرورك وردك ..
وتشرفت بك ياغالي .. ولاهنت ..!!
===============================

عاشق 10 الشلهوب

إقتباس


	الحمد لله ماجاني

الحمدلله .. والله يحفظك ولايريك مكروه ..!!
وشاكر لك مرورك وردك ..!!

ابو طـــــلال · #30 09/12/2007, 03:24 AM

زليباااااان ....... اخبارك .. انت وهالمواضيع المؤسفة

ورى ماصوت لي !! يقالك صريح وحقاني ... تاركني ومصوت لاسيرة وانت تقول موضوعها بايخ

امزح ترى .. فيه من مزحات هوبا <<<<<

الجاثوم ... الله يكفينا شره ....... كان يجيني يوم انا مراهق كبرك طلال

وكنت اعاني منه بصراحه

والحين الحمد الله ............ ومايحتاج اقولكم ليه .. كلكم تعرفون اسباب زواله

شكرا يالاطخم ....... ياسفاب هالاسم عليك بس

لاتبطي علينا بمواضيعك .....ترى احتريها ....... ورى ماتشترك بموضوع انت وريري هكتور .. ( والله من التنسيم بروسكم يهالاثنين )