قصة طازة ... توها واصلة .... يذكر أن شاباً سعودياً متزوجاً سعودية !! ذهب بوالده المتزوج أكثر من مرة ... إلى سوريا لتركيب طقم أسنان ؟؟؟؟؟ ( حجة الرجال هالايام ؟؟) فعاد من سوريا بطقم حريم ؟؟؟؟؟؟؟؟ وحده للشاب المتزوج والثانية بنت اختها للشايب ؟؟؟؟ والظاهر إنهم هناك يزوجون بنظام خذ وحده والثانية معها مجاناً ؟؟؟؟؟ ههههههههههههههههه اللهم لك الحمد رجال آخر زمن ؟؟؟ انتبهن يا مغفلات لرجالكن ولا تخلن معهم ولا فلس لا ترحمين زوجك وتقترين على نفسك وعيالك بحجة يجمع لكم ؟؟ يجمع للأجنبية يا مغفلة ؟؟؟ ولا تعطينه راتبك إذا كنتي موظفة ترى يبني بيت ويسكنها ويطردك .... أحفظي مالك وعيالك وزوجك إن قدرتي والا قولي له في الشيطان اللي ما يحفظه إذا كان ماهو كفو يصون عشرتك معه ؟؟؟

هالايا قل الوفا في الازواج ؟؟؟؟؟ لو تشعل له زوجته السعودية أصابعها شمع ما ملا عينه !! اللي تراعي الاجنبية اللي بتعصره وترميه في كبد السعودية المسكينة !!!

كلامك سليم اخت المملكة وهذا الوضع اللي صاير

يروحون للعلاج وطقوم اسنان ويرجعون بطقوم حريم

بس كلامك انه تخلص فلوسه علشان مايعرس هذي مو الحل

الحل ان الرجال هذولا يبيلهم عين حمرا من اولها

وبعدين الحب والاخلاص ممكن انه يبعده عن التفكير بوحده ثانية

للاسف بعض السيدات تنسى نفسها واما انهاتحوووم من بيت لبيت وماتدري عن زوجها

هذا فيض من غيض بس مابي اتكلم <<<<< فيها تسطير وضرب

والللللللللللللللللللللله انك صادقه

بس ودي اعرف ياخت المملكه

انت زوجك متزوج عليك من الخارج

اشوفك متحمسه لذى المواضيع

وتذكرين موضوع



الله يخليكم ابي حل يرجعلي بنتي؟؟؟؟

أهلاً :

الأخ عاشق الثنيان 15 ....
صدقني .. لا حب ولا إخلاص بيمنع الرجال من الزواج بالأجنبية أو غيرها .. مشكلة رجالنا لا قعدوا في المجالس قوموا يتحدون بعض ويستفزون بعض مثل قولة ( أنت ما تقدر تعرس على زوجتك ؟؟ ) أو ( يا بن الحلال خذلك سورية والا مصرية جدد شبابك حتى لو كان توه معرس ؟؟؟؟ عمى يعميهم .. ثم يتميلح أخينا في الله وتأخذه العزة بالإثم ويشغل الواسطات علشان يطلع فيزة بعد أن يضع المسؤولين أمام الأمر الواقع بس الشرهه على هالمسؤولين اللي المويه تجري من تحت رجولهم وهم نايمين .. على النظام اللي حطوه ؟؟؟ وأخونا في الله ما يدرون أو هم يتجاهلون إن الأجنبية تتمسكن لين تمكن .. وقصدها كله الفلوس .. بينما بنت البلد تبي الإستقرار والجو العائلي اللي يوسع الصدر ...


الأخ MALABBAS :

المفروض أنت أول واحد يؤيدني لأنك انكويت من هالموضوع .. وأنت وأمثالك محل اهتمامي لأنكم جزء منا وهي أمانة كلمة لازم نقولها ونحذر منها حرصاً على مجتمعنا .. الذي أصبح مستهدفاً في كل شيء ... وأنا ما أطبق المثل اللي يقول ( طقةٍ في غيري خفسٍ في جدار !!!!!!!!!!!!! ) بالعكس ما يؤلمكم يؤلمني ؟؟


أما مسألة زوجي ... يخسي ما يسويها وان سواها مثل غيره.. هو الخسران ؟؟؟ بس لا ينتظر اني باظفه عقب ما ترميه الاجنبية ما كل حرمة ... حرمة .. ! واحد تحصل له المملكة ويدور غيرها إلا إذا كان مجنون ؟؟؟؟؟؟ والمجنون مصيره شهار ؟؟؟

وعلى كل حال شكرا لكم وتراني ريضه فيكم يا عيال الحاج متولي ؟؟؟؟؟؟؟؟؟

أنا دائما اقف مع المراة فى كل شئ والسبب أحس ان الحريم مساكين والرجال عندنا الواحد لا صار معه ريال صار شيخ ويبي يجيب بنت علشان ينبسط ويقول مليت من العجوز اللي عندي ............ مصدق نفسة راغب علامة ياربي لك الحمد والله يكون بعون الحريم والله .

أشوى هالحين تطمنت عليك من ( بسم الله الرحمن الرحيم ) ؟؟؟؟؟؟؟؟؟؟؟؟؟؟؟

ترى والله ماعليكي يااخت المملكه من كلام مجلس الرجال


وصدقيني الرجال هو الي ياخذ من بنات بلده

ويكون اسرة سعيدة ومتفاهمه ينشاء عنها رجال المستقبل ان شاء الله


ولافض فوك


ونحن معك على الدوام وطريق الصواب......

ونحن معك على الدوام وطريق الصواب...... [/B][/QUOTE]

إقتباس ويكون اسرة سعيدة ومتفاهمة ينشأ عنها رجال المستقبل إن شاء الله

أنت كــــــــــــــذا !!!!!!!!!!!!!!!!!!!!!!!!!!!!!!

والله إنك صادقه


الرجال مالهم أمان

ياناس النساء كيدهن عظيم

يمكن القصه من مجلس قالت فلانه وقالت فلانه


بعدين اصابع اليد ماهي سوى


مشكوره اختى المملكه

شكرا لكم ............... بس يا عارف الهلالي ......... القصة واقعية 1000000% وهناك قصص أدهى وأمر ............. والفيز المصروفة في الداخلية تتحدث أرقامها عن ذلك ويا ليتها تصرف لمن تنطبق عليهم الشروط كان الأمر هين .. لكن اللي قاعدين يا خذونها .. هم شباب انهبل .. الله يجيرك .. خذ هالقصة اللي تموت ضحك من القهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واحد تزوج الشغالة بحجة أن تبقى تعتني بامه لأن زوجته مثل ما يبرر لا تؤدي الدور المطلوب ... على باله الشغالة بتظل تعتبر نفسها شغالة ما درى إنها بتقول ماعلي من امك مثلي مثل زوجتك لأني زوجتك ؟؟؟؟ لا ويمكن تطلب شغالة ؟؟ ليه لا؟؟؟ بذمتكم هذا عذر ؟؟ كان بإمكانه يجيب ممرضة تشرف عليها زوجته .. وهو رجل البيت غصب عليها تقوم بواجبها .. بس وش نقول ؟؟؟ ما عاد فيه رجاجيل ....... !!!!! إلا من رحم ربك ؟؟؟؟ من بغى العذر لقاه .....؟؟؟؟؟؟؟؟؟؟؟؟؟؟؟؟

عزيزتي المملكة :

والله يانتي شايله على الرجال شيل

وبعدين احنا وش دخلنا بهالسوالف عيب تونا صغار على الزواج


<<<=== وش يبي هذا

هدي اعصابك بس

والدنيا فيها الخير وفيها الشر وكل واحد له اسبابه

اكيد اي واحد عاقل ماراح يفرط بالزوجة السعودية
يكفي انها بنت رجال واخت رجال ومحد يقدر يعيبها بشي

لكن عزيزتي المملكة كل قاعده لها شواذ ومن الطرفين فيه بنات مايستحقون الزواج والشغالات اطلق منهن
وفيه رجال مايستحقون ظفر البنت السعودية
يعني من كل الطرفين فيه كذا وكذا

والعاقل يعرف كيف يختار ومن يختار

والله يرزقنا وياكم زوجة سعودية صالحة عاقلة مزيونة تعرف ربها وتربي عياله احسن تربية <<== طماااااع

اخوكم/ أمجد

الله واكبر يالنونو .. يا أمجـد ؟؟؟؟؟؟؟؟؟؟؟؟؟ حتى النونو صاروا ينولدون وقلوبهم أكبرمنهم ......... وبعدين المسألة لم تعد قاعدة وشواذ !! القضية أصبحت أكبر بكثير . تحتاج تدخل قوي من المسؤولين أمام سرقة وبيع الفيز ؟؟؟؟؟؟؟؟؟؟؟؟ فهمت يا جنين أمه ؟؟؟؟؟؟؟؟؟؟؟؟؟؟؟


وبعدين لي طلب يا أخي أمجد كنت ناوية أطلبه منك .. أبيك تعمل لي فلاش لتثبيته في توقيعي عبارة عن ( السيفين والنخلة ) أو العلم السعودي .. وش تقول ؟؟؟؟؟؟؟؟؟ وأكون لك من الشاكرين ...

هههههههههههههههههههههههههه



ردة فعلك ماهي طبيعيةمتحمسة كثير للموضوع

وبالنسبة لوزارة الداخليه اللي اعرفه ان اللي يبي يتزوج من برا

يدفع لهم خمسة وعشرين الف ريال

كسبب للحد من الزواج من الخارج

اما المنع نهائي صعبة لان مافي شي بالدين يمنع الزواج من الخارج حتى لو كان فيه بنات بالديرة اولى تظل حرية شخصية

وكل واحد وضميره انا شخصيا مستحيل اناظر براااا لذلك هدئي اعصابك وانا مالي شغل

<<<== عليه هجوم من المملكة والفيصلية


تحياتي لك على الموضوع الشيق والمهم جدا جدا جدا

والله ما ادري عنك يا امجـــــــد ؟؟؟؟؟؟؟؟؟؟؟؟؟؟؟؟ ردت فعلك انت ماهي طبيعية .... لا تكون أمك أجنبية اسمك ( أمجد ) ..!!!!!!!!! وبعدين الفيز ما تعطى إلا لمن تنطبق عليهم الشروط ... وخل عنك الحرية الشخصية ما ذبحنا الا مثل هالكلام .. إذا كان الواحد ما يعرف وين مصلحة نفسه ... كل المصايب ما جت الا ورا هالحرية الشخصية اللي مايستاهلها الا اللي يقدرها ويستثمرها في خير دينه ونفسه وأهله ووطنه ...( وخيركم .. خيركم لاهله )

المهم ما جاوبت على الطلب .... الاختلاف في الرأي لا يفسد للرد قضية ؟؟؟؟؟ والا لا ؟؟؟